| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
3. н̃аан̣авад̇т̇усуд̇д̇аван̣н̣анаа
3. Ñāṇavatthusuttavaṇṇanā
33. д̇ад̇ияз д̇ам̣ сун̣аат̇аад̇и д̇ам̣ н̃аан̣авад̇т̇уд̣̇зсанам̣ сун̣аат̇а. н̃аан̣авад̇т̇уунийд̇и жзд̇т̇а н̃аан̣амзва н̃аан̣авад̇т̇ууд̇и взд̣̇ид̇аб̣б̣ам̣. ж̇араамаран̣з н̃аан̣анд̇иаад̣̇ийсу жад̇уусу батамам̣ саванамаяан̃аан̣ам̣ саммасанан̃аан̣ам̣ бадивзд̇хан̃аан̣ам̣ бажжавзгкан̣ан̃аан̣анд̇и жад̇уб̣б̣ид̇хам̣ ваддад̇и, д̇ат̇аа д̣̇уд̇ияам̣. д̇ад̇ияам̣ бана табзд̇ваа саммасанан̃аан̣ам̣ д̇ивид̇хамзва ход̇и, д̇ат̇аа жад̇уд̇т̇ам̣. логуд̇д̇арад̇хаммзсу хи саммасанам̣ наама над̇т̇и. ж̇аад̇ияаа н̃аан̣анд̇иаад̣̇ийсуби зсзва наяо. иминаа д̇хаммзнаад̇и иминаа жад̇усажжад̇хаммзна ваа маг̇г̇ан̃аан̣ад̇хаммзна ваа.
33. Tatiye taṃ suṇāthāti taṃ ñāṇavatthudesanaṃ suṇātha. Ñāṇavatthūnīti cettha ñāṇameva ñāṇavatthūti veditabbaṃ. Jarāmaraṇe ñāṇantiādīsu catūsu paṭhamaṃ savanamayañāṇaṃ sammasanañāṇaṃ paṭivedhañāṇaṃ paccavekkhaṇañāṇanti catubbidhaṃ vaṭṭati, tathā dutiyaṃ. Tatiyaṃ pana ṭhapetvā sammasanañāṇaṃ tividhameva hoti, tathā catutthaṃ. Lokuttaradhammesu hi sammasanaṃ nāma natthi. Jātiyā ñāṇantiādīsupi eseva nayo. Iminā dhammenāti iminā catusaccadhammena vā maggañāṇadhammena vā.
д̣̇идтзнаад̇иаад̣̇ийсу д̣̇идтзнаад̇и н̃аан̣ажагкунаа д̣̇идтзна. вид̣̇ид̇знаад̇и бан̃н̃ааяа вид̣̇ид̇зна. агаалигзнаад̇и гин̃жи гаалам̣ анад̇иггамид̇ваа бадивзд̇хаананд̇арам̣язва палад̣̇ааяагзна. бад̇д̇знаад̇и ад̇хиг̇ад̇зна. барияог̇аал̣хзнаад̇и барияог̇аахид̇зна бан̃н̃ааяа анубавидтзна. ад̇ийд̇аанааг̇ад̇з наяам̣ нзд̇ийд̇и ‘‘яз ко гзжий’’д̇иаад̣̇инаа наязна ад̇ийд̇з жа анааг̇ад̇з жа наяам̣ нзд̇и. зд̇т̇а жа на жад̇усажжад̇хаммзна ваа маг̇г̇ан̃аан̣ад̇хаммзна ваа саггаа ад̇ийд̇аанааг̇ад̇з наяам̣ нзд̇ум̣, жад̇усажжз бана маг̇г̇ан̃аан̣зна бадивид̣̇д̇хз барад̇о бажжавзгкан̣ан̃аан̣ам̣ наама ход̇и. д̇зна наяам̣ нзд̇ийд̇и взд̣̇ид̇аб̣б̣аа. аб̣бхан̃н̃ам̣сууд̇и абхиан̃н̃ам̣су ж̇ааним̣су. сзяяат̇аабаахам̣, зд̇арахийд̇и яат̇аа ахам̣ зд̇арахи жад̇усажжавасзна ж̇аанаами. анваяз н̃аан̣анд̇и ануаяз н̃аан̣ам̣, д̇хамман̃аан̣асса ануг̇аманз н̃аан̣ам̣, бажжавзгкан̣ан̃аан̣ассзд̇ам̣ наамам̣. д̇хаммз н̃аан̣анд̇и маг̇г̇ан̃аан̣ам̣. имасмим̣ суд̇д̇з кийн̣аасавасса сзгкабхууми гат̇ид̇аа ход̇и. д̇ад̇ияам̣.
Diṭṭhenātiādīsu diṭṭhenāti ñāṇacakkhunā diṭṭhena. Viditenāti paññāya viditena. Akālikenāti kiñci kālaṃ anatikkamitvā paṭivedhānantaraṃyeva phaladāyakena. Pattenāti adhigatena. Pariyogāḷhenāti pariyogāhitena paññāya anupaviṭṭhena. Atītānāgate nayaṃ netīti ‘‘ye kho kecī’’tiādinā nayena atīte ca anāgate ca nayaṃ neti. Ettha ca na catusaccadhammena vā maggañāṇadhammena vā sakkā atītānāgate nayaṃ netuṃ, catusacce pana maggañāṇena paṭividdhe parato paccavekkhaṇañāṇaṃ nāma hoti. Tena nayaṃ netīti veditabbā. Abbhaññaṃsūti abhiaññaṃsu jāniṃsu. Seyyathāpāhaṃ, etarahīti yathā ahaṃ etarahi catusaccavasena jānāmi. Anvaye ñāṇanti anuaye ñāṇaṃ, dhammañāṇassa anugamane ñāṇaṃ, paccavekkhaṇañāṇassetaṃ nāmaṃ. Dhamme ñāṇanti maggañāṇaṃ. Imasmiṃ sutte khīṇāsavassa sekkhabhūmi kathitā hoti. Tatiyaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. н̃аан̣авад̇т̇усуд̇д̇ам̣ • 3. Ñāṇavatthusuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. н̃аан̣авад̇т̇усуд̇д̇аван̣н̣анаа • 3. Ñāṇavatthusuttavaṇṇanā
