| Library / Tipiṭaka / ติปิฎก • Tipiṭaka / ปญฺจปกรณ-อฎฺฐกถา • Pañcapakaraṇa-aṭṭhakathā |
๕. ญาณํ จิตฺตวิปฺปยุตฺตนฺติกถาวณฺณนา
5. Ñāṇaṃ cittavippayuttantikathāvaṇṇanā
๖๑๖-๖๑๗. อิทานิ ญาณํ จิตฺตวิปฺปยุตฺตนฺติกถา นาม โหติฯ ตตฺถ ยสฺมา อรหา จกฺขุวิญฺญาณาทิสมงฺคี ปฎิลทฺธํ มคฺคญาณํ สนฺธาย ‘‘ญาณี’’ติ วุจฺจติ, น จสฺส ตํ เตน จิเตฺตน สมฺปยุตฺตํ, ตสฺมา ‘‘ญาณํ จิตฺตวิปฺปยุตฺต’’นฺติ เยสํ ลทฺธิ, เสยฺยถาปิ ปุพฺพเสลิยานํ; เต สนฺธาย ปุจฺฉา สกวาทิสฺส, ปฎิญฺญา อิตรสฺสฯ อถ นํ ‘‘ยทิ เต ญาณํ จิตฺตวิปฺปยุตฺตํ จิตฺตวิปฺปยุเตฺตสุ รูปาทีสุ อญฺญตรํ สิยา’’ติ โจเทตุํ รูปนฺติอาทิมาหฯ อิตโร ปฎิกฺขิปติฯ เสสํ เหฎฺฐา วุตฺตนยเมวฯ ปริโยสาเน ปน ปญฺญวาติ ปุโฎฺฐ ปฎิลาภวเสน ตํ ปวตฺติํ อิจฺฉติ, ตสฺมา ปฎิชานาตีติฯ
616-617. Idāni ñāṇaṃ cittavippayuttantikathā nāma hoti. Tattha yasmā arahā cakkhuviññāṇādisamaṅgī paṭiladdhaṃ maggañāṇaṃ sandhāya ‘‘ñāṇī’’ti vuccati, na cassa taṃ tena cittena sampayuttaṃ, tasmā ‘‘ñāṇaṃ cittavippayutta’’nti yesaṃ laddhi, seyyathāpi pubbaseliyānaṃ; te sandhāya pucchā sakavādissa, paṭiññā itarassa. Atha naṃ ‘‘yadi te ñāṇaṃ cittavippayuttaṃ cittavippayuttesu rūpādīsu aññataraṃ siyā’’ti codetuṃ rūpantiādimāha. Itaro paṭikkhipati. Sesaṃ heṭṭhā vuttanayameva. Pariyosāne pana paññavāti puṭṭho paṭilābhavasena taṃ pavattiṃ icchati, tasmā paṭijānātīti.
ญาณํ จิตฺตวิปฺปยุตฺตนฺติกถาวณฺณนาฯ
Ñāṇaṃ cittavippayuttantikathāvaṇṇanā.
Related texts:
ติปิฎก (มูล) • Tipiṭaka (Mūla) / อภิธมฺมปิฎก • Abhidhammapiṭaka / กถาวตฺถุปาฬิ • Kathāvatthupāḷi / (๑๑๐) ๕. ญาณํ จิตฺตวิปฺปยุตฺตนฺติกถา • (110) 5. Ñāṇaṃ cittavippayuttantikathā
