| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
3. н̃аан̣авад̇т̇усуд̇д̇аван̣н̣анаа
3. Ñāṇavatthusuttavaṇṇanā
33. н̃аан̣амзва н̃аан̣авад̇т̇у самбад̇д̇ийнам̣ гааран̣абхаавад̇о. жад̇уусууд̇и жад̇усажжасса б̣од̇ханавасзна вуд̇д̇зсу жад̇уусу н̃аан̣зсу. батаманд̇и ‘‘ж̇араамаран̣з н̃аан̣а’’нд̇и звам̣ вуд̇д̇ам̣ н̃аан̣ам̣, язна д̇хааран̣абарижаяаманасигааравасзна бавад̇д̇ам̣ саб̣б̣ам̣ г̇ан̣хи. саннижаяан̃аан̣амаяам̣ саванамаяам̣ наамад̇взва взд̣̇ид̇аб̣б̣ам̣. сабхаавад̇о бажжаяад̇о жасса бариг̇г̇ан̣ханан̃аан̣ам̣ саммасанан̃аан̣ам̣д̇взва взд̣̇ид̇аб̣б̣ам̣. ж̇араамаран̣асийсзна жзд̇т̇а ж̇араамаран̣аванд̇ова д̇хаммаа г̇ахид̇аа. бадивзд̇хан̃аан̣анд̇и асаммохад̇о бадивиж̇жханан̃аан̣ам̣. иминаа д̇хаммзнаад̇и хзд̇умхи гаран̣аважанам̣. имасса хи д̇хаммасса ад̇хиг̇амахзд̇у аяам̣ арияо ад̇ийд̇аанааг̇ад̇з наязнаби жад̇усажжад̇хаммз абхисамб̣уж̇жхад̇и. маг̇г̇ан̃аан̣амзва бана ад̇ийд̇аанааг̇ад̇з наяанасад̣̇исам̣ гад̇ваа д̣̇ассзд̇ум̣ ‘‘маг̇г̇ан̃аан̣ад̇хаммзна ваа’’д̇и д̣̇уд̇ияавигаббо вуд̇д̇о. зван̃хи ‘‘агаалига’’нд̇и самад̇т̇ид̇ам̣ ход̇и.
33.Ñāṇameva ñāṇavatthu sampattīnaṃ kāraṇabhāvato. Catūsūti catusaccassa bodhanavasena vuttesu catūsu ñāṇesu. Paṭhamanti ‘‘jarāmaraṇe ñāṇa’’nti evaṃ vuttaṃ ñāṇaṃ, yena dhāraṇaparicayamanasikāravasena pavattaṃ sabbaṃ gaṇhi. Sannicayañāṇamayaṃ savanamayaṃ nāmatveva veditabbaṃ. Sabhāvato paccayato cassa pariggaṇhanañāṇaṃ sammasanañāṇaṃtveva veditabbaṃ. Jarāmaraṇasīsena cettha jarāmaraṇavantova dhammā gahitā. Paṭivedhañāṇanti asammohato paṭivijjhanañāṇaṃ. Iminā dhammenāti hetumhi karaṇavacanaṃ. Imassa hi dhammassa adhigamahetu ayaṃ ariyo atītānāgate nayenapi catusaccadhamme abhisambujjhati. Maggañāṇameva pana atītānāgate nayanasadisaṃ katvā dassetuṃ ‘‘maggañāṇadhammena vā’’ti dutiyavikappo vutto. Evañhi ‘‘akālika’’nti samatthitaṃ hoti.
н̃аан̣ажагкунаа д̣̇идтзнаад̇и д̇хаммажагкубхууд̇зна н̃аан̣ажагкунаа асаммохабадивзд̇хавасзна бажжагкад̇о д̣̇идтзна. бан̃н̃ааяа вид̣̇ид̇знаад̇и маг̇г̇абан̃н̃ааяа д̇ат̇зва вид̣̇ид̇зна. яасмаа д̇ат̇аа д̣̇идтам̣ вид̣̇ид̇ам̣ саб̣б̣асо бад̇д̇ам̣ махааубааяо ход̇и, д̇асмаа вуд̇д̇ам̣ ‘‘барияог̇аал̣хзнаа’’д̇и. д̣̇идтзнаад̇и ваа д̣̇ассанзна, д̇хаммам̣ бассид̇ваа тид̇знаад̇и ад̇т̇о. вид̣̇ид̇знаад̇и жад̇д̇аари сажжаани вид̣̇ид̇ваа баагадаани гад̇ваа тид̇зна. агаалигзнаад̇и на гааланд̇аравибаагад̣̇ааяинаа. бад̇д̇знаад̇и жад̇д̇аари сажжаани бад̇ваа тид̇ад̇д̇аа д̇хаммам̣ бад̇д̇зна. барияог̇аал̣хзнаад̇и жад̇усажжад̇хаммз барияог̇аахид̇ваа тид̇зна. ад̇ийд̇аанааг̇ад̇з наяам̣ нзд̇ийд̇и ад̇ийд̇з жа анааг̇ад̇з жа наяам̣ нзд̇и харад̇и бзсзд̇и. ид̣̇ам̣ бана бажжавзгкан̣ан̃аан̣асса гижжам̣, сад̇т̇аараа бана маг̇г̇ан̃аан̣ам̣ ад̇ийд̇аанааг̇ад̇з наяанасад̣̇исам̣ гад̇ам̣ д̇ам̣муулагад̇д̇аа. ад̇ийд̇амаг̇г̇асса хи бажжавзгкан̣ам̣ наама ход̇и, д̇асмаа маг̇г̇ан̃аан̣ам̣ наяанасад̣̇исам̣ гад̇ам̣ наама ход̇и, бажжавзгкан̣ан̃аан̣зна бана наяам̣ нзд̇и. д̇знааха ‘‘зд̇т̇а жаа’’д̇иаад̣̇и. яат̇аа бана д̇зна наяам̣ нзд̇и. д̇ам̣ аагаарам̣ д̣̇ассзд̇ум̣ ‘‘яз ко гзжий’’д̇иаад̣̇и вуд̇д̇ам̣. зд̇т̇а жа наяануббаад̣̇анам̣ наяан̃аан̣ассзва бавад̇д̇ивисзсо. д̇зна вуд̇д̇ам̣ ‘‘бажжавзгкан̣ан̃аан̣асса гижжа’’нд̇и. гин̃жааби ‘‘иминаад̇и маг̇г̇ан̃аан̣ад̇хаммзна ваа’’д̇и вуд̇д̇ам̣, д̣̇увид̇хам̣ бана маг̇г̇апалан̃аан̣ам̣ саммасанан̃аан̣абажжавзгкан̣ааяа муулагааран̣ам̣, на наяанассаад̇и д̣̇увид̇хзна н̃аан̣ад̇хаммзнаад̇и на на яуж̇ж̇ад̇и. д̇ат̇аа жад̇усажжад̇хаммасса н̃аад̇ад̇д̇аа маг̇г̇апаласан̇каад̇асса ваа д̇хаммасса сажжабадивзд̇хасамбаяог̇ам̣ г̇ад̇ад̇д̇аа ‘‘наяанам̣ ход̇уу’’д̇и д̇зна ‘‘иминаа д̇хаммзнаа’’д̇и н̃аан̣асса висаяабхаавзна н̃аан̣асамбаяог̇зна д̇ад̣̇ан̃аад̇знаад̇и жа ад̇т̇о на на яуж̇ж̇ад̇и. ануаязд̇и д̇хамман̃аан̣асса ануруубавасзна аяз б̣уж̇жханан̃аан̣з д̣̇идтаанам̣ ад̣̇идтаанаяанад̇о ад̣̇идтасса д̣̇идтад̇ааяа н̃аабанад̇о жа. д̇знааха ‘‘д̇хамман̃аан̣асса ануг̇аманз н̃аан̣а’’нд̇и. кийн̣аасавасса сзгкабхууми наама аг̇г̇амаг̇г̇агкан̣о . гасмаа банзд̇ам̣ звам̣ вуд̇д̇анд̇и жз? ‘‘звам̣ ж̇араамаран̣ам̣ баж̇аанаад̇ий’’д̇иаад̣̇инаа вад̇д̇амаанавасзна д̣̇зсанааяа бавад̇д̇ад̇д̇аа.
Ñāṇacakkhunā diṭṭhenāti dhammacakkhubhūtena ñāṇacakkhunā asammohapaṭivedhavasena paccakkhato diṭṭhena. Paññāya viditenāti maggapaññāya tatheva viditena. Yasmā tathā diṭṭhaṃ viditaṃ sabbaso pattaṃ mahāupāyo hoti, tasmā vuttaṃ ‘‘pariyogāḷhenā’’ti. Diṭṭhenāti vā dassanena, dhammaṃ passitvā ṭhitenāti attho. Viditenāti cattāri saccāni viditvā pākaṭāni katvā ṭhitena. Akālikenāti na kālantaravipākadāyinā. Pattenāti cattāri saccāni patvā ṭhitattā dhammaṃ pattena. Pariyogāḷhenāti catusaccadhamme pariyogāhitvā ṭhitena. Atītānāgate nayaṃ netīti atīte ca anāgate ca nayaṃ neti harati peseti. Idaṃ pana paccavekkhaṇañāṇassa kiccaṃ, satthārā pana maggañāṇaṃ atītānāgate nayanasadisaṃ kataṃ taṃmūlakattā. Atītamaggassa hi paccavekkhaṇaṃ nāma hoti, tasmā maggañāṇaṃ nayanasadisaṃ kataṃ nāma hoti, paccavekkhaṇañāṇena pana nayaṃ neti. Tenāha ‘‘ettha cā’’tiādi. Yathā pana tena nayaṃ neti. Taṃ ākāraṃ dassetuṃ ‘‘ye kho kecī’’tiādi vuttaṃ. Ettha ca nayanuppādanaṃ nayañāṇasseva pavattiviseso. Tena vuttaṃ ‘‘paccavekkhaṇañāṇassa kicca’’nti. Kiñcāpi ‘‘imināti maggañāṇadhammena vā’’ti vuttaṃ, duvidhaṃ pana maggaphalañāṇaṃ sammasanañāṇapaccavekkhaṇāya mūlakāraṇaṃ, na nayanassāti duvidhena ñāṇadhammenāti na na yujjati. Tathā catusaccadhammassa ñātattā maggaphalasaṅkhātassa vā dhammassa saccapaṭivedhasampayogaṃ gatattā ‘‘nayanaṃ hotū’’ti tena ‘‘iminā dhammenā’’ti ñāṇassa visayabhāvena ñāṇasampayogena tadañātenāti ca attho na na yujjati. Anuayeti dhammañāṇassa anurūpavasena aye bujjhanañāṇe diṭṭhānaṃ adiṭṭhānayanato adiṭṭhassa diṭṭhatāya ñāpanato ca. Tenāha ‘‘dhammañāṇassa anugamane ñāṇa’’nti. Khīṇāsavassa sekkhabhūmi nāma aggamaggakkhaṇo . Kasmā panetaṃ evaṃ vuttanti ce? ‘‘Evaṃ jarāmaraṇaṃ pajānātī’’tiādinā vattamānavasena desanāya pavattattā.
н̃аан̣авад̇т̇усуд̇д̇аван̣н̣анаа нидтид̇аа.
Ñāṇavatthusuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. н̃аан̣авад̇т̇усуд̇д̇ам̣ • 3. Ñāṇavatthusuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. н̃аан̣авад̇т̇усуд̇д̇аван̣н̣анаа • 3. Ñāṇavatthusuttavaṇṇanā
