| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
5. ஞாணஸுத்தங்
5. Ñāṇasuttaṃ
273. ‘‘‘இமா வேத³னா’தி மே, பி⁴க்க²வே, புப்³பே³ அனநுஸ்ஸுதேஸு த⁴ம்மேஸு சக்கு²ங் உத³பாதி³, ஞாணங் உத³பாதி³, பஞ்ஞா உத³பாதி³, விஜ்ஜா உத³பாதி³, ஆலோகோ உத³பாதி³. ‘அயங் வேத³னாஸமுத³யோ’தி மே, பி⁴க்க²வே, புப்³பே³ அனநுஸ்ஸுதேஸு த⁴ம்மேஸு சக்கு²ங் உத³பாதி³…பே॰… ஆலோகோ உத³பாதி³. ‘அயங் வேத³னாஸமுத³யகா³மினீ படிபதா³’தி மே, பி⁴க்க²வே, புப்³பே³ அனநுஸ்ஸுதேஸு த⁴ம்மேஸு சக்கு²ங் உத³பாதி³…பே॰… ‘அயங் வேத³னானிரோதோ⁴’தி மே, பி⁴க்க²வே, புப்³பே³ அனநுஸ்ஸுதேஸு த⁴ம்மேஸு சக்கு²ங் உத³பாதி³ …பே॰… ‘அயங் வேத³னானிரோத⁴கா³மினீ படிபதா³’தி மே, பி⁴க்க²வே, புப்³பே³ அனநுஸ்ஸுதேஸு த⁴ம்மேஸு சக்கு²ங் உத³பாதி³…பே॰… ‘அயங் வேத³னாய அஸ்ஸாதோ³’தி மே, பி⁴க்க²வே, புப்³பே³ அனநுஸ்ஸுதேஸு த⁴ம்மேஸு…பே॰… ‘அயங் வேத³னாய ஆதீ³னவோ’தி மே, பி⁴க்க²வே, புப்³பே³ அனநுஸ்ஸுதேஸு த⁴ம்மேஸு…பே॰… ‘இத³ங் கோ² நிஸ்ஸரண’ந்தி மே, பி⁴க்க²வே, புப்³பே³ அனநுஸ்ஸுதேஸு த⁴ம்மேஸு சக்கு²ங் உத³பாதி³, ஞாணங் உத³பாதி³, பஞ்ஞா உத³பாதி³, விஜ்ஜா உத³பாதி³, ஆலோகோ உத³பாதீ³’’தி. பஞ்சமங்.
273. ‘‘‘Imā vedanā’ti me, bhikkhave, pubbe ananussutesu dhammesu cakkhuṃ udapādi, ñāṇaṃ udapādi, paññā udapādi, vijjā udapādi, āloko udapādi. ‘Ayaṃ vedanāsamudayo’ti me, bhikkhave, pubbe ananussutesu dhammesu cakkhuṃ udapādi…pe… āloko udapādi. ‘Ayaṃ vedanāsamudayagāminī paṭipadā’ti me, bhikkhave, pubbe ananussutesu dhammesu cakkhuṃ udapādi…pe… ‘ayaṃ vedanānirodho’ti me, bhikkhave, pubbe ananussutesu dhammesu cakkhuṃ udapādi …pe… ‘ayaṃ vedanānirodhagāminī paṭipadā’ti me, bhikkhave, pubbe ananussutesu dhammesu cakkhuṃ udapādi…pe… ‘ayaṃ vedanāya assādo’ti me, bhikkhave, pubbe ananussutesu dhammesu…pe… ‘ayaṃ vedanāya ādīnavo’ti me, bhikkhave, pubbe ananussutesu dhammesu…pe… ‘idaṃ kho nissaraṇa’nti me, bhikkhave, pubbe ananussutesu dhammesu cakkhuṃ udapādi, ñāṇaṃ udapādi, paññā udapādi, vijjā udapādi, āloko udapādī’’ti. Pañcamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 2-10. அட்ட²ஸதஸுத்தாதி³வண்ணனா • 2-10. Aṭṭhasatasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 2-10. அட்ட²ஸதஸுத்தாதி³வண்ணனா • 2-10. Aṭṭhasatasuttādivaṇṇanā
