| Library / Tipiṭaka / තිපිටක • Tipiṭaka / අපදානපාළි • Apadānapāḷi |
2. ඤාණසඤ්‌ඤිකත්‌ථෙරඅපදානං
2. Ñāṇasaññikattheraapadānaṃ
7.
7.
‘‘සුවණ්‌ණවණ්‌ණං සම්‌බුද්‌ධං, නිසභාජානියං යථා;
‘‘Suvaṇṇavaṇṇaṃ sambuddhaṃ, nisabhājāniyaṃ yathā;
තිධාපභින්‌නං මාතඞ්‌ගං, කුඤ්‌ජරංව මහෙසිනං.
Tidhāpabhinnaṃ mātaṅgaṃ, kuñjaraṃva mahesinaṃ.
8.
8.
‘‘ඔභාසෙන්‌තං දිසා සබ්‌බා, උළුරාජංව පූරිතං;
‘‘Obhāsentaṃ disā sabbā, uḷurājaṃva pūritaṃ;
රථියං පටිපජ්‌ජන්‌තං, ලොකජෙට්‌ඨං අපස්‌සහං.
Rathiyaṃ paṭipajjantaṃ, lokajeṭṭhaṃ apassahaṃ.
9.
9.
‘‘ඤාණෙ චිත්‌තං පසාදෙත්‌වා, පග්‌ගහෙත්‌වාන අඤ්‌ජලිං;
‘‘Ñāṇe cittaṃ pasādetvā, paggahetvāna añjaliṃ;
පසන්‌නචිත්‌තො සුමනො, සිද්‌ධත්‌ථමභිවාදයිං.
Pasannacitto sumano, siddhatthamabhivādayiṃ.
10.
10.
‘‘චතුන්‌නවුතිතො කප්‌පෙ, යං කම්‌මමකරිං තදා;
‘‘Catunnavutito kappe, yaṃ kammamakariṃ tadā;
දුග්‌ගතිං නාභිජානාමි, ඤාණසඤ්‌ඤායිදං ඵලං.
Duggatiṃ nābhijānāmi, ñāṇasaññāyidaṃ phalaṃ.
11.
11.
‘‘තෙසත්‌තතිම්‌හිතො කප්‌පෙ, සොළසාසුං නරුත්‌තමා;
‘‘Tesattatimhito kappe, soḷasāsuṃ naruttamā;
සත්‌තරතනසම්‌පන්‌නා, චක්‌කවත්‌තී මහබ්‌බලා.
Sattaratanasampannā, cakkavattī mahabbalā.
12.
12.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා ඤාණසඤ්‌ඤිකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā ñāṇasaññiko thero imā gāthāyo abhāsitthāti.
ඤාණසඤ්‌ඤිකත්‌ථෙරස්‌සාපදානං දුතියං.
Ñāṇasaññikattherassāpadānaṃ dutiyaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 2. ඤාණසඤ්‌ඤිකත්‌ථෙරඅපදානවණ්‌ණනා • 2. Ñāṇasaññikattheraapadānavaṇṇanā
