| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
20-24. н̃аан̣абан̃жаганид̣̇д̣̇зсаван̣н̣анаа
20-24. Ñāṇapañcakaniddesavaṇṇanā
75. н̃аан̣абан̃жаганид̣̇д̣̇зсз д̇зсам̣ бан̃жаннам̣ н̃аан̣аанам̣ анубуб̣б̣асамб̣анд̇хасаб̣бхаавад̇о згад̇ова бужчаависсаж̇ж̇анаани гад̇аани. абхин̃н̃аад̇аа хонд̇ийд̇и д̇хаммасабхаавалагкан̣аж̇аананавасзна судту н̃аад̇аа хонд̇и. н̃аад̇аа хонд̇ийд̇и н̃аад̇абарин̃н̃аавасзна сабхаавад̇о н̃аад̇ад̇д̇аа н̃аад̇аа наама хонд̇и. язна н̃аан̣зна д̇з д̇хаммаа н̃аад̇аа хонд̇и, д̇ам̣ н̃аад̇адтзна н̃аан̣ам̣, баж̇аананадтзна бан̃н̃аад̇и самб̣анд̇хо. иминаава наязна сзсан̃аан̣ааниби яож̇зд̇аб̣б̣аани. барин̃н̃аад̇аа хонд̇ийд̇и сааман̃н̃алагкан̣авасзна саманд̇ад̇о н̃аад̇аа хонд̇и. д̇ийрид̇аа хонд̇ийд̇и д̇ийран̣абарин̃н̃аавасзна анижжаад̣̇ид̇о убабаригкид̇аа самаабид̇аа наама хонд̇и. бахийнаа хонд̇ийд̇и анижжаанубассанаад̣̇инаа н̃аан̣зна нижжасан̃н̃аад̣̇аяо бхан̇г̇аанубассанад̇о бадтааяа бахийнаа хонд̇и. барижжад̇д̇аа хонд̇ийд̇и бахаанавасзнзва чад̣д̣ид̇аа наама хонд̇и. бхаавид̇аа хонд̇ийд̇и вад̣дхид̇аа барибхаавид̇аа жа хонд̇и. згарасаа хонд̇ийд̇и сагижжасаад̇ханабадибагкабахаанзна згагижжаа хонд̇и, бажжанийгад̇о ваа вимуд̇д̇ивасзна вимуд̇д̇ирасзна згарасаа хонд̇и. сажчигад̇аа хонд̇ийд̇и бадилаабхавасзна палад̇хаммо бадивзд̇хавасзна ниб̣б̣аанад̇хаммод̇и бажжагкагад̇аа хонд̇и. пассид̇аа хонд̇ийд̇и бадилаабхапусанзна бадивзд̇хапусанзна жа пассид̇аа анубхууд̇аа хонд̇и. имаани бан̃жа н̃аан̣аани хздтаа суд̇амаяан̃аан̣авасзна вуд̇д̇аани, ид̇ха сагижжасаад̇ханавасзна.
75. Ñāṇapañcakaniddese tesaṃ pañcannaṃ ñāṇānaṃ anupubbasambandhasabbhāvato ekatova pucchāvissajjanāni katāni. Abhiññātā hontīti dhammasabhāvalakkhaṇajānanavasena suṭṭhu ñātā honti. Ñātā hontīti ñātapariññāvasena sabhāvato ñātattā ñātā nāma honti. Yena ñāṇena te dhammā ñātā honti, taṃ ñātaṭṭhena ñāṇaṃ, pajānanaṭṭhena paññāti sambandho. Imināva nayena sesañāṇānipi yojetabbāni. Pariññātā hontīti sāmaññalakkhaṇavasena samantato ñātā honti. Tīritā hontīti tīraṇapariññāvasena aniccādito upaparikkhitā samāpitā nāma honti. Pahīnā hontīti aniccānupassanādinā ñāṇena niccasaññādayo bhaṅgānupassanato paṭṭhāya pahīnā honti. Pariccattā hontīti pahānavaseneva chaḍḍitā nāma honti. Bhāvitā hontīti vaḍḍhitā paribhāvitā ca honti. Ekarasā hontīti sakiccasādhanapaṭipakkhapahānena ekakiccā honti, paccanīkato vā vimuttivasena vimuttirasena ekarasā honti. Sacchikatā hontīti paṭilābhavasena phaladhammo paṭivedhavasena nibbānadhammoti paccakkhakatā honti. Phassitā hontīti paṭilābhaphusanena paṭivedhaphusanena ca phassitā anubhūtā honti. Imāni pañca ñāṇāni heṭṭhā sutamayañāṇavasena vuttāni, idha sakiccasādhanavasena.
н̃аан̣абан̃жаганид̣̇д̣̇зсаван̣н̣анаа нидтид̇аа.
Ñāṇapañcakaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 20-24. н̃аан̣абан̃жаганид̣̇д̣̇зсо • 20-24. Ñāṇapañcakaniddeso
