| Library / Tipiṭaka / තිපිටක • Tipiṭaka / පඤ්‌චපකරණ-අට්‌ඨකථා • Pañcapakaraṇa-aṭṭhakathā |
5. ඤාණං චිත්‌තවිප්‌පයුත්‌තන්‌තිකථාවණ්‌ණනා
5. Ñāṇaṃ cittavippayuttantikathāvaṇṇanā
616-617. ඉදානි ඤාණං චිත්‌තවිප්‌පයුත්‌තන්‌තිකථා නාම හොති. තත්‌ථ යස්‌මා අරහා චක්‌ඛුවිඤ්‌ඤාණාදිසමඞ්‌ගී පටිලද්‌ධං මග්‌ගඤාණං සන්‌ධාය ‘‘ඤාණී’’ති වුච්‌චති, න චස්‌ස තං තෙන චිත්‌තෙන සම්‌පයුත්‌තං, තස්‌මා ‘‘ඤාණං චිත්‌තවිප්‌පයුත්‌ත’’න්‌ති යෙසං ලද්‌ධි, සෙය්‍යථාපි පුබ්‌බසෙලියානං; තෙ සන්‌ධාය පුච්‌ඡා සකවාදිස්‌ස, පටිඤ්‌ඤා ඉතරස්‌ස. අථ නං ‘‘යදි තෙ ඤාණං චිත්‌තවිප්‌පයුත්‌තං චිත්‌තවිප්‌පයුත්‌තෙසු රූපාදීසු අඤ්‌ඤතරං සියා’’ති චොදෙතුං රූපන්‌තිආදිමාහ. ඉතරො පටික්‌ඛිපති. සෙසං හෙට්‌ඨා වුත්‌තනයමෙව. පරියොසානෙ පන පඤ්‌ඤවාති පුට්‌ඨො පටිලාභවසෙන තං පවත්‌තිං ඉච්‌ඡති, තස්‌මා පටිජානාතීති.
616-617. Idāni ñāṇaṃ cittavippayuttantikathā nāma hoti. Tattha yasmā arahā cakkhuviññāṇādisamaṅgī paṭiladdhaṃ maggañāṇaṃ sandhāya ‘‘ñāṇī’’ti vuccati, na cassa taṃ tena cittena sampayuttaṃ, tasmā ‘‘ñāṇaṃ cittavippayutta’’nti yesaṃ laddhi, seyyathāpi pubbaseliyānaṃ; te sandhāya pucchā sakavādissa, paṭiññā itarassa. Atha naṃ ‘‘yadi te ñāṇaṃ cittavippayuttaṃ cittavippayuttesu rūpādīsu aññataraṃ siyā’’ti codetuṃ rūpantiādimāha. Itaro paṭikkhipati. Sesaṃ heṭṭhā vuttanayameva. Pariyosāne pana paññavāti puṭṭho paṭilābhavasena taṃ pavattiṃ icchati, tasmā paṭijānātīti.
ඤාණං චිත්‌තවිප්‌පයුත්‌තන්‌තිකථාවණ්‌ණනා.
Ñāṇaṃ cittavippayuttantikathāvaṇṇanā.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / කථාවත්‌ථුපාළි • Kathāvatthupāḷi / (110) 5. ඤාණං චිත්‌තවිප්‌පයුත්‌තන්‌තිකථා • (110) 5. Ñāṇaṃ cittavippayuttantikathā
