| Library / Tipiṭaka / திபிடக • Tipiṭaka / படிஸம்பி⁴தா³மக்³க³-அட்ட²கதா² • Paṭisambhidāmagga-aṭṭhakathā |
20-24. ஞாணபஞ்சகனித்³தே³ஸவண்ணனா
20-24. Ñāṇapañcakaniddesavaṇṇanā
75. ஞாணபஞ்சகனித்³தே³ஸே தேஸங் பஞ்சன்னங் ஞாணானங் அனுபுப்³ப³ஸம்ப³ந்த⁴ஸப்³பா⁴வதோ ஏகதோவ புச்சா²விஸ்ஸஜ்ஜனானி கதானி. அபி⁴ஞ்ஞாதா ஹொந்தீதி த⁴ம்மஸபா⁴வலக்க²ணஜானநவஸேன ஸுட்டு² ஞாதா ஹொந்தி. ஞாதா ஹொந்தீதி ஞாதபரிஞ்ஞாவஸேன ஸபா⁴வதோ ஞாதத்தா ஞாதா நாம ஹொந்தி. யேன ஞாணேன தே த⁴ம்மா ஞாதா ஹொந்தி, தங் ஞாதட்டே²ன ஞாணங், பஜானநட்டே²ன பஞ்ஞாதி ஸம்ப³ந்தோ⁴. இமினாவ நயேன ஸேஸஞாணானிபி யோஜேதப்³பா³னி. பரிஞ்ஞாதா ஹொந்தீதி ஸாமஞ்ஞலக்க²ணவஸேன ஸமந்ததோ ஞாதா ஹொந்தி. தீரிதா ஹொந்தீதி தீரணபரிஞ்ஞாவஸேன அனிச்சாதி³தோ உபபரிக்கி²தா ஸமாபிதா நாம ஹொந்தி. பஹீனா ஹொந்தீதி அனிச்சானுபஸ்ஸனாதி³னா ஞாணேன நிச்சஸஞ்ஞாத³யோ ப⁴ங்கா³னுபஸ்ஸனதோ பட்டா²ய பஹீனா ஹொந்தி. பரிச்சத்தா ஹொந்தீதி பஹானவஸேனேவ ச²ட்³டி³தா நாம ஹொந்தி. பா⁴விதா ஹொந்தீதி வட்³டி⁴தா பரிபா⁴விதா ச ஹொந்தி. ஏகரஸா ஹொந்தீதி ஸகிச்சஸாத⁴னபடிபக்க²பஹானேன ஏககிச்சா ஹொந்தி, பச்சனீகதோ வா விமுத்திவஸேன விமுத்திரஸேன ஏகரஸா ஹொந்தி. ஸச்சி²கதா ஹொந்தீதி படிலாப⁴வஸேன ப²லத⁴ம்மோ படிவேத⁴வஸேன நிப்³பா³னத⁴ம்மோதி பச்சக்க²கதா ஹொந்தி. ப²ஸ்ஸிதா ஹொந்தீதி படிலாப⁴பு²ஸனேன படிவேத⁴பு²ஸனேன ச ப²ஸ்ஸிதா அனுபூ⁴தா ஹொந்தி. இமானி பஞ்ச ஞாணானி ஹெட்டா² ஸுதமயஞாணவஸேன வுத்தானி, இத⁴ ஸகிச்சஸாத⁴னவஸேன.
75. Ñāṇapañcakaniddese tesaṃ pañcannaṃ ñāṇānaṃ anupubbasambandhasabbhāvato ekatova pucchāvissajjanāni katāni. Abhiññātā hontīti dhammasabhāvalakkhaṇajānanavasena suṭṭhu ñātā honti. Ñātā hontīti ñātapariññāvasena sabhāvato ñātattā ñātā nāma honti. Yena ñāṇena te dhammā ñātā honti, taṃ ñātaṭṭhena ñāṇaṃ, pajānanaṭṭhena paññāti sambandho. Imināva nayena sesañāṇānipi yojetabbāni. Pariññātā hontīti sāmaññalakkhaṇavasena samantato ñātā honti. Tīritā hontīti tīraṇapariññāvasena aniccādito upaparikkhitā samāpitā nāma honti. Pahīnā hontīti aniccānupassanādinā ñāṇena niccasaññādayo bhaṅgānupassanato paṭṭhāya pahīnā honti. Pariccattā hontīti pahānavaseneva chaḍḍitā nāma honti. Bhāvitā hontīti vaḍḍhitā paribhāvitā ca honti. Ekarasā hontīti sakiccasādhanapaṭipakkhapahānena ekakiccā honti, paccanīkato vā vimuttivasena vimuttirasena ekarasā honti. Sacchikatā hontīti paṭilābhavasena phaladhammo paṭivedhavasena nibbānadhammoti paccakkhakatā honti. Phassitā hontīti paṭilābhaphusanena paṭivedhaphusanena ca phassitā anubhūtā honti. Imāni pañca ñāṇāni heṭṭhā sutamayañāṇavasena vuttāni, idha sakiccasādhanavasena.
ஞாணபஞ்சகனித்³தே³ஸவண்ணனா நிட்டி²தா.
Ñāṇapañcakaniddesavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / படிஸம்பி⁴தா³மக்³க³பாளி • Paṭisambhidāmaggapāḷi / 20-24. ஞாணபஞ்சகனித்³தே³ஸோ • 20-24. Ñāṇapañcakaniddeso
