| Library / Tipiṭaka / තිපිටක • Tipiṭaka / අපදානපාළි • Apadānapāḷi |
8. ඤාණසඤ්‌ඤිකත්‌ථෙරඅපදානං
8. Ñāṇasaññikattheraapadānaṃ
84.
84.
‘‘පබ්‌බතෙ හිමවන්‌තම්‌හි, වසාමි පබ්‌බතන්‌තරෙ;
‘‘Pabbate himavantamhi, vasāmi pabbatantare;
පුලිනං සොභනං දිස්‌වා, බුද්‌ධසෙට්‌ඨං අනුස්‌සරිං.
Pulinaṃ sobhanaṃ disvā, buddhaseṭṭhaṃ anussariṃ.
85.
85.
‘‘ඤාණෙ උපනිධා නත්‌ථි, සඞ්‌ඛාරං 1 නත්‌ථි සත්‌ථුනො;
‘‘Ñāṇe upanidhā natthi, saṅkhāraṃ 2 natthi satthuno;
සබ්‌බධම්‌මං අභිඤ්‌ඤාය, ඤාණෙන අධිමුච්‌චති.
Sabbadhammaṃ abhiññāya, ñāṇena adhimuccati.
86.
86.
‘‘නමො තෙ පුරිසාජඤ්‌ඤ, නමො තෙ පුරිසුත්‌තම;
‘‘Namo te purisājañña, namo te purisuttama;
ඤාණෙන තෙ සමො නත්‌ථි, යාවතා ඤාණමුත්‌තමං.
Ñāṇena te samo natthi, yāvatā ñāṇamuttamaṃ.
87.
87.
‘‘ඤාණෙ චිත්‌තං පසාදෙත්‌වා, කප්‌පං සග්‌ගම්‌හි මොදහං;
‘‘Ñāṇe cittaṃ pasādetvā, kappaṃ saggamhi modahaṃ;
88.
88.
‘‘එකනවුතිතො කප්‌පෙ, යං සඤ්‌ඤමලභිං තදා;
‘‘Ekanavutito kappe, yaṃ saññamalabhiṃ tadā;
දුග්‌ගතිං නාභිජානාමි, ඤාණසඤ්‌ඤායිදං ඵලං.
Duggatiṃ nābhijānāmi, ñāṇasaññāyidaṃ phalaṃ.
89.
89.
සත්‌තරතනසම්‌පන්‌නො, චක්‌කවත්‌තී මහබ්‌බලො.
Sattaratanasampanno, cakkavattī mahabbalo.
90.
90.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා ඤාණසඤ්‌ඤිකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā ñāṇasaññiko thero imā gāthāyo abhāsitthāti.
ඤාණසඤ්‌ඤිකත්‌ථෙරස්‌සාපදානං අට්‌ඨමං.
Ñāṇasaññikattherassāpadānaṃ aṭṭhamaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 8. ඤාණසඤ්‌ඤිකත්‌ථෙරඅපදානවණ්‌ණනා • 8. Ñāṇasaññikattheraapadānavaṇṇanā
