| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
10. наанаад̇ид̇т̇ияасаавагасуд̇д̇аван̣н̣анаа
10. Nānātitthiyasāvakasuttavaṇṇanā
111. д̣̇асамз наанаад̇ид̇т̇ияасаавагаад̇и д̇з гира гаммаваад̣̇ино ахзсум̣, д̇асмаа д̣̇аанаад̣̇ийни бун̃н̃аани гад̇ваа саг̇г̇з ниб̣б̣ад̇д̇аа, д̇з ‘‘ад̇д̇ано ад̇д̇ано сад̇т̇ари басаад̣̇зна ниб̣б̣ад̇д̇амхаа’’д̇и сан̃н̃ино худ̇ваа ‘‘г̇ажчаама д̣̇асаб̣аласса санд̇игз тад̇ваа амхаагам̣ сад̇т̇аараанам̣ ван̣н̣ам̣ гат̇зссаамаа’’д̇и ааг̇анд̇ваа бажжзгаг̇аат̇аахи гат̇аяим̣су. д̇ад̇т̇а чинд̣̇ид̇амаарид̇зд̇и чинд̣̇ид̇з жа маарид̇з жа. хад̇аж̇аанийсууд̇и бот̇анз жа д̇ханаж̇аанийсу жа. бун̃н̃ам̣ ваа банаад̇и ад̇д̇ано бун̃н̃амби на саманубассад̇и, сан̇кзбад̇о бун̃н̃аабун̃н̃аанам̣ вибааго над̇т̇ийд̇и вад̣̇ад̇и. са вз виссаасамаажигкийд̇и со – ‘‘звам̣ гад̇абаабаанамби гад̇абун̃н̃аанамби вибааго над̇т̇ий’’д̇и вад̣̇анд̇о сад̇д̇аанам̣ виссаасам̣ авассаяам̣ бад̇идтам̣ аажигкад̇и, д̇асмаа маананам̣ ванд̣̇анам̣ бууж̇анам̣ арахад̇ийд̇и вад̣̇ад̇и.
111. Dasame nānātitthiyasāvakāti te kira kammavādino ahesuṃ, tasmā dānādīni puññāni katvā sagge nibbattā, te ‘‘attano attano satthari pasādena nibbattamhā’’ti saññino hutvā ‘‘gacchāma dasabalassa santike ṭhatvā amhākaṃ satthārānaṃ vaṇṇaṃ kathessāmā’’ti āgantvā paccekagāthāhi kathayiṃsu. Tattha chinditamāriteti chindite ca mārite ca. Hatajānīsūti pothane ca dhanajānīsu ca. Puññaṃ vā panāti attano puññampi na samanupassati, saṅkhepato puññāpuññānaṃ vipāko natthīti vadati. Sa ve vissāsamācikkhīti so – ‘‘evaṃ katapāpānampi katapuññānampi vipāko natthī’’ti vadanto sattānaṃ vissāsaṃ avassayaṃ patiṭṭhaṃ ācikkhati, tasmā mānanaṃ vandanaṃ pūjanaṃ arahatīti vadati.
д̇абож̇иг̇ужчааяаад̇и гааяагиламат̇ад̇абзна баабаж̇иг̇ужчанзна. сусам̣вуд̇ад̇д̇од̇и саманнааг̇ад̇о бихид̇о ваа. ж̇зг̇ужчийд̇и д̇абзна баабаж̇иг̇ужчаго. нибагод̇и бан̣д̣ид̇о. жаад̇уяаамасусам̣вуд̇од̇и жаад̇уяаамзна сусам̣вуд̇о. жаад̇уяаамо наама саб̣б̣аваариваарид̇о жа ход̇и саб̣б̣аваарияуд̇д̇о жа саб̣б̣аваарид̇худ̇о жа саб̣б̣аваарипудо жаад̇и имз жад̇д̇ааро годтаасаа. д̇ад̇т̇а саб̣б̣аваариваарид̇од̇и ваарид̇асаб̣б̣ауд̣̇аго, бадигкид̇д̇асаб̣б̣асийд̇од̣̇агод̇и ад̇т̇о. со гира сийд̇од̣̇агз сад̇д̇асан̃н̃ий ход̇и , д̇асмаа д̇ам̣ на валан̃ж̇зд̇и. саб̣б̣аваарияуд̇д̇од̇и саб̣б̣зна баабавааран̣зна яуд̇о. саб̣б̣аваарид̇худ̇од̇и саб̣б̣зна баабавааран̣зна д̇худ̇абаабо . саб̣б̣аваарипудод̇и саб̣б̣зна баабавааран̣зна пудто. д̣̇идтам̣ суд̇ан̃жа аажигканд̇и д̣̇идтам̣ ‘‘д̣̇идтам̣ мз’’д̇и суд̇ам̣ ‘‘суд̇ам̣ мз’’д̇и аажигканд̇о, на ниг̇уханд̇о. на хи нууна гиб̣б̣исийд̇и зваруубо сад̇т̇аа гиб̣б̣исагаараго наама на ход̇и.
Tapojigucchāyāti kāyakilamathatapena pāpajigucchanena. Susaṃvutattoti samannāgato pihito vā. Jegucchīti tapena pāpajigucchako. Nipakoti paṇḍito. Cātuyāmasusaṃvutoti cātuyāmena susaṃvuto. Cātuyāmo nāma sabbavārivārito ca hoti sabbavāriyutto ca sabbavāridhuto ca sabbavāriphuṭo cāti ime cattāro koṭṭhāsā. Tattha sabbavārivāritoti vāritasabbaudako, paṭikkhittasabbasītodakoti attho. So kira sītodake sattasaññī hoti , tasmā taṃ na valañjeti. Sabbavāriyuttoti sabbena pāpavāraṇena yuto. Sabbavāridhutoti sabbena pāpavāraṇena dhutapāpo . Sabbavāriphuṭoti sabbena pāpavāraṇena phuṭṭho. Diṭṭhaṃ sutañca ācikkhanti diṭṭhaṃ ‘‘diṭṭhaṃ me’’ti sutaṃ ‘‘sutaṃ me’’ti ācikkhanto, na niguhanto. Na hi nūna kibbisīti evarūpo satthā kibbisakārako nāma na hoti.
наанаад̇ид̇т̇иязд̇и со гира наанаад̇ид̇т̇ияаанам̣язва убадтааго, д̇асмаа д̇з аараб̣бха вад̣̇ад̇и. багуд̇хаго гаад̇ияаанод̇и багуд̇хо гажжааяано. ниг̇ан̣тод̇и наадабуд̇д̇о. магкалибууран̣аасзд̇и магкали жа бууран̣о жа. сааман̃н̃аббад̇д̇аад̇и саман̣ад̇хаммз годиббад̇д̇аа. на хи нууна д̇зд̇и саббурисзхи на д̣̇уурз, д̇зязва логз саббурисаад̇и вад̣̇ад̇и. бажжабхаасийд̇и ‘‘аяам̣ аагодаго имзсам̣ наг̇г̇аниссиригаанам̣ д̣̇асаб̣аласса санд̇игз тад̇ваа ван̣н̣ам̣ гат̇зд̇ийд̇и д̇зсам̣ аван̣н̣ам̣ гат̇зссаамий’’д̇и бад̇иабхаасийд̇и.
Nānātitthiyeti so kira nānātitthiyānaṃyeva upaṭṭhāko, tasmā te ārabbha vadati. Pakudhako kātiyānoti pakudho kaccāyano. Nigaṇṭhoti nāṭaputto. Makkhalipūraṇāseti makkhali ca pūraṇo ca. Sāmaññappattāti samaṇadhamme koṭippattā. Na hi nūna teti sappurisehi na dūre, teyeva loke sappurisāti vadati. Paccabhāsīti ‘‘ayaṃ ākoṭako imesaṃ nagganissirikānaṃ dasabalassa santike ṭhatvā vaṇṇaṃ kathetīti tesaṃ avaṇṇaṃ kathessāmī’’ti patiabhāsīti.
д̇ад̇т̇а сахаажарид̇знаад̇и саха жарид̇амад̇д̇зна. чаво сиг̇аалод̇и лаамаго гааласиг̇аало. год̇т̇угод̇и д̇ассзва взважанам̣. сан̇гассараажаарод̇и аасан̇гид̇асамаажааро. на сад̇ам̣ саригкод̇и бан̣д̣ид̇аанам̣ саббурисаанам̣ сад̣̇исо на ход̇и, гим̣ д̇вам̣ гааласиг̇ааласад̣̇исз д̇ид̇т̇ияз сийхз гаросийд̇и?
Tattha sahācaritenāti saha caritamattena. Chavo sigāloti lāmako kālasigālo. Kotthukoti tasseva vevacanaṃ. Saṅkassarācāroti āsaṅkitasamācāro. Na sataṃ sarikkhoti paṇḍitānaṃ sappurisānaṃ sadiso na hoti, kiṃ tvaṃ kālasigālasadise titthiye sīhe karosīti?
анваависид̇ваад̇и ‘‘аяам̣ зваруубаанам̣ сад̇т̇аараанам̣ аван̣н̣ам̣ гат̇зд̇и, д̇знзва нам̣ мукзна ван̣н̣ам̣ гат̇аабзссаамий’’д̇и жинд̇зд̇ваа д̇асса сарийрз ануаависи ад̇химужжи, звам̣ анваависид̇ваа. ааяуд̇д̇аад̇и д̇абож̇иг̇ужчанз яуд̇д̇абаяуд̇д̇аа. баалаяам̣ бавивзгияанд̇и бавивзгам̣ баалаяанд̇аа. д̇з гира ‘‘нхаабид̇абавивзгам̣ баалзссаамаа’’д̇и саяам̣ гзсз лун̃жанд̇и. ‘‘жийварабавивзгам̣ баад̇зссаамаа’’д̇и наг̇г̇аа вижаранд̇и. ‘‘бин̣д̣абаад̇абавивзгам̣ баалзссаамаа’’д̇и сунакаа вияа бхуумияам̣ ваа бхун̃ж̇анд̇и хад̇т̇зсу ваа. ‘‘сзнаасанабавивзгам̣ баалзссаамаа’’д̇и ган̣дагасзяяаад̣̇ийни габбзнд̇и. руубз нивидтаад̇и д̇ан̣хаад̣̇идтийхи руубз бад̇идтид̇аа. д̣̇звалогаабхинанд̣̇инод̇и д̣̇звалогабад̇т̇анагаамаа. маад̇ияаад̇и мажжаа, д̇з вз мажжаа баралогад̇т̇ааяа саммаа анусаасанд̇ийд̇и вад̣̇ад̇и.
Anvāvisitvāti ‘‘ayaṃ evarūpānaṃ satthārānaṃ avaṇṇaṃ katheti, teneva naṃ mukhena vaṇṇaṃ kathāpessāmī’’ti cintetvā tassa sarīre anuāvisi adhimucci, evaṃ anvāvisitvā. Āyuttāti tapojigucchane yuttapayuttā. Pālayaṃ pavivekiyanti pavivekaṃ pālayantā. Te kira ‘‘nhāpitapavivekaṃ pālessāmā’’ti sayaṃ kese luñcanti. ‘‘Cīvarapavivekaṃ pātessāmā’’ti naggā vicaranti. ‘‘Piṇḍapātapavivekaṃ pālessāmā’’ti sunakhā viya bhūmiyaṃ vā bhuñjanti hatthesu vā. ‘‘Senāsanapavivekaṃ pālessāmā’’ti kaṇṭakaseyyādīni kappenti. Rūpe niviṭṭhāti taṇhādiṭṭhīhi rūpe patiṭṭhitā. Devalokābhinandinoti devalokapatthanakāmā. Mātiyāti maccā, te ve maccā paralokatthāya sammā anusāsantīti vadati.
ид̇и вид̣̇ид̇ваад̇и ‘‘аяам̣ батамам̣ зд̇зсам̣ аван̣н̣ам̣ гат̇зд̇ваа ид̣̇аани ван̣н̣ам̣ гат̇зд̇и, го ну ко зсо’’д̇и ааваж̇ж̇знд̇о ж̇аанид̇ваава. яз жанд̇алигкасмим̣ бабхаасаван̣н̣аад̇и яз анд̇алигкз жанд̣̇обхаасасуурияобхаасасан̃жхаарааг̇аинд̣̇ад̇хануд̇аарагаруубаанам̣ бабхаасаван̣н̣аа. саб̣б̣зва д̇з д̇зд̇и саб̣б̣зва д̇з д̇аяаа. намужийд̇и маарам̣ аалабад̇и. аамисам̣ва мажчаанам̣ вад̇хааяа кид̇д̇аад̇и яат̇аа мажчаанам̣ вад̇хад̇т̇ааяа б̣ал̣исалаг̇г̇ам̣ аамисам̣ кибад̇и, звам̣ д̇аяаа басам̣самаанзна зд̇з руубаа сад̇д̇аанам̣ вад̇хааяа кид̇д̇аад̇и вад̣̇ад̇и.
Itividitvāti ‘‘ayaṃ paṭhamaṃ etesaṃ avaṇṇaṃ kathetvā idāni vaṇṇaṃ katheti, ko nu kho eso’’ti āvajjento jānitvāva. Ye cantalikkhasmiṃ pabhāsavaṇṇāti ye antalikkhe candobhāsasūriyobhāsasañjhārāgaindadhanutārakarūpānaṃ pabhāsavaṇṇā. Sabbeva te teti sabbeva te tayā. Namucīti māraṃ ālapati. Āmisaṃva macchānaṃ vadhāya khittāti yathā macchānaṃ vadhatthāya baḷisalaggaṃ āmisaṃ khipati, evaṃ tayā pasaṃsamānena ete rūpā sattānaṃ vadhāya khittāti vadati.
маан̣аваг̇аамияод̇и аяам̣ гира д̣̇звабуд̇д̇о б̣уд̣̇д̇хубадтааго. рааж̇аг̇ахийяаананд̇и рааж̇аг̇ахабаб̣б̣ад̇аанам̣. сзд̇од̇и гзлаасо. агхаг̇ааминанд̇и аагаасаг̇аамийнам̣. уд̣̇ад̇хинанд̇и уд̣̇аганид̇хаанаанам̣. ид̣̇ам̣ вуд̇д̇ам̣ ход̇и – яат̇аа рааж̇аг̇ахийяаанам̣ баб̣б̣ад̇аанам̣ вибуло сздто, химаванд̇абаб̣б̣ад̇аанам̣ гзлаасо, аагаасаг̇аамийнам̣ аад̣̇ижжо, уд̣̇аганид̇хаанаанам̣ самуд̣̇д̣̇о, нагкад̇д̇аанам̣ жанд̣̇о, звам̣ сад̣̇звагасса логасса б̣уд̣̇д̇хо сздтод̇и. д̣̇асамам̣.
Māṇavagāmiyoti ayaṃ kira devaputto buddhupaṭṭhāko. Rājagahīyānanti rājagahapabbatānaṃ. Setoti kelāso. Aghagāminanti ākāsagāmīnaṃ. Udadhinanti udakanidhānānaṃ. Idaṃ vuttaṃ hoti – yathā rājagahīyānaṃ pabbatānaṃ vipulo seṭṭho, himavantapabbatānaṃ kelāso, ākāsagāmīnaṃ ādicco, udakanidhānānaṃ samuddo, nakkhattānaṃ cando, evaṃ sadevakassa lokassa buddho seṭṭhoti. Dasamaṃ.
наанаад̇ид̇т̇ияаваг̇г̇о д̇ад̇ияо.
Nānātitthiyavaggo tatiyo.
ид̇и саарад̇т̇аббагаасинияаа
Iti sāratthappakāsiniyā
сам̣яуд̇д̇анигааяа-адтагат̇ааяа
Saṃyuttanikāya-aṭṭhakathāya
д̣̇звабуд̇д̇асам̣яуд̇д̇аван̣н̣анаа нидтид̇аа.
Devaputtasaṃyuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 10. наанаад̇ид̇т̇ияасаавагасуд̇д̇ам̣ • 10. Nānātitthiyasāvakasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 10. наанаад̇ид̇т̇ияасаавагасуд̇д̇аван̣н̣анаа • 10. Nānātitthiyasāvakasuttavaṇṇanā
