| Library / Tipiṭaka / තිපිටක • Tipiṭaka / අපදාන-අට්‌ඨකථා • Apadāna-aṭṭhakathā |
8. ඤාණසඤ්‌ඤිකත්‌ථෙරඅපදානවණ්‌ණනා
8. Ñāṇasaññikattheraapadānavaṇṇanā
පබ්‌බතෙ හිමවන්‌තම්‌හීතිආදිකං ආයස්‌මතො ඤාණසඤ්‌ඤිකත්‌ථෙරස්‌ස අපදානං. අයම්‌පි පුරිමබුද්‌ධෙසු කතාධිකාරො තස්‌මිං තස්‌මිං උප්‌පන්‌නුප්‌පන්‌නෙ භවෙ විවට්‌ටූපනිස්‌සයානි පුඤ්‌ඤානි උපචිනන්‌තො විපස්‌සිස්‌ස භගවතො කාලෙ කුලගෙහෙ නිබ්‌බත්‌තො වුද්‌ධිප්‌පත්‌තො ඝරාවාසං පහාය තාපසපබ්‌බජ්‌ජං පබ්‌බජිත්‌වා හිමවන්‌තස්‌ස අවිදූරෙ පබ්‌බතන්‌තරෙ පණ්‌ණසාලං කාරෙත්‌වා පඤ්‌චාභිඤ්‌ඤාඅට්‌ඨසමාපත්‌තියො නිබ්‌බත්‌තෙත්‌වා වසන්‌තො එකදිවසං පරිසුද්‌ධං පණ්‌ඩරං පුලිනතලං දිස්‌වා ‘‘ඊදිසා පරිසුද්‌ධා බුද්‌ධා, ඊදිසංව පරිසුද්‌ධං බුද්‌ධඤාණ’’න්‌ති බුද්‌ධඤ්‌ච තස්‌ස ඤාණඤ්‌ච අනුස්‌සරි ථොමෙසි ච.
Pabbate himavantamhītiādikaṃ āyasmato ñāṇasaññikattherassa apadānaṃ. Ayampi purimabuddhesu katādhikāro tasmiṃ tasmiṃ uppannuppanne bhave vivaṭṭūpanissayāni puññāni upacinanto vipassissa bhagavato kāle kulagehe nibbatto vuddhippatto gharāvāsaṃ pahāya tāpasapabbajjaṃ pabbajitvā himavantassa avidūre pabbatantare paṇṇasālaṃ kāretvā pañcābhiññāaṭṭhasamāpattiyo nibbattetvā vasanto ekadivasaṃ parisuddhaṃ paṇḍaraṃ pulinatalaṃ disvā ‘‘īdisā parisuddhā buddhā, īdisaṃva parisuddhaṃ buddhañāṇa’’nti buddhañca tassa ñāṇañca anussari thomesi ca.
84. සො තෙන පුඤ්‌ඤෙන දෙවමනුස්‌සෙසු සංසරන්‌තො උභයසම්‌පත්‌තියො අනුභවිත්‌වා ඉමස්‌මිං බුද්‌ධුප්‌පාදෙ එකස්‌මිං කුලගෙහෙ නිබ්‌බත්‌තො විඤ්‌ඤුතං පත්‌වා සාසනෙ පබ්‌බජිත්‌වා නචිරස්‌සෙව අරහත්‌තං පත්‌තො පුබ්‌බෙ කතපුඤ්‌ඤං අනුස්‌සරිත්‌වා සොමනස්‌සජාතො පුබ්‌බචරිතාපදානං පකාසෙන්‌තො ‘‘පබ්‌බතෙ හිමවන්‌තම්‌හී’’තිආදිමාහ. පුලිනං සොභනං දිස්‌වාති පරිපුණ්‌ණකතං විය පුලාකාරෙන පරිසොධිතාකාරෙන පවත්‌තං ඨිතන්‌ති පුලිනං, සොභනං වාලුකං දිස්‌වා සෙට්‌ඨං බුද්‌ධං අනුස්‌සරින්‌ති අත්‌ථො. සෙසං සුවිඤ්‌ඤෙය්‍යමෙවාති.
84. So tena puññena devamanussesu saṃsaranto ubhayasampattiyo anubhavitvā imasmiṃ buddhuppāde ekasmiṃ kulagehe nibbatto viññutaṃ patvā sāsane pabbajitvā nacirasseva arahattaṃ patto pubbe katapuññaṃ anussaritvā somanassajāto pubbacaritāpadānaṃ pakāsento ‘‘pabbate himavantamhī’’tiādimāha. Pulinaṃ sobhanaṃ disvāti paripuṇṇakataṃ viya pulākārena parisodhitākārena pavattaṃ ṭhitanti pulinaṃ, sobhanaṃ vālukaṃ disvā seṭṭhaṃ buddhaṃ anussarinti attho. Sesaṃ suviññeyyamevāti.
ඤාණසඤ්‌ඤිකත්‌ථෙරඅපදානවණ්‌ණනා සමත්‌තා.
Ñāṇasaññikattheraapadānavaṇṇanā samattā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / ඛුද්‌දකනිකාය • Khuddakanikāya / අපදානපාළි • Apadānapāḷi / 8. ඤාණසඤ්‌ඤිකත්‌ථෙරඅපදානං • 8. Ñāṇasaññikattheraapadānaṃ
