| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
3. н̃аан̣абан̃н̃аабан̃хо
3. Ñāṇapaññāpañho
3. рааж̇аа ааха ‘‘бханд̇з нааг̇асзна, яасса н̃аан̣ам̣ уббаннам̣, д̇асса бан̃н̃аа уббаннаа’’д̇и? ‘‘аама, махаарааж̇а, яасса н̃аан̣ам̣ уббаннам̣, д̇асса бан̃н̃аа уббаннаа’’д̇и. ‘‘гим̣, бханд̇з, яан̃н̃зва н̃аан̣ам̣ саа язва бан̃н̃аа’’д̇и? ‘‘аама, махаарааж̇а, яан̃н̃зва н̃аан̣ам̣ саа язва бан̃н̃аа’’д̇и. ‘‘яасса бана, бханд̇з, д̇ан̃н̃зва н̃аан̣ам̣ саа язва бан̃н̃аа уббаннаа, гим̣ саммуяхзяяа со, уд̣̇ааху на саммуяхзяяаа’’д̇и? ‘‘гад̇т̇ажи, махаарааж̇а, саммуяхзяяа, гад̇т̇ажи на саммуяхзяяаа’’д̇и. ‘‘гухим̣, бханд̇з, саммуяхзяяаа’’д̇и? ‘‘ан̃н̃аад̇абуб̣б̣зсу ваа, махаарааж̇а, сиббадтаанзсу, аг̇ад̇абуб̣б̣ааяа ваа д̣̇исааяа, ассуд̇абуб̣б̣ааяа ваа наамабан̃н̃ад̇д̇ияаа саммуяхзяяаа’’д̇и. ‘‘гухим̣ на саммуяхзяяаа’’д̇и? ‘‘яам̣ ко бана, махаарааж̇а, д̇ааяа бан̃н̃ааяа гад̇ам̣ ‘анижжа’нд̇и ваа ‘д̣̇угка’нд̇и ваа ‘анад̇д̇аа’д̇и ваа, д̇ахим̣ на саммуяхзяяаа’’д̇и. ‘‘мохо банасса, бханд̇з, гухим̣ г̇ажчад̇ий’’д̇и? ‘‘мохо ко, махаарааж̇а, н̃аан̣з уббаннамад̇д̇з д̇ад̇т̇зва нируж̇жхад̇ий’’д̇и.
3. Rājā āha ‘‘bhante nāgasena, yassa ñāṇaṃ uppannaṃ, tassa paññā uppannā’’ti? ‘‘Āma, mahārāja, yassa ñāṇaṃ uppannaṃ, tassa paññā uppannā’’ti. ‘‘Kiṃ, bhante, yaññeva ñāṇaṃ sā yeva paññā’’ti? ‘‘Āma, mahārāja, yaññeva ñāṇaṃ sā yeva paññā’’ti. ‘‘Yassa pana, bhante, taññeva ñāṇaṃ sā yeva paññā uppannā, kiṃ sammuyheyya so, udāhu na sammuyheyyā’’ti? ‘‘Katthaci, mahārāja, sammuyheyya, katthaci na sammuyheyyā’’ti. ‘‘Kuhiṃ, bhante, sammuyheyyā’’ti? ‘‘Aññātapubbesu vā, mahārāja, sippaṭṭhānesu, agatapubbāya vā disāya, assutapubbāya vā nāmapaññattiyā sammuyheyyā’’ti. ‘‘Kuhiṃ na sammuyheyyā’’ti? ‘‘Yaṃ kho pana, mahārāja, tāya paññāya kataṃ ‘anicca’nti vā ‘dukkha’nti vā ‘anattā’ti vā, tahiṃ na sammuyheyyā’’ti. ‘‘Moho panassa, bhante, kuhiṃ gacchatī’’ti? ‘‘Moho kho, mahārāja, ñāṇe uppannamatte tattheva nirujjhatī’’ti.
‘‘обаммам̣ гарохий’’д̇и. ‘‘яат̇аа, махаарааж̇а, гожид̣̇зва бурисо анд̇хагаараг̇зхз бад̣̇ийбам̣ ааробзяяа, д̇ад̇о анд̇хагааро нируж̇жхзяяа, аалого баад̇убхавзяяа. звамзва ко, махаарааж̇а, н̃аан̣з уббаннамад̇д̇з мохо д̇ад̇т̇зва нируж̇жхад̇ий’’д̇и.
‘‘Opammaṃ karohī’’ti. ‘‘Yathā, mahārāja, kocideva puriso andhakāragehe padīpaṃ āropeyya, tato andhakāro nirujjheyya, āloko pātubhaveyya. Evameva kho, mahārāja, ñāṇe uppannamatte moho tattheva nirujjhatī’’ti.
‘‘бан̃н̃аа бана, бханд̇з, гухим̣ г̇ажчад̇ий’’д̇и? ‘‘бан̃н̃ааби ко, махаарааж̇а, сагижжаяам̣ гад̇ваа д̇ад̇т̇зва нируж̇жхад̇и, яам̣ бана д̇ааяа бан̃н̃ааяа гад̇ам̣ ‘анижжа’нд̇и ваа ‘д̣̇угка’нд̇и ваа ‘анад̇д̇аа’д̇и ваа, д̇ам̣ на нируж̇жхад̇ий’’д̇и.
‘‘Paññā pana, bhante, kuhiṃ gacchatī’’ti? ‘‘Paññāpi kho, mahārāja, sakiccayaṃ katvā tattheva nirujjhati, yaṃ pana tāya paññāya kataṃ ‘anicca’nti vā ‘dukkha’nti vā ‘anattā’ti vā, taṃ na nirujjhatī’’ti.
‘‘бханд̇з нааг̇асзна, яам̣ банзд̇ам̣ б̣рууси ‘бан̃н̃аа сагижжаяам̣ гад̇ваа д̇ад̇т̇зва нируж̇жхад̇и, яам̣ бана д̇ааяа бан̃н̃ааяа гад̇ам̣ ‘анижжа’нд̇и ваа ‘д̣̇угка’нд̇и ваа ‘анад̇д̇аа’д̇и ваа, д̇ам̣ на нируж̇жхад̇ий’д̇и, д̇асса обаммам̣ гарохий’’д̇и. ‘‘яат̇аа, махаарааж̇а, яо гожи бурисо рад̇д̇им̣ лзкам̣ бзсзд̇угаамо лзкагам̣ баггосаабзд̇ваа бад̣̇ийбам̣ ааробзд̇ваа лзкам̣ ликаабзяяа, ликид̇з бана лзкз бад̣̇ийбам̣ виж̇жхаабзяяа, виж̇жхаабид̇зби бад̣̇ийбз лзкам̣ на винассзяяа. звамзва ко, махаарааж̇а, бан̃н̃аа сагижжаяам̣ гад̇ваа д̇ад̇т̇зва нируж̇жхад̇и, яам̣ бана д̇ааяа бан̃н̃ааяа гад̇ам̣ ‘анижжа’нд̇и ваа ‘д̣̇угка’нд̇и ваа ‘анад̇д̇аа’д̇и ваа, д̇ам̣ на нируж̇жхад̇ий’’д̇и.
‘‘Bhante nāgasena, yaṃ panetaṃ brūsi ‘paññā sakiccayaṃ katvā tattheva nirujjhati, yaṃ pana tāya paññāya kataṃ ‘anicca’nti vā ‘dukkha’nti vā ‘anattā’ti vā, taṃ na nirujjhatī’ti, tassa opammaṃ karohī’’ti. ‘‘Yathā, mahārāja, yo koci puriso rattiṃ lekhaṃ pesetukāmo lekhakaṃ pakkosāpetvā padīpaṃ āropetvā lekhaṃ likhāpeyya, likhite pana lekhe padīpaṃ vijjhāpeyya, vijjhāpitepi padīpe lekhaṃ na vinasseyya. Evameva kho, mahārāja, paññā sakiccayaṃ katvā tattheva nirujjhati, yaṃ pana tāya paññāya kataṃ ‘anicca’nti vā ‘dukkha’nti vā ‘anattā’ti vā, taṃ na nirujjhatī’’ti.
‘‘бхияяо обаммам̣ гарохий’’д̇и. ‘‘яат̇аа, махаарааж̇а, бурад̇т̇имзсу ж̇анабад̣̇зсу мануссаа анугхарам̣ бан̃жа бан̃жа уд̣̇агагхадагаани табзнд̇и аалимбанам̣ виж̇жхаабзд̇ум̣, гхарз бад̣̇ид̇д̇з д̇аани бан̃жа уд̣̇агагхадагаани гхарассуубари кибанд̇и, д̇ад̇о аг̇г̇и виж̇жхааяад̇и, гим̣ ну ко, махаарааж̇а, д̇зсам̣ мануссаанам̣ звам̣ ход̇и ‘буна д̇зхи гхадзхи гхадагижжам̣ гариссаамаа’’’д̇и? ‘‘на хи, бханд̇з, алам̣ д̇зхи гхадзхи, гим̣ д̇зхи гхадзхий’’д̇и? ‘‘яат̇аа, махаарааж̇а, бан̃жа уд̣̇агагхадагаани, звам̣ бан̃жинд̣̇рияаани д̣̇адтаб̣б̣аани сад̣̇д̇хинд̣̇рияам̣ вийрияинд̣̇рияам̣ сад̇инд̣̇рияам̣ самаад̇хинд̣̇рияам̣ бан̃н̃инд̣̇рияам̣. яат̇аа д̇з мануссаа, звам̣ яог̇ааважаро д̣̇адтаб̣б̣о. яат̇аа аг̇г̇и, звам̣ гилзсаа д̣̇адтаб̣б̣аа. яат̇аа бан̃жахи уд̣̇агагхадагзхи аг̇г̇и виж̇жхаабийяад̇и, звам̣ бан̃жинд̣̇риязхи гилзсаа виж̇жхаабияанд̇и, виж̇жхаабид̇ааби гилзсаа на буна самбхаванд̇и. звамзва ко, махаарааж̇а, бан̃н̃аа сагижжаяам̣ гад̇ваа д̇ад̇т̇зва нируж̇жхад̇и, яам̣ бана д̇ааяа бан̃н̃ааяа гад̇ам̣ ‘анижжа’нд̇и ваа ‘д̣̇угка’нд̇и ваа ‘анад̇д̇аа’д̇и ваа, д̇ам̣ на нируж̇жхад̇ий’’д̇и.
‘‘Bhiyyo opammaṃ karohī’’ti. ‘‘Yathā, mahārāja, puratthimesu janapadesu manussā anugharaṃ pañca pañca udakaghaṭakāni ṭhapenti ālimpanaṃ vijjhāpetuṃ, ghare paditte tāni pañca udakaghaṭakāni gharassūpari khipanti, tato aggi vijjhāyati, kiṃ nu kho, mahārāja, tesaṃ manussānaṃ evaṃ hoti ‘puna tehi ghaṭehi ghaṭakiccaṃ karissāmā’’’ti? ‘‘Na hi, bhante, alaṃ tehi ghaṭehi, kiṃ tehi ghaṭehī’’ti? ‘‘Yathā, mahārāja, pañca udakaghaṭakāni, evaṃ pañcindriyāni daṭṭhabbāni saddhindriyaṃ vīriyindriyaṃ satindriyaṃ samādhindriyaṃ paññindriyaṃ. Yathā te manussā, evaṃ yogāvacaro daṭṭhabbo. Yathā aggi, evaṃ kilesā daṭṭhabbā. Yathā pañcahi udakaghaṭakehi aggi vijjhāpīyati, evaṃ pañcindriyehi kilesā vijjhāpiyanti, vijjhāpitāpi kilesā na puna sambhavanti. Evameva kho, mahārāja, paññā sakiccayaṃ katvā tattheva nirujjhati, yaṃ pana tāya paññāya kataṃ ‘anicca’nti vā ‘dukkha’nti vā ‘anattā’ti vā, taṃ na nirujjhatī’’ti.
‘‘бхияяо обаммам̣ гарохий’’д̇и. ‘‘яат̇аа, махаарааж̇а, взж̇ж̇о бан̃жамуулабхзсаж̇ж̇аани г̇ахзд̇ваа г̇илаанагам̣ убасан̇гамид̇ваа д̇аани бан̃жамуулабхзсаж̇ж̇аани бисид̇ваа 1 г̇илаанагам̣ бааязяяа, д̇зхи жа д̣̇осаа нид̣̇д̇хамзяяум̣, гим̣ ну ко, махаарааж̇а, д̇асса взж̇ж̇асса звам̣ ход̇и ‘буна д̇зхи бан̃жамуулабхзсаж̇ж̇зхи бхзсаж̇ж̇агижжам̣ гариссаамий’’’д̇и? ‘‘на хи, бханд̇з, алам̣ д̇зхи бан̃жамуулабхзсаж̇ж̇зхи, гим̣ д̇зхи бан̃жамуулабхзсаж̇ж̇зхий’’д̇и? ‘‘яат̇аа, махаарааж̇а, бан̃жамуулабхзсаж̇ж̇аани, звам̣ бан̃жинд̣̇рияаани д̣̇адтаб̣б̣аани сад̣̇д̇хинд̣̇рияам̣ вийрияинд̣̇рияам̣ сад̇инд̣̇рияам̣ самаад̇хинд̣̇рияам̣ бан̃н̃инд̣̇рияам̣, яат̇аа взж̇ж̇о, звам̣ яог̇ааважаро д̣̇адтаб̣б̣о. яат̇аа б̣яаад̇хи, звам̣ гилзсаа д̣̇адтаб̣б̣аа. яат̇аа б̣яаад̇хид̇о бурисо, звам̣ бут̇уж̇ж̇ано д̣̇адтаб̣б̣о. яат̇аа бан̃жамуулабхзсаж̇ж̇зхи г̇илаанасса д̣̇осаа нид̣̇д̇ханд̇аа, д̣̇осз нид̣̇д̇ханд̇з г̇илаано арог̇о ход̇и, звам̣ бан̃жинд̣̇риязхи гилзсаа нид̣̇д̇хамийяанд̇и, нид̣̇д̇хамид̇аа жа гилзсаа на буна самбхаванд̇и. звамзва ко, махаарааж̇а, бан̃н̃аа сагижжаяам̣ гад̇ваа д̇ад̇т̇зва нируж̇жхад̇и, яам̣ бана д̇ааяа бан̃н̃ааяа гад̇ам̣ ‘анижжа’нд̇и ваа ‘д̣̇угка’нд̇и ваа ‘анад̇д̇аа’д̇и ваа, д̇ам̣ на нируж̇жхад̇ий’’д̇и.
‘‘Bhiyyo opammaṃ karohī’’ti. ‘‘Yathā, mahārāja, vejjo pañcamūlabhesajjāni gahetvā gilānakaṃ upasaṅkamitvā tāni pañcamūlabhesajjāni pisitvā 2 gilānakaṃ pāyeyya, tehi ca dosā niddhameyyuṃ, kiṃ nu kho, mahārāja, tassa vejjassa evaṃ hoti ‘puna tehi pañcamūlabhesajjehi bhesajjakiccaṃ karissāmī’’’ti? ‘‘Na hi, bhante, alaṃ tehi pañcamūlabhesajjehi, kiṃ tehi pañcamūlabhesajjehī’’ti? ‘‘Yathā, mahārāja, pañcamūlabhesajjāni, evaṃ pañcindriyāni daṭṭhabbāni saddhindriyaṃ vīriyindriyaṃ satindriyaṃ samādhindriyaṃ paññindriyaṃ, yathā vejjo, evaṃ yogāvacaro daṭṭhabbo. Yathā byādhi, evaṃ kilesā daṭṭhabbā. Yathā byādhito puriso, evaṃ puthujjano daṭṭhabbo. Yathā pañcamūlabhesajjehi gilānassa dosā niddhantā, dose niddhante gilāno arogo hoti, evaṃ pañcindriyehi kilesā niddhamīyanti, niddhamitā ca kilesā na puna sambhavanti. Evameva kho, mahārāja, paññā sakiccayaṃ katvā tattheva nirujjhati, yaṃ pana tāya paññāya kataṃ ‘anicca’nti vā ‘dukkha’nti vā ‘anattā’ti vā, taṃ na nirujjhatī’’ti.
‘‘бхияяо обаммам̣ гарохий’’д̇и. ‘‘яат̇аа, махаарааж̇а, сан̇г̇аамааважаро яод̇хо бан̃жа ган̣д̣аани г̇ахзд̇ваа сан̇г̇аамам̣ од̇арзяяа барасзнам̣ виж̇зд̇ум̣, со сан̇г̇аамаг̇ад̇о д̇аани бан̃жа ган̣д̣аани кибзяяа, д̇зхи жа барасзнаа бхиж̇ж̇зяяа , гим̣ ну ко, махаарааж̇а, д̇асса сан̇г̇аамааважарасса яод̇хасса звам̣ ход̇и ‘буна д̇зхи ган̣д̣зхи ган̣д̣агижжам̣ гариссаамий’’’д̇и? ‘‘на хи, бханд̇з, алам̣ д̇зхи ган̣д̣зхи, гим̣ д̇зхи ган̣д̣зхий’’д̇и? ‘‘яат̇аа, махаарааж̇а, бан̃жа ган̣д̣аани, звам̣ бан̃жинд̣̇рияаани д̣̇адтаб̣б̣аани сад̣̇д̇хинд̣̇рияам̣ вийрияинд̣̇рияам̣ сад̇инд̣̇рияам̣ самаад̇хинд̣̇рияам̣ бан̃н̃инд̣̇рияам̣. яат̇аа, махаарааж̇а, сан̇г̇аамааважаро яод̇хо, звам̣ яог̇ааважаро д̣̇адтаб̣б̣о. яат̇аа барасзнаа, звам̣ гилзсаа д̣̇адтаб̣б̣аа. яат̇аа бан̃жахи ган̣д̣зхи барасзнаа бхиж̇ж̇ад̇и, звам̣ бан̃жинд̣̇риязхи гилзсаа бхиж̇ж̇анд̇и, бхаг̇г̇аа жа гилзсаа на буна самбхаванд̇и. звамзва ко, махаарааж̇а, бан̃н̃аа сагижжаяам̣ гад̇ваа д̇ад̇т̇зва нируж̇жхад̇и, яам̣ бана д̇ааяа бан̃н̃ааяа гад̇ам̣ ‘анижжа’нд̇и ваа ‘д̣̇угка’нд̇и ваа ‘анад̇д̇аа’д̇и ваа, д̇ам̣ на нируж̇жхад̇ий’’д̇и.
‘‘Bhiyyo opammaṃ karohī’’ti. ‘‘Yathā, mahārāja, saṅgāmāvacaro yodho pañca kaṇḍāni gahetvā saṅgāmaṃ otareyya parasenaṃ vijetuṃ, so saṅgāmagato tāni pañca kaṇḍāni khipeyya, tehi ca parasenā bhijjeyya , kiṃ nu kho, mahārāja, tassa saṅgāmāvacarassa yodhassa evaṃ hoti ‘puna tehi kaṇḍehi kaṇḍakiccaṃ karissāmī’’’ti? ‘‘Na hi, bhante, alaṃ tehi kaṇḍehi, kiṃ tehi kaṇḍehī’’ti? ‘‘Yathā, mahārāja, pañca kaṇḍāni, evaṃ pañcindriyāni daṭṭhabbāni saddhindriyaṃ vīriyindriyaṃ satindriyaṃ samādhindriyaṃ paññindriyaṃ. Yathā, mahārāja, saṅgāmāvacaro yodho, evaṃ yogāvacaro daṭṭhabbo. Yathā parasenā, evaṃ kilesā daṭṭhabbā. Yathā pañcahi kaṇḍehi parasenā bhijjati, evaṃ pañcindriyehi kilesā bhijjanti, bhaggā ca kilesā na puna sambhavanti. Evameva kho, mahārāja, paññā sakiccayaṃ katvā tattheva nirujjhati, yaṃ pana tāya paññāya kataṃ ‘anicca’nti vā ‘dukkha’nti vā ‘anattā’ti vā, taṃ na nirujjhatī’’ti.
‘‘галлоси, бханд̇з нааг̇асзнаа’’д̇и.
‘‘Kallosi, bhante nāgasenā’’ti.
н̃аан̣абан̃н̃аабан̃хо д̇ад̇ияо.
Ñāṇapaññāpañho tatiyo.
Footnotes:
