| Library / Tipiṭaka / तिपिटक • Tipiṭaka / अपदानपाळि • Apadānapāḷi |
२. ञाणसञ्ञिकत्थेरअपदानं
2. Ñāṇasaññikattheraapadānaṃ
७.
7.
‘‘सुवण्णवण्णं सम्बुद्धं, निसभाजानियं यथा।
‘‘Suvaṇṇavaṇṇaṃ sambuddhaṃ, nisabhājāniyaṃ yathā;
तिधापभिन्नं मातङ्गं, कुञ्जरंव महेसिनं॥
Tidhāpabhinnaṃ mātaṅgaṃ, kuñjaraṃva mahesinaṃ.
८.
8.
‘‘ओभासेन्तं दिसा सब्बा, उळुराजंव पूरितं।
‘‘Obhāsentaṃ disā sabbā, uḷurājaṃva pūritaṃ;
रथियं पटिपज्जन्तं, लोकजेट्ठं अपस्सहं॥
Rathiyaṃ paṭipajjantaṃ, lokajeṭṭhaṃ apassahaṃ.
९.
9.
‘‘ञाणे चित्तं पसादेत्वा, पग्गहेत्वान अञ्जलिं।
‘‘Ñāṇe cittaṃ pasādetvā, paggahetvāna añjaliṃ;
पसन्नचित्तो सुमनो, सिद्धत्थमभिवादयिं॥
Pasannacitto sumano, siddhatthamabhivādayiṃ.
१०.
10.
‘‘चतुन्नवुतितो कप्पे, यं कम्ममकरिं तदा।
‘‘Catunnavutito kappe, yaṃ kammamakariṃ tadā;
दुग्गतिं नाभिजानामि, ञाणसञ्ञायिदं फलं॥
Duggatiṃ nābhijānāmi, ñāṇasaññāyidaṃ phalaṃ.
११.
11.
‘‘तेसत्ततिम्हितो कप्पे, सोळसासुं नरुत्तमा।
‘‘Tesattatimhito kappe, soḷasāsuṃ naruttamā;
सत्तरतनसम्पन्ना, चक्कवत्ती महब्बला॥
Sattaratanasampannā, cakkavattī mahabbalā.
१२.
12.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा ञाणसञ्ञिको थेरो इमा गाथायो अभासित्थाति।
Itthaṃ sudaṃ āyasmā ñāṇasaññiko thero imā gāthāyo abhāsitthāti.
ञाणसञ्ञिकत्थेरस्सापदानं दुतियं।
Ñāṇasaññikattherassāpadānaṃ dutiyaṃ.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / २. ञाणसञ्ञिकत्थेरअपदानवण्णना • 2. Ñāṇasaññikattheraapadānavaṇṇanā
