| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੩. ਞਾਣવਤ੍ਥੁਸੁਤ੍ਤવਣ੍ਣਨਾ
3. Ñāṇavatthusuttavaṇṇanā
੩੩. ਤਤਿਯੇ ਤਂ ਸੁਣਾਥਾਤਿ ਤਂ ਞਾਣવਤ੍ਥੁਦੇਸਨਂ ਸੁਣਾਥ। ਞਾਣવਤ੍ਥੂਨੀਤਿ ਚੇਤ੍ਥ ਞਾਣਮੇવ ਞਾਣવਤ੍ਥੂਤਿ વੇਦਿਤਬ੍ਬਂ। ਜਰਾਮਰਣੇ ਞਾਣਨ੍ਤਿਆਦੀਸੁ ਚਤੂਸੁ ਪਠਮਂ ਸવਨਮਯਞਾਣਂ ਸਮ੍ਮਸਨਞਾਣਂ ਪਟਿવੇਧਞਾਣਂ ਪਚ੍ਚવੇਕ੍ਖਣਞਾਣਨ੍ਤਿ ਚਤੁਬ੍ਬਿਧਂ વਟ੍ਟਤਿ, ਤਥਾ ਦੁਤਿਯਂ। ਤਤਿਯਂ ਪਨ ਠਪੇਤ੍વਾ ਸਮ੍ਮਸਨਞਾਣਂ ਤਿવਿਧਮੇવ ਹੋਤਿ, ਤਥਾ ਚਤੁਤ੍ਥਂ। ਲੋਕੁਤ੍ਤਰਧਮ੍ਮੇਸੁ ਹਿ ਸਮ੍ਮਸਨਂ ਨਾਮ ਨਤ੍ਥਿ। ਜਾਤਿਯਾ ਞਾਣਨ੍ਤਿਆਦੀਸੁਪਿ ਏਸੇવ ਨਯੋ। ਇਮਿਨਾ ਧਮ੍ਮੇਨਾਤਿ ਇਮਿਨਾ ਚਤੁਸਚ੍ਚਧਮ੍ਮੇਨ વਾ ਮਗ੍ਗਞਾਣਧਮ੍ਮੇਨ વਾ।
33. Tatiye taṃ suṇāthāti taṃ ñāṇavatthudesanaṃ suṇātha. Ñāṇavatthūnīti cettha ñāṇameva ñāṇavatthūti veditabbaṃ. Jarāmaraṇe ñāṇantiādīsu catūsu paṭhamaṃ savanamayañāṇaṃ sammasanañāṇaṃ paṭivedhañāṇaṃ paccavekkhaṇañāṇanti catubbidhaṃ vaṭṭati, tathā dutiyaṃ. Tatiyaṃ pana ṭhapetvā sammasanañāṇaṃ tividhameva hoti, tathā catutthaṃ. Lokuttaradhammesu hi sammasanaṃ nāma natthi. Jātiyā ñāṇantiādīsupi eseva nayo. Iminā dhammenāti iminā catusaccadhammena vā maggañāṇadhammena vā.
ਦਿਟ੍ਠੇਨਾਤਿਆਦੀਸੁ ਦਿਟ੍ਠੇਨਾਤਿ ਞਾਣਚਕ੍ਖੁਨਾ ਦਿਟ੍ਠੇਨ। વਿਦਿਤੇਨਾਤਿ ਪਞ੍ਞਾਯ વਿਦਿਤੇਨ। ਅਕਾਲਿਕੇਨਾਤਿ ਕਿਞ੍ਚਿ ਕਾਲਂ ਅਨਤਿਕ੍ਕਮਿਤ੍વਾ ਪਟਿવੇਧਾਨਨ੍ਤਰਂਯੇવ ਫਲਦਾਯਕੇਨ। ਪਤ੍ਤੇਨਾਤਿ ਅਧਿਗਤੇਨ। ਪਰਿਯੋਗਾਲ਼੍ਹੇਨਾਤਿ ਪਰਿਯੋਗਾਹਿਤੇਨ ਪਞ੍ਞਾਯ ਅਨੁਪવਿਟ੍ਠੇਨ। ਅਤੀਤਾਨਾਗਤੇ ਨਯਂ ਨੇਤੀਤਿ ‘‘ਯੇ ਖੋ ਕੇਚੀ’’ਤਿਆਦਿਨਾ ਨਯੇਨ ਅਤੀਤੇ ਚ ਅਨਾਗਤੇ ਚ ਨਯਂ ਨੇਤਿ। ਏਤ੍ਥ ਚ ਨ ਚਤੁਸਚ੍ਚਧਮ੍ਮੇਨ વਾ ਮਗ੍ਗਞਾਣਧਮ੍ਮੇਨ વਾ ਸਕ੍ਕਾ ਅਤੀਤਾਨਾਗਤੇ ਨਯਂ ਨੇਤੁਂ, ਚਤੁਸਚ੍ਚੇ ਪਨ ਮਗ੍ਗਞਾਣੇਨ ਪਟਿવਿਦ੍ਧੇ ਪਰਤੋ ਪਚ੍ਚવੇਕ੍ਖਣਞਾਣਂ ਨਾਮ ਹੋਤਿ। ਤੇਨ ਨਯਂ ਨੇਤੀਤਿ વੇਦਿਤਬ੍ਬਾ। ਅਬ੍ਭਞ੍ਞਂਸੂਤਿ ਅਭਿਅਞ੍ਞਂਸੁ ਜਾਨਿਂਸੁ। ਸੇਯ੍ਯਥਾਪਾਹਂ, ਏਤਰਹੀਤਿ ਯਥਾ ਅਹਂ ਏਤਰਹਿ ਚਤੁਸਚ੍ਚવਸੇਨ ਜਾਨਾਮਿ। ਅਨ੍વਯੇ ਞਾਣਨ੍ਤਿ ਅਨੁਅਯੇ ਞਾਣਂ, ਧਮ੍ਮਞਾਣਸ੍ਸ ਅਨੁਗਮਨੇ ਞਾਣਂ, ਪਚ੍ਚવੇਕ੍ਖਣਞਾਣਸ੍ਸੇਤਂ ਨਾਮਂ। ਧਮ੍ਮੇ ਞਾਣਨ੍ਤਿ ਮਗ੍ਗਞਾਣਂ। ਇਮਸ੍ਮਿਂ ਸੁਤ੍ਤੇ ਖੀਣਾਸવਸ੍ਸ ਸੇਕ੍ਖਭੂਮਿ ਕਥਿਤਾ ਹੋਤਿ। ਤਤਿਯਂ।
Diṭṭhenātiādīsu diṭṭhenāti ñāṇacakkhunā diṭṭhena. Viditenāti paññāya viditena. Akālikenāti kiñci kālaṃ anatikkamitvā paṭivedhānantaraṃyeva phaladāyakena. Pattenāti adhigatena. Pariyogāḷhenāti pariyogāhitena paññāya anupaviṭṭhena. Atītānāgate nayaṃ netīti ‘‘ye kho kecī’’tiādinā nayena atīte ca anāgate ca nayaṃ neti. Ettha ca na catusaccadhammena vā maggañāṇadhammena vā sakkā atītānāgate nayaṃ netuṃ, catusacce pana maggañāṇena paṭividdhe parato paccavekkhaṇañāṇaṃ nāma hoti. Tena nayaṃ netīti veditabbā. Abbhaññaṃsūti abhiaññaṃsu jāniṃsu. Seyyathāpāhaṃ, etarahīti yathā ahaṃ etarahi catusaccavasena jānāmi. Anvaye ñāṇanti anuaye ñāṇaṃ, dhammañāṇassa anugamane ñāṇaṃ, paccavekkhaṇañāṇassetaṃ nāmaṃ. Dhamme ñāṇanti maggañāṇaṃ. Imasmiṃ sutte khīṇāsavassa sekkhabhūmi kathitā hoti. Tatiyaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੩. ਞਾਣવਤ੍ਥੁਸੁਤ੍ਤਂ • 3. Ñāṇavatthusuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੩. ਞਾਣવਤ੍ਥੁਸੁਤ੍ਤવਣ੍ਣਨਾ • 3. Ñāṇavatthusuttavaṇṇanā
