| Library / Tipiṭaka / ติปิฎก • Tipiṭaka / กถาวตฺถุปาฬิ • Kathāvatthupāḷi |
๑๑. เอกาทสมวโคฺค
11. Ekādasamavaggo
(๑๑๐) ๕. ญาณํ จิตฺตวิปฺปยุตฺตนฺติกถา
(110) 5. Ñāṇaṃ cittavippayuttantikathā
๖๑๖. ญาณํ จิตฺตวิปฺปยุตฺตนฺติ? อามนฺตาฯ รูปํ นิพฺพานํ จกฺขายตนํ…เป.… โผฎฺฐพฺพายตนนฺติ? น เหวํ วตฺตเพฺพ…เป.… ญาณํ จิตฺตวิปฺปยุตฺตนฺติ? อามนฺตาฯ ปญฺญา ปญฺญินฺทฺริยํ ปญฺญาพลํ สมฺมาทิฎฺฐิ ธมฺมวิจยสโมฺพชฺฌโงฺค จิตฺตวิปฺปยุโตฺตติ? น เหวํ วตฺตเพฺพ…เป.… ปญฺญา ปญฺญินฺทฺริยํ ปญฺญาพลํ สมฺมาทิฎฺฐิ ธมฺมวิจยสโมฺพชฺฌโงฺค จิตฺตสมฺปยุโตฺตติ? อามนฺตาฯ ญาณํ จิตฺตสมฺปยุตฺตนฺติ? น เหวํ วตฺตเพฺพ…เป.…ฯ
616. Ñāṇaṃ cittavippayuttanti? Āmantā. Rūpaṃ nibbānaṃ cakkhāyatanaṃ…pe… phoṭṭhabbāyatananti? Na hevaṃ vattabbe…pe… ñāṇaṃ cittavippayuttanti? Āmantā. Paññā paññindriyaṃ paññābalaṃ sammādiṭṭhi dhammavicayasambojjhaṅgo cittavippayuttoti? Na hevaṃ vattabbe…pe… paññā paññindriyaṃ paññābalaṃ sammādiṭṭhi dhammavicayasambojjhaṅgo cittasampayuttoti? Āmantā. Ñāṇaṃ cittasampayuttanti? Na hevaṃ vattabbe…pe….
ญาณํ จิตฺตวิปฺปยุตฺตนฺติ? อามนฺตาฯ กตมกฺขนฺธปริยาปนฺนนฺติ ? สงฺขารกฺขนฺธปริยาปนฺนนฺติฯ สงฺขารกฺขโนฺธ จิตฺตวิปฺปยุโตฺตติ? น เหวํ วตฺตเพฺพ…เป.… สงฺขารกฺขโนฺธ จิตฺตวิปฺปยุโตฺตติ? อามนฺตาฯ เวทนากฺขโนฺธ สญฺญากฺขโนฺธ จิตฺตวิปฺปยุโตฺตติ? น เหวํ วตฺตเพฺพ…เป.… ญาณํ สงฺขารกฺขนฺธปริยาปนฺนํ จิตฺตวิปฺปยุตฺตนฺติ? อามนฺตาฯ ปญฺญา สงฺขารกฺขนฺธปริยาปนฺนา จิตฺตวิปฺปยุตฺตาติ? น เหวํ วตฺตเพฺพ…เป.… ปญฺญา สงฺขารกฺขนฺธปริยาปนฺนา จิตฺตสมฺปยุตฺตาติ? อามนฺตาฯ ญาณํ สงฺขารกฺขนฺธปริยาปนฺนํ จิตฺตสมฺปยุตฺตนฺติ? น เหวํ วตฺตเพฺพ…เป.… ญาณํ สงฺขารกฺขนฺธปริยาปนฺนํ จิตฺตวิปฺปยุตฺตํ, ปญฺญา สงฺขารกฺขนฺธปริยาปนฺนา จิตฺตสมฺปยุตฺตาติ? อามนฺตาฯ สงฺขารกฺขโนฺธ เอกเทโส จิตฺตสมฺปยุโตฺต เอกเทโส จิตฺตวิปฺปยุโตฺตติ? น เหวํ วตฺตเพฺพ…เป.… สงฺขารกฺขโนฺธ เอกเทโส จิตฺตสมฺปยุโตฺต เอกเทโส จิตฺตวิปฺปยุโตฺตติ? อามนฺตาฯ เวทนากฺขโนฺธ สญฺญากฺขโนฺธ เอกเทโส จิตฺตสมฺปยุโตฺต เอกเทโส จิตฺตวิปฺปยุโตฺตติ? น เหวํ วตฺตเพฺพ…เป.…ฯ
Ñāṇaṃ cittavippayuttanti? Āmantā. Katamakkhandhapariyāpannanti ? Saṅkhārakkhandhapariyāpannanti. Saṅkhārakkhandho cittavippayuttoti? Na hevaṃ vattabbe…pe… saṅkhārakkhandho cittavippayuttoti? Āmantā. Vedanākkhandho saññākkhandho cittavippayuttoti? Na hevaṃ vattabbe…pe… ñāṇaṃ saṅkhārakkhandhapariyāpannaṃ cittavippayuttanti? Āmantā. Paññā saṅkhārakkhandhapariyāpannā cittavippayuttāti? Na hevaṃ vattabbe…pe… paññā saṅkhārakkhandhapariyāpannā cittasampayuttāti? Āmantā. Ñāṇaṃ saṅkhārakkhandhapariyāpannaṃ cittasampayuttanti? Na hevaṃ vattabbe…pe… ñāṇaṃ saṅkhārakkhandhapariyāpannaṃ cittavippayuttaṃ, paññā saṅkhārakkhandhapariyāpannā cittasampayuttāti? Āmantā. Saṅkhārakkhandho ekadeso cittasampayutto ekadeso cittavippayuttoti? Na hevaṃ vattabbe…pe… saṅkhārakkhandho ekadeso cittasampayutto ekadeso cittavippayuttoti? Āmantā. Vedanākkhandho saññākkhandho ekadeso cittasampayutto ekadeso cittavippayuttoti? Na hevaṃ vattabbe…pe….
๖๑๗. น วตฺตพฺพํ – ‘‘ญาณํ จิตฺตวิปฺปยุตฺต’’นฺติ? อามนฺตาฯ อรหา จกฺขุวิญฺญาณสมงฺคี ‘‘ญาณี’’ติ วตฺตโพฺพติ? อามนฺตาฯ ญาณํ เตน จิเตฺตน สมฺปยุตฺตนฺติ? น เหวํ วตฺตเพฺพฯ เตน หิ ญาณํ จิตฺตวิปฺปยุตฺตนฺติฯ
617. Na vattabbaṃ – ‘‘ñāṇaṃ cittavippayutta’’nti? Āmantā. Arahā cakkhuviññāṇasamaṅgī ‘‘ñāṇī’’ti vattabboti? Āmantā. Ñāṇaṃ tena cittena sampayuttanti? Na hevaṃ vattabbe. Tena hi ñāṇaṃ cittavippayuttanti.
อรหา จกฺขุวิญฺญาณสมงฺคี ‘‘ปญฺญวา’’ติ วตฺตโพฺพติ 1? อามนฺตาฯ ปญฺญา เตน จิเตฺตน สมฺปยุตฺตาติ? น เหวํ วตฺตเพฺพฯ เตน หิ ปญฺญา จิตฺตวิปฺปยุตฺตาติฯ
Arahā cakkhuviññāṇasamaṅgī ‘‘paññavā’’ti vattabboti 2? Āmantā. Paññā tena cittena sampayuttāti? Na hevaṃ vattabbe. Tena hi paññā cittavippayuttāti.
ญาณํ จิตฺตวิปฺปยุตฺตนฺติกถา นิฎฺฐิตาฯ
Ñāṇaṃ cittavippayuttantikathā niṭṭhitā.
Footnotes:
Related texts:
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๕. ญาณํ จิตฺตวิปฺปยุตฺตนฺติกถาวณฺณนา • 5. Ñāṇaṃ cittavippayuttantikathāvaṇṇanā
