| Library / Tipiṭaka / д̇ибидага • Tipiṭaka / вибхан̇г̇а-мууладийгаа • Vibhaṅga-mūlaṭīkā |
16. н̃аан̣авибхан̇г̇о
16. Ñāṇavibhaṅgo
1. згагамаад̇игаад̣̇иван̣н̣анаа
1. Ekakamātikādivaṇṇanā
751. огаасадтзна самбаяуд̇д̇аа д̇хаммаа аарамман̣ан̃жааби н̃аан̣асса вад̇т̇у. яаат̇аавагавад̇т̇увибхааванаад̇и нахзд̇аад̣̇иавид̇ат̇згаббагааравад̇т̇увибхааванаа. яат̇аа згам̣ нахзд̇у, д̇ат̇аа згам̣ ан̃н̃амбийд̇и хи г̇ахзд̇аб̣б̣ам̣ авид̇ат̇асааман̃н̃аяуд̇д̇ам̣ н̃аан̣аарамман̣ам̣ яаат̇аавагавад̇т̇у. яаат̇аавагзна ваа авид̇ат̇асааман̃н̃зна вад̇т̇увибхааванаа яаат̇аавагавад̇т̇увибхааванаа.
751. Okāsaṭṭhena sampayuttā dhammā ārammaṇañcāpi ñāṇassa vatthu. Yāthāvakavatthuvibhāvanāti nahetādiavitathekappakāravatthuvibhāvanā. Yathā ekaṃ nahetu, tathā ekaṃ aññampīti hi gahetabbaṃ avitathasāmaññayuttaṃ ñāṇārammaṇaṃ yāthāvakavatthu. Yāthāvakena vā avitathasāmaññena vatthuvibhāvanā yāthāvakavatthuvibhāvanā.
д̣̇угаануруубзхийд̇и д̣̇угамаад̇игаануруубзхийд̇и вад̣̇анд̇и. осаанад̣̇угасса бана д̣̇угамаад̇игам̣ аниссааяа вуд̇д̇ад̇д̇аа д̣̇угабхааваануруубзхийд̇и вад̇д̇аб̣б̣ам̣. звам̣ д̇игаануруубзхийд̇и зд̇т̇ааби д̣̇адтаб̣б̣ам̣. осаанад̣̇угз бана ад̇т̇од̇и палам̣, анзгад̇т̇ад̇д̇аа д̇хаад̇усад̣̇д̣̇аанам̣ д̇ам̣ ж̇анзд̇ийд̇и ад̇т̇аж̇аабигаа, гааран̣аг̇ад̇аа бан̃н̃аа. ж̇аабид̇о ж̇анид̇о ад̇т̇о зд̇иссаад̇и ж̇аабид̇ад̇т̇аа, гааран̣абан̃н̃аасад̣̇исий палаббагаасанабхууд̇аа паласамбаяуд̇д̇аа бан̃н̃аа.
Dukānurūpehīti dukamātikānurūpehīti vadanti. Osānadukassa pana dukamātikaṃ anissāya vuttattā dukabhāvānurūpehīti vattabbaṃ. Evaṃ tikānurūpehīti etthāpi daṭṭhabbaṃ. Osānaduke pana atthoti phalaṃ, anekatthattā dhātusaddānaṃ taṃ janetīti atthajāpikā, kāraṇagatā paññā. Jāpito janito attho etissāti jāpitatthā, kāraṇapaññāsadisī phalappakāsanabhūtā phalasampayuttā paññā.
10. д̣̇асагамаад̇игааван̣н̣анаа
10. Dasakamātikāvaṇṇanā
760. ‘‘жад̇ассо ко имаа, саарибуд̇д̇а, яонияо. гад̇амаа…бз… яо ко мам̣, саарибуд̇д̇а, звам̣ ж̇аана’’нд̇и (ма. ни. 1.152) важанзна жад̇уяонибарижчзд̣̇аган̃аан̣ам̣ вуд̇д̇ам̣, ‘‘нираяан̃жаахам̣, саарибуд̇д̇а, баж̇аанаамий’’д̇иаад̣̇инаа (ма. ни. 1.153) бан̃жаг̇ад̇ибарижчзд̣̇агам̣. ‘‘сам̣яуд̇д̇агз ааг̇ад̇аани д̇зсад̇д̇ад̇и н̃аан̣аани, сад̇д̇асад̇д̇ад̇и н̃аан̣ааний’’д̇и вуд̇д̇ам̣, д̇ад̇т̇а бана нид̣̇аанаваг̇г̇з сад̇д̇асад̇д̇ад̇и ааг̇ад̇аани жад̇ужад̇д̇аарийсан̃жа, д̇зсад̇д̇ад̇и бана бадисамбхид̣̇аамаг̇г̇з суд̇амаяаад̣̇ийни ааг̇ад̇аани д̣̇иссанд̇и, на сам̣яуд̇д̇агзд̇и. ан̃н̃аанибийд̇и зд̇зна ид̇ха згагаад̣̇ивасзна вуд̇д̇ам̣, ан̃н̃ад̇т̇а жа ‘‘буб̣б̣анд̇з н̃аан̣а’’нд̇иаад̣̇инаа, б̣рахмаж̇аалаад̣̇ийсу жа ‘‘д̇аяид̣̇ам̣ д̇ат̇ааг̇ад̇о баж̇аанаад̇и ‘имаани д̣̇идтидтаанаани звам̣ г̇ахид̇ааний’д̇и’’аад̣̇инаа вуд̇д̇ам̣ анзган̃аан̣аббабхзд̣̇ам̣ сан̇г̇ан̣хаад̇и. яаат̇аавабадивзд̇хад̇о саяан̃жа агамбияам̣ буг̇г̇алан̃жа д̇ам̣саман̇г̇им̣ н̃зяязсу ад̇хиб̣алам̣ гарод̇ийд̇и ааха ‘‘агамбияадтзна убад̇т̇амбхагадтзна жаа’’д̇и.
760. ‘‘Catasso kho imā, sāriputta, yoniyo. Katamā…pe… yo kho maṃ, sāriputta, evaṃ jāna’’nti (ma. ni. 1.152) vacanena catuyoniparicchedakañāṇaṃ vuttaṃ, ‘‘nirayañcāhaṃ, sāriputta, pajānāmī’’tiādinā (ma. ni. 1.153) pañcagatiparicchedakaṃ. ‘‘Saṃyuttake āgatāni tesattati ñāṇāni, sattasattati ñāṇānī’’ti vuttaṃ, tattha pana nidānavagge sattasattati āgatāni catucattārīsañca, tesattati pana paṭisambhidāmagge sutamayādīni āgatāni dissanti, na saṃyuttaketi. Aññānipīti etena idha ekakādivasena vuttaṃ, aññattha ca ‘‘pubbante ñāṇa’’ntiādinā, brahmajālādīsu ca ‘‘tayidaṃ tathāgato pajānāti ‘imāni diṭṭhiṭṭhānāni evaṃ gahitānī’ti’’ādinā vuttaṃ anekañāṇappabhedaṃ saṅgaṇhāti. Yāthāvapaṭivedhato sayañca akampiyaṃ puggalañca taṃsamaṅgiṃ ñeyyesu adhibalaṃ karotīti āha ‘‘akampiyaṭṭhena upatthambhakaṭṭhena cā’’ti.
сздтадтаанам̣ саб̣б̣ан̃н̃уд̇ам̣. бадиж̇аананавасзна саб̣б̣ан̃н̃уд̇ам̣ абхимукам̣ г̇ажчанд̇и, адта ваа барисаа убасан̇гаманд̇ийд̇и аасабхаа, б̣уд̣̇д̇хаа. ид̣̇ам̣ банаад̇и б̣уд̣̇д̇хаанам̣ таанам̣ саб̣б̣ан̃н̃уд̇амзва вад̣̇ад̇и. д̇идтамаановаад̇и авад̣̇анд̇оби д̇идтамаанова бадиж̇аанаад̇и наамаад̇и ад̇т̇о. адтасу барисаасу ‘‘абхиж̇аанаамахам̣, саарибуд̇д̇а, анзгасад̇ам̣ кад̇д̇ияабарисам̣…бз… д̇ад̇ра вад̇а мам̣ бхаяам̣ ваа саараж̇ж̇ам̣ ваа оггамиссад̇ийд̇и нимид̇д̇амзд̇ам̣, саарибуд̇д̇а, на саманубассаамий’’д̇и (ма. ни. 1.151) важанзна д̣̇ассид̇аагамбияан̃аан̣аяуд̇д̇о д̣̇асаб̣алоханд̇и абхийд̇анаад̣̇ам̣ над̣̇ад̇и. сийханаад̣̇асуд̇д̇зна канд̇хагаваг̇г̇з ааг̇ад̇зна.
Seṭṭhaṭṭhānaṃ sabbaññutaṃ. Paṭijānanavasena sabbaññutaṃ abhimukhaṃ gacchanti, aṭṭha vā parisā upasaṅkamantīti āsabhā, buddhā. Idaṃ panāti buddhānaṃ ṭhānaṃ sabbaññutameva vadati. Tiṭṭhamānovāti avadantopi tiṭṭhamānova paṭijānāti nāmāti attho. Aṭṭhasu parisāsu ‘‘abhijānāmahaṃ, sāriputta, anekasataṃ khattiyaparisaṃ…pe… tatra vata maṃ bhayaṃ vā sārajjaṃ vā okkamissatīti nimittametaṃ, sāriputta, na samanupassāmī’’ti (ma. ni. 1.151) vacanena dassitaakampiyañāṇayutto dasabalohanti abhītanādaṃ nadati. Sīhanādasuttena khandhakavagge āgatena.
‘‘д̣̇звамануссаанам̣ жад̇ужаггам̣ вад̇д̇ад̇ий’’д̇и (а. ни. 4.31) суд̇д̇асзсзна саббурисуубассаяаад̣̇ийнам̣ паласамбад̇д̇и бавад̇д̇и, буримасаббурисуубассаяаад̣̇им̣ убаниссааяа бажчимасаббурисуубассаяаад̣̇ийнам̣ самбад̇д̇и бавад̇д̇и ваа вуд̇д̇аад̇и аад̣̇и-сад̣̇д̣̇зна д̇ад̇т̇а жа жагга-сад̣̇д̣̇асса г̇ахан̣ам̣ взд̣̇ид̇аб̣б̣ам̣. бадивзд̇ханидтад̇д̇аа арахад̇д̇амаг̇г̇ан̃аан̣ам̣ бадивзд̇ход̇и ‘‘палагкан̣з уббаннам̣ наамаа’’д̇и вуд̇д̇ам̣. д̇зна бадилад̣̇д̇хассаби д̣̇зсанаан̃аан̣асса гижжанибпад̇д̇ибарасса б̣уж̇жханамад̇д̇зна ход̇ийд̇и ‘‘ан̃н̃аасигон̣д̣ан̃н̃асса сод̇аабад̇д̇ипалагкан̣з бавад̇д̇ам̣ наамаа’’д̇и вуд̇д̇ам̣. д̇ад̇о барам̣ бана яаава бариниб̣б̣аанаа д̣̇зсанаан̃аан̣аббавад̇д̇и д̇ассзва бавад̇д̇ид̇асса д̇хаммажаггасса таананд̇и взд̣̇ид̇аб̣б̣ам̣, бавад̇д̇ид̇ажаггасса жаггавад̇д̇ино жаггарад̇анадтаанам̣ вияа.
‘‘Devamanussānaṃ catucakkaṃ vattatī’’ti (a. ni. 4.31) suttasesena sappurisūpassayādīnaṃ phalasampatti pavatti, purimasappurisūpassayādiṃ upanissāya pacchimasappurisūpassayādīnaṃ sampatti pavatti vā vuttāti ādi-saddena tattha ca cakka-saddassa gahaṇaṃ veditabbaṃ. Paṭivedhaniṭṭhattā arahattamaggañāṇaṃ paṭivedhoti ‘‘phalakkhaṇe uppannaṃ nāmā’’ti vuttaṃ. Tena paṭiladdhassapi desanāñāṇassa kiccanipphattiparassa bujjhanamattena hotīti ‘‘aññāsikoṇḍaññassa sotāpattiphalakkhaṇe pavattaṃ nāmā’’ti vuttaṃ. Tato paraṃ pana yāva parinibbānā desanāñāṇappavatti tasseva pavattitassa dhammacakkassa ṭhānanti veditabbaṃ, pavattitacakkassa cakkavattino cakkaratanaṭṭhānaṃ viya.
самаад̣̇ийяанд̇ийд̇и самаад̣̇аанаани, д̇аани бана самаад̣̇ияид̇ваа гад̇аани хонд̇ийд̇и ааха ‘‘самаад̣̇ияид̇ваа гад̇аана’’нд̇и. гаммамзва ваа гаммасамаад̣̇аананд̇и зд̇зна самаад̣̇аана-сад̣̇д̣̇асса абуб̣б̣ад̇т̇аабхаавам̣ д̣̇ассзд̇и муд̇д̇аг̇ад̇а-сад̣̇д̣̇з г̇ад̇а-сад̣̇д̣̇асса вияа.
Samādīyantīti samādānāni, tāni pana samādiyitvā katāni hontīti āha ‘‘samādiyitvā katāna’’nti. Kammameva vā kammasamādānanti etena samādāna-saddassa apubbatthābhāvaṃ dasseti muttagata-sadde gata-saddassa viya.
аг̇ад̇иг̇аамининд̇и ниб̣б̣аанаг̇ааминим̣. вуд̇д̇ан̃хи ‘‘ниб̣б̣аанан̃жаахам̣, саарибуд̇д̇а, баж̇аанаами ниб̣б̣аанаг̇ааминин̃жа бадибад̣̇а’’нд̇и (ма. ни. 1.153).
Agatigāmininti nibbānagāminiṃ. Vuttañhi ‘‘nibbānañcāhaṃ, sāriputta, pajānāmi nibbānagāminiñca paṭipada’’nti (ma. ni. 1.153).
хаанабхааг̇ияад̇хамманд̇и хаанабхааг̇ияасабхаавам̣, гаамасахаг̇ад̇асан̃н̃аад̣̇ид̇хаммам̣ ваа. д̇ам̣ гааран̣анд̇и буб̣б̣зва гад̇аабхисан̇каараад̣̇им̣.
Hānabhāgiyadhammanti hānabhāgiyasabhāvaṃ, kāmasahagatasaññādidhammaṃ vā. Taṃ kāraṇanti pubbeva katābhisaṅkhārādiṃ.
‘‘ид̣̇ааний’’д̇и зд̇асса ‘‘иминаа ануггамзна вуд̇д̇аанийд̇и взд̣̇ид̇аб̣б̣ааний’’д̇и иминаа саха яож̇анаа гаад̇аб̣б̣аа. гилзсааваран̣ам̣ д̇ад̣̇абхааван̃жаад̇и гилзсааваран̣аабхаавам̣. гилзсагкаяаад̇хиг̇амасса хи гилзсааваран̣ам̣ адтаанам̣, д̇ад̣̇абхааво таанам̣. анад̇хиг̇амасса гилзсааваран̣ам̣ таанам̣, д̇ад̣̇абхааво адтаананд̇и. д̇ад̇т̇а д̇ад̣̇абхааваг̇г̇ахан̣зна г̇ахид̇ам̣ ‘‘ад̇т̇и д̣̇инна’’нд̇иаад̣̇игааяа саммаад̣̇идтияаа тид̇им̣ д̇аб̣б̣ибарийд̇ааяа таанаабхааван̃жа ад̇хиг̇амасса таанам̣ бассанд̇зна иминаа н̃аан̣зна ад̇хиг̇амаанад̇хиг̇амаанам̣ таанаадтаанабхууд̇з гилзсааваран̣ад̇ад̣̇абхаавз бассад̇и бхаг̇аваад̇и имамад̇т̇ам̣ саад̇хзнд̇о ааха ‘‘логияасаммаад̣̇идтитид̇ид̣̇ассанад̇о нияад̇амижчаад̣̇идтитаанаабхаавад̣̇ассанад̇о жаа’’д̇и. зд̇т̇а жа ад̇хиг̇амадтаанад̣̇ассанамзва ад̇хиббзд̇ам̣ убари бхаб̣б̣абуг̇г̇алавасзнзва вибаагааваран̣аабхаавад̣̇ассанаад̣̇игасса вагкамаанад̇д̇аа. иминаа бана н̃аан̣зна сиж̇жханад̇о басан̇г̇зна ид̇арамби вуд̇д̇анд̇и взд̣̇ид̇аб̣б̣ам̣. д̇хаад̇увзмад̇д̇ад̣̇ассанад̇од̇и рааг̇аад̣̇ийнам̣ ад̇химад̇д̇ад̇аад̣̇ивасзна д̇ам̣сахид̇аанам̣ д̇хаад̇уунам̣ взмад̇д̇ад̇аад̣̇ассанад̇о, ‘‘аяам̣ имиссаа д̇хаад̇уяаа ад̇химад̇д̇ад̇д̇аа рааг̇ажарид̇о’’д̇иаад̣̇инаа жарияаахзд̇уунам̣ ваа, рааг̇аад̣̇аяо зва ваа багад̇ибхаавад̇о д̇хаад̇ууд̇и рааг̇аад̣̇ивзмад̇д̇ад̣̇ассанад̇од̇и ад̇т̇о. баяог̇ам̣ анаад̣̇ияид̇ваад̇и санд̇ад̇имахаамад̇д̇аан̇г̇улимаалаад̣̇ийнам̣ вияа гаамарааг̇аб̣яаабаад̣̇аад̣̇ивасзна баяог̇ам̣ анаад̣̇ияид̇ваа.
‘‘Idānī’’ti etassa ‘‘iminā anukkamena vuttānīti veditabbānī’’ti iminā saha yojanā kātabbā. Kilesāvaraṇaṃ tadabhāvañcāti kilesāvaraṇābhāvaṃ. Kilesakkhayādhigamassa hi kilesāvaraṇaṃ aṭṭhānaṃ, tadabhāvo ṭhānaṃ. Anadhigamassa kilesāvaraṇaṃ ṭhānaṃ, tadabhāvo aṭṭhānanti. Tattha tadabhāvaggahaṇena gahitaṃ ‘‘atthi dinna’’ntiādikāya sammādiṭṭhiyā ṭhitiṃ tabbiparītāya ṭhānābhāvañca adhigamassa ṭhānaṃ passantena iminā ñāṇena adhigamānadhigamānaṃ ṭhānāṭṭhānabhūte kilesāvaraṇatadabhāve passati bhagavāti imamatthaṃ sādhento āha ‘‘lokiyasammādiṭṭhiṭhitidassanato niyatamicchādiṭṭhiṭhānābhāvadassanato cā’’ti. Ettha ca adhigamaṭṭhānadassanameva adhippetaṃ upari bhabbapuggalavaseneva vipākāvaraṇābhāvadassanādikassa vakkhamānattā. Iminā pana ñāṇena sijjhanato pasaṅgena itarampi vuttanti veditabbaṃ. Dhātuvemattadassanatoti rāgādīnaṃ adhimattatādivasena taṃsahitānaṃ dhātūnaṃ vemattatādassanato, ‘‘ayaṃ imissā dhātuyā adhimattattā rāgacarito’’tiādinā cariyāhetūnaṃ vā, rāgādayo eva vā pakatibhāvato dhātūti rāgādivemattadassanatoti attho. Payogaṃ anādiyitvāti santatimahāmattaaṅgulimālādīnaṃ viya kāmarāgabyāpādādivasena payogaṃ anādiyitvā.
(1.) згаганид̣̇д̣̇зсаван̣н̣анаа
(1.) Ekakaniddesavaṇṇanā
761. на хзд̇умзваад̇и зд̇т̇а жа на хзд̇уу зваад̇и ад̇т̇о, б̣яан̃ж̇анасилидтад̇аавасзна бана рассад̇д̇ам̣ ма-гааро жа гад̇о ‘‘ад̣̇угкамасукаа’’д̇и зд̇т̇а вияа. иминааби наязнаад̇и зд̇т̇а буриманаязна хзд̇убхааваад̣̇ибадигкзбо, бажчиманаязна нахзд̇уд̇хаммаад̣̇игодтаасасан̇г̇аход̇и аяам̣ висзсо взд̣̇ид̇аб̣б̣о. жуд̇иг̇г̇ахан̣зна жуд̇ибарижчиннааяа згааяа ж̇аад̇ияаа г̇ахан̣ам̣ д̣̇адтаб̣б̣ам̣, бхаваг̇г̇ахан̣зна навад̇хаа вуд̇д̇абхавасса. д̇ад̣̇анд̇ог̇ад̇хад̇ааяа д̇ад̇т̇а д̇ад̇т̇а барияаабаннад̇аа вуд̇д̇аа. уббаннам̣ мановин̃н̃аан̣авин̃н̃зяяамзваад̇и ‘‘на руубам̣ вияа уббаннаа чавин̃н̃аан̣авин̃н̃зяяаа’’д̇и руубад̇о зд̇зсам̣ висзсанам̣ гарод̇и.
761. Na hetumevāti ettha ca na hetū evāti attho, byañjanasiliṭṭhatāvasena pana rassattaṃ ma-kāro ca kato ‘‘adukkhamasukhā’’ti ettha viya. Imināpi nayenāti ettha purimanayena hetubhāvādipaṭikkhepo, pacchimanayena nahetudhammādikoṭṭhāsasaṅgahoti ayaṃ viseso veditabbo. Cutiggahaṇena cutiparicchinnāya ekāya jātiyā gahaṇaṃ daṭṭhabbaṃ, bhavaggahaṇena navadhā vuttabhavassa. Tadantogadhatāya tattha tattha pariyāpannatā vuttā. Uppannaṃ manoviññāṇaviññeyyamevāti ‘‘na rūpaṃ viya uppannā chaviññāṇaviññeyyā’’ti rūpato etesaṃ visesanaṃ karoti.
762. габбад̇о габбам̣ г̇анд̇вааби на уббаж̇ж̇ад̇ийд̇и на гад̣̇аажи д̇ат̇аа уббаж̇ж̇ад̇и. на хи кийраад̣̇ийнам̣ вияа зд̇зсам̣ яат̇аавуд̇д̇алагкан̣авилагкан̣ад̇аа ад̇т̇ийд̇и д̣̇ассзд̇и.
762. Kappato kappaṃ gantvāpi na uppajjatīti na kadāci tathā uppajjati. Na hi khīrādīnaṃ viya etesaṃ yathāvuttalakkhaṇavilakkhaṇatā atthīti dasseti.
763. самод̇хаанзд̇ваад̇и логз виж̇ж̇амаанам̣ саб̣б̣ам̣ руубам̣ самод̇хаанзд̇ваа. зд̇зна махад̇д̇зби авибхаавагад̇д̇ам̣ д̣̇ассзнд̇о сукумад̇д̇аа на вибхаавзссад̇ийд̇и ваад̣̇абат̇ам̣ чинд̣̇ад̇и. жагкубасаад̣̇з мама вад̇т̇умхийд̇и ад̇т̇о. висаяод̇и иссарияадтаананд̇и ад̇хиббааяо.
763. Samodhānetvāti loke vijjamānaṃ sabbaṃ rūpaṃ samodhānetvā. Etena mahattepi avibhāvakattaṃ dassento sukhumattā na vibhāvessatīti vādapathaṃ chindati. Cakkhupasāde mama vatthumhīti attho. Visayoti issariyaṭṭhānanti adhippāyo.
764. аб̣б̣огин̣н̣аад̇и аб̣яавахид̇аа, ананд̇арид̇аад̇и ад̇т̇о. вавад̇т̇ид̇аанамби бадибаадинияамо д̇зна бадигкид̇д̇од̇и ад̇т̇о. ананд̇арад̇аад̇и ананд̇арабажжаяад̇аа зд̇зна бадигкид̇д̇аад̇и ад̇т̇о.
764. Abbokiṇṇāti abyavahitā, anantaritāti attho. Vavatthitānampi paṭipāṭiniyamo tena paṭikkhittoti attho. Anantaratāti anantarapaccayatā etena paṭikkhittāti attho.
765. самананд̇арад̇аад̇и жа самананд̇арабажжаяад̇аа.
765. Samanantaratāti ca samanantarapaccayatā.
766. аабхуж̇анад̇од̇и аабхуг̇г̇агаран̣ад̇о, нивад̇д̇анад̇о ижжзва ад̇т̇о. зд̇т̇а жа ‘‘бан̃жа вин̃н̃аан̣аа анаабхог̇аа’’д̇и аабхог̇асабхааваа на хонд̇ийд̇и ад̇т̇о, ‘‘бан̃жаннам̣ вин̃н̃аан̣аанам̣ над̇т̇и аавадданаа ваа’’д̇иаад̣̇ийсуби аавадданабхааво ваад̇иаад̣̇инаа ад̇т̇о д̣̇адтаб̣б̣о.
766. Ābhujanatoti ābhuggakaraṇato, nivattanato icceva attho. Ettha ca ‘‘pañca viññāṇā anābhogā’’ti ābhogasabhāvā na hontīti attho, ‘‘pañcannaṃ viññāṇānaṃ natthi āvaṭṭanā vā’’tiādīsupi āvaṭṭanabhāvo vātiādinā attho daṭṭhabbo.
на ган̃жи д̇хаммам̣ бадивиж̇аанаад̇ийд̇и зд̇т̇а на саб̣б̣з руубаад̣̇ид̇хаммаа д̇хаммаг̇г̇ахан̣зна г̇ахид̇аад̇и яат̇аад̇хиббзд̇ад̇хаммад̣̇ассанад̇т̇ам̣ ‘‘манобуб̣б̣ан̇г̇амаа д̇хаммаад̇и звам̣ вуд̇д̇а’’нд̇и ааха.
Na kañci dhammaṃ paṭivijānātīti ettha na sabbe rūpādidhammā dhammaggahaṇena gahitāti yathādhippetadhammadassanatthaṃ ‘‘manopubbaṅgamā dhammāti evaṃ vutta’’nti āha.
руубаад̣̇ийсу абхинибад̇анам̣ д̇зхи самааг̇амо д̇зсанд̇иби вад̇д̇ум̣ яуж̇ж̇ад̇ийд̇и ааха ‘‘руубаад̣̇ийнам̣ абхинибаад̇амад̇д̇а’’нд̇и. гаммад̇т̇з ваа саамиважанам̣. вин̃н̃аан̣зхи абхинибад̇ид̇аб̣б̣аани хи руубаад̣̇ийнийд̇и. ид̣̇ам̣ вуд̇д̇ам̣ ход̇ийд̇иаад̣̇ийсу хи аяам̣ ад̇хиббааяо – аарамман̣агаран̣зна бадивиж̇аанид̇аб̣б̣аани руубаад̣̇ийни табзд̇ваа гусалаагусалажзд̇анааяа д̇ам̣самбаяуд̇д̇аанан̃жа яат̇аавуд̇д̇аанам̣ сахаж̇абуб̣б̣ан̇г̇амад̇хаммзна бадивиж̇аанид̇аб̣б̣аанам̣ бадивиж̇аананам̣ зд̇зсам̣ над̇т̇ийд̇и. зван̃жа гад̇ваа ‘‘д̣̇ассанаад̣̇имад̇д̇ад̇о бана муд̇д̇аа ан̃н̃аа зд̇зсам̣ гусалаад̣̇ибадивин̃н̃ад̇д̇и наама над̇т̇ий’’д̇и гижжанд̇арам̣ бадисзд̇хзд̇и.
Rūpādīsu abhinipatanaṃ tehi samāgamo tesantipi vattuṃ yujjatīti āha ‘‘rūpādīnaṃ abhinipātamatta’’nti. Kammatthe vā sāmivacanaṃ. Viññāṇehi abhinipatitabbāni hi rūpādīnīti. Idaṃ vuttaṃ hotītiādīsu hi ayaṃ adhippāyo – ārammaṇakaraṇena paṭivijānitabbāni rūpādīni ṭhapetvā kusalākusalacetanāya taṃsampayuttānañca yathāvuttānaṃ sahajapubbaṅgamadhammena paṭivijānitabbānaṃ paṭivijānanaṃ etesaṃ natthīti. Evañca katvā ‘‘dassanādimattatopana muttā aññā etesaṃ kusalādipaṭiviññatti nāma natthī’’ti kiccantaraṃ paṭisedheti.
авибаагабхаавзна ан̃н̃ам̣ аб̣яаагад̇асааман̃н̃ам̣ аниваарзнд̇о гусалаагусалаг̇г̇ахан̣ан̃жа гарод̇ийд̇и жаванабарияосаанан̃жа гижжам̣. би-сад̣̇д̣̇зна сахаж̇аванагаани вийт̇ижид̇д̇аани самбин̣д̣зд̇ваа бан̃жад̣̇ваарз бадисзд̇ханз аяам̣ ад̇хиббааяо сияаа – ‘‘манасаа жз бад̣̇удтзна…бз… басаннзна бхаасад̇и ваа гарод̇и ваа’’д̇и (д̇ха. ба. 1-2) звам̣ вуд̇д̇аа бхаасанагаран̣агараа, д̇ам̣сад̣̇исаа жа сукад̣̇угкуббаад̣̇агаа б̣алаванд̇о чадтад̣̇вааригаа зва д̇хаммаг̇г̇ахан̣зна г̇ахид̇аад̇и на д̇зсам̣ бан̃жад̣̇вааригаж̇аванзна бадивиж̇аананам̣ ад̇т̇и, д̣̇уб̣б̣алаанам̣ бана буб̣б̣ан̇г̇амабадивиж̇аананам̣ д̇ад̇т̇а на бадисид̣̇д̇хам̣ ‘‘на гааяагаммам̣ на важийгаммам̣ бадтабзд̇ий’’д̇и вин̃н̃ад̇д̇ид̣̇ваяаж̇анагассзва бадтабанабадигкзбзна д̣̇уб̣б̣аласса маногаммасса анун̃н̃аад̇ад̇д̇аа. д̇ат̇аа гааяасужарид̇аад̣̇игусалагаммам̣ гаромийд̇и, д̇аб̣б̣ибарийд̇ам̣ агусалам̣ гаммам̣ гаромийд̇и жа гусалаагусаласамаад̣̇аанам̣ бан̃жад̣̇вааригаж̇аванзна на ход̇и. д̇ат̇аа бадижжасамуббаад̣̇аван̣н̣анааяам̣ вуд̇д̇аа ‘‘бан̃жад̣̇вааригажуд̇и жа на бан̃жад̣̇вааригажид̇д̇зхи ход̇и жуд̇ижид̇д̇асса ад̇ам̣д̣̇вааригад̇д̇аа’’д̇и. яаа банааяам̣ баал̣и ‘‘бан̃жахи вин̃н̃аан̣зхи на ган̃жи д̇хаммам̣ бадивиж̇аанаад̇и ан̃н̃ад̇ра абхинибаад̇амад̇д̇аа’’д̇и, д̇ассаа руубаад̣̇ийнам̣ аабаат̇амад̇д̇ам̣ мун̃жид̇ваа ан̃н̃ам̣ ган̃жи д̇хаммасабхаавам̣ на бадивиж̇аанаад̇ийд̇и аяамад̇т̇о д̣̇иссад̇и. на хи руубам̣ бадиг̇г̇ан̣ханд̇амби жагкувин̃н̃аан̣ам̣ руубанд̇и жа г̇ан̣хаад̇ийд̇и. самбадижчанассаби руубанийлаад̣̇иаагаарабадивиж̇аананам̣ над̇т̇ийд̇и гин̃жи д̇хаммасса бадивиж̇аананам̣ бадигкид̇д̇ам̣, бан̃жахи бана вин̃н̃аан̣зхи саад̇исаяам̣ д̇асса виж̇аанананд̇и ‘‘ан̃н̃ад̇ра абхинибаад̇амад̇д̇аа’’д̇и на вуд̇д̇ам̣. яасса баал̣ияам̣ б̣ахид̣̇д̇хаабажжуббаннаарамман̣ад̇аа вуд̇д̇аа, д̇ад̇о ан̃н̃ам̣ нируд̇д̇ибадисамбхид̣̇ам̣ ижчанд̇зхи бан̃жад̣̇ваараж̇аванзна бадисамбхид̣̇аан̃аан̣асса сахуббад̇д̇и бадисид̣̇д̇хаа. руубааруубад̇хаммзд̇и руубааруубааважарад̇хаммзд̇и ад̇т̇о.
Avipākabhāvena aññaṃ abyākatasāmaññaṃ anivārento kusalākusalaggahaṇañca karotīti cavanapariyosānañca kiccaṃ. Pi-saddena sahajavanakāni vīthicittāni sampiṇḍetvā pañcadvāre paṭisedhane ayaṃ adhippāyo siyā – ‘‘manasā ce paduṭṭhena…pe… pasannena bhāsati vā karoti vā’’ti (dha. pa. 1-2) evaṃ vuttā bhāsanakaraṇakarā, taṃsadisā ca sukhadukkhuppādakā balavanto chaṭṭhadvārikā eva dhammaggahaṇena gahitāti na tesaṃ pañcadvārikajavanena paṭivijānanaṃ atthi, dubbalānaṃ pana pubbaṅgamapaṭivijānanaṃ tattha na paṭisiddhaṃ ‘‘na kāyakammaṃ na vacīkammaṃ paṭṭhapetī’’ti viññattidvayajanakasseva paṭṭhapanapaṭikkhepena dubbalassa manokammassa anuññātattā. Tathā kāyasucaritādikusalakammaṃ karomīti, tabbiparītaṃ akusalaṃ kammaṃ karomīti ca kusalākusalasamādānaṃ pañcadvārikajavanena na hoti. Tathā paṭiccasamuppādavaṇṇanāyaṃ vuttā ‘‘pañcadvārikacuti ca na pañcadvārikacittehi hoti cuticittassa ataṃdvārikattā’’ti. Yā panāyaṃ pāḷi ‘‘pañcahi viññāṇehi na kañci dhammaṃ paṭivijānāti aññatra abhinipātamattā’’ti, tassā rūpādīnaṃ āpāthamattaṃ muñcitvā aññaṃ kañci dhammasabhāvaṃ na paṭivijānātīti ayamattho dissati. Na hi rūpaṃ paṭiggaṇhantampi cakkhuviññāṇaṃ rūpanti ca gaṇhātīti. Sampaṭicchanassapi rūpanīlādiākārapaṭivijānanaṃ natthīti kiñci dhammassa paṭivijānanaṃ paṭikkhittaṃ, pañcahi pana viññāṇehi sātisayaṃ tassa vijānananti ‘‘aññatra abhinipātamattā’’ti na vuttaṃ. Yassa pāḷiyaṃ bahiddhāpaccuppannārammaṇatā vuttā, tato aññaṃ niruttipaṭisambhidaṃ icchantehi pañcadvārajavanena paṭisambhidāñāṇassa sahuppatti paṭisiddhā. Rūpārūpadhammeti rūpārūpāvacaradhammeti attho.
бан̃жад̣̇вааригажид̇д̇зна на бадиб̣уж̇жхад̇ийд̇и гасмаа вуд̇д̇ам̣, нану руубаад̣̇ийнам̣ аабаат̇аг̇аманз нид̣̇д̣̇аабадиб̣од̇хо ход̇ийд̇и? на, батамам̣ манод̣̇вааригаж̇аванасса уббад̇д̇ид̇од̇и д̣̇ассзнд̇о ааха ‘‘нид̣̇д̣̇ааяанд̇асса хий’’д̇иаад̣̇и. балобхзд̇ваа сажжасубинзна.
Pañcadvārikacittena na paṭibujjhatīti kasmā vuttaṃ, nanu rūpādīnaṃ āpāthagamane niddāpaṭibodho hotīti? Na, paṭhamaṃ manodvārikajavanassa uppattitoti dassento āha ‘‘niddāyantassa hī’’tiādi. Palobhetvā saccasupinena.
аб̣яаагад̇оязва ааваж̇ж̇анамад̇д̇ассзва уббаж̇ж̇анад̇од̇и вад̣̇анд̇и. звам̣ вад̣̇анд̇зхи манод̣̇ваарзби ааваж̇ж̇анам̣ д̣̇вад̇д̇игкад̇д̇ум̣ уббаж̇ж̇ид̇ваа ж̇аванадтаанз тад̇ваа бхаван̇г̇ам̣ од̇арад̇ийд̇и ад̇хиббзд̇анд̇и д̣̇адтаб̣б̣ам̣.
Abyākatoyeva āvajjanamattasseva uppajjanatoti vadanti. Evaṃ vadantehi manodvārepi āvajjanaṃ dvattikkhattuṃ uppajjitvā javanaṭṭhāne ṭhatvā bhavaṅgaṃ otaratīti adhippetanti daṭṭhabbaṃ.
д̇ассаа зва васзнаад̇и д̇ассаа васзна згавид̇хзна н̃аан̣авад̇т̇у ход̇ийд̇и жа, взд̣̇ид̇аб̣б̣анд̇и жа яож̇анаа гаад̇аб̣б̣аа.
Tassāeva vasenāti tassā vasena ekavidhena ñāṇavatthu hotīti ca, veditabbanti ca yojanā kātabbā.
згаганид̣̇д̣̇зсаван̣н̣анаа нидтид̇аа.
Ekakaniddesavaṇṇanā niṭṭhitā.
(2.) д̣̇уганид̣̇д̣̇зсаван̣н̣анаа
(2.) Dukaniddesavaṇṇanā
767. ад̇т̇а-сад̣̇д̣̇о ан̃н̃ад̇ра сабхаавам̣ г̇ахзд̇ваа ад̇хигаран̣зсу бавад̇д̇амаано ад̇хигаран̣авасзна лин̇г̇абаривад̇д̇им̣ г̇ажчад̇ийд̇и ад̇хиббааязна ж̇аабид̇аа жа саа ад̇т̇аа жаад̇и ж̇аабид̇ад̇т̇аад̇и аяамад̇т̇о вибхаавид̇од̇и д̣̇адтаб̣б̣о.
767. Attha-saddo aññatra sabhāvaṃ gahetvā adhikaraṇesu pavattamāno adhikaraṇavasena liṅgaparivattiṃ gacchatīti adhippāyena jāpitā ca sā atthā cāti jāpitatthāti ayamattho vibhāvitoti daṭṭhabbo.
д̣̇уганид̣̇д̣̇зсаван̣н̣анаа нидтид̇аа.
Dukaniddesavaṇṇanā niṭṭhitā.
(3.) д̇иганид̣̇д̣̇зсаван̣н̣анаа
(3.) Tikaniddesavaṇṇanā
768. бан̃н̃аабарин̣аамид̇зсууд̇и бан̃н̃ааяа барибаажид̇зсу. ‘‘яог̇авихид̇зсууд̇и ид̣̇ан̃жа висаяависзсанамад̇д̇амзва, д̇асмаа яаани бан̃н̃ааяа вихид̇аани ахзсум̣ хонд̇и бхависсанд̇и жа, саб̣б̣аани д̇аани яог̇авихид̇аанийд̇и д̣̇адтаб̣б̣аани. сигкид̇ваа гаад̇аб̣б̣ам̣ сиббам̣, ид̇арам̣ гаммам̣. аяамзд̇зсам̣ висзсо. вад̣дхагийгамманд̇и жа асигкид̇вааби гаад̇аб̣б̣ам̣ т̇уулагаммам̣ ‘‘гамма’’нд̇и д̣̇адтаб̣б̣ам̣, бан̃н̃аа зва ваа д̇ад̇т̇а д̇ад̇т̇а ‘‘гаммам̣ сибба’’нд̇и жа взд̣̇ид̇аб̣б̣аа. нааг̇аман̣д̣алам̣ наама ман̣д̣алам̣ гад̇ваа саббз виж̇ж̇ааяа баггосид̇ваа б̣алим̣ д̣̇ад̇ваа висаабанаяанам̣. барид̇д̇ам̣ рагкаа, язна ‘‘пуу’’д̇и мукаваад̇ам̣ д̣̇ад̇ваа висам̣ абанаяанд̇и, со ун̣н̣анаабхиаад̣̇иманд̇о пуд̇хаманагаманд̇о. ‘‘а аа’’д̇иаад̣̇игаа маад̇игаа ‘‘га гаа’’д̇иаад̣̇иго д̇аббабхзд̣̇о жа лзкаа.
768. Paññāpariṇāmitesūti paññāya paripācitesu. ‘‘Yogavihitesūti idañca visayavisesanamattameva, tasmā yāni paññāya vihitāni ahesuṃ honti bhavissanti ca, sabbāni tāni yogavihitānīti daṭṭhabbāni. Sikkhitvā kātabbaṃ sippaṃ, itaraṃ kammaṃ. Ayametesaṃ viseso. Vaḍḍhakīkammanti ca asikkhitvāpi kātabbaṃ thūlakammaṃ ‘‘kamma’’nti daṭṭhabbaṃ, paññā eva vā tattha tattha ‘‘kammaṃ sippa’’nti ca veditabbā. Nāgamaṇḍalaṃ nāma maṇḍalaṃ katvā sappe vijjāya pakkositvā baliṃ datvā visāpanayanaṃ. Parittaṃ rakkhā, yena ‘‘phū’’ti mukhavātaṃ datvā visaṃ apanayanti, so uṇṇanābhiādimanto phudhamanakamanto. ‘‘A ā’’tiādikā mātikā ‘‘ka kā’’tiādiko tappabhedo ca lekhā.
гусалам̣ д̇хаммам̣ сагам̣, ид̇арам̣ носагам̣. жад̇уннам̣ сажжаанам̣ бадивиж̇жхид̇аб̣б̣аанам̣ д̇аббадивзд̇хабажжаяабхаавзна ануломанам̣ д̣̇адтаб̣б̣ам̣. буб̣б̣з ‘‘яог̇авихид̇зсу ваа гаммааяад̇анзсуу’’д̇иаад̣̇инаа бан̃н̃аа вуд̇д̇аа, буна д̇ассаа взважанавасзна ‘‘ануломигам̣ канд̇и’’нд̇иаад̣̇и вуд̇д̇анд̇и ад̇хиббааязна ‘‘ану…бз… бан̃н̃аавзважанааний’’д̇и ааха. зд̇т̇а жа зваруубинд̇и яат̇аавуд̇д̇агаммааяад̇анаад̣̇ивисаяам̣ гаммассагад̇асажжаануломигасабхаавам̣ анижжаад̣̇ибавад̇д̇иаагааран̃жаад̇и ад̇т̇о. яат̇аавуд̇д̇аа жа бхуумисабхаавабавад̇д̇иаагааранид̣̇д̣̇зсаа канд̇иаад̣̇ийхи яож̇зд̇аб̣б̣аа. яассаа бан̃н̃ааяа д̇хаммаа ниж̇жхаанабаж̇аананагижжасан̇каад̇ам̣ ологанам̣ каманд̇и авибарийд̇асабхаавад̇д̇аа, саа бан̃н̃аа д̇хаммаанам̣ ниж̇жхаанагкаманам̣ зд̇иссаа ад̇т̇ийд̇и д̇хамманиж̇жхаанагканд̇ийд̇и ад̇т̇о.
Kusalaṃ dhammaṃ sakaṃ, itaraṃ nosakaṃ. Catunnaṃ saccānaṃ paṭivijjhitabbānaṃ tappaṭivedhapaccayabhāvena anulomanaṃ daṭṭhabbaṃ. Pubbe ‘‘yogavihitesu vā kammāyatanesū’’tiādinā paññā vuttā, puna tassā vevacanavasena ‘‘anulomikaṃ khanti’’ntiādi vuttanti adhippāyena ‘‘anu…pe… paññāvevacanānī’’ti āha. Ettha ca evarūpinti yathāvuttakammāyatanādivisayaṃ kammassakatasaccānulomikasabhāvaṃ aniccādipavattiākārañcāti attho. Yathāvuttā ca bhūmisabhāvapavattiākāraniddesā khantiādīhi yojetabbā. Yassā paññāya dhammā nijjhānapajānanakiccasaṅkhātaṃ olokanaṃ khamanti aviparītasabhāvattā, sā paññā dhammānaṃ nijjhānakkhamanaṃ etissā atthīti dhammanijjhānakkhantīti attho.
769. асам̣варам̣ мун̃жад̇ийд̇и самаад̣̇аанасамбад̇д̇авирад̇исамбаяуд̇д̇ажзд̇анаа ‘‘сийлам̣ буурзнд̇асса мун̃жажзд̇анаа’’д̇и вуд̇д̇аа. буб̣б̣аабарабан̃н̃ааяа жа д̣̇аанасийламаяад̇ааважанад̇о мун̃жаабаражзд̇анаавасзна ‘‘аараб̣бхаа’’д̇и, буб̣б̣ажзд̇анаавасзна ‘‘ад̇хигижжаа’’д̇и жа вад̇д̇ум̣ яуд̇д̇анд̇и ‘‘ад̇хигижжаа’’д̇иби баато яуж̇ж̇ад̇и.
769. Asaṃvaraṃ muñcatīti samādānasampattaviratisampayuttacetanā ‘‘sīlaṃ pūrentassa muñcacetanā’’ti vuttā. Pubbāparapaññāya ca dānasīlamayatāvacanato muñcaaparacetanāvasena ‘‘ārabbhā’’ti, pubbacetanāvasena ‘‘adhikiccā’’ti ca vattuṃ yuttanti ‘‘adhikiccā’’tipi pāṭho yujjati.
770. бан̃жасийлад̣̇асасийлаани вин̃н̃аан̣асса ж̇аад̇ияаа жа бажжаяабхууд̇зсу сан̇каарабхавзсу анд̇ог̇ад̇хаанийд̇и ‘‘уббаад̣̇аа ваа’’д̇иаад̣̇игааяа д̇хаммадтид̇ибаал̣ияаа сан̇г̇ахид̇аани. бхаваниб̣б̣ад̇д̇агасийласса бан̃н̃аабанам̣ сад̇иби саванз на д̇ат̇ааг̇ад̇ад̣̇зсанааяад̇д̇анд̇и бхигкуаад̣̇ийнамби д̇ам̣ вуд̇д̇ам̣.
770. Pañcasīladasasīlāni viññāṇassa jātiyā ca paccayabhūtesu saṅkhārabhavesu antogadhānīti ‘‘uppādā vā’’tiādikāya dhammaṭṭhitipāḷiyā saṅgahitāni. Bhavanibbattakasīlassa paññāpanaṃ satipi savane na tathāgatadesanāyattanti bhikkhuādīnampi taṃ vuttaṃ.
ад̇хибан̃н̃ааяа бан̃н̃аад̇и ад̇хибан̃н̃ааяа анд̇ог̇ад̇хаа бан̃н̃аа. ат̇а ваа ад̇хибан̃н̃ааниб̣б̣ад̇д̇зсу, д̇ад̣̇ад̇хидтаанзсу ваа д̇хаммзсу ад̇хибан̃н̃аа-сад̣̇д̣̇о д̣̇адтаб̣б̣о, д̇ад̇т̇а бан̃н̃аа ад̇хибан̃н̃ааяа бан̃н̃аа.
Adhipaññāya paññāti adhipaññāya antogadhā paññā. Atha vā adhipaññānibbattesu, tadadhiṭṭhānesu vā dhammesu adhipaññā-saddo daṭṭhabbo, tattha paññā adhipaññāya paññā.
771. абааяуббаад̣̇анагусалад̇аа абааяагосаллам̣ сияаад̇и ман̃н̃амаано бужчад̇и ‘‘абааяагосаллам̣ гат̇ам̣ бан̃н̃аа наама ж̇аад̇аа’’д̇и. д̇ам̣ бана барасса ад̇хиббааяам̣ нивад̇д̇знд̇о ‘‘бан̃н̃авааязва хий’’д̇иаад̣̇имааха. д̇ад̇рубааяаад̇и д̇ад̇ра д̇ад̇ра убааяабхууд̇аа. таанз уббад̇д̇и зд̇ассаад̇и таануббад̇д̇ияам̣. гим̣ д̇ам̣? гааран̣аж̇аананам̣, бхаяаад̣̇ийнам̣ уббад̇д̇игкан̣з д̇асмим̣язва таанз лахууббаж̇ж̇анаганд̇и вуд̇д̇ам̣ ход̇и.
771. Apāyuppādanakusalatā apāyakosallaṃ siyāti maññamāno pucchati ‘‘apāyakosallaṃ kathaṃ paññā nāma jātā’’ti. Taṃ pana parassa adhippāyaṃ nivattento ‘‘paññavāyeva hī’’tiādimāha. Tatrupāyāti tatra tatra upāyabhūtā. Ṭhāne uppatti etassāti ṭhānuppattiyaṃ. Kiṃ taṃ? Kāraṇajānanaṃ, bhayādīnaṃ uppattikkhaṇe tasmiṃyeva ṭhāne lahuuppajjanakanti vuttaṃ hoti.
д̇иганид̣̇д̣̇зсаван̣н̣анаа нидтид̇аа.
Tikaniddesavaṇṇanā niṭṭhitā.
(4.) жад̇угганид̣̇д̣̇зсаван̣н̣анаа
(4.) Catukkaniddesavaṇṇanā
793. на барид̇ассад̇ийд̇и ‘‘аби наама мз д̇ан̣д̣улаад̣̇ийни сияу’’нд̇и на бад̇т̇зд̇и, д̇ад̣̇абхаавзна ваа на уд̇д̇асад̇и.
793. Naparitassatīti ‘‘api nāma me taṇḍulādīni siyu’’nti na pattheti, tadabhāvena vā na uttasati.
796. абараббажжаязд̇и барзна набад̇д̇ияааяид̇аб̣б̣з. д̇хаммз н̃аан̣анд̇и сажжависаяам̣ н̃аан̣ам̣. арияасажжзсу хи д̇хамма-сад̣̇д̣̇о д̇зсам̣ авибарийд̇асабхаавад̇д̇аад̇и. сан̇кад̇абаваро ваа арияамаг̇г̇о д̇асса жа палам̣ д̇хаммо, д̇ад̇т̇а бан̃н̃аа д̇ам̣сахаг̇ад̇аа д̇хаммз н̃аан̣ам̣. на ан̃н̃ан̃аан̣уббаад̣̇анам̣ наяанаяанам̣, н̃аан̣ассзва бана бавад̇д̇ивисзсод̇и ад̇хиббааязнааха ‘‘бажжавзгкан̣ан̃аан̣асса гижжа’’нд̇и. зд̇т̇а жа иминаа д̇хаммзнаад̇и маг̇г̇ан̃аан̣знаад̇и вуд̇д̇ам̣, д̣̇увид̇хамби бана маг̇г̇апалан̃аан̣ам̣ бажжавзгкан̣ааяа жа муулам̣, гааран̣ан̃жа наяанаяанассаад̇и д̣̇увид̇хзнаби д̇зна д̇хаммзнаад̇и на на яуж̇ж̇ад̇и, д̇ат̇аа жад̇усажжад̇хаммасса н̃аад̇ад̇д̇аа, маг̇г̇апаласан̇каад̇асса жа д̇хаммасса сажжабадивзд̇хасамбаяог̇ам̣ г̇ад̇ад̇д̇аа наяанам̣ ход̇ийд̇и д̇зна иминаа д̇хаммзна н̃аан̣ависаяабхаавзна, н̃аан̣асамбаяог̇зна ваа н̃аад̇знаад̇и жа ад̇т̇о на на яуж̇ж̇ад̇и.
796. Aparappaccayeti parena napattiyāyitabbe. Dhamme ñāṇanti saccavisayaṃ ñāṇaṃ. Ariyasaccesu hi dhamma-saddo tesaṃ aviparītasabhāvattāti. Saṅkhatapavaro vā ariyamaggo tassa ca phalaṃ dhammo, tattha paññā taṃsahagatā dhamme ñāṇaṃ. Na aññañāṇuppādanaṃ nayanayanaṃ, ñāṇasseva pana pavattivisesoti adhippāyenāha ‘‘paccavekkhaṇañāṇassa kicca’’nti. Ettha ca iminā dhammenāti maggañāṇenāti vuttaṃ, duvidhampi pana maggaphalañāṇaṃ paccavekkhaṇāya ca mūlaṃ, kāraṇañca nayanayanassāti duvidhenapi tena dhammenāti na na yujjati, tathā catusaccadhammassa ñātattā, maggaphalasaṅkhātassa ca dhammassa saccapaṭivedhasampayogaṃ gatattā nayanaṃ hotīti tena iminā dhammena ñāṇavisayabhāvena, ñāṇasampayogena vā ñātenāti ca attho na na yujjati.
яад̣̇иби саб̣б̣зна саб̣б̣ам̣ ад̇ийд̇аанааг̇ад̇абажжуббаннам̣ д̣̇угкам̣ абхиж̇аананд̇и, д̇ат̇ааби бажжуббаннз сасанд̇ад̇ибарияаабаннз сависзсз абхинивзсо ход̇ийд̇и ааха ‘‘на д̇ан̃н̃зва има’’нд̇и. д̣̇идтзна ад̣̇идтзна наяад̇о наяанан̃аан̣ам̣, ад̣̇идтасса д̣̇идтад̇ааяа гааран̣абхууд̇ад̇д̇аа гааран̣ан̃аан̣ам̣, ануруубад̇т̇аваажаго ваа гааран̣а-сад̣̇д̣̇од̇и д̇хаммз н̃аан̣асса ануруубан̃аан̣анд̇и ад̇т̇о.
Yadipi sabbena sabbaṃ atītānāgatapaccuppannaṃ dukkhaṃ abhijānanti, tathāpi paccuppanne sasantatipariyāpanne savisese abhiniveso hotīti āha ‘‘na taññeva ima’’nti. Diṭṭhena adiṭṭhena nayato nayanañāṇaṃ, adiṭṭhassa diṭṭhatāya kāraṇabhūtattā kāraṇañāṇaṃ, anurūpatthavācako vā kāraṇa-saddoti dhamme ñāṇassa anurūpañāṇanti attho.
саммуд̇имхи н̃аан̣анд̇и д̇хаммз н̃аан̣аад̣̇ийнам̣ вияа саад̇исаяасса бадивзд̇хагижжасса абхааваа висаяобхаасанамад̇д̇аж̇аананасааман̃н̃зна н̃аан̣анд̇и саммад̇зсу анд̇ог̇ад̇ханд̇и ад̇т̇о. саммуд̇ивасзна ваа бавад̇д̇ам̣ саммуд̇имхи н̃аан̣ам̣, авасзсам̣ бана ид̇аран̃аан̣ад̇д̇аяависабхааг̇ам̣ н̃аан̣ам̣ д̇аб̣б̣исабхааг̇асааман̃н̃зна саммуд̇ин̃аан̣амхи бавидтад̇д̇аа саммуд̇ин̃аан̣ам̣ наама ход̇ийд̇и.
Sammutimhi ñāṇanti dhamme ñāṇādīnaṃ viya sātisayassa paṭivedhakiccassa abhāvā visayobhāsanamattajānanasāmaññena ñāṇanti sammatesu antogadhanti attho. Sammutivasena vā pavattaṃ sammutimhi ñāṇaṃ, avasesaṃ pana itarañāṇattayavisabhāgaṃ ñāṇaṃ tabbisabhāgasāmaññena sammutiñāṇamhi paviṭṭhattā sammutiñāṇaṃ nāma hotīti.
797. гилзсамуулагз жаад̇и нийваран̣амуулагз жа гаамабхавад̇хаммз.
797. Kilesamūlake cāti nīvaraṇamūlake ca kāmabhavadhamme.
798. саа хиссаад̇и зд̇т̇а ассаад̇и яо ‘‘гаамзсу вийд̇арааг̇о ход̇ий’’д̇и звам̣ вуд̇д̇о, асса батамаж̇жхаанасаман̇г̇иссаад̇и ад̇т̇о. свзваад̇и зд̇зна гаамзсу вийд̇арааг̇абхааванаавад̇т̇ассзва батамаж̇жхаанасаман̇г̇исса г̇ахан̣з бавад̇д̇з д̇асса д̇ад̇о барам̣ авад̇т̇ам̣ д̣̇ассзд̇ум̣ ‘‘гаамзсу вийд̇арааг̇о самаано’’д̇и вуд̇д̇ам̣. жад̇уд̇т̇амаг̇г̇абан̃н̃аа чадтаабхин̃н̃аабхааваббад̇д̇ияаа д̇ам̣ бадивиж̇жхад̇и наама, ид̇араа д̇ад̣̇убаниссаяад̇д̇аа. яат̇аануруубам̣ ваа аасавагкаяабхаавад̇о, палз ваа аасавагкаяз сад̇и яат̇аануруубам̣ д̇ам̣ниб̣б̣ад̇д̇анад̇о жад̇уусуби маг̇г̇зсу бан̃н̃аа чадтам̣ абхин̃н̃ам̣ бадивиж̇жхад̇ийд̇и д̣̇адтаб̣б̣аа.
798. Sā hissāti ettha assāti yo ‘‘kāmesu vītarāgo hotī’’ti evaṃ vutto, assa paṭhamajjhānasamaṅgissāti attho. Svevāti etena kāmesu vītarāgabhāvanāvatthasseva paṭhamajjhānasamaṅgissa gahaṇe pavatte tassa tato paraṃ avatthaṃ dassetuṃ ‘‘kāmesu vītarāgo samāno’’ti vuttaṃ. Catutthamaggapaññā chaṭṭhābhiññābhāvappattiyā taṃ paṭivijjhati nāma, itarā tadupanissayattā. Yathānurūpaṃ vā āsavakkhayabhāvato, phale vā āsavakkhaye sati yathānurūpaṃ taṃnibbattanato catūsupi maggesu paññā chaṭṭhaṃ abhiññaṃ paṭivijjhatīti daṭṭhabbā.
799. гаамасахаг̇ад̇аад̇и вад̇т̇угаамаарамман̣аа. жод̣̇знд̇ийд̇и гаамаабхимукам̣ д̇анниннам̣ гаронд̇ийд̇и ад̇т̇о. д̇ад̣̇ануд̇хаммад̇аад̇и д̇ад̣̇ануд̇хаммаа ижжзва вуд̇д̇ам̣ ход̇и. д̇аа-сад̣̇д̣̇асса абуб̣б̣ад̇т̇аабхаавад̇од̇и ад̇хиббааязнааха ‘‘д̇ад̣̇ануруубасабхааваа’’д̇и. ниганд̇им̣, ниганд̇исахаг̇ад̇ажид̇д̇уббаад̣̇ам̣ ваа ‘‘мижчаасад̇ий’’д̇и вад̣̇ад̇и. ‘‘ахо вад̇а мз авид̇аггам̣ уббаж̇ж̇зяяаа’’д̇и авид̇аггаарамман̣аа авид̇аггасахаг̇ад̇аа.
799. Kāmasahagatāti vatthukāmārammaṇā. Codentīti kāmābhimukhaṃ tanninnaṃ karontīti attho. Tadanudhammatāti tadanudhammā icceva vuttaṃ hoti. Tā-saddassa apubbatthābhāvatoti adhippāyenāha ‘‘tadanurūpasabhāvā’’ti. Nikantiṃ, nikantisahagatacittuppādaṃ vā ‘‘micchāsatī’’ti vadati. ‘‘Aho vata me avitakkaṃ uppajjeyyā’’ti avitakkārammaṇā avitakkasahagatā.
801. ад̇хиг̇амабхаавзна абхимукам̣ ж̇аананд̇асса абхиж̇аананд̇асса, абхивисидтзна ваа н̃аан̣зна ж̇аананд̇асса, анаарамман̣абхууд̇ан̃жа д̇ам̣ таанам̣ баагадам̣ гаронд̇ассаад̇и ад̇т̇о.
801. Adhigamabhāvena abhimukhaṃ jānantassa abhijānantassa, abhivisiṭṭhena vā ñāṇena jānantassa, anārammaṇabhūtañca taṃ ṭhānaṃ pākaṭaṃ karontassāti attho.
802. васид̇аабан̃жагарахид̇ам̣ жхаанам̣ аббаг̇ун̣ам̣. зд̇т̇а жад̇ассо бадибад̣̇аа жад̇д̇аари аарамман̣аанийд̇и бан̃н̃ааяа бадибад̣̇аарамман̣уд̣̇д̣̇зсзна бан̃н̃аа зва уд̣̇д̣̇идтаад̇и саа зва вибхад̇д̇аад̇и.
802. Vasitāpañcakarahitaṃ jhānaṃ appaguṇaṃ. Ettha catasso paṭipadā cattāri ārammaṇānīti paññāya paṭipadārammaṇuddesena paññā eva uddiṭṭhāti sā eva vibhattāti.
жад̇угганид̣̇д̣̇зсаван̣н̣анаа нидтид̇аа.
Catukkaniddesavaṇṇanā niṭṭhitā.
(5.) бан̃жаганид̣̇д̣̇зсаван̣н̣анаа
(5.) Pañcakaniddesavaṇṇanā
804. бан̃жан̇г̇иго саммаасамаад̇хийд̇и самаад̇хиан̇г̇абхаавзна бан̃н̃аа уд̣̇д̣̇идтаад̇и. бийд̇ипаран̣ад̇аад̣̇иважанзна хи д̇амзва вибхаж̇ад̇и, ‘‘со имамзва гааяам̣ вивзгаж̇зна бийд̇исукзна абхисанд̣̇зд̇ий’’д̇иаад̣̇инаа (д̣̇ий. ни. 1.226; ма. ни. 1.427) наязна бийд̇ияаа сукасса жа паран̣ам̣ взд̣̇ид̇аб̣б̣ам̣. бийд̇ипаран̣ад̇аасукапаран̣ад̇аахи аарамман̣з тад̇ваа жад̇уд̇т̇аж̇жхаанасса уббаад̣̇анад̇о ‘‘баад̣̇аа вияаа’’д̇и д̇аа вуд̇д̇аа.
804. Pañcaṅgiko sammāsamādhīti samādhiaṅgabhāvena paññā uddiṭṭhāti. Pītipharaṇatādivacanena hi tameva vibhajati, ‘‘so imameva kāyaṃ vivekajena pītisukhena abhisandetī’’tiādinā (dī. ni. 1.226; ma. ni. 1.427) nayena pītiyā sukhassa ca pharaṇaṃ veditabbaṃ. Pītipharaṇatāsukhapharaṇatāhi ārammaṇe ṭhatvā catutthajjhānassa uppādanato ‘‘pādā viyā’’ti tā vuttā.
д̣̇уд̇ияабан̃жагз жа ‘‘бан̃жан̃аан̣иго’’д̇и самаад̇химукзна бан̃жан̃аан̣аанзва уд̣̇д̣̇идтаани нид̣̇д̣̇идтаани жаад̇и д̣̇адтаб̣б̣аани. логияасамаад̇хисса бажжанийгаани нийваран̣абатамаж̇жхаананиганд̇иаад̣̇ийни ниг̇г̇ахзд̇аб̣б̣аани. ан̃н̃з гилзсаа ваарзд̇аб̣б̣аа, имасса бана арахад̇д̇асамаад̇хисса бадиббассад̣̇д̇хасаб̣б̣агилзсад̇д̇аа на ниг̇г̇ахзд̇аб̣б̣ам̣ ваарзд̇аб̣б̣ан̃жа ад̇т̇ийд̇и маг̇г̇аананд̇арам̣ самаабад̇д̇игкан̣з жа аббаяог̇знзва ад̇хиг̇ад̇ад̇д̇аа жа табид̇ад̇д̇аа жа, абарихаанивасзна табид̇ад̇д̇аа ваа на сасан̇каараниг̇г̇аяхаваарид̇аг̇ад̇о. сад̇ивзбуллаббад̇д̇ад̇д̇аад̇и зд̇зна аббавад̇д̇амаанааяаби сад̇ияаа сад̇иб̣ахулад̇ааяа сад̇о зва наамаад̇и д̣̇ассзд̇и. яат̇аабарижчиннагаалавасзнаад̇и зд̇зна барижчинд̣̇анасад̇ияаа сад̇од̇и.
Dutiyapañcake ca ‘‘pañcañāṇiko’’ti samādhimukhena pañcañāṇāneva uddiṭṭhāni niddiṭṭhāni cāti daṭṭhabbāni. Lokiyasamādhissa paccanīkāni nīvaraṇapaṭhamajjhānanikantiādīni niggahetabbāni. Aññe kilesā vāretabbā, imassa pana arahattasamādhissa paṭippassaddhasabbakilesattā na niggahetabbaṃ vāretabbañca atthīti maggānantaraṃ samāpattikkhaṇe ca appayogeneva adhigatattā ca ṭhapitattā ca, aparihānivasena ṭhapitattā vā na sasaṅkhāraniggayhavāritagato. Sativepullappattattāti etena appavattamānāyapi satiyā satibahulatāya sato eva nāmāti dasseti. Yathāparicchinnakālavasenāti etena paricchindanasatiyā satoti.
бан̃жаганид̣̇д̣̇зсаван̣н̣анаа нидтид̇аа.
Pañcakaniddesavaṇṇanā niṭṭhitā.
(6.) чагганид̣̇д̣̇зсаван̣н̣анаа
(6.) Chakkaniddesavaṇṇanā
805. висуд̣̇д̇хибхаавам̣ д̣̇ассзнд̇о ‘‘д̣̇уура…бз… рамман̣ааяаа’’д̇и ааха. сод̇ад̇хаад̇увисуд̣̇д̇хийд̇и жа жид̇д̇ажзд̇асигаа д̇хаммаа вуд̇д̇аад̇и д̇ад̇т̇а н̃аан̣ам̣ сод̇ад̇хаад̇увисуд̣̇д̇хияаа н̃аан̣ам̣. ‘‘жзд̇обарияан̃аан̣а’’нд̇и ид̣̇амзва ад̇т̇авасзна ‘‘баражид̇д̇з н̃аан̣а’’нд̇и уд̣̇д̇хаданд̇и д̣̇адтаб̣б̣ам̣. жуд̇уубабаад̇ан̃аан̣асса д̣̇иб̣б̣ажагкун̃аан̣згад̣̇зсад̇д̇аа ‘‘ван̣н̣ад̇хаад̇уаарамман̣аа’’д̇и вуд̇д̇ам̣. муд̣̇д̇хаббад̇д̇зна жуд̇уубабаад̇ан̃аан̣асан̇каад̇зна д̣̇иб̣б̣ажагкун̃аан̣зна саб̣б̣ам̣ д̣̇иб̣б̣ажагкун̃аан̣анд̇и вуд̇д̇анд̇и д̣̇адтаб̣б̣ам̣.
805. Visuddhibhāvaṃ dassento ‘‘dūra…pe… rammaṇāyā’’ti āha. Sotadhātuvisuddhīti ca cittacetasikā dhammā vuttāti tattha ñāṇaṃ sotadhātuvisuddhiyā ñāṇaṃ. ‘‘Cetopariyañāṇa’’nti idameva atthavasena ‘‘paracitte ñāṇa’’nti uddhaṭanti daṭṭhabbaṃ. Cutūpapātañāṇassa dibbacakkhuñāṇekadesattā ‘‘vaṇṇadhātuārammaṇā’’ti vuttaṃ. Muddhappattena cutūpapātañāṇasaṅkhātena dibbacakkhuñāṇena sabbaṃ dibbacakkhuñāṇanti vuttanti daṭṭhabbaṃ.
чагганид̣̇д̣̇зсаван̣н̣анаа нидтид̇аа.
Chakkaniddesavaṇṇanā niṭṭhitā.
(7.) сад̇д̇аганид̣̇д̣̇зсаван̣н̣анаа
(7.) Sattakaniddesavaṇṇanā
806. д̇ад̣̇зва н̃аан̣анд̇и чаб̣б̣ид̇хамби бажжавзгкан̣ан̃аан̣ам̣ вибассанаарамман̣абхаавзна саха г̇ахзд̇ваа вуд̇д̇анд̇и ад̇хиббааяо. д̇хаммадтид̇ин̃аан̣знаад̇и чаби н̃аан̣аани сан̇кибид̇ваа вуд̇д̇зна н̃аан̣зна. каяад̇хамманд̇иаад̣̇инаа хи багаарзна бавад̇д̇ан̃аан̣асса д̣̇ассанам̣, н̃аан̣авибассанаад̣̇ассанад̇о вибассанаабадивибассанаад̣̇ассанамад̇д̇амзваад̇и на д̇ам̣ ан̇г̇анд̇и ад̇хиббааяо. баал̣ияам̣ бана саб̣б̣ад̇т̇а н̃аан̣аважанзна ан̇г̇аанам̣ вуд̇д̇ад̇д̇аа нирод̇хад̇хамманд̇и н̃аан̣анд̇и ид̇и-сад̣̇д̣̇зна багаасзд̇ваа вуд̇д̇ам̣ вибассанаан̃аан̣ам̣ сад̇д̇амам̣ н̃аан̣анд̇и аяамад̇т̇о д̣̇иссад̇и. на хи яамби д̇ам̣ д̇хаммадтид̇ин̃аан̣ам̣, д̇амби н̃аан̣анд̇и самб̣анд̇хо ход̇и д̇ам̣н̃аан̣аг̇г̇ахан̣з зд̇асмим̣ н̃аан̣абхаавад̣̇ассанасса анад̇хиббзд̇ад̇д̇аа, ‘‘каяад̇хаммам̣…бз… нирод̇хад̇хамма’’нд̇и зд̇зсам̣ самб̣анд̇хаабхааваббасан̇г̇ад̇о жаад̇и.
806. Tadeva ñāṇanti chabbidhampi paccavekkhaṇañāṇaṃ vipassanārammaṇabhāvena saha gahetvā vuttanti adhippāyo. Dhammaṭṭhitiñāṇenāti chapi ñāṇāni saṅkhipitvā vuttena ñāṇena. Khayadhammantiādinā hi pakārena pavattañāṇassa dassanaṃ, ñāṇavipassanādassanato vipassanāpaṭivipassanādassanamattamevāti na taṃ aṅganti adhippāyo. Pāḷiyaṃ pana sabbattha ñāṇavacanena aṅgānaṃ vuttattā nirodhadhammanti ñāṇanti iti-saddena pakāsetvā vuttaṃ vipassanāñāṇaṃ sattamaṃ ñāṇanti ayamattho dissati. Na hi yampi taṃ dhammaṭṭhitiñāṇaṃ, tampi ñāṇanti sambandho hoti taṃñāṇaggahaṇe etasmiṃ ñāṇabhāvadassanassa anadhippetattā, ‘‘khayadhammaṃ…pe… nirodhadhamma’’nti etesaṃ sambandhābhāvappasaṅgato cāti.
сад̇д̇аганид̣̇д̣̇зсаван̣н̣анаа нидтид̇аа.
Sattakaniddesavaṇṇanā niṭṭhitā.
(8.) адтаганид̣̇д̣̇зсаван̣н̣анаа
(8.) Aṭṭhakaniddesavaṇṇanā
808. вихаарид̇аб̣б̣адтзнаад̇и бажжанийгад̇хаммз, д̣̇угкам̣ ваа вижчинд̣̇ид̇ваа бавад̇д̇зд̇аб̣б̣адтзна.
808. Vihāritabbaṭṭhenāti paccanīkadhamme, dukkhaṃ vā vicchinditvā pavattetabbaṭṭhena.
адтаганид̣̇д̣̇зсаван̣н̣анаа нидтид̇аа.
Aṭṭhakaniddesavaṇṇanā niṭṭhitā.
(10.) д̣̇асаганид̣̇д̣̇зсо
(10.) Dasakaniddeso
батамаб̣аланид̣̇д̣̇зсаван̣н̣анаа
Paṭhamabalaniddesavaṇṇanā
809. авиж̇ж̇амаанам̣ таанам̣ адтаанам̣, над̇т̇и таананд̇и ваа адтаанам̣. зса ‘‘анавагаасо’’д̇и зд̇т̇ааби наяо. д̇ад̣̇ад̇т̇аниг̇аманамад̇д̇амзва хи ‘‘нзд̇ам̣ таанам̣ виж̇ж̇ад̇ий’’д̇и важананд̇и. асукз суканд̇и д̣̇идтивибаллаасова ид̇ха сукад̇о убаг̇аманасса таананд̇и ад̇хиббзд̇анд̇и д̣̇ассзнд̇о ‘‘зганд̇а…бз… ад̇д̇ад̣̇идтивасзнаа’’д̇и бад̇хаанад̣̇идтимааха. бхзд̣̇аануруубасса сааванам̣ ануссааванам̣, бхзд̣̇аануруубзна ваа важанзна вин̃н̃аабанам̣.
809. Avijjamānaṃ ṭhānaṃ aṭṭhānaṃ, natthi ṭhānanti vā aṭṭhānaṃ. Esa ‘‘anavakāso’’ti etthāpi nayo. Tadatthanigamanamattameva hi ‘‘netaṃ ṭhānaṃ vijjatī’’ti vacananti. Asukhe sukhanti diṭṭhivipallāsova idha sukhato upagamanassa ṭhānanti adhippetanti dassento ‘‘ekanta…pe… attadiṭṭhivasenā’’ti padhānadiṭṭhimāha. Bhedānurūpassa sāvanaṃ anussāvanaṃ, bhedānurūpena vā vacanena viññāpanaṃ.
лин̇г̇з баривад̇д̇з жа со зва згагамманиб̣б̣ад̇д̇ид̇о бхаван̇г̇аббаб̣анд̇хо ж̇ийвид̇инд̣̇рияаббаб̣анд̇хо жа, наан̃н̃од̇и ааха ‘‘аби баривад̇д̇алин̇г̇а’’нд̇и. аяам̣ бан̃ход̇и н̃аабанижчааниб̣б̣ад̇д̇аа гат̇аа.
Liṅge parivatte ca so eva ekakammanibbattito bhavaṅgappabandho jīvitindriyappabandho ca, nāññoti āha ‘‘api parivattaliṅga’’nti. Ayaṃ pañhoti ñāpanicchānibbattā kathā.
сан̇г̇аамажад̇уггам̣ сабад̇д̇авасзна яож̇зд̇аб̣б̣ам̣. саб̣б̣ад̇т̇а жа буримам̣ абхисанд̇хижид̇д̇ам̣ аббамаан̣ам̣, вад̇хагажид̇д̇ам̣ бана д̇ад̣̇аарамман̣ан̃жа ж̇ийвид̇инд̣̇рияам̣ аананд̇арияаанаананд̇арияабхаавз бамаан̣анд̇и д̣̇адтаб̣б̣ам̣. бут̇уж̇ж̇анассзва д̇ам̣ д̣̇иннам̣ ход̇и. гасмаа? яат̇аа вад̇хагажид̇д̇ам̣ бажжуббаннаарамман̣амби ж̇ийвид̇инд̣̇рияаббаб̣анд̇хавижчзд̣̇анавасзна аарамман̣ам̣ гад̇ваа бавад̇д̇ад̇и, на звам̣ жааг̇ажзд̇анаа. саа хи жаж̇ид̇аб̣б̣ам̣ аарамман̣ам̣ гад̇ваа жаж̇анамад̇д̇амзва ход̇и, ан̃н̃асагагаран̣ан̃жа д̇асса жаж̇анам̣, д̇асмаа яасса д̇ам̣ сагам̣ гад̇ам̣, д̇ассзва д̣̇иннам̣ ход̇ийд̇и.
Saṅgāmacatukkaṃ sapattavasena yojetabbaṃ. Sabbattha ca purimaṃ abhisandhicittaṃ appamāṇaṃ, vadhakacittaṃ pana tadārammaṇañca jīvitindriyaṃ ānantariyānānantariyabhāve pamāṇanti daṭṭhabbaṃ. Puthujjanasseva taṃ dinnaṃ hoti. Kasmā? Yathā vadhakacittaṃ paccuppannārammaṇampi jīvitindriyappabandhavicchedanavasena ārammaṇaṃ katvā pavattati, na evaṃ cāgacetanā. Sā hi cajitabbaṃ ārammaṇaṃ katvā cajanamattameva hoti, aññasakakaraṇañca tassa cajanaṃ, tasmā yassa taṃ sakaṃ kataṃ, tasseva dinnaṃ hotīti.
сан̣та…бз… габбавинаасзязва мужжад̇ийд̇и ид̣̇ам̣ габбадтагат̇ааяа на самзд̇и. д̇ад̇т̇а хи адтагат̇ааяам̣ (гат̇аа. адта. 654-657) вуд̇д̇ам̣ ‘‘аабааяигод̇и ид̣̇ам̣ суд̇д̇ам̣ яам̣ со згам̣ габбам̣ асийд̇ибхааг̇з гад̇ваа д̇ад̇о згабхааг̇амад̇д̇ам̣ гаалам̣ д̇идтзяяа, д̇ам̣ ааяугаббам̣ санд̇хааяа вуд̇д̇а’’нд̇и. габбавинаасзязваад̇и бана ааяугаббавинаасзязваад̇и ад̇т̇з сад̇и над̇т̇и вирод̇хо. зд̇т̇а жа сан̣таханд̇зд̇и ид̣̇ам̣ свз винассиссад̇ийд̇и вияа абхууд̇абаригаббавасзна вуд̇д̇ам̣. згад̣̇ивасамзва бажжад̇и д̇ад̇о барам̣ габбаабхаавзна ааяугаббассаби абхаавад̇од̇и авирод̇хад̇о ад̇т̇аяож̇анаа д̣̇адтаб̣б̣аа.
Saṇṭha…pe… kappavināseyeva muccatīti idaṃ kappaṭṭhakathāya na sameti. Tattha hi aṭṭhakathāyaṃ (kathā. aṭṭha. 654-657) vuttaṃ ‘‘āpāyikoti idaṃ suttaṃ yaṃ so ekaṃ kappaṃ asītibhāge katvā tato ekabhāgamattaṃ kālaṃ tiṭṭheyya, taṃ āyukappaṃ sandhāya vutta’’nti. Kappavināseyevāti pana āyukappavināseyevāti atthe sati natthi virodho. Ettha ca saṇṭhahanteti idaṃ sve vinassissatīti viya abhūtaparikappavasena vuttaṃ. Ekadivasameva paccati tato paraṃ kappābhāvena āyukappassapi abhāvatoti avirodhato atthayojanā daṭṭhabbā.
багад̇ад̇д̇од̇и анугкид̇д̇о. самаанасам̣ваасагод̇и абаарааж̇иго.
Pakatattoti anukkhitto. Samānasaṃvāsakoti apārājiko.
гим̣ бана д̇анд̇и яо со ‘‘нияад̇о’’д̇и вуд̇д̇о, д̇ам̣ гим̣ нияамзд̇ийд̇и ад̇т̇о. д̇ассзва бана яат̇аабужчид̇асса нияад̇асса мижчад̇д̇асаммад̇д̇анияад̇ад̇хаммаанам̣ вияа сабхаавад̇о виж̇ж̇амаанад̇ам̣ яат̇аабужчид̇ан̃жа нияаамагахзд̇ум̣ бадисзд̇хзд̇ваа язна ‘‘нияад̇о’’д̇и ‘‘сад̇д̇агкад̇д̇убарамаад̣̇иго’’д̇и жа вужжад̇и, д̇ам̣ яат̇аад̇хиббзд̇агааран̣ам̣ д̣̇ассзд̇ум̣ ‘‘саммаасамб̣уд̣̇д̇хзна хий’’д̇иаад̣̇имааха. ж̇аад̇асса гумаарасса вияа арияааяа ж̇аад̇ияаа ж̇аад̇асса наамамад̇д̇амзд̇ам̣ нияад̇асад̇д̇агкад̇д̇убарамаад̣̇игам̣, нияад̇аанияад̇абхзд̣̇ам̣ нааманд̇и ад̇т̇о. яад̣̇и буб̣б̣ахзд̇у нияаамаго, сод̇аабанно жа нияад̇од̇и сод̇аабад̇д̇имаг̇г̇ад̇о уд̣̇д̇хам̣ д̇ин̣н̣ам̣ маг̇г̇аанам̣ убаниссаяабхаавад̇о буб̣б̣ахзд̇угижжам̣, д̇ад̇о буб̣б̣з бана буб̣б̣ахзд̇угижжам̣ над̇т̇ийд̇и сод̇аабад̇д̇имаг̇г̇асса убаниссаяаабхааво аабаж̇ж̇ад̇и. яад̣̇и хи д̇ассаби буб̣б̣ахзд̇у убаниссаяо сияаа, со жа нияаамагод̇и сод̇аабад̇д̇имаг̇г̇уббад̇д̇ид̇о буб̣б̣з зва нияад̇о сияаа, д̇ан̃жа анидтам̣, д̇асмаасса буб̣б̣ахзд̇унаа ахзд̇угад̇аа аабаннаад̇и имамад̇т̇ам̣ санд̇хааяааха ‘‘ижжасса ахзд̇у аббажжаяаа ниб̣б̣ад̇д̇им̣ баабун̣аад̇ий’’д̇и.
Kiṃpana tanti yo so ‘‘niyato’’ti vutto, taṃ kiṃ niyametīti attho. Tasseva pana yathāpucchitassa niyatassa micchattasammattaniyatadhammānaṃ viya sabhāvato vijjamānataṃ yathāpucchitañca niyāmakahetuṃ paṭisedhetvā yena ‘‘niyato’’ti ‘‘sattakkhattuparamādiko’’ti ca vuccati, taṃ yathādhippetakāraṇaṃ dassetuṃ ‘‘sammāsambuddhena hī’’tiādimāha. Jātassa kumārassa viya ariyāya jātiyā jātassa nāmamattametaṃ niyatasattakkhattuparamādikaṃ, niyatāniyatabhedaṃ nāmanti attho. Yadi pubbahetu niyāmako, sotāpanno ca niyatoti sotāpattimaggato uddhaṃ tiṇṇaṃ maggānaṃ upanissayabhāvato pubbahetukiccaṃ, tato pubbe pana pubbahetukiccaṃ natthīti sotāpattimaggassa upanissayābhāvo āpajjati. Yadi hi tassapi pubbahetu upanissayo siyā, so ca niyāmakoti sotāpattimagguppattito pubbe eva niyato siyā, tañca aniṭṭhaṃ, tasmāssa pubbahetunā ahetukatā āpannāti imamatthaṃ sandhāyāha ‘‘iccassa ahetu appaccayā nibbattiṃ pāpuṇātī’’ti.
бадилад̣̇д̇хамаг̇г̇о сод̇аабад̇д̇имаг̇г̇о, д̇знзва сад̇д̇агкад̇д̇убарамаад̣̇инияамз сад̇и сад̇д̇амабхаваад̣̇ид̇о уд̣̇д̇хам̣ бавад̇д̇анагасса д̣̇угкасса муулабхууд̇аа гилзсаа д̇знзва кийн̣аад̇и убари д̇аяо маг̇г̇аа агижжагаа хонд̇ийд̇и ад̇т̇о. яад̣̇и убари д̇аяо маг̇г̇аа сад̇д̇агкад̇д̇убарамаад̣̇игам̣ нияамзнд̇и, д̇ад̇о жа ан̃н̃о сод̇аабанно над̇т̇ийд̇и сод̇аабад̇д̇имаг̇г̇асса агижжагад̇аа ниббаяож̇анад̇аа аабаж̇ж̇ад̇ийд̇и ад̇т̇о. ат̇а саггааяад̣̇идтаад̣̇иббахаанам̣ д̣̇ассанагижжам̣, д̇зсам̣ бахаанзна сад̇д̇агкад̇д̇убарамаад̣̇ид̇ааяа бхавид̇аб̣б̣ам̣. саа жубаримаг̇г̇зхи зва ход̇ийд̇и сад̇д̇амабхаваад̣̇ид̇о уд̣̇д̇хам̣ бавад̇д̇ид̇о д̇зна винаа вудтаанз саггааяад̣̇идтаад̣̇иббахаанзна жа д̇зна винаа бхавид̇аб̣б̣анд̇и ааха ‘‘батамамаг̇г̇зна жа ануббаж̇ж̇ид̇ваава гилзсаа кзбзд̇аб̣б̣аа хонд̇ий’’д̇и. на ан̃н̃о гожи нияамзд̇ийд̇и наамагаран̣анимид̇д̇ад̇о вибассанаад̇о ан̃н̃о гожи нияаамаго наама над̇т̇ийд̇и ад̇т̇о. вибассанаава нияамзд̇ийд̇и жа наамагаран̣анимид̇д̇ад̇ам̣язва санд̇хааяа вуд̇д̇ам̣. д̇знзвааха ‘‘ид̇и саммаасамб̣уд̣̇д̇хзна г̇ахид̇анаамамад̇д̇амзва д̇а’’нд̇и.
Paṭiladdhamaggo sotāpattimaggo, teneva sattakkhattuparamādiniyame sati sattamabhavādito uddhaṃ pavattanakassa dukkhassa mūlabhūtā kilesā teneva khīṇāti upari tayo maggā akiccakā hontīti attho. Yadi upari tayo maggā sattakkhattuparamādikaṃ niyamenti, tato ca añño sotāpanno natthīti sotāpattimaggassa akiccakatā nippayojanatā āpajjatīti attho. Atha sakkāyadiṭṭhādippahānaṃ dassanakiccaṃ, tesaṃ pahānena sattakkhattuparamāditāya bhavitabbaṃ. Sā cuparimaggehi eva hotīti sattamabhavādito uddhaṃ pavattito tena vinā vuṭṭhāne sakkāyadiṭṭhādippahānena ca tena vinā bhavitabbanti āha ‘‘paṭhamamaggena ca anuppajjitvāva kilesā khepetabbā hontī’’ti. Na añño koci niyametīti nāmakaraṇanimittato vipassanāto añño koci niyāmako nāma natthīti attho. Vipassanāva niyametīti ca nāmakaraṇanimittataṃyeva sandhāya vuttaṃ. Tenevāha ‘‘iti sammāsambuddhena gahitanāmamattameva ta’’nti.
на уббаж̇ж̇анд̇ийд̇и бана ад̇т̇ийд̇и ‘‘на мз аажарияо ад̇т̇и, сад̣̇исо мз на виж̇ж̇ад̇ий’’д̇иаад̣̇им̣ (ма. ни. 1.285; 2.341; махаава. 11; гат̇аа. 405) имиссаа логад̇хаад̇уяаа тад̇ваа вад̣̇анд̇зна бхаг̇авад̇аа ‘‘гим̣ банаавусо саарибуд̇д̇а, ад̇т̇зд̇арахи ан̃н̃з саман̣аа ваа б̣раахман̣аа ваа бхаг̇авад̇аа самасамаа самб̣од̇хияанд̇и звам̣ будтаахам̣, бханд̇з, нод̇и вад̣̇зяяа’’нд̇и (д̣̇ий. ни. 3.161) вад̇ваа д̇асса гааран̣ам̣ д̣̇ассзд̇ум̣ ‘‘адтаанамзд̇ам̣ анавагаасо, яам̣ згиссаа логад̇хаад̇уяаа д̣̇вз араханд̇о саммаасамб̣уд̣̇д̇хаа’’д̇и (ма. ни. 3.129) имам̣ суд̇д̇ам̣ д̣̇ассзнд̇зна д̇хаммасзнаабад̇инаа жа б̣уд̣̇д̇хагкзд̇д̇абхууд̇ам̣ имам̣ логад̇хаад̇ум̣ табзд̇ваа ан̃н̃ад̇т̇а ануббад̇д̇и вуд̇д̇аа ход̇ийд̇и ад̇хиббааяо.
Na uppajjantīti pana atthīti ‘‘na me ācariyo atthi, sadiso me na vijjatī’’tiādiṃ (ma. ni. 1.285; 2.341; mahāva. 11; kathā. 405) imissā lokadhātuyā ṭhatvā vadantena bhagavatā ‘‘kiṃ panāvuso sāriputta, atthetarahi aññe samaṇā vā brāhmaṇā vā bhagavatā samasamā sambodhiyanti evaṃ puṭṭhāhaṃ, bhante, noti vadeyya’’nti (dī. ni. 3.161) vatvā tassa kāraṇaṃ dassetuṃ ‘‘aṭṭhānametaṃ anavakāso, yaṃ ekissā lokadhātuyā dve arahanto sammāsambuddhā’’ti (ma. ni. 3.129) imaṃ suttaṃ dassentena dhammasenāpatinā ca buddhakkhettabhūtaṃ imaṃ lokadhātuṃ ṭhapetvā aññattha anuppatti vuttā hotīti adhippāyo.
‘‘яо бана бхигкуу’’д̇иаад̣̇инаа вуд̇д̇аани сигкаабад̣̇аани маад̇игаа, д̇ааяа анд̇арахид̇ааяа нид̣̇аануд̣̇д̣̇зсасан̇каад̇з баад̇имогкз баб̣б̣аж̇ж̇уубасамбад̣̇аагаммзсу жа саасанам̣ д̇идтад̇ийд̇и ад̇т̇о. баад̇имогкз ваа анд̇ог̇ад̇хаа баб̣б̣аж̇ж̇аа убасамбад̣̇аа жа д̇ад̣̇убхаяаабхаавз баад̇имогкаабхаавад̇о, д̇асмаа баад̇имогкз, д̇аасу жа саасанам̣ д̇идтад̇ийд̇и вуд̇д̇ам̣. осаггид̇ам̣ наамаад̇и бажчимабадивзд̇хасийлабхзд̣̇ад̣̇ваяам̣ згад̇о гад̇ваа д̇ад̇о барам̣ винадтам̣ наама ход̇ийд̇и ад̇т̇о.
‘‘Yo pana bhikkhū’’tiādinā vuttāni sikkhāpadāni mātikā, tāya antarahitāya nidānuddesasaṅkhāte pātimokkhe pabbajjūpasampadākammesu ca sāsanaṃ tiṭṭhatīti attho. Pātimokkhe vā antogadhā pabbajjā upasampadā ca tadubhayābhāve pātimokkhābhāvato, tasmā pātimokkhe, tāsu ca sāsanaṃ tiṭṭhatīti vuttaṃ. Osakkitaṃ nāmāti pacchimapaṭivedhasīlabhedadvayaṃ ekato katvā tato paraṃ vinaṭṭhaṃ nāma hotīti attho.
д̇аад̇и расмияо. гаарун̃н̃анд̇и барид̣̇званагаарун̃н̃ам̣.
Tāti rasmiyo. Kāruññanti paridevanakāruññaṃ.
анажчарияад̇д̇аад̇и д̣̇вийсу уббаж̇ж̇амаанзсу ажчарияад̇д̇аабхаавад̣̇осад̇од̇и ад̇т̇о. виваад̣̇абхаавад̇од̇и виваад̣̇аабхаавад̇т̇ам̣ д̣̇вз на уббаж̇ж̇анд̇ийд̇и ад̇т̇о.
Anacchariyattāti dvīsu uppajjamānesu acchariyattābhāvadosatoti attho. Vivādabhāvatoti vivādābhāvatthaṃ dve na uppajjantīti attho.
згам̣ б̣уд̣̇д̇хам̣ д̇хаарзд̇ийд̇и згаб̣уд̣̇д̇хад̇хааран̣ий. зд̇зна звам̣сабхааваа зд̇з б̣уд̣̇д̇хаг̇ун̣аа, язна д̣̇уд̇ияаб̣уд̣̇д̇хаг̇ун̣з д̇хаарзд̇ум̣ асамад̇т̇аа аяам̣ логад̇хаад̇ууд̇и д̣̇ассзд̇и. бажжаяависзсанибпаннаанан̃хи д̇хаммаанам̣ сабхаавависзсо на саггаа д̇хаарзд̇унд̇и. самам̣ уд̣̇д̇хам̣ баж̇ж̇ад̇ийд̇и самубаад̣̇игаа, уд̣̇агассобари самам̣ г̇ааминийд̇и ад̇т̇о. д̣̇виннамбийд̇и д̣̇взби, д̣̇виннамби ваа сарийрабхаарам̣. чаад̣̇знд̇анд̇и рожаяамаанам̣. сагим̣ бхуд̇д̇оваад̇и згамби аалобам̣ аж̇жхохарид̇ваава марзяяаад̇и ад̇т̇о.
Ekaṃ buddhaṃ dhāretīti ekabuddhadhāraṇī. Etena evaṃsabhāvā ete buddhaguṇā, yena dutiyabuddhaguṇe dhāretuṃ asamatthā ayaṃ lokadhātūti dasseti. Paccayavisesanipphannānañhi dhammānaṃ sabhāvaviseso na sakkā dhāretunti. Samaṃ uddhaṃ pajjatīti samupādikā, udakassopari samaṃ gāminīti attho. Dvinnampīti dvepi, dvinnampi vā sarīrabhāraṃ. Chādentanti rocayamānaṃ. Sakiṃ bhuttovāti ekampi ālopaṃ ajjhoharitvāva mareyyāti attho.
ад̇ид̇хаммабхаарзнаад̇и д̇хаммзна наама бат̇авий д̇идтзяяа, саа гим̣ д̇знзва жалад̇ийд̇и ад̇хиббааяо. буна т̇зро ‘‘рад̇анам̣ наама логз гудумб̣ам̣ санд̇хаарзнд̇ам̣ абхимад̇ан̃жа логзна ад̇д̇ано г̇арусабхаавад̇ааяа сагадабхан̇г̇асса гааран̣ам̣ ад̇ибхаарабхууд̇ам̣ д̣̇идтам̣. звам̣ д̇хаммо жа хид̇асукависзсзхи д̇ам̣саман̇г̇инам̣ д̇хаарзнд̇о абхимад̇о жа вин̃н̃уухи г̇амбхийрааббамзяяабхаавзна г̇арусабхаавад̇д̇аа ад̇ибхаарабхууд̇о бат̇авийжаланасса гааран̣ам̣ ход̇ий’’д̇и д̣̇ассзнд̇о ‘‘ид̇ха, махаарааж̇а, д̣̇вз сагадаа’’д̇иаад̣̇имааха. згассаад̇и згасмаа, згасса ваа сагадасса рад̇анам̣, д̇асмаа сагадад̇о г̇ахзд̇ваад̇и ад̇т̇о. осаарид̇анд̇и бавзсид̇ам̣ аахадам̣ вуд̇д̇анд̇и ад̇т̇о.
Atidhammabhārenāti dhammena nāma pathavī tiṭṭheyya, sā kiṃ teneva calatīti adhippāyo. Puna thero ‘‘ratanaṃ nāma loke kuṭumbaṃ sandhārentaṃ abhimatañca lokena attano garusabhāvatāya sakaṭabhaṅgassa kāraṇaṃ atibhārabhūtaṃ diṭṭhaṃ. Evaṃ dhammo ca hitasukhavisesehi taṃsamaṅginaṃ dhārento abhimato ca viññūhi gambhīrāppameyyabhāvena garusabhāvattā atibhārabhūto pathavīcalanassa kāraṇaṃ hotī’’ti dassento ‘‘idha, mahārāja, dve sakaṭā’’tiādimāha. Ekassāti ekasmā, ekassa vā sakaṭassa ratanaṃ, tasmā sakaṭato gahetvāti attho. Osāritanti pavesitaṃ āhaṭaṃ vuttanti attho.
сабхаавабагад̇игаад̇и агид̇д̇имабагад̇игаад̇и ад̇т̇о. гааран̣амаханд̇ад̇д̇аад̇и маханд̇зхи баарамид̇аагааран̣зхи б̣уд̣̇д̇хаг̇ун̣аанам̣ ниб̣б̣ад̇д̇ид̇од̇и вуд̇д̇ам̣ ход̇и. бат̇авийаад̣̇аяо маханд̇аа ад̇д̇ано ад̇д̇ано висаяз згзгаава, звам̣ саммаасамб̣уд̣̇д̇хоби маханд̇о ад̇д̇ано висаяз зго зва. го жа д̇асса висаяо? яаавад̇агам̣ н̃зяяам̣, звам̣ аагаасо вияа ананд̇ависаяо бхаг̇аваа зго зва ход̇ийд̇и вад̣̇анд̇о логад̇хаад̇ванд̇арзсуби д̣̇уд̇ияасса абхаавам̣ д̣̇ассзд̇и.
Sabhāvapakatikāti akittimapakatikāti attho. Kāraṇamahantattāti mahantehi pāramitākāraṇehi buddhaguṇānaṃ nibbattitoti vuttaṃ hoti. Pathavīādayo mahantā attano attano visaye ekekāva, evaṃ sammāsambuddhopi mahanto attano visaye eko eva. Ko ca tassa visayo? Yāvatakaṃ ñeyyaṃ, evaṃ ākāso viya anantavisayo bhagavā eko eva hotīti vadanto lokadhātvantaresupi dutiyassa abhāvaṃ dasseti.
буб̣б̣абхааг̇з ааяууханавасзна ааяууханасаман̇г̇ид̇аа саннидтаанажзд̇анаавасзна жзд̇анаасаман̇г̇ид̇аа жа взд̣̇ид̇аб̣б̣аа, санд̇ад̇икан̣авасзна ваа. вибаагаараханд̇и д̣̇уд̇ияабхаваад̣̇ийсу вибажжанабагад̇ид̇ам̣ санд̇хааяа вад̣̇ад̇и. жалад̇ийд̇и баривад̇д̇ад̇и. сунакзхи важ̇анасийло сунакавааж̇иго.
Pubbabhāge āyūhanavasena āyūhanasamaṅgitā sanniṭṭhānacetanāvasena cetanāsamaṅgitā ca veditabbā, santatikhaṇavasena vā. Vipākārahanti dutiyabhavādīsu vipaccanapakatitaṃ sandhāya vadati. Calatīti parivattati. Sunakhehi vajanasīlo sunakhavājiko.
батамаб̣аланид̣̇д̣̇зсаван̣н̣анаа нидтид̇аа.
Paṭhamabalaniddesavaṇṇanā niṭṭhitā.
д̣̇уд̇ияаб̣аланид̣̇д̣̇зсаван̣н̣анаа
Dutiyabalaniddesavaṇṇanā
810. г̇ад̇ид̇о ан̃н̃аа г̇ад̇исамбад̇д̇и наама над̇т̇ийд̇и д̣̇ассзнд̇о ‘‘самбаннаа г̇ад̇ий’’д̇и ааха. махаасуд̣̇ассанаад̣̇исурааж̇агаало батамагаббигаад̣̇исумануссагаало жа гааласамбад̇д̇и.
810. Gatito aññā gatisampatti nāma natthīti dassento ‘‘sampannā gatī’’ti āha. Mahāsudassanādisurājakālo paṭhamakappikādisumanussakālo ca kālasampatti.
зганд̇ам̣ гусалассзва огаасод̇и ид̣̇ам̣ яад̣̇иби гожи гааяасужарид̇аад̣̇ибаяог̇асамбад̇д̇ияам̣ тид̇ам̣ б̣аад̇хзяяа, д̇ам̣ бана б̣аад̇ханам̣ б̣аад̇хагассзва иссаад̣̇инимид̇д̇зна вибарийд̇аг̇г̇аахзна ж̇аад̇ам̣. саа баяог̇асамбад̇д̇и сабхаавад̇о сукавибаагассзва бажжаяо, на д̣̇угкавибаагассаад̇и имамад̇т̇ам̣ санд̇хааяа вуд̇д̇ам̣. маггадо бхад̇д̇абудам̣ б̣анд̇хадтаанз мун̃жид̇ваа бхун̃ж̇ид̇ум̣ на ж̇аанаад̇и, яад̇т̇а ваа д̇ад̇т̇а ваа бхинд̣̇ид̇ваа винаасзд̇и, звам̣ анубааяан̃н̃ууби бхог̇з. сусаанз чад̣д̣зд̇ваад̇иаад̣̇инаа гхаад̇зд̇ваа чад̣д̣ид̇асса вудтаанаабхааво вияа абааяад̇о вудтаанаабхаавод̇и д̣̇ассзд̇и.
Ekantaṃ kusalasseva okāsoti idaṃ yadipi koci kāyasucaritādipayogasampattiyaṃ ṭhitaṃ bādheyya, taṃ pana bādhanaṃ bādhakasseva issādinimittena viparītaggāhena jātaṃ. Sā payogasampatti sabhāvato sukhavipākasseva paccayo, na dukkhavipākassāti imamatthaṃ sandhāya vuttaṃ. Makkaṭo bhattapuṭaṃ bandhaṭṭhāne muñcitvā bhuñjituṃ na jānāti, yattha vā tattha vā bhinditvā vināseti, evaṃ anupāyaññūpi bhoge. Susāne chaḍḍetvātiādinā ghātetvā chaḍḍitassa vuṭṭhānābhāvo viya apāyato vuṭṭhānābhāvoti dasseti.
‘‘бажжарий’’д̇иби ул̣умбасса наамам̣, д̇зна зд̇т̇а гад̇аа ‘‘махаабажжарий’’д̇и вужжад̇и. уд̣̇агз маран̣ам̣ т̇алз маран̣ан̃жа згамзваад̇и гасмаа вуд̇д̇ам̣, нану саггзна ‘‘самуд̣̇д̣̇аарагкам̣ гариссаамий’’д̇и вуд̇д̇анд̇и? сажжам̣ вуд̇д̇ам̣, ж̇ийвид̇асса лахубаривад̇д̇ид̇ам̣ багаасзнд̇зхи т̇зрзхи звам̣ вуд̇д̇ам̣, лахубаривад̇д̇ид̇ааяа ж̇ийвид̇ахзд̇у на г̇амиссаамаад̇и ад̇хиббааяо. ат̇а ваа уд̣̇агзд̇и нааг̇ад̣̇ийбам̣ санд̇хааяа вуд̇д̇ам̣, т̇алзд̇и ж̇амб̣уд̣̇ийбам̣.
‘‘Paccarī’’tipi uḷumpassa nāmaṃ, tena ettha katā ‘‘mahāpaccarī’’ti vuccati. Udake maraṇaṃ thale maraṇañca ekamevāti kasmā vuttaṃ, nanu sakkena ‘‘samuddārakkhaṃ karissāmī’’ti vuttanti? Saccaṃ vuttaṃ, jīvitassa lahuparivattitaṃ pakāsentehi therehi evaṃ vuttaṃ, lahuparivattitāya jīvitahetu na gamissāmāti adhippāyo. Atha vā udaketi nāgadīpaṃ sandhāya vuttaṃ, thaleti jambudīpaṃ.
т̇зро на д̣̇зд̇ийд̇и гат̇амахам̣ зд̇зна н̃аад̇о, гзнажи гин̃жи аажигкид̇ам̣ сияаад̇и сан̃н̃ааяа на ад̣̇ааси. д̇знзва ‘‘маяамби на ж̇аанаамаа’’д̇и вуд̇д̇ам̣. абарассаад̇и абарасса бхигкуно бад̇д̇ам̣ аад̣̇ааяа…бз… т̇зрасса хад̇т̇з табзсийд̇и яож̇анаа. анааяад̇анзд̇и ниггааран̣з, аяуд̇д̇з ваа нассанадтаанз. д̇увам̣ ад̇д̇аанам̣ рагкзяяааси, маяам̣ бана махаллагад̇д̇аа гим̣ рагкид̇ваа гариссаама, махаллагад̇д̇аа зва жа рагкид̇ум̣ на сагкиссаамаад̇и ад̇хиббааяо. анааг̇аамид̇д̇аа ваа т̇зро ад̇д̇анаа вад̇д̇аб̣б̣ам̣ ж̇аанид̇ваа овад̣̇ад̇и.
Thero na detīti kathamahaṃ etena ñāto, kenaci kiñci ācikkhitaṃ siyāti saññāya na adāsi. Teneva ‘‘mayampi na jānāmā’’ti vuttaṃ. Aparassāti aparassa bhikkhuno pattaṃ ādāya…pe… therassa hatthe ṭhapesīti yojanā. Anāyataneti nikkāraṇe, ayutte vā nassanaṭṭhāne. Tuvaṃ attānaṃ rakkheyyāsi, mayaṃ pana mahallakattā kiṃ rakkhitvā karissāma, mahallakattā eva ca rakkhituṃ na sakkhissāmāti adhippāyo. Anāgāmittā vā thero attanā vattabbaṃ jānitvā ovadati.
саммаабаяог̇асса г̇ад̇амаг̇г̇од̇и саммаабаяог̇зна нибпаад̣̇ид̇ад̇д̇аа д̇асса сан̃ж̇аананагааран̣анд̇и ад̇т̇о.
Sammāpayogassa gatamaggoti sammāpayogena nipphāditattā tassa sañjānanakāraṇanti attho.
бхууд̇амад̇т̇ам̣ гад̇ваа абхууд̇обамам̣ гат̇аяиссад̇ийд̇и ад̇хиббааяо. мануссаад̇и бхан̣д̣ааг̇ааригаад̣̇инияуд̇д̇аа мануссаа маханд̇ад̇д̇аа самбадижчид̇ум̣ наасагким̣су.
Bhūtamatthaṃ katvā abhūtopamaṃ kathayissatīti adhippāyo. Manussāti bhaṇḍāgārikādiniyuttā manussā mahantattā sampaṭicchituṃ nāsakkhiṃsu.
д̣̇уд̇ияаб̣аланид̣̇д̣̇зсаван̣н̣анаа нидтид̇аа.
Dutiyabalaniddesavaṇṇanā niṭṭhitā.
д̇ад̇ияаб̣аланид̣̇д̣̇зсаван̣н̣анаа
Tatiyabalaniddesavaṇṇanā
811. ан̃жид̇аад̇и г̇ад̇аа. бзжжаад̇и буна, марид̇ваад̇и ваа ад̇т̇о. уссаннад̇д̇аад̇и вид̇аггаб̣ахулад̇ааяа уссаннад̇д̇аад̇и вад̣̇анд̇и, суурад̇аад̣̇ийхи ваа уссаннад̇д̇аа. д̣̇иб̣б̣анд̇ийд̇и гийл̣анд̇и.
811. Añcitāti gatā. Peccāti puna, maritvāti vā attho. Ussannattāti vitakkabahulatāya ussannattāti vadanti, sūratādīhi vā ussannattā. Dibbantīti kīḷanti.
сан̃ж̇ийвагаал̣асуд̇д̇асан̇гхаад̇арорувамахаарорувад̇аабанамахаад̇аабанаавийжияо адта махаанираяаа. згзгасса жад̇д̇аари д̣̇ваараани, згзгасмим̣ д̣̇ваарз жад̇д̇ааро жад̇д̇ааро г̇уут̇анираяаад̣̇аяод̇и звам̣ сол̣аса уссад̣̇анираяз ван̣н̣аяанд̇и.
Sañjīvakāḷasuttasaṅghātaroruvamahāroruvatāpanamahātāpanaavīciyo aṭṭha mahānirayā. Ekekassa cattāri dvārāni, ekekasmiṃ dvāre cattāro cattāro gūthanirayādayoti evaṃ soḷasa ussadaniraye vaṇṇayanti.
саггасуяаамаад̣̇аяо вияа ж̇здтагад̣̇зварааж̇аа. баж̇аабад̇иварун̣аийсаанаад̣̇аяо вияа д̣̇уд̇ияаад̣̇идтаананд̇арагаараго барижаараго худ̇ваа.
Sakkasuyāmādayo viya jeṭṭhakadevarājā. Pajāpativaruṇaīsānādayo viya dutiyādiṭṭhānantarakārako paricārako hutvā.
д̇ад̇ияаб̣аланид̣̇д̣̇зсаван̣н̣анаа нидтид̇аа.
Tatiyabalaniddesavaṇṇanā niṭṭhitā.
жад̇уд̇т̇аб̣аланид̣̇д̣̇зсаван̣н̣анаа
Catutthabalaniddesavaṇṇanā
812. габбод̇и д̣̇взд̇хаабхууд̇аг̇г̇о. зд̇т̇а жа б̣ийж̇аад̣̇ид̇хаад̇унаанад̇д̇авасзна канд̇хаад̣̇ид̇хаад̇унаанад̇д̇ам̣ взд̣̇ид̇аб̣б̣ам̣.
812. Kappoti dvedhābhūtaggo. Ettha ca bījādidhātunānattavasena khandhādidhātunānattaṃ veditabbaṃ.
жад̇уд̇т̇аб̣аланид̣̇д̣̇зсаван̣н̣анаа нидтид̇аа.
Catutthabalaniddesavaṇṇanā niṭṭhitā.
бан̃жамаб̣аланид̣̇д̣̇зсаван̣н̣анаа
Pañcamabalaniddesavaṇṇanā
813. аж̇жхаасаяад̇хаад̇ууд̇и аж̇жхаасаяасабхааво. яат̇аа г̇уут̇аад̣̇ийнам̣ д̇хаад̇усабхааво зсо, яам̣ г̇уут̇аад̣̇ийхзва сам̣санд̣̇ад̇и, звам̣ буг̇г̇алаанам̣ аж̇жхаасаяассзвзса сабхааво, яам̣ д̣̇уссийлаад̣̇аяо д̣̇уссийлаад̣̇игзхзва сам̣санд̣̇анд̇ийд̇и вуд̇д̇ам̣ ход̇и. бхигкууби аахам̣сууд̇и ан̃н̃аман̃н̃ам̣ аахам̣су. аавусо имз мануссаа ‘‘яат̇аасабхааг̇зна барибхун̃ж̇ат̇аа’’д̇и вад̣̇анд̇аа амхз сабхааг̇аасабхааг̇з вид̣̇ид̇ваа хийнаж̇жхаасаяабан̣ийд̇аж̇жхаасаяад̇ам̣ барижчинд̣̇ид̇ваа д̇хаад̇усам̣яуд̇д̇агаммз убанзнд̇и д̇асса баяог̇ам̣ д̣̇адтугаамаад̇и ад̇т̇о, звам̣ сабхааг̇авасзнзва аж̇жхаасаяад̇хаад̇убарижчинд̣̇анад̇о аж̇жхаасаяад̇хаад̇усабхааг̇авасзна нияамзд̇ийд̇и ад̇хиббааяо.
813. Ajjhāsayadhātūti ajjhāsayasabhāvo. Yathā gūthādīnaṃ dhātusabhāvo eso, yaṃ gūthādīheva saṃsandati, evaṃ puggalānaṃ ajjhāsayassevesa sabhāvo, yaṃ dussīlādayo dussīlādikeheva saṃsandantīti vuttaṃ hoti. Bhikkhūpi āhaṃsūti aññamaññaṃ āhaṃsu. Āvuso ime manussā ‘‘yathāsabhāgena paribhuñjathā’’ti vadantā amhe sabhāgāsabhāge viditvā hīnajjhāsayapaṇītajjhāsayataṃ paricchinditvā dhātusaṃyuttakamme upanenti tassa payogaṃ daṭṭhukāmāti attho, evaṃ sabhāgavaseneva ajjhāsayadhātuparicchindanato ajjhāsayadhātusabhāgavasena niyametīti adhippāyo.
бан̃жамаб̣аланид̣̇д̣̇зсаван̣н̣анаа нидтид̇аа.
Pañcamabalaniddesavaṇṇanā niṭṭhitā.
чадтаб̣аланид̣̇д̣̇зсаван̣н̣анаа
Chaṭṭhabalaniddesavaṇṇanā
жарид̇анд̇и ид̇ха д̣̇ужжарид̇ам̣ сужарид̇анд̇и вуд̇д̇ам̣. аббараж̇ам̣ агкам̣ зд̇зсанд̇и аббараж̇агкаад̇и ад̇т̇о вибхаавид̇о, аббараж̇ам̣ агкимхи зд̇зсанд̇и аббараж̇агкаад̇иби сад̣̇д̣̇ад̇т̇о самбхавад̇и. зд̇т̇а жа аасаяаж̇аананаад̣̇инаа язхи инд̣̇риязхи баробарзхи сад̇д̇аа галяаан̣абаабаасаяаад̣̇игаа хонд̇и, д̇зсам̣ ж̇аананам̣ вибхаавзд̇ийд̇и взд̣̇ид̇аб̣б̣ам̣. зван̃жа гад̇ваа инд̣̇рияабаробарияад̇д̇ааасаяаанусаяан̃аан̣аанам̣ висум̣ асаад̇хааран̣ад̇аа, инд̣̇рияабаробарияад̇д̇анаанаад̇химуд̇д̇игад̇аан̃аан̣аанам̣ висум̣ б̣алад̇аа жа сид̣̇д̇хаа ход̇и.
Caritanti idha duccaritaṃ sucaritanti vuttaṃ. Apparajaṃ akkhaṃ etesanti apparajakkhāti attho vibhāvito, apparajaṃ akkhimhi etesanti apparajakkhātipi saddattho sambhavati. Ettha ca āsayajānanādinā yehi indriyehi paroparehi sattā kalyāṇapāpāsayādikā honti, tesaṃ jānanaṃ vibhāvetīti veditabbaṃ. Evañca katvā indriyaparopariyattaāsayānusayañāṇānaṃ visuṃ asādhāraṇatā, indriyaparopariyattanānādhimuttikatāñāṇānaṃ visuṃ balatā ca siddhā hoti.
815. яад̣̇арияаад̇и яз арияаа. аавасим̣сууд̇и ниссааяа васим̣су. гз бана д̇з? ‘‘ид̇ха, бхигкавз, бхигку бан̃жан̇г̇авиббахийно ход̇и чал̣ан̇г̇асаманнааг̇ад̇о згаарагко жад̇ураабассзно банун̣н̣абажжзгасажжо самаваяасадтзсано анаавиласан̇габбо бассад̣̇д̇хагааяасан̇кааро сувимуд̇д̇ажид̇д̇о сувимуд̇д̇абан̃н̃о’’д̇и (д̣̇ий. ни. 3.348; а. ни. 10.19) звам̣ вуд̇д̇аа. зд̇зсу бан̃жан̇г̇авиббахийнабажжзгасажжабанод̣̇аназсанаасамаваяасаж̇ж̇анаани ‘‘сан̇кааязгам̣ бадисзвад̇и ад̇хиваасзд̇и бариваж̇ж̇зд̇и винод̣̇зд̇ий’’д̇и (ма. ни. 2.168) вуд̇д̇зсу абассзнзсу винод̣̇анан̃жа маг̇г̇агижжаанзва, ид̇арз жа маг̇г̇знзва самиж̇жханд̇и. д̇знааха ‘‘зд̇ан̃хи суд̇д̇ам̣…бз… д̣̇ийбзд̇ий’’д̇и.
815. Yadariyāti ye ariyā. Āvasiṃsūti nissāya vasiṃsu. Ke pana te? ‘‘Idha, bhikkhave, bhikkhu pañcaṅgavippahīno hoti chaḷaṅgasamannāgato ekārakkho caturāpasseno panuṇṇapaccekasacco samavayasaṭṭhesano anāvilasaṅkappo passaddhakāyasaṅkhāro suvimuttacitto suvimuttapañño’’ti (dī. ni. 3.348; a. ni. 10.19) evaṃ vuttā. Etesu pañcaṅgavippahīnapaccekasaccapanodanaesanāsamavayasajjanāni ‘‘saṅkhāyekaṃ paṭisevati adhivāseti parivajjeti vinodetī’’ti (ma. ni. 2.168) vuttesu apassenesu vinodanañca maggakiccāneva, itare ca maggeneva samijjhanti. Tenāha ‘‘etañhi suttaṃ…pe… dīpetī’’ti.
816. аарамман̣асанд̇аанаанусаяанзсу идтаарамман̣з аарамман̣аанусаяанзна анусзд̇и. аажин̣н̣асамаажин̣н̣аад̇и зд̇зна саманд̇ад̇о взтзд̇ваа вияа тид̇абхаавзна анусаяид̇ад̇ам̣ д̣̇ассзд̇и. бхавассаби вад̇т̇угаамад̇д̇аа, рааг̇авасзна ваа самаанад̇д̇аа ‘‘бхаварааг̇аанусаяо…бз… сан̇г̇ахид̇о’’д̇и ааха.
816. Ārammaṇasantānānusayanesu iṭṭhārammaṇe ārammaṇānusayanena anuseti. Āciṇṇasamāciṇṇāti etena samantato veṭhetvā viya ṭhitabhāvena anusayitataṃ dasseti. Bhavassapi vatthukāmattā, rāgavasena vā samānattā ‘‘bhavarāgānusayo…pe… saṅgahito’’ti āha.
818. ‘‘бан̣ийд̇аад̇химуд̇д̇игаа д̇игкинд̣̇рияаа, ид̇арз муд̣̇инд̣̇рияаа’’д̇и звам̣ инд̣̇рияависзсад̣̇ассанад̇т̇амзва ад̇химуд̇д̇иг̇г̇ахан̣анд̇и ааха ‘‘д̇игкинд̣̇рияамуд̣̇инд̣̇рияабхаавад̣̇ассанад̇т̇а’’нд̇и.
818. ‘‘Paṇītādhimuttikā tikkhindriyā, itare mudindriyā’’ti evaṃ indriyavisesadassanatthameva adhimuttiggahaṇanti āha ‘‘tikkhindriyamudindriyabhāvadassanattha’’nti.
819. бахаанаггамавасзнаад̇и зд̇т̇а бахаад̇аб̣б̣абаж̇аханаггамо бахаанаггамод̇и д̣̇адтаб̣б̣о, яасса бахаанзна бхавид̇аб̣б̣ам̣, д̇ам̣ д̇знзва бахаанзна батамам̣ вужжад̇и, д̇ад̇о аббахаад̇аб̣б̣анд̇и аяам̣ ваа бахаанаггамо.
819. Pahānakkamavasenāti ettha pahātabbapajahanakkamo pahānakkamoti daṭṭhabbo, yassa pahānena bhavitabbaṃ, taṃ teneva pahānena paṭhamaṃ vuccati, tato appahātabbanti ayaṃ vā pahānakkamo.
820. маг̇г̇асса убаниссаяабхууд̇аани инд̣̇рияаани убаниссаяаинд̣̇рияаани.
820. Maggassa upanissayabhūtāni indriyāni upanissayaindriyāni.
826. ниб̣б̣уд̇ичанд̣̇арахид̇ад̇д̇аа ажчанд̣̇игадтаанам̣ бавидтаа. яасмим̣ бхаван̇г̇з бавад̇д̇амаанз д̇ам̣санд̇ад̇ияам̣ логуд̇д̇арам̣ ниб̣б̣ад̇д̇ад̇и, д̇ам̣ д̇асса баад̣̇агам̣.
826. Nibbutichandarahitattā acchandikaṭṭhānaṃ paviṭṭhā. Yasmiṃ bhavaṅge pavattamāne taṃsantatiyaṃ lokuttaraṃ nibbattati, taṃ tassa pādakaṃ.
чадтаб̣аланид̣̇д̣̇зсаван̣н̣анаа нидтид̇аа.
Chaṭṭhabalaniddesavaṇṇanā niṭṭhitā.
сад̇д̇амаб̣аланид̣̇д̣̇зсаван̣н̣анаа
Sattamabalaniddesavaṇṇanā
828. нид̣̇д̣̇ааяид̇ваад̇и гаммадтаанам̣ манаси гаронд̇о нид̣̇д̣̇ам̣ оггамид̇ваа бадиб̣уд̣̇д̇хо самаабад̇д̇им̣ самаабанномхийд̇и ад̇т̇о. нийваран̣аад̣̇ийхи висуд̣̇д̇хажид̇д̇асанд̇ад̇и зва жид̇д̇аман̃ж̇уусаа, самаад̇хи ваа, гаммадтаанам̣ ваа. жид̇д̇ам̣ табзд̇унд̇и самаабад̇д̇ижид̇д̇ам̣ табзд̇ум̣. сан̃н̃аавзд̣̇аяид̇аанам̣ абаг̇амо зва абаг̇амавимогко.
828. Niddāyitvāti kammaṭṭhānaṃ manasi karonto niddaṃ okkamitvā paṭibuddho samāpattiṃ samāpannomhīti attho. Nīvaraṇādīhi visuddhacittasantati eva cittamañjūsā, samādhi vā, kammaṭṭhānaṃ vā. Cittaṃ ṭhapetunti samāpatticittaṃ ṭhapetuṃ. Saññāvedayitānaṃ apagamo eva apagamavimokkho.
сан̃н̃ааманасигаараанам̣ гаамаад̣̇ид̣̇уд̇ияаж̇жхаанаад̣̇ибагканд̣̇анаани ‘‘хаанабхааг̇ияависзсабхааг̇ияад̇хаммаа’’д̇и д̣̇ассид̇аани, д̇зхи бана жхаанаанам̣ д̇ам̣сабхаавад̇аа д̇хамма-сад̣̇д̣̇зна вуд̇д̇аа. баг̇ун̣абхаававод̣̇аанам̣ баг̇ун̣авод̣̇аанам̣. д̇ад̣̇зва батамаж̇жхаанаад̣̇ийхи вудтахид̇ваа д̣̇уд̇ияаж̇жхаанаад̣̇иад̇хиг̇амасса бажжаяад̇д̇аа ‘‘вудтаанам̣ наамаа’’д̇и вуд̇д̇ам̣. ‘‘вод̣̇аанамби вудтаанам̣, д̇амхаа д̇амхаа самаад̇химхаа вудтаанамби вудтаана’’нд̇и имааяа вудтаанабаал̣ияаа асан̇г̇ахид̇ад̇д̇аа нирод̇хасамаабад̇д̇ияаа вудтаанам̣ ‘‘баал̣имуд̇д̇агавудтаанам̣ наамаа’’д̇и вуд̇д̇ам̣. яз бана ‘‘нирод̇хад̇о паласамаабад̇д̇ияаа вудтаана’’нд̇и баал̣и над̇т̇ийд̇и вад̣̇зяяум̣, д̇з ‘‘нирод̇хаа вудтаханд̇асса нзвасан̃н̃аанаасан̃н̃ааяад̇анам̣ паласамаабад̇д̇ияаа ананд̇арабажжаязна бажжаяо’’д̇и (бадтаа. 1.1.417) имааяа баал̣ияаа бадисзд̇хзд̇аб̣б̣аа.
Saññāmanasikārānaṃ kāmādidutiyajjhānādipakkhandanāni ‘‘hānabhāgiyavisesabhāgiyadhammā’’ti dassitāni, tehi pana jhānānaṃ taṃsabhāvatā dhamma-saddena vuttā. Paguṇabhāvavodānaṃ paguṇavodānaṃ. Tadeva paṭhamajjhānādīhi vuṭṭhahitvā dutiyajjhānādiadhigamassa paccayattā ‘‘vuṭṭhānaṃ nāmā’’ti vuttaṃ. ‘‘Vodānampi vuṭṭhānaṃ, tamhā tamhā samādhimhā vuṭṭhānampi vuṭṭhāna’’nti imāya vuṭṭhānapāḷiyā asaṅgahitattā nirodhasamāpattiyā vuṭṭhānaṃ ‘‘pāḷimuttakavuṭṭhānaṃ nāmā’’ti vuttaṃ. Ye pana ‘‘nirodhato phalasamāpattiyā vuṭṭhāna’’nti pāḷi natthīti vadeyyuṃ, te ‘‘nirodhā vuṭṭhahantassa nevasaññānāsaññāyatanaṃ phalasamāpattiyā anantarapaccayena paccayo’’ti (paṭṭhā. 1.1.417) imāya pāḷiyā paṭisedhetabbā.
сад̇д̇амаб̣аланид̣̇д̣̇зсаван̣н̣анаа нидтид̇аа.
Sattamabalaniddesavaṇṇanā niṭṭhitā.
д̣̇асамаб̣аланид̣̇д̣̇зсаван̣н̣анаа
Dasamabalaniddesavaṇṇanā
831. рааг̇аад̣̇ийхи жзд̇асо вимуд̇д̇ибхууд̇о самаад̇хи жзд̇овимуд̇д̇и. бан̃н̃аава вимуд̇д̇и бан̃н̃аавимуд̇д̇и. гамманд̇аравибааганд̇арамзваад̇и гамманд̇арасса вибааганд̇арамзваад̇и ад̇т̇о. жзд̇анаажзд̇анаасамбаяуд̇д̇агад̇хаммз нираяаад̣̇иниб̣б̣аанаг̇ааминибадибад̣̇аабхууд̇з гамманд̇и г̇ахзд̇ваа ааха ‘‘гаммабарижчзд̣̇амзваа’’д̇и. аббзд̇ум̣ на саггод̇и адтаманавамаб̣алаани вияа, д̇ам̣сад̣̇исам̣ ид̣̇д̇хивид̇хан̃аан̣ам̣ вияа вигуб̣б̣ид̇ум̣. зд̇зна д̣̇асаб̣аласад̣̇исад̇ан̃жа ваарзд̇и, жхаанаад̣̇ин̃аан̣ам̣ вияа ваа аббзд̇ум̣ вигуб̣б̣ид̇ун̃жа. яад̣̇иби хи жхаанаад̣̇ибажжавзгкан̣ан̃аан̣ам̣ сад̇д̇амаб̣аланд̇и д̇асса савид̇аггасавижаарад̇аа вуд̇д̇аа, д̇ат̇ааби жхаанаад̣̇ийхи винаа бажжавзгкан̣аа над̇т̇ийд̇и жхаанаад̣̇исахаг̇ад̇ам̣ н̃аан̣ам̣ д̇ад̣̇анд̇ог̇ад̇хам̣ гад̇ваа звам̣ вуд̇д̇анд̇и взд̣̇ид̇аб̣б̣ам̣. ат̇а ваа саб̣б̣ан̃н̃уд̇ан̃н̃аан̣ам̣ жхаанаад̣̇игижжам̣ вияа на саб̣б̣ам̣ б̣алагижжам̣ гаад̇ум̣ саггод̇ийд̇и д̣̇ассзд̇ум̣ ‘‘д̇ан̃хи жхаанам̣ худ̇ваа аббзд̇ум̣ ид̣̇д̇хи худ̇ваа вигуб̣б̣ид̇ун̃жа на саггод̇ий’’д̇и вуд̇д̇ам̣, на бана гассажи б̣аласса жхаанаид̣̇д̇хибхаавад̇од̇и д̣̇адтаб̣б̣ам̣.
831. Rāgādīhi cetaso vimuttibhūto samādhi cetovimutti. Paññāva vimutti paññāvimutti. Kammantaravipākantaramevāti kammantarassa vipākantaramevāti attho. Cetanācetanāsampayuttakadhamme nirayādinibbānagāminipaṭipadābhūte kammanti gahetvā āha ‘‘kammaparicchedamevā’’ti. Appetuṃ na sakkoti aṭṭhamanavamabalāni viya, taṃsadisaṃ iddhividhañāṇaṃ viya vikubbituṃ. Etena dasabalasadisatañca vāreti, jhānādiñāṇaṃ viya vā appetuṃ vikubbituñca. Yadipi hi jhānādipaccavekkhaṇañāṇaṃ sattamabalanti tassa savitakkasavicāratā vuttā, tathāpi jhānādīhi vinā paccavekkhaṇā natthīti jhānādisahagataṃ ñāṇaṃ tadantogadhaṃ katvā evaṃ vuttanti veditabbaṃ. Atha vā sabbaññutaññāṇaṃ jhānādikiccaṃ viya na sabbaṃ balakiccaṃ kātuṃ sakkotīti dassetuṃ ‘‘tañhi jhānaṃ hutvā appetuṃ iddhi hutvā vikubbituñca na sakkotī’’ti vuttaṃ, na pana kassaci balassa jhānaiddhibhāvatoti daṭṭhabbaṃ.
д̣̇асамаб̣аланид̣̇д̣̇зсаван̣н̣анаа нидтид̇аа.
Dasamabalaniddesavaṇṇanā niṭṭhitā.
н̃аан̣авибхан̇г̇аван̣н̣анаа нидтид̇аа.
Ñāṇavibhaṅgavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / вибхан̇г̇абаал̣и • Vibhaṅgapāḷi / 16. н̃аан̣авибхан̇г̇о • 16. Ñāṇavibhaṅgo
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / саммохавинод̣̇аний-адтагат̇аа • Sammohavinodanī-aṭṭhakathā
1. згагамаад̇игаад̣̇иван̣н̣анаа • 1. Ekakamātikādivaṇṇanā
10. д̣̇асагамаад̇игааван̣н̣анаа • 10. Dasakamātikāvaṇṇanā
(1.) згаганид̣̇д̣̇зсаван̣н̣анаа • (1.) Ekakaniddesavaṇṇanā
(2.) д̣̇уганид̣̇д̣̇зсаван̣н̣анаа • (2.) Dukaniddesavaṇṇanā
(3.) д̇иганид̣̇д̣̇зсаван̣н̣анаа • (3.) Tikaniddesavaṇṇanā
(4.) жад̇угганид̣̇д̣̇зсаван̣н̣анаа • (4.) Catukkaniddesavaṇṇanā
(5.) бан̃жаганид̣̇д̣̇зсаван̣н̣анаа • (5.) Pañcakaniddesavaṇṇanā
(6.) чагганид̣̇д̣̇зсаван̣н̣анаа • (6.) Chakkaniddesavaṇṇanā
(7.) сад̇д̇аганид̣̇д̣̇зсаад̣̇иван̣н̣анаа • (7.) Sattakaniddesādivaṇṇanā
(10.) д̣̇асаганид̣̇д̣̇зсаван̣н̣анаа • (10.) Dasakaniddesavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-анудийгаа • Vibhaṅga-anuṭīkā / 16. н̃аан̣авибхан̇г̇о • 16. Ñāṇavibhaṅgo
