| Library / Tipiṭaka / তিপিটক • Tipiṭaka / পঞ্চপকরণ-অট্ঠকথা • Pañcapakaraṇa-aṭṭhakathā |
৫. ঞাণং চিত্তৰিপ্পযুত্তন্তিকথাৰণ্ণনা
5. Ñāṇaṃ cittavippayuttantikathāvaṇṇanā
৬১৬-৬১৭. ইদানি ঞাণং চিত্তৰিপ্পযুত্তন্তিকথা নাম হোতি। তত্থ যস্মা অরহা চক্খুৰিঞ্ঞাণাদিসমঙ্গী পটিলদ্ধং মগ্গঞাণং সন্ধায ‘‘ঞাণী’’তি ৰুচ্চতি, ন চস্স তং তেন চিত্তেন সম্পযুত্তং, তস্মা ‘‘ঞাণং চিত্তৰিপ্পযুত্ত’’ন্তি যেসং লদ্ধি, সেয্যথাপি পুব্বসেলিযানং; তে সন্ধায পুচ্ছা সকৰাদিস্স, পটিঞ্ঞা ইতরস্স। অথ নং ‘‘যদি তে ঞাণং চিত্তৰিপ্পযুত্তং চিত্তৰিপ্পযুত্তেসু রূপাদীসু অঞ্ঞতরং সিযা’’তি চোদেতুং রূপন্তিআদিমাহ। ইতরো পটিক্খিপতি। সেসং হেট্ঠা ৰুত্তনযমেৰ। পরিযোসানে পন পঞ্ঞৰাতি পুট্ঠো পটিলাভৰসেন তং পৰত্তিং ইচ্ছতি, তস্মা পটিজানাতীতি।
616-617. Idāni ñāṇaṃ cittavippayuttantikathā nāma hoti. Tattha yasmā arahā cakkhuviññāṇādisamaṅgī paṭiladdhaṃ maggañāṇaṃ sandhāya ‘‘ñāṇī’’ti vuccati, na cassa taṃ tena cittena sampayuttaṃ, tasmā ‘‘ñāṇaṃ cittavippayutta’’nti yesaṃ laddhi, seyyathāpi pubbaseliyānaṃ; te sandhāya pucchā sakavādissa, paṭiññā itarassa. Atha naṃ ‘‘yadi te ñāṇaṃ cittavippayuttaṃ cittavippayuttesu rūpādīsu aññataraṃ siyā’’ti codetuṃ rūpantiādimāha. Itaro paṭikkhipati. Sesaṃ heṭṭhā vuttanayameva. Pariyosāne pana paññavāti puṭṭho paṭilābhavasena taṃ pavattiṃ icchati, tasmā paṭijānātīti.
ঞাণং চিত্তৰিপ্পযুত্তন্তিকথাৰণ্ণনা।
Ñāṇaṃ cittavippayuttantikathāvaṇṇanā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (১১০) ৫. ঞাণং চিত্তৰিপ্পযুত্তন্তিকথা • (110) 5. Ñāṇaṃ cittavippayuttantikathā
