| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
10. наанаад̇ид̇т̇ияасаавагасуд̇д̇аван̣н̣анаа
10. Nānātitthiyasāvakasuttavaṇṇanā
111. наанаад̇ид̇т̇ияасаавагаад̇и бут̇уд̇ид̇т̇ияаанам̣ саавагаа. чинд̣̇ид̇зд̇и хад̇т̇ажчзд̣̇аад̣̇ивасзна чзд̣̇з. маарид̇зд̇и мааран̣з. на баабам̣ саманубассад̇ийд̇и гин̃жи баабам̣ ад̇т̇ийд̇и на бассад̇и, барзсан̃жа д̇ат̇аа бавзд̣̇зд̇и. виссаасанд̇и виссад̇т̇абхаавам̣. ‘‘гад̇агаммаанамби вибааго над̇т̇ий’’д̇и вад̣̇анд̇о гад̇абаабаанам̣ агад̇абун̃н̃аанан̃жа виссад̇т̇ад̇ам̣ нираасан̇гад̇ам̣ ж̇анзд̇и.
111.Nānātitthiyasāvakāti puthutitthiyānaṃ sāvakā. Chinditeti hatthacchedādivasena chede. Māriteti māraṇe. Na pāpaṃ samanupassatīti kiñci pāpaṃ atthīti na passati, paresañca tathā pavedeti. Vissāsanti vissatthabhāvaṃ. ‘‘Katakammānampi vipāko natthī’’ti vadanto katapāpānaṃ akatapuññānañca vissatthataṃ nirāsaṅkataṃ janeti.
д̇абож̇иг̇ужчааяаад̇и д̇абасаа ажзлавад̇аад̣̇инаа баабад̇о ж̇иг̇ужчанзна, ‘‘баабам̣ вирааж̇аяаамаа’’д̇и ажзлавад̇аад̣̇исамаад̣̇аанзнаад̇и ад̇т̇о. д̇асмин̃хи самаад̣̇аанз тид̇зна сам̣варзна сам̣вуд̇ажид̇д̇о саманнааг̇ад̇о бихид̇о жа наама ход̇ийд̇и ‘‘сусам̣вуд̇ад̇д̇о’’д̇иаад̣̇и вуд̇д̇ам̣. жад̇д̇ааро яаамаа бхааг̇аа жад̇уяаамаа, жад̇уяаамаа зва жаад̇уяаамаа. бхааг̇ад̇т̇о хи ид̇ха яаама-сад̣̇д̣̇о яат̇аа ‘‘рад̇д̇ияам̣ батамо яаамо’’д̇и. со банзд̇т̇а бхааг̇о сам̣варалагкан̣од̇и ааха ‘‘жаад̇уяаамзна сусам̣вуд̇о’’д̇и, жад̇угодтаасзна сам̣варзна судту сам̣вуд̇од̇и ад̇т̇о. бадигкид̇д̇асаб̣б̣асийд̇од̣̇агод̇и бадигкид̇д̇асаб̣б̣асийд̇уд̣̇агабарибхог̇о. саб̣б̣зна баабавааран̣зна яуд̇д̇од̇и саб̣б̣аббагаарзна сам̣варалагкан̣зна баабавааран̣зна саманнааг̇ад̇о. д̇худ̇абаабод̇и саб̣б̣зна ниж̇ж̇аралагкан̣зна баабавааран̣знаби д̇худ̇абаабо. пудтод̇и адтаннамби гаммаанам̣ кзбанзна вигкзбаббад̇д̇ияаа гаммагкаяалагкан̣зна саб̣б̣зна баабавааран̣зна пудто, д̇ам̣ пусид̇ваа тид̇о. на ниг̇уханд̇од̇и на ниг̇уханахзд̇у д̣̇идтасуд̇з д̇ат̇зва гат̇знд̇о.
Tapojigucchāyāti tapasā acelavatādinā pāpato jigucchanena, ‘‘pāpaṃ virājayāmā’’ti acelavatādisamādānenāti attho. Tasmiñhi samādāne ṭhitena saṃvarena saṃvutacitto samannāgato pihito ca nāma hotīti ‘‘susaṃvutatto’’tiādi vuttaṃ. Cattāro yāmā bhāgā catuyāmā, catuyāmā eva cātuyāmā. Bhāgattho hi idha yāma-saddo yathā ‘‘rattiyaṃ paṭhamo yāmo’’ti. So panettha bhāgo saṃvaralakkhaṇoti āha ‘‘cātuyāmena susaṃvuto’’ti, catukoṭṭhāsena saṃvarena suṭṭhu saṃvutoti attho. Paṭikkhittasabbasītodakoti paṭikkhittasabbasītudakaparibhogo. Sabbena pāpavāraṇena yuttoti sabbappakārena saṃvaralakkhaṇena pāpavāraṇena samannāgato. Dhutapāpoti sabbena nijjaralakkhaṇena pāpavāraṇenapi dhutapāpo. Phuṭṭhoti aṭṭhannampi kammānaṃ khepanena vikkhepappattiyā kammakkhayalakkhaṇena sabbena pāpavāraṇena phuṭṭho, taṃ phusitvā ṭhito. Na niguhantoti na niguhanahetu diṭṭhasute tatheva kathento.
наанаад̇ид̇т̇ияаанам̣язва убадтаагод̇и бараваад̣̇ийнам̣ саб̣б̣зсам̣язва д̇ид̇т̇ияаанам̣ убадтааго, д̇зсу саад̇хааран̣авасзна абхиббасанно. годиббад̇д̇аад̇и могкаад̇хиг̇амзна саман̣ад̇хаммз бад̇д̇аб̣б̣амарияаад̣̇аббад̇д̇аа.
Nānātitthiyānaṃyevaupaṭṭhākoti paravādīnaṃ sabbesaṃyeva titthiyānaṃ upaṭṭhāko, tesu sādhāraṇavasena abhippasanno. Koṭippattāti mokkhādhigamena samaṇadhamme pattabbamariyādappattā.
сахажарид̇амад̇д̇знаад̇и сийханаад̣̇зна саха вассагаран̣амад̇д̇зна. сийхзна сийханаад̣̇ам̣ над̣̇анд̇зна сахзва син̇г̇аалзна ад̇д̇ано син̇г̇ааларавагаран̣амад̇д̇зна. год̇т̇угод̇и куд̣̇д̣̇агагод̇т̇у. аасан̇гид̇асамаажаарод̇и ад̇д̇анаа жа барзхи жа аасан̇гид̇аб̣б̣асамаажааро. саббурисаананд̇и б̣уд̣̇д̇хаад̣̇ийнам̣.
Sahacaritamattenāti sīhanādena saha vassakaraṇamattena. Sīhena sīhanādaṃ nadantena saheva siṅgālena attano siṅgālaravakaraṇamattena. Kotthukoti khuddakakotthu. Āsaṅkitasamācāroti attanā ca parehi ca āsaṅkitabbasamācāro. Sappurisānanti buddhādīnaṃ.
д̇ассаад̇и взг̇аб̣бхарисса д̣̇звабуд̇д̇асса. сарийрз ануаависийд̇и сарийрз анубависид̇ваа вияа аависи. ад̇химужжийд̇и яат̇аа г̇ахид̇асса васзна жид̇д̇ам̣ на вад̇д̇ад̇и, ад̇д̇ано зва васз вад̇д̇ад̇и, звам̣ ад̇хидтахи. ааяуд̇д̇аад̇и д̣̇ассанзна сам̣яуд̇д̇аа . бавивзгияанд̇и габбагавад̇т̇абхун̃ж̇анасзнаасанзхи бавивид̇д̇абхаавам̣. д̇знааха ‘‘д̇з гираа’’д̇иаад̣̇и. руубз нивидтаад̇и жагкуруубад̇хаммз абхинивидтаа. д̇знааха ‘‘д̇ан̣хаад̣̇идтийхи бад̇идтид̇аа’’д̇и. д̣̇звалогабад̇т̇анагаамаад̇и д̣̇звалогассзва абхибад̇т̇анагаамаа. маран̣ад̇хаммад̇ааяа маад̇ияаа. д̇знааха ‘‘маад̇ияаад̇и мажжаа’’д̇и. баралогад̇т̇ааяаад̇и барасамбад̇д̇ибхаавааяа логасса ад̇т̇ааяа.
Tassāti vegabbharissa devaputtassa. Sarīre anuāvisīti sarīre anupavisitvā viya āvisi. Adhimuccīti yathā gahitassa vasena cittaṃ na vattati, attano eva vase vattati, evaṃ adhiṭṭhahi. Āyuttāti dassanena saṃyuttā . Pavivekiyanti kappakavatthabhuñjanasenāsanehi pavivittabhāvaṃ. Tenāha ‘‘te kirā’’tiādi. Rūpe niviṭṭhāti cakkhurūpadhamme abhiniviṭṭhā. Tenāha ‘‘taṇhādiṭṭhīhi patiṭṭhitā’’ti. Devalokapatthanakāmāti devalokasseva abhipatthanakāmā. Maraṇadhammatāya mātiyā. Tenāha ‘‘mātiyāti maccā’’ti. Paralokatthāyāti parasampattibhāvāya lokassa atthāya.
бабхаасаван̣н̣аад̇и бабхааяа самаанаван̣н̣аа. гзсам̣ бабхааяаад̇и ааха ‘‘жанд̣̇обхаасаа’’д̇иаад̣̇и. саж̇жхаарааг̇абабхаасаван̣н̣аа инд̣̇ад̇ханубабхаасаван̣н̣аад̇и бажжзгам̣ яож̇анаа. аамо аамаг̇анд̇хо зд̇асса ад̇т̇ийд̇и аамисам̣. вад̇хааяаад̇и вид̣̇д̇хам̣сид̇ум̣. руубаад̇и руубааяад̇анаад̣̇ируубид̇хаммаа.
Pabhāsavaṇṇāti pabhāya samānavaṇṇā. Kesaṃ pabhāyāti āha ‘‘candobhāsā’’tiādi. Sajjhārāgapabhāsavaṇṇā indadhanupabhāsavaṇṇāti paccekaṃ yojanā. Āmo āmagandho etassa atthīti āmisaṃ. Vadhāyāti viddhaṃsituṃ. Rūpāti rūpāyatanādirūpidhammā.
рааж̇аг̇ахасамийбаббавад̇д̇ийнам̣ рааж̇аг̇ахияаанам̣. ‘‘сзд̇о’’д̇и гзлаасагуудо ад̇хиббзд̇од̇и ааха ‘‘сзд̇од̇и гзлаасо’’д̇и. гзнажи на гхаддзд̇ийд̇и агхам̣, анд̇алигканд̇и ааха ‘‘агхаг̇аамийнанд̇и аагаасаг̇аамийна’’нд̇и. уд̣̇агам̣ д̇хийяад̇и зд̇т̇аад̇и уд̣̇ад̇хи, маход̣̇ад̇хи. вибулод̇и взбуллабаб̣б̣ад̇о. химаванд̇абаб̣б̣ад̇аананд̇и химаванд̇абаб̣б̣ад̇абхааг̇аанам̣. б̣уд̣̇д̇хо сздто сийласамаад̇хибан̃н̃аавимуд̇д̇ивимуд̇д̇ин̃аан̣ад̣̇ассанаад̣̇ийхи саб̣б̣аг̇ун̣зхи.
Rājagahasamīpappavattīnaṃ rājagahiyānaṃ. ‘‘Seto’’ti kelāsakūṭo adhippetoti āha ‘‘setoti kelāso’’ti. Kenaci na ghaṭṭetīti aghaṃ, antalikkhanti āha ‘‘aghagāmīnanti ākāsagāmīna’’nti. Udakaṃ dhīyati etthāti udadhi, mahodadhi. Vipuloti vepullapabbato. Himavantapabbatānanti himavantapabbatabhāgānaṃ. Buddho seṭṭho sīlasamādhipaññāvimuttivimuttiñāṇadassanādīhi sabbaguṇehi.
наанаад̇ид̇т̇ияасаавагасуд̇д̇аван̣н̣анаа нидтид̇аа.
Nānātitthiyasāvakasuttavaṇṇanā niṭṭhitā.
д̇ад̇ияаваг̇г̇аван̣н̣анаа нидтид̇аа.
Tatiyavaggavaṇṇanā niṭṭhitā.
саарад̇т̇аббагаасинияаа сам̣яуд̇д̇анигааяа-адтагат̇ааяа
Sāratthappakāsiniyā saṃyuttanikāya-aṭṭhakathāya
д̣̇звабуд̇д̇асам̣яуд̇д̇аван̣н̣анааяа лийнад̇т̇аббагаасанаа самад̇д̇аа.
Devaputtasaṃyuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 10. наанаад̇ид̇т̇ияасаавагасуд̇д̇ам̣ • 10. Nānātitthiyasāvakasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 10. наанаад̇ид̇т̇ияасаавагасуд̇д̇аван̣н̣анаа • 10. Nānātitthiyasāvakasuttavaṇṇanā
