| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
6. н̃аан̣араасичагганид̣̇д̣̇зсаван̣н̣анаа
6. Ñāṇarāsichakkaniddesavaṇṇanā
183. ид̣̇аани чахи раасийхи уд̣̇д̣̇идтан̃аан̣зсу жад̇увийсад̇исамаад̇хин̃аан̣анид̣̇д̣̇зсз д̇аава гааяаанубассанаад̣̇ийнам̣ д̇ин̣н̣ам̣ жад̇уггаанам̣ васзна д̣̇ваад̣̇асаннам̣ вад̇т̇уунам̣ згзгасмим̣ ассаасавасзна зго , бассаасавасзна згод̇и д̣̇вз д̣̇вз самаад̇хийд̇и д̣̇ваад̣̇асасу вад̇т̇уусу жад̇увийсад̇и самаад̇хаяо хонд̇и. жхаанагкан̣з д̇зхи самбаяуд̇д̇аани жад̇увийсад̇исамаад̇хивасзна н̃аан̣аани.
183. Idāni chahi rāsīhi uddiṭṭhañāṇesu catuvīsatisamādhiñāṇaniddese tāva kāyānupassanādīnaṃ tiṇṇaṃ catukkānaṃ vasena dvādasannaṃ vatthūnaṃ ekekasmiṃ assāsavasena eko , passāsavasena ekoti dve dve samādhīti dvādasasu vatthūsu catuvīsati samādhayo honti. Jhānakkhaṇe tehi sampayuttāni catuvīsatisamādhivasena ñāṇāni.
д̣̇ваасад̇д̇ад̇ивибассанаан̃аан̣анид̣̇д̣̇зсз д̣̇ийгхам̣ ассаасаад̇и ‘‘д̣̇ийгха’’нд̇ивуд̇д̇аассаасад̇о. гим̣ вуд̇д̇ам̣ ход̇и? д̣̇ийгхам̣ ассаасахзд̇у жхаанам̣ бадилабхид̇ваа самаахид̇зна жид̇д̇зна вибассанаагкан̣з анижжад̇о анубассанадтзна вибассанаад̇и вуд̇д̇ам̣ ход̇и. зса наяо уд̇д̇арад̇рааби. д̇зсам̣язва д̣̇ваад̣̇асаннам̣ вад̇т̇уунам̣ згзгасмим̣ ассаасавасзна д̇иссо, бассаасавасзна д̇иссод̇и ча ча анубассанаад̇и д̣̇ваад̣̇асасу вад̇т̇уусу д̣̇ваасад̇д̇ад̇и анубассанаа хонд̇и. д̇аа зва д̣̇ваасад̇д̇ад̇и анубассанаа д̣̇ваасад̇д̇ад̇ивибассанаавасзна н̃аан̣аани.
Dvāsattativipassanāñāṇaniddese dīghaṃ assāsāti ‘‘dīgha’’ntivuttaassāsato. Kiṃ vuttaṃ hoti? Dīghaṃ assāsahetu jhānaṃ paṭilabhitvā samāhitena cittena vipassanākkhaṇe aniccato anupassanaṭṭhena vipassanāti vuttaṃ hoti. Esa nayo uttaratrāpi. Tesaṃyeva dvādasannaṃ vatthūnaṃ ekekasmiṃ assāsavasena tisso, passāsavasena tissoti cha cha anupassanāti dvādasasu vatthūsu dvāsattati anupassanā honti. Tā eva dvāsattati anupassanā dvāsattativipassanāvasena ñāṇāni.
ниб̣б̣ид̣̇аан̃аан̣анид̣̇д̣̇зсз анижжаанубассий ассасанд̇и анижжаанубассий худ̇ваа ассасанд̇о, анижжаанубассий худ̇ваа вад̇д̇знд̇од̇и ад̇т̇о. ‘‘ассаса’’нд̇и жа ид̣̇ам̣ важанам̣ хзд̇уад̇т̇з д̣̇адтаб̣б̣ам̣. яат̇аабхууд̇ам̣ ж̇аанаад̇и бассад̇ийд̇и ниб̣б̣ид̣̇аан̃аан̣анд̇и галаабасаммасанад̇о бадтааяа яаава бхан̇г̇аанубассанаа бавад̇д̇авибассанаан̃аан̣зна сан̇каараанам̣ яат̇аасабхаавам̣ ж̇аанаад̇и, жагкунаа д̣̇идтамива жа д̇знзва н̃аан̣ажагкунаа бассад̇и. д̇асмаа ниб̣б̣ид̣̇аан̃аан̣ам̣ наамаад̇и ад̇т̇о, сан̇каарзсу ниб̣б̣инд̣̇ан̃аан̣ам̣ наамаад̇и вуд̇д̇ам̣ ход̇и. убари бхаяад̇уубадтаанаад̣̇ийнам̣ мун̃жид̇угамяад̇аад̣̇ийнан̃жа н̃аан̣аанам̣ висум̣ ааг̇ад̇ад̇д̇аа ид̇ха яат̇аавуд̇д̇аанзва вибассанаан̃аан̣аани ниб̣б̣ид̣̇аан̃аан̣аанийд̇и взд̣̇ид̇аб̣б̣аани.
Nibbidāñāṇaniddese aniccānupassī assasanti aniccānupassī hutvā assasanto, aniccānupassī hutvā vattentoti attho. ‘‘Assasa’’nti ca idaṃ vacanaṃ hetuatthe daṭṭhabbaṃ. Yathābhūtaṃ jānāti passatīti nibbidāñāṇanti kalāpasammasanato paṭṭhāya yāva bhaṅgānupassanā pavattavipassanāñāṇena saṅkhārānaṃ yathāsabhāvaṃ jānāti, cakkhunā diṭṭhamiva ca teneva ñāṇacakkhunā passati. Tasmā nibbidāñāṇaṃ nāmāti attho, saṅkhāresu nibbindañāṇaṃ nāmāti vuttaṃ hoti. Upari bhayatūpaṭṭhānādīnaṃ muñcitukamyatādīnañca ñāṇānaṃ visuṃ āgatattā idha yathāvuttāneva vipassanāñāṇāni nibbidāñāṇānīti veditabbāni.
ниб̣б̣ид̣̇аануломан̃аан̣анид̣̇д̣̇зсз анижжаанубассий ассасанд̇и анижжаанубассино ассасанд̇асса. саамиад̇т̇з бажжад̇д̇аважанам̣. бхаяад̇убадтаанз бан̃н̃аад̇иважанзнзва бхаяад̇убадтаанааад̣̇ийнаваанубассанааниб̣б̣ид̣̇аанубассанаан̃аан̣аани вуд̇д̇аани хонд̇и д̇ин̣н̣ам̣ згалагкан̣ад̇д̇аа. имаани д̇ийн̣и н̃аан̣аани ананд̇араа вуд̇д̇аанам̣ ниб̣б̣ид̣̇аан̃аан̣аанам̣ анугуулабхаавзна ануломад̇о ниб̣б̣ид̣̇аануломан̃аан̣аанийд̇и вуд̇д̇аани.
Nibbidānulomañāṇaniddese aniccānupassī assasanti aniccānupassino assasantassa. Sāmiatthe paccattavacanaṃ. Bhayatupaṭṭhāne paññātivacaneneva bhayatupaṭṭhānaādīnavānupassanānibbidānupassanāñāṇāni vuttāni honti tiṇṇaṃ ekalakkhaṇattā. Imāni tīṇi ñāṇāni anantarā vuttānaṃ nibbidāñāṇānaṃ anukūlabhāvena anulomato nibbidānulomañāṇānīti vuttāni.
ниб̣б̣ид̣̇аабадиббассад̣̇д̇хин̃аан̣анид̣̇д̣̇зсз анижжаанубассий ассасанд̇и ананд̇арасад̣̇исамзва. бадисан̇каа санд̇идтанаа бан̃н̃аад̇иважанзнзва мун̃жид̇угамяад̇аабадисан̇каанубассанаасан̇каарубзгкаан̃аан̣аани вуд̇д̇аани хонд̇и д̇ин̣н̣ам̣ згалагкан̣ад̇д̇аа. ‘‘бадисан̇каа санд̇идтанаа’’д̇иважанзнзва ануломан̃аан̣амаг̇г̇ан̃аан̣ааниби г̇ахид̇аани хонд̇и . сан̇каарубзгкаан̃аан̣аануломан̃аан̣ааниби хи ниб̣б̣ид̣̇ааяа сикааббад̇д̇ад̇д̇аа ниб̣б̣ид̣̇ааж̇ананаб̣яаабаараббахаанзна ниб̣б̣ид̣̇аабадиббассад̣̇д̇хин̃аан̣аани наама хонд̇и. маг̇г̇ан̃аан̣ам̣ бана ниб̣б̣ид̣̇аабадиббассад̣̇д̇ханд̇з уббаж̇ж̇анад̇о ниб̣б̣ид̣̇аабадиббассад̣̇д̇хин̃аан̣ам̣ наама ход̇ийд̇и ад̇ивияа яуж̇ж̇ад̇ийд̇и. ниб̣б̣ид̣̇аануломан̃аан̣зсу вияа аад̣̇ибхууд̇ам̣ мун̃жид̇угамяад̇аан̃аан̣ам̣ аг̇г̇ахзд̇ваа ‘‘бадисан̇каа санд̇идтанаа’’д̇и анд̇з н̃аан̣ад̣̇ваяаг̇г̇ахан̣ам̣ маг̇г̇ан̃аан̣асан̇г̇ахан̣ад̇т̇ам̣. мун̃жид̇угамяад̇аад̇и хи вуд̇д̇з ануломан̃аан̣ам̣ сан̇г̇аяхад̇и, на маг̇г̇ан̃аан̣ам̣. маг̇г̇ан̃аан̣ан̃хи мун̃жид̇угамяад̇аа наама на ход̇и, гижжасид̣̇д̇хияам̣ санд̇идтанад̇о бана санд̇идтанаа наама ход̇и. адтагат̇ааяамби жа ‘‘пусанаад̇и аббанаа’’д̇и вуд̇д̇ам̣. ид̣̇ан̃жа маг̇г̇ан̃аан̣ам̣ ниб̣б̣аанз аббанаад̇и гад̇ваа санд̇идтанаа наама ход̇ийд̇и ‘‘санд̇идтанаа’’д̇иважанзна маг̇г̇ан̃аан̣амби сан̇г̇аяхад̇и. ниб̣б̣ид̣̇аануломан̃аан̣ааниби ад̇т̇ад̇о ниб̣б̣ид̣̇аан̃аан̣аанзва хонд̇ийд̇и д̇ааниби ниб̣б̣ид̣̇аан̃аан̣зхи сан̇г̇ахзд̇ваа ниб̣б̣ид̣̇аабадиббассад̣̇д̇хин̃аан̣аанийд̇и ниб̣б̣ид̣̇ааг̇ахан̣амзва гад̇ам̣, на ниб̣б̣ид̣̇аануломаг̇г̇ахан̣ам̣. д̇ийсуби жзд̇зсу н̃аан̣адтаганид̣̇д̣̇зсзсу жад̇уд̇т̇асса д̇хаммаанубассанаажад̇уггасса васзна вуд̇д̇аанам̣ жад̇уннам̣ вад̇т̇уунам̣ згзгасмим̣ ассаасавасзна згам̣, бассаасавасзна зганд̇и д̣̇вз д̣̇вз н̃аан̣аанийд̇и жад̇уусу вад̇т̇уусу адта н̃аан̣аани хонд̇и.
Nibbidāpaṭippassaddhiñāṇaniddese aniccānupassī assasanti anantarasadisameva. Paṭisaṅkhā santiṭṭhanā paññātivacaneneva muñcitukamyatāpaṭisaṅkhānupassanāsaṅkhārupekkhāñāṇāni vuttāni honti tiṇṇaṃ ekalakkhaṇattā. ‘‘Paṭisaṅkhā santiṭṭhanā’’tivacaneneva anulomañāṇamaggañāṇānipi gahitāni honti . Saṅkhārupekkhāñāṇaanulomañāṇānipi hi nibbidāya sikhāppattattā nibbidājananabyāpārappahānena nibbidāpaṭippassaddhiñāṇāni nāma honti. Maggañāṇaṃ pana nibbidāpaṭippassaddhante uppajjanato nibbidāpaṭippassaddhiñāṇaṃ nāma hotīti ativiya yujjatīti. Nibbidānulomañāṇesu viya ādibhūtaṃ muñcitukamyatāñāṇaṃ aggahetvā ‘‘paṭisaṅkhā santiṭṭhanā’’ti ante ñāṇadvayaggahaṇaṃ maggañāṇasaṅgahaṇatthaṃ. Muñcitukamyatāti hi vutte anulomañāṇaṃ saṅgayhati, na maggañāṇaṃ. Maggañāṇañhi muñcitukamyatā nāma na hoti, kiccasiddhiyaṃ santiṭṭhanato pana santiṭṭhanā nāma hoti. Aṭṭhakathāyampi ca ‘‘phusanāti appanā’’ti vuttaṃ. Idañca maggañāṇaṃ nibbāne appanāti katvā santiṭṭhanā nāma hotīti ‘‘santiṭṭhanā’’tivacanena maggañāṇampi saṅgayhati. Nibbidānulomañāṇānipi atthato nibbidāñāṇāneva hontīti tānipi nibbidāñāṇehi saṅgahetvā nibbidāpaṭippassaddhiñāṇānīti nibbidāgahaṇameva kataṃ, na nibbidānulomaggahaṇaṃ. Tīsupi cetesu ñāṇaṭṭhakaniddesesu catutthassa dhammānupassanācatukkassa vasena vuttānaṃ catunnaṃ vatthūnaṃ ekekasmiṃ assāsavasena ekaṃ, passāsavasena ekanti dve dve ñāṇānīti catūsu vatthūsu aṭṭha ñāṇāni honti.
вимуд̇д̇исукан̃аан̣анид̣̇д̣̇зсз бахийнад̇д̇аад̇и бахаанам̣ д̣̇ассзд̇ваа д̇асса бахаанасса самужчзд̣̇аббахаанад̇д̇ам̣ д̣̇ассзнд̇о самужчиннад̇д̇аад̇и ааха. вимуд̇д̇исукз н̃аан̣анд̇и палавимуд̇д̇исукасамбаяуд̇д̇ан̃аан̣ан̃жа палавимуд̇д̇исукаарамман̣абажжавзгкан̣ан̃аан̣ан̃жа. анусаяавад̇т̇усса гилзсасса бахаанзна барияудтаанад̣̇ужжарид̇авад̇т̇уббахаанам̣ ход̇ийд̇и д̣̇ассанад̇т̇ам̣ буна анусаяаанам̣ бахаанам̣ вуд̇д̇ам̣. згавийсад̇ипалан̃аан̣ам̣ санд̇хааяа бахийнагилзсаг̇ан̣анааяаби н̃аан̣аг̇ан̣анаа гад̇аа ход̇и, бажжавзгкан̣ан̃аан̣ан̃жа санд̇хааяа бахийнагилзсабажжавзгкан̣аг̇ан̣анааяа палабажжавзгкан̣ан̃аан̣аг̇ан̣анаа гад̇аа ход̇ийд̇и.
Vimuttisukhañāṇaniddese pahīnattāti pahānaṃ dassetvā tassa pahānassa samucchedappahānattaṃ dassento samucchinnattāti āha. Vimuttisukhe ñāṇanti phalavimuttisukhasampayuttañāṇañca phalavimuttisukhārammaṇapaccavekkhaṇañāṇañca. Anusayavatthussa kilesassa pahānena pariyuṭṭhānaduccaritavatthuppahānaṃ hotīti dassanatthaṃ puna anusayānaṃ pahānaṃ vuttaṃ. Ekavīsatiphalañāṇaṃ sandhāya pahīnakilesagaṇanāyapi ñāṇagaṇanā katā hoti, paccavekkhaṇañāṇañca sandhāya pahīnakilesapaccavekkhaṇagaṇanāya phalapaccavekkhaṇañāṇagaṇanā katā hotīti.
н̃аан̣араасичагганид̣̇д̣̇зсаван̣н̣анаа нидтид̇аа.
Ñāṇarāsichakkaniddesavaṇṇanā niṭṭhitā.
сад̣̇д̇хаммаббагаасинияаа бадисамбхид̣̇аамаг̇г̇адтагат̇ааяа
Saddhammappakāsiniyā paṭisambhidāmaggaṭṭhakathāya
аанаабаанассад̇игат̇ааван̣н̣анаа нидтид̇аа.
Ānāpānassatikathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 6. н̃аан̣араасичагганид̣̇д̣̇зсо • 6. Ñāṇarāsichakkaniddeso
