| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
29-31. н̃аан̣ад̇д̇аяанид̣̇д̣̇зсаван̣н̣анаа
29-31. Ñāṇattayaniddesavaṇṇanā
78. н̃аан̣ад̇д̇аяанид̣̇д̣̇зсз нимид̇д̇анд̇и сан̇кааранимид̇д̇ам̣. анимид̇д̇зд̇и сан̇кааранимид̇д̇абадибагкз ниб̣б̣аанз. ад̇химуд̇д̇ад̇д̇аад̇и д̇анниннабхаавзна жид̇д̇асса виссадтад̇д̇аа. пусса пусса ваяам̣ бассад̇ийд̇и сан̇кааранимид̇д̇ам̣ н̃аан̣зна пусид̇ваа пусид̇ваа д̇асса бхан̇г̇ам̣ вибассанаан̃аан̣знзва бассад̇и. зд̇зна бхан̇г̇аанубассанаа сид̣̇д̇хаа. саа анижжаанубассанам̣ саад̇хзд̇и, анижжасса д̣̇угкад̇д̇аа саа д̣̇угкаанубассанам̣, д̣̇угкасса анад̇д̇ад̇д̇аа саа анад̇д̇аанубассананд̇и звамзд̇т̇а д̇иссо анубассанаа вуд̇д̇аа хонд̇и. анимид̇д̇о вихаарод̇и нимид̇д̇ам̣ бхаяад̇о д̣̇идтад̇д̇аа со вибассанад̇д̇аяавихааро анимид̇д̇авихааро наама ход̇и. бан̣ид̇хинд̇и д̇ан̣хам̣. аббан̣ихид̇зд̇и д̇ан̣хаабадибагкз ниб̣б̣аанз. абхинивзсанд̇и ад̇д̇аабхинивзсам̣. сун̃н̃ад̇зд̇и ад̇д̇авирахид̇з ниб̣б̣аанз. сун̃н̃ад̇од̇и сун̃н̃ам̣язва сун̃н̃ад̇о. бавад̇д̇ам̣ аж̇жхубзгкид̇ваад̇и вибаагаббавад̇д̇ам̣ сан̇каарубзгкааяа аж̇жхубзгкид̇ваа. суг̇ад̇исан̇каад̇авибаагаббавад̇д̇аабхинанд̣̇ино хи сад̇д̇аа. аяам̣ бана паласамаабад̇д̇им̣ самаабаж̇ж̇ид̇угаамо д̇ам̣ бавад̇д̇ам̣, саб̣б̣ан̃жа сан̇каараг̇ад̇ам̣ анижжаад̣̇ид̇о бассид̇ваа аж̇жхубзгкад̇иязва. зван̃хи д̣̇идтз паласамаабад̇д̇им̣ самаабаж̇ж̇ид̇ум̣ саггод̇и, на ан̃н̃ат̇аа. ааваж̇ж̇ид̇ваад̇и ааваж̇ж̇анзна ааваж̇ж̇ид̇ваа. самаабаж̇ж̇ад̇ийд̇и паласамаабад̇д̇им̣ бадибаж̇ж̇ад̇и. анимид̇д̇аа самаабад̇д̇ийд̇и нимид̇д̇ам̣ бхаяад̇о д̣̇исваа самаабаннад̇д̇аа анимид̇д̇аа самаабад̇д̇и наама. анимид̇д̇авихаарасамаабад̇д̇ийд̇и вибассанаавихааравасзна жа паласамаабад̇д̇ивасзна жа д̇ад̣̇убхаяам̣ наама ход̇и.
78. Ñāṇattayaniddese nimittanti saṅkhāranimittaṃ. Animitteti saṅkhāranimittapaṭipakkhe nibbāne. Adhimuttattāti tanninnabhāvena cittassa vissaṭṭhattā. Phussa phussa vayaṃ passatīti saṅkhāranimittaṃ ñāṇena phusitvā phusitvā tassa bhaṅgaṃ vipassanāñāṇeneva passati. Etena bhaṅgānupassanā siddhā. Sā aniccānupassanaṃ sādheti, aniccassa dukkhattā sā dukkhānupassanaṃ, dukkhassa anattattā sā anattānupassananti evamettha tisso anupassanā vuttā honti. Animitto vihāroti nimittaṃ bhayato diṭṭhattā so vipassanattayavihāro animittavihāro nāma hoti. Paṇidhinti taṇhaṃ. Appaṇihiteti taṇhāpaṭipakkhe nibbāne. Abhinivesanti attābhinivesaṃ. Suññateti attavirahite nibbāne. Suññatoti suññaṃyeva suññato. Pavattaṃ ajjhupekkhitvāti vipākappavattaṃ saṅkhārupekkhāya ajjhupekkhitvā. Sugatisaṅkhātavipākappavattābhinandino hi sattā. Ayaṃ pana phalasamāpattiṃ samāpajjitukāmo taṃ pavattaṃ, sabbañca saṅkhāragataṃ aniccādito passitvā ajjhupekkhatiyeva. Evañhi diṭṭhe phalasamāpattiṃ samāpajjituṃ sakkoti, na aññathā. Āvajjitvāti āvajjanena āvajjitvā. Samāpajjatīti phalasamāpattiṃ paṭipajjati. Animittā samāpattīti nimittaṃ bhayato disvā samāpannattā animittā samāpatti nāma. Animittavihārasamāpattīti vipassanāvihāravasena ca phalasamāpattivasena ca tadubhayaṃ nāma hoti.
79. ид̣̇аани сан̇кааранимид̇д̇амзва вибхаж̇ид̇ваа д̣̇ассзнд̇о руубанимид̇д̇анд̇иаад̣̇имааха. ж̇араамаран̣аг̇г̇ахан̣з вад̇д̇аб̣б̣ам̣ буб̣б̣з вуд̇д̇амзва. ‘‘ан̃н̃о анимид̇д̇авихааро’’д̇иаад̣̇ийхи вуд̇д̇зязва ниг̇амзд̇ваа д̣̇ассзд̇и. сан̇кзбзна вихаарадтз н̃аан̣ам̣ наама паласамаабад̇д̇ияаа буб̣б̣абхааг̇з сан̇каарубзгкаан̃аан̣з тид̇асса вибассанаавихааранаанад̇д̇з н̃аан̣ам̣ самаабад̇д̇адтз н̃аан̣ам̣ наама паласамаабад̇д̇инаанад̇д̇з н̃аан̣ам̣. вихаарасамаабад̇д̇адтз н̃аан̣ам̣ наама д̇ад̣̇убхаяанаанад̇д̇з н̃аан̣ам̣. вибассанаавихаарзнзва вийд̇инаамзд̇угаамо вибассанаавихаарамзва бавад̇д̇зд̇и, паласамаабад̇д̇ивихаарзнзва вийд̇инаамзд̇угаамо вибассанаабадибаадияаа уссаггид̇ваа паласамаабад̇д̇ивихаарамзва бавад̇д̇зд̇и, д̇ад̣̇убхаязна вийд̇инаамзд̇угаамо д̇ад̣̇убхаяам̣ бавад̇д̇зд̇и. звам̣ буг̇г̇алаад̇хиббааяавасзна д̇ивид̇хам̣ ж̇аад̇ам̣. сзсамзд̇т̇а вад̇д̇аб̣б̣ам̣ сан̇каарубзгкаан̃аан̣аван̣н̣анааяам̣ вуд̇д̇амзва.
79. Idāni saṅkhāranimittameva vibhajitvā dassento rūpanimittantiādimāha. Jarāmaraṇaggahaṇe vattabbaṃ pubbe vuttameva. ‘‘Añño animittavihāro’’tiādīhi vutteyeva nigametvā dasseti. Saṅkhepena vihāraṭṭhe ñāṇaṃ nāma phalasamāpattiyā pubbabhāge saṅkhārupekkhāñāṇe ṭhitassa vipassanāvihāranānatte ñāṇaṃ samāpattaṭṭhe ñāṇaṃ nāma phalasamāpattinānatte ñāṇaṃ. Vihārasamāpattaṭṭhe ñāṇaṃ nāma tadubhayanānatte ñāṇaṃ. Vipassanāvihāreneva vītināmetukāmo vipassanāvihārameva pavatteti, phalasamāpattivihāreneva vītināmetukāmo vipassanāpaṭipāṭiyā ussakkitvā phalasamāpattivihārameva pavatteti, tadubhayena vītināmetukāmo tadubhayaṃ pavatteti. Evaṃ puggalādhippāyavasena tividhaṃ jātaṃ. Sesamettha vattabbaṃ saṅkhārupekkhāñāṇavaṇṇanāyaṃ vuttameva.
н̃аан̣ад̇д̇аяанид̣̇д̣̇зсаван̣н̣анаа нидтид̇аа.
Ñāṇattayaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 29-31. н̃аан̣ад̇д̇аяанид̣̇д̣̇зсо • 29-31. Ñāṇattayaniddeso
