| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๒. ญาณสญฺญิกเตฺถรอปทานํ
2. Ñāṇasaññikattheraapadānaṃ
๗.
7.
‘‘สุวณฺณวณฺณํ สมฺพุทฺธํ, นิสภาชานิยํ ยถา;
‘‘Suvaṇṇavaṇṇaṃ sambuddhaṃ, nisabhājāniyaṃ yathā;
ติธาปภินฺนํ มาตงฺคํ, กุญฺชรํว มเหสินํฯ
Tidhāpabhinnaṃ mātaṅgaṃ, kuñjaraṃva mahesinaṃ.
๘.
8.
‘‘โอภาเสนฺตํ ทิสา สพฺพา, อุฬุราชํว ปูริตํ;
‘‘Obhāsentaṃ disā sabbā, uḷurājaṃva pūritaṃ;
รถิยํ ปฎิปชฺชนฺตํ, โลกเชฎฺฐํ อปสฺสหํฯ
Rathiyaṃ paṭipajjantaṃ, lokajeṭṭhaṃ apassahaṃ.
๙.
9.
‘‘ญาเณ จิตฺตํ ปสาเทตฺวา, ปคฺคเหตฺวาน อญฺชลิํ;
‘‘Ñāṇe cittaṃ pasādetvā, paggahetvāna añjaliṃ;
ปสนฺนจิโตฺต สุมโน, สิทฺธตฺถมภิวาทยิํฯ
Pasannacitto sumano, siddhatthamabhivādayiṃ.
๑๐.
10.
‘‘จตุนฺนวุติโต กเปฺป, ยํ กมฺมมกริํ ตทา;
‘‘Catunnavutito kappe, yaṃ kammamakariṃ tadā;
ทุคฺคติํ นาภิชานามิ, ญาณสญฺญายิทํ ผลํฯ
Duggatiṃ nābhijānāmi, ñāṇasaññāyidaṃ phalaṃ.
๑๑.
11.
‘‘เตสตฺตติมฺหิโต กเปฺป, โสฬสาสุํ นรุตฺตมา;
‘‘Tesattatimhito kappe, soḷasāsuṃ naruttamā;
สตฺตรตนสมฺปนฺนา, จกฺกวตฺตี มหพฺพลาฯ
Sattaratanasampannā, cakkavattī mahabbalā.
๑๒.
12.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา ญาณสญฺญิโก เถโร อิมา คาถาโย อภาสิตฺถาติฯ
Itthaṃ sudaṃ āyasmā ñāṇasaññiko thero imā gāthāyo abhāsitthāti.
ญาณสญฺญิกเตฺถรสฺสาปทานํ ทุติยํฯ
Ñāṇasaññikattherassāpadānaṃ dutiyaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๒. ญาณสญฺญิกเตฺถรอปทานวณฺณนา • 2. Ñāṇasaññikattheraapadānavaṇṇanā
