| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
੧੧. ਏਕਾਦਸਮવਗ੍ਗੋ
11. Ekādasamavaggo
(੧੧੦) ੫. ਞਾਣਂ ਚਿਤ੍ਤવਿਪ੍ਪਯੁਤ੍ਤਨ੍ਤਿਕਥਾ
(110) 5. Ñāṇaṃ cittavippayuttantikathā
੬੧੬. ਞਾਣਂ ਚਿਤ੍ਤવਿਪ੍ਪਯੁਤ੍ਤਨ੍ਤਿ? ਆਮਨ੍ਤਾ। ਰੂਪਂ ਨਿਬ੍ਬਾਨਂ ਚਕ੍ਖਾਯਤਨਂ…ਪੇ॰… ਫੋਟ੍ਠਬ੍ਬਾਯਤਨਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਞਾਣਂ ਚਿਤ੍ਤવਿਪ੍ਪਯੁਤ੍ਤਨ੍ਤਿ? ਆਮਨ੍ਤਾ। ਪਞ੍ਞਾ ਪਞ੍ਞਿਨ੍ਦ੍ਰਿਯਂ ਪਞ੍ਞਾਬਲਂ ਸਮ੍ਮਾਦਿਟ੍ਠਿ ਧਮ੍ਮવਿਚਯਸਮ੍ਬੋਜ੍ਝਙ੍ਗੋ ਚਿਤ੍ਤવਿਪ੍ਪਯੁਤ੍ਤੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਪਞ੍ਞਾ ਪਞ੍ਞਿਨ੍ਦ੍ਰਿਯਂ ਪਞ੍ਞਾਬਲਂ ਸਮ੍ਮਾਦਿਟ੍ਠਿ ਧਮ੍ਮવਿਚਯਸਮ੍ਬੋਜ੍ਝਙ੍ਗੋ ਚਿਤ੍ਤਸਮ੍ਪਯੁਤ੍ਤੋਤਿ? ਆਮਨ੍ਤਾ। ਞਾਣਂ ਚਿਤ੍ਤਸਮ੍ਪਯੁਤ੍ਤਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
616. Ñāṇaṃ cittavippayuttanti? Āmantā. Rūpaṃ nibbānaṃ cakkhāyatanaṃ…pe… phoṭṭhabbāyatananti? Na hevaṃ vattabbe…pe… ñāṇaṃ cittavippayuttanti? Āmantā. Paññā paññindriyaṃ paññābalaṃ sammādiṭṭhi dhammavicayasambojjhaṅgo cittavippayuttoti? Na hevaṃ vattabbe…pe… paññā paññindriyaṃ paññābalaṃ sammādiṭṭhi dhammavicayasambojjhaṅgo cittasampayuttoti? Āmantā. Ñāṇaṃ cittasampayuttanti? Na hevaṃ vattabbe…pe….
ਞਾਣਂ ਚਿਤ੍ਤવਿਪ੍ਪਯੁਤ੍ਤਨ੍ਤਿ? ਆਮਨ੍ਤਾ। ਕਤਮਕ੍ਖਨ੍ਧਪਰਿਯਾਪਨ੍ਨਨ੍ਤਿ ? ਸਙ੍ਖਾਰਕ੍ਖਨ੍ਧਪਰਿਯਾਪਨ੍ਨਨ੍ਤਿ। ਸਙ੍ਖਾਰਕ੍ਖਨ੍ਧੋ ਚਿਤ੍ਤવਿਪ੍ਪਯੁਤ੍ਤੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਸਙ੍ਖਾਰਕ੍ਖਨ੍ਧੋ ਚਿਤ੍ਤવਿਪ੍ਪਯੁਤ੍ਤੋਤਿ? ਆਮਨ੍ਤਾ। વੇਦਨਾਕ੍ਖਨ੍ਧੋ ਸਞ੍ਞਾਕ੍ਖਨ੍ਧੋ ਚਿਤ੍ਤવਿਪ੍ਪਯੁਤ੍ਤੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਞਾਣਂ ਸਙ੍ਖਾਰਕ੍ਖਨ੍ਧਪਰਿਯਾਪਨ੍ਨਂ ਚਿਤ੍ਤવਿਪ੍ਪਯੁਤ੍ਤਨ੍ਤਿ? ਆਮਨ੍ਤਾ। ਪਞ੍ਞਾ ਸਙ੍ਖਾਰਕ੍ਖਨ੍ਧਪਰਿਯਾਪਨ੍ਨਾ ਚਿਤ੍ਤવਿਪ੍ਪਯੁਤ੍ਤਾਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਪਞ੍ਞਾ ਸਙ੍ਖਾਰਕ੍ਖਨ੍ਧਪਰਿਯਾਪਨ੍ਨਾ ਚਿਤ੍ਤਸਮ੍ਪਯੁਤ੍ਤਾਤਿ? ਆਮਨ੍ਤਾ। ਞਾਣਂ ਸਙ੍ਖਾਰਕ੍ਖਨ੍ਧਪਰਿਯਾਪਨ੍ਨਂ ਚਿਤ੍ਤਸਮ੍ਪਯੁਤ੍ਤਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਞਾਣਂ ਸਙ੍ਖਾਰਕ੍ਖਨ੍ਧਪਰਿਯਾਪਨ੍ਨਂ ਚਿਤ੍ਤવਿਪ੍ਪਯੁਤ੍ਤਂ, ਪਞ੍ਞਾ ਸਙ੍ਖਾਰਕ੍ਖਨ੍ਧਪਰਿਯਾਪਨ੍ਨਾ ਚਿਤ੍ਤਸਮ੍ਪਯੁਤ੍ਤਾਤਿ? ਆਮਨ੍ਤਾ। ਸਙ੍ਖਾਰਕ੍ਖਨ੍ਧੋ ਏਕਦੇਸੋ ਚਿਤ੍ਤਸਮ੍ਪਯੁਤ੍ਤੋ ਏਕਦੇਸੋ ਚਿਤ੍ਤવਿਪ੍ਪਯੁਤ੍ਤੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਸਙ੍ਖਾਰਕ੍ਖਨ੍ਧੋ ਏਕਦੇਸੋ ਚਿਤ੍ਤਸਮ੍ਪਯੁਤ੍ਤੋ ਏਕਦੇਸੋ ਚਿਤ੍ਤવਿਪ੍ਪਯੁਤ੍ਤੋਤਿ? ਆਮਨ੍ਤਾ। વੇਦਨਾਕ੍ਖਨ੍ਧੋ ਸਞ੍ਞਾਕ੍ਖਨ੍ਧੋ ਏਕਦੇਸੋ ਚਿਤ੍ਤਸਮ੍ਪਯੁਤ੍ਤੋ ਏਕਦੇਸੋ ਚਿਤ੍ਤવਿਪ੍ਪਯੁਤ੍ਤੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Ñāṇaṃ cittavippayuttanti? Āmantā. Katamakkhandhapariyāpannanti ? Saṅkhārakkhandhapariyāpannanti. Saṅkhārakkhandho cittavippayuttoti? Na hevaṃ vattabbe…pe… saṅkhārakkhandho cittavippayuttoti? Āmantā. Vedanākkhandho saññākkhandho cittavippayuttoti? Na hevaṃ vattabbe…pe… ñāṇaṃ saṅkhārakkhandhapariyāpannaṃ cittavippayuttanti? Āmantā. Paññā saṅkhārakkhandhapariyāpannā cittavippayuttāti? Na hevaṃ vattabbe…pe… paññā saṅkhārakkhandhapariyāpannā cittasampayuttāti? Āmantā. Ñāṇaṃ saṅkhārakkhandhapariyāpannaṃ cittasampayuttanti? Na hevaṃ vattabbe…pe… ñāṇaṃ saṅkhārakkhandhapariyāpannaṃ cittavippayuttaṃ, paññā saṅkhārakkhandhapariyāpannā cittasampayuttāti? Āmantā. Saṅkhārakkhandho ekadeso cittasampayutto ekadeso cittavippayuttoti? Na hevaṃ vattabbe…pe… saṅkhārakkhandho ekadeso cittasampayutto ekadeso cittavippayuttoti? Āmantā. Vedanākkhandho saññākkhandho ekadeso cittasampayutto ekadeso cittavippayuttoti? Na hevaṃ vattabbe…pe….
੬੧੭. ਨ વਤ੍ਤਬ੍ਬਂ – ‘‘ਞਾਣਂ ਚਿਤ੍ਤવਿਪ੍ਪਯੁਤ੍ਤ’’ਨ੍ਤਿ? ਆਮਨ੍ਤਾ। ਅਰਹਾ ਚਕ੍ਖੁવਿਞ੍ਞਾਣਸਮਙ੍ਗੀ ‘‘ਞਾਣੀ’’ਤਿ વਤ੍ਤਬ੍ਬੋਤਿ? ਆਮਨ੍ਤਾ। ਞਾਣਂ ਤੇਨ ਚਿਤ੍ਤੇਨ ਸਮ੍ਪਯੁਤ੍ਤਨ੍ਤਿ? ਨ ਹੇવਂ વਤ੍ਤਬ੍ਬੇ। ਤੇਨ ਹਿ ਞਾਣਂ ਚਿਤ੍ਤવਿਪ੍ਪਯੁਤ੍ਤਨ੍ਤਿ।
617. Na vattabbaṃ – ‘‘ñāṇaṃ cittavippayutta’’nti? Āmantā. Arahā cakkhuviññāṇasamaṅgī ‘‘ñāṇī’’ti vattabboti? Āmantā. Ñāṇaṃ tena cittena sampayuttanti? Na hevaṃ vattabbe. Tena hi ñāṇaṃ cittavippayuttanti.
ਅਰਹਾ ਚਕ੍ਖੁવਿਞ੍ਞਾਣਸਮਙ੍ਗੀ ‘‘ਪਞ੍ਞવਾ’’ਤਿ વਤ੍ਤਬ੍ਬੋਤਿ 1? ਆਮਨ੍ਤਾ। ਪਞ੍ਞਾ ਤੇਨ ਚਿਤ੍ਤੇਨ ਸਮ੍ਪਯੁਤ੍ਤਾਤਿ? ਨ ਹੇવਂ વਤ੍ਤਬ੍ਬੇ। ਤੇਨ ਹਿ ਪਞ੍ਞਾ ਚਿਤ੍ਤવਿਪ੍ਪਯੁਤ੍ਤਾਤਿ।
Arahā cakkhuviññāṇasamaṅgī ‘‘paññavā’’ti vattabboti 2? Āmantā. Paññā tena cittena sampayuttāti? Na hevaṃ vattabbe. Tena hi paññā cittavippayuttāti.
ਞਾਣਂ ਚਿਤ੍ਤવਿਪ੍ਪਯੁਤ੍ਤਨ੍ਤਿਕਥਾ ਨਿਟ੍ਠਿਤਾ।
Ñāṇaṃ cittavippayuttantikathā niṭṭhitā.
Footnotes:
Related texts:
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੫. ਞਾਣਂ ਚਿਤ੍ਤવਿਪ੍ਪਯੁਤ੍ਤਨ੍ਤਿਕਥਾવਣ੍ਣਨਾ • 5. Ñāṇaṃ cittavippayuttantikathāvaṇṇanā
