| Library / Tipiṭaka / д̇ибидага • Tipiṭaka / вибхан̇г̇а-анудийгаа • Vibhaṅga-anuṭīkā |
16. н̃аан̣авибхан̇г̇о
16. Ñāṇavibhaṅgo
1. згагамаад̇игаад̣̇иван̣н̣анаа
1. Ekakamātikādivaṇṇanā
751. самбаяуд̇д̇аанам̣ ниссаяабажжаяад̇ааяа, аарамман̣асса бавад̇д̇идтаанад̇ааяа огаасадто взд̣̇ид̇аб̣б̣о. нахзд̇аад̣̇ийд̇и аад̣̇и-сад̣̇д̣̇зна ‘‘ахзд̇угаа’’д̇иаад̣̇игам̣ саб̣б̣ам̣ згавид̇хзна н̃аан̣авад̇т̇ум̣ сан̇г̇ан̣хаад̇и. згам̣ нахзд̇ууд̇и нахзд̇уд̇ааяа згам̣ бан̃жавин̃н̃аан̣ам̣ нахзд̇ууд̇и вуд̇д̇аа д̇зсам̣ нахзд̇уд̇аа. зганд̇аахзд̇убхаавзна хи д̇з згаббагаарааваад̇и. ан̃н̃амбийд̇и ахзд̇угаад̣̇и. авид̇ат̇асааман̃н̃аяуд̇д̇анд̇и д̇знзва ахзд̇угад̇аад̣̇инаа яат̇аабхууд̇зна самаанабхаавзна яуд̇д̇ам̣. н̃аан̣аарамман̣анд̇и н̃аан̣асса аарамман̣ам̣ яат̇аавуд̇д̇абан̃жавин̃н̃аан̣аад̣̇и. вад̇т̇увибхааванаад̇и бан̃жавин̃н̃аан̣аад̣̇игасса н̃аан̣авад̇т̇усса яат̇аавуд̇д̇ависзсзна вибхааванаа багаасанаа бан̃н̃аа.
751. Sampayuttānaṃ nissayapaccayatāya, ārammaṇassa pavattiṭṭhānatāya okāsaṭṭho veditabbo. Nahetādīti ādi-saddena ‘‘ahetukā’’tiādikaṃ sabbaṃ ekavidhena ñāṇavatthuṃ saṅgaṇhāti. Ekaṃ nahetūti nahetutāya ekaṃ pañcaviññāṇaṃ nahetūti vuttā tesaṃ nahetutā. Ekantāhetubhāvena hi te ekappakārāvāti. Aññampīti ahetukādi. Avitathasāmaññayuttanti teneva ahetukatādinā yathābhūtena samānabhāvena yuttaṃ. Ñāṇārammaṇanti ñāṇassa ārammaṇaṃ yathāvuttapañcaviññāṇādi. Vatthuvibhāvanāti pañcaviññāṇādikassa ñāṇavatthussa yathāvuttavisesena vibhāvanā pakāsanā paññā.
осаанад̣̇угассаад̇и ‘‘ад̇т̇аж̇аабигаа бан̃н̃аа, ж̇аабид̇ад̇т̇аа бан̃н̃аа’’д̇и имасса д̣̇угасса. д̣̇угамаад̇игаа д̇хаммасан̇г̇ан̣ияам̣ вуд̇д̇ад̣̇угамаад̇игаад̇и ааха ‘‘д̣̇угамаад̇игам̣ аниссааяаа’’д̇и.
Osānadukassāti ‘‘atthajāpikā paññā, jāpitatthā paññā’’ti imassa dukassa. Dukamātikā dhammasaṅgaṇiyaṃ vuttadukamātikāti āha ‘‘dukamātikaṃ anissāyā’’ti.
‘‘жинд̇аамаяаа бан̃н̃аа’’д̇иаад̣̇игаа д̇игамаад̇игам̣ аниссааяа вуд̇д̇аад̇и ааха ‘‘звам̣ д̇игаануруубзхийд̇и зд̇т̇ааби д̣̇адтаб̣б̣а’’нд̇и. яад̣̇иби ж̇ааба-сад̣̇д̣̇о б̣яад̇д̇аважанз, маанасз жа бавад̇д̇ад̇и, ж̇ананад̇т̇зби бана д̣̇адтаб̣б̣од̇и д̣̇ассзнд̇о ааха ‘‘анзгад̇т̇ад̇д̇аа д̇хаад̇усад̣̇д̣̇аана’’нд̇иаад̣̇и. гусалабан̃н̃аа вибаагасан̇каад̇асса, гирияабан̃н̃аа баригаммаад̣̇ибхууд̇аа ад̇д̇анаа ниб̣б̣ад̇д̇зд̇аб̣б̣апаласан̇каад̇асса ад̇т̇асса ниб̣б̣ад̇д̇анад̇о ад̇т̇аж̇аабигаад̇и вуд̇д̇аад̇и ааха ‘‘ад̇т̇аж̇аабигаа гааран̣аг̇ад̇аа бан̃н̃аа’’д̇и. вибаагабан̃н̃аа, гирияабан̃н̃аа жа сахаж̇аад̇аад̣̇ибажжаяавасзна д̇ам̣д̇ам̣вибаагаад̣̇иад̇т̇ам̣ ж̇аабзд̇и ж̇анзд̇ийд̇и ааха ‘‘ж̇аабид̇о ж̇анид̇о ад̇т̇о зд̇иссаад̇и ж̇аабид̇ад̇т̇аа’’д̇и. сад̇иби сахаж̇аад̇аанам̣ бажжаяабхаавз вибаагагирияабан̃н̃аа на гусалаа вияа вибаагаанам̣ ниббарияааязна гааран̣авохаарам̣ лабхад̇ийд̇и ааха ‘‘гааран̣абан̃н̃аасад̣̇исий’’д̇и. вибхааванад̇т̇зна бан̃н̃аа аарамман̣ам̣ вияа самбаяуд̇д̇зби багаасзд̇иязваад̇и вуд̇д̇ам̣ ‘‘палаббагаасанабхууд̇аа’’д̇и. яад̇о саа аалогобхаасабаж̇ж̇од̇абарияааязхи вибхаавид̇аа.
‘‘Cintāmayā paññā’’tiādikā tikamātikaṃ anissāya vuttāti āha ‘‘evaṃ tikānurūpehīti etthāpi daṭṭhabba’’nti. Yadipi jāpa-saddo byattavacane, mānase ca pavattati, jananatthepi pana daṭṭhabboti dassento āha ‘‘anekatthattā dhātusaddāna’’ntiādi. Kusalapaññā vipākasaṅkhātassa, kiriyapaññā parikammādibhūtā attanā nibbattetabbaphalasaṅkhātassa atthassa nibbattanato atthajāpikāti vuttāti āha ‘‘atthajāpikā kāraṇagatā paññā’’ti. Vipākapaññā, kiriyapaññā ca sahajātādipaccayavasena taṃtaṃvipākādiatthaṃ jāpeti janetīti āha ‘‘jāpito janito attho etissāti jāpitatthā’’ti. Satipi sahajātānaṃ paccayabhāve vipākakiriyapaññā na kusalā viya vipākānaṃ nippariyāyena kāraṇavohāraṃ labhatīti āha ‘‘kāraṇapaññāsadisī’’ti. Vibhāvanatthena paññā ārammaṇaṃ viya sampayuttepi pakāsetiyevāti vuttaṃ ‘‘phalappakāsanabhūtā’’ti. Yato sā ālokobhāsapajjotapariyāyehi vibhāvitā.
10. д̣̇асагамаад̇игааван̣н̣анаа
10. Dasakamātikāvaṇṇanā
760. ‘‘ж̇аад̇ибажжаяаа ж̇араамаран̣анд̇и н̃аан̣ам̣, асад̇и ж̇аад̇ияаа над̇т̇и ж̇араамаран̣анд̇и н̃аан̣ам̣. ад̇ийд̇амби ад̣̇д̇хаанам̣ ж̇аад̇ибажжаяаа ж̇араамаран̣анд̇и н̃аан̣ам̣, асад̇и ж̇аад̇ияаа над̇т̇и ж̇араамаран̣анд̇и н̃аан̣ам̣. анааг̇ад̇амби ад̣̇д̇хаанам̣ ж̇аад̇ибажжаяаа ж̇араамаран̣анд̇и н̃аан̣ам̣, асад̇и ж̇аад̇ияаа над̇т̇и ж̇араамаран̣анд̇и н̃аан̣ам̣. яамбисса д̇ам̣ д̇хаммадтид̇ин̃аан̣ам̣, д̇амби каяад̇хаммам̣ ваяад̇хаммам̣ вирааг̇ад̇хаммам̣ нирод̇хад̇хамманд̇и н̃аан̣ам̣. бхавабажжаяаа…бз… авиж̇ж̇аабажжаяаа сан̇каараа…бз… нирод̇хад̇хамма’’нд̇и (сам̣. ни. 2.34) звамааг̇ад̇аани сад̇д̇асад̇д̇ад̇и н̃аан̣аани. ‘‘ж̇араамаран̣з н̃аан̣ам̣, ж̇араамаран̣асамуд̣̇аяз н̃аан̣ам̣, ж̇араамаран̣анирод̇хз н̃аан̣ам̣, ж̇араамаран̣анирод̇хаг̇ааминияаа бадибад̣̇ааяа н̃аан̣ам̣. ж̇аад̇ияаа н̃аан̣ам̣…бз… сан̇каарзсу н̃аан̣ам̣…бз… бадибад̣̇ааяа н̃аан̣а’’нд̇и (сам̣. ни. 2.33) звамааг̇ад̇аани жад̇ужад̇д̇аарийсам̣ н̃аан̣аани. суд̇амаяан̃аан̣аад̣̇ийни анааваран̣ан̃аан̣абарияосаанаани бадисамбхид̣̇аамаг̇г̇з (бади. ма. маад̇игаа 1.1 аад̣̇аяо) ааг̇ад̇аани д̇зсад̇д̇ад̇и н̃аан̣аани. д̇знааха ‘‘д̇зсад̇д̇ад̇и бана…бз… на сам̣яуд̇д̇агз’’д̇и. ‘‘сам̣яуд̇д̇агз’’д̇и ваа ид̣̇ам̣ ‘‘сад̇д̇асад̇д̇ад̇и н̃аан̣ааний’’д̇и иминаа самб̣анд̇хид̇аб̣б̣ам̣, на ‘‘д̇зсад̇д̇ад̇ий’’д̇и иминаа. ан̃н̃ад̇т̇а нигкзбаган̣д̣аад̣̇ийсу. яат̇аа саммаабадивзд̇хаабхаавад̇о мижчаан̃аан̣аад̣̇и т̇усараасимхи никаад̇акаан̣уго вияа аарамман̣з жан̃жалам̣ ход̇и, на звам̣ ход̇и яат̇аабхууд̇ааваб̣од̇хагам̣ н̃аан̣анд̇и ааха ‘‘яаат̇аавабадивзд̇хад̇о саяан̃жа агамбияа’’нд̇и. ад̇хиб̣алагаран̣ам̣ убад̇т̇амбхананд̇и д̇ам̣ буг̇г̇алз ааробзнд̇о ааха ‘‘буг̇г̇алан̃жа…бз… гарод̇ий’’д̇и. висабхааг̇ад̇хаммзсу ваа агамбияад̇т̇о, сабхааг̇ад̇хаммзсу убад̇т̇амбханад̇т̇о взд̣̇ид̇аб̣б̣о.
760. ‘‘Jātipaccayā jarāmaraṇanti ñāṇaṃ, asati jātiyā natthi jarāmaraṇanti ñāṇaṃ. Atītampi addhānaṃ jātipaccayā jarāmaraṇanti ñāṇaṃ, asati jātiyā natthi jarāmaraṇanti ñāṇaṃ. Anāgatampi addhānaṃ jātipaccayā jarāmaraṇanti ñāṇaṃ, asati jātiyā natthi jarāmaraṇanti ñāṇaṃ. Yampissa taṃ dhammaṭṭhitiñāṇaṃ, tampi khayadhammaṃ vayadhammaṃ virāgadhammaṃ nirodhadhammanti ñāṇaṃ. Bhavapaccayā…pe… avijjāpaccayā saṅkhārā…pe… nirodhadhamma’’nti (saṃ. ni. 2.34) evamāgatāni sattasattati ñāṇāni. ‘‘Jarāmaraṇe ñāṇaṃ, jarāmaraṇasamudaye ñāṇaṃ, jarāmaraṇanirodhe ñāṇaṃ, jarāmaraṇanirodhagāminiyā paṭipadāya ñāṇaṃ. Jātiyā ñāṇaṃ…pe… saṅkhāresu ñāṇaṃ…pe… paṭipadāya ñāṇa’’nti (saṃ. ni. 2.33) evamāgatāni catucattārīsaṃ ñāṇāni. Sutamayañāṇādīni anāvaraṇañāṇapariyosānāni paṭisambhidāmagge (paṭi. ma. mātikā 1.1 ādayo) āgatāni tesattati ñāṇāni. Tenāha ‘‘tesattati pana…pe… na saṃyuttake’’ti. ‘‘Saṃyuttake’’ti vā idaṃ ‘‘sattasattati ñāṇānī’’ti iminā sambandhitabbaṃ, na ‘‘tesattatī’’ti iminā. Aññattha nikkhepakaṇḍādīsu. Yathā sammāpaṭivedhābhāvato micchāñāṇādi thusarāsimhi nikhātakhāṇuko viya ārammaṇe cañcalaṃ hoti, na evaṃ hoti yathābhūtāvabodhakaṃ ñāṇanti āha ‘‘yāthāvapaṭivedhato sayañca akampiya’’nti. Adhibalakaraṇaṃ upatthambhananti taṃ puggale āropento āha ‘‘puggalañca…pe… karotī’’ti. Visabhāgadhammesu vā akampiyattho, sabhāgadhammesu upatthambhanattho veditabbo.
абхимукам̣ г̇ажчанд̇ийд̇и ‘‘убаг̇ажчанд̇ий’’д̇и бад̣̇асса ад̇т̇аважанам̣. убаг̇аманан̃жзд̇т̇а саб̣б̣ан̃н̃уд̇ааяа бадиж̇аананамзваад̇и вуд̇д̇ам̣ ‘‘бадиж̇аананавасзнаа’’д̇и. адта ваа барисаа убасан̇гаманд̇ийд̇и зд̇т̇ааби бадиж̇аананавасзна саб̣б̣ан̃н̃уд̇анд̇и яож̇зд̇аб̣б̣ам̣. адтасу барисаасу д̣̇ассид̇аагамбияан̃аан̣аяуд̇д̇од̇и самб̣анд̇хо.
Abhimukhaṃ gacchantīti ‘‘upagacchantī’’ti padassa atthavacanaṃ. Upagamanañcettha sabbaññutāya paṭijānanamevāti vuttaṃ ‘‘paṭijānanavasenā’’ti. Aṭṭha vā parisā upasaṅkamantīti etthāpi paṭijānanavasena sabbaññutanti yojetabbaṃ. Aṭṭhasu parisāsu dassitaakampiyañāṇayuttoti sambandho.
паласамбад̇д̇ибавад̇д̇ийд̇и саббурисуубаниссаяаад̣̇ийнам̣ гааран̣асамбад̇д̇ийнам̣ палабхууд̇ааяа бад̇ируубад̣̇зсаваасаад̇д̇асаммаабан̣ид̇хиаад̣̇исамбад̇д̇ияаа бавад̇д̇анам̣. аад̣̇и-сад̣̇д̣̇зна суд̇д̇асзсаа сан̇г̇ахид̇аа. д̇ад̇т̇а саббурисуубаниссаяаад̣̇игз. гасмаа банзд̇т̇а самаанз ад̇т̇агижжз бадивзд̇хан̃аан̣асса вияа д̣̇зсанаан̃аан̣ассааби яаава арахад̇д̇амаг̇г̇аа уббаж̇ж̇амаанад̇аа на вуд̇д̇аад̇и жод̣̇анам̣ санд̇хааяааха ‘‘бадивзд̇ханидтад̇д̇аа’’д̇иаад̣̇и . бадивзд̇ханидтад̇д̇аад̇и бадивзд̇хасса барияосаанад̇д̇аа. д̇знаад̇и бадивзд̇хабарияосаанабхууд̇зна арахад̇д̇амаг̇г̇ан̃аан̣зна. д̇ад̣̇ад̇хиг̇амзна хи самбад̇д̇асагаласаб̣б̣ан̃н̃уг̇ун̣о бхаг̇аваа ананд̇абадибхаано анубамааяа б̣уд̣̇д̇халийл̣ааяа д̇хаммам̣ д̣̇зсзд̇ум̣ самад̇т̇о ахоси. ‘‘бадилад̣̇д̇хассаабий’’д̇и иминаа саб̣б̣ат̇аа лабхаабагасса бадивзд̇хаануруубад̇аа д̣̇зсанаан̃аан̣асса асаггун̣зяяаад̇и д̣̇ийбзд̇и, д̇зна жа бадивзд̇ханамад̇д̇знзд̇т̇а ад̇т̇асид̣̇д̇хийд̇и д̣̇ассзд̇и. д̇знааха ‘‘д̣̇зсанаан̃аан̣ассаа’’д̇иаад̣̇и.
Phalasampattipavattīti sappurisūpanissayādīnaṃ kāraṇasampattīnaṃ phalabhūtāya patirūpadesavāsaattasammāpaṇidhiādisampattiyā pavattanaṃ. Ādi-saddena suttasesā saṅgahitā. Tattha sappurisūpanissayādike. Kasmā panettha samāne atthakicce paṭivedhañāṇassa viya desanāñāṇassāpi yāva arahattamaggā uppajjamānatā na vuttāti codanaṃ sandhāyāha ‘‘paṭivedhaniṭṭhattā’’tiādi . Paṭivedhaniṭṭhattāti paṭivedhassa pariyosānattā. Tenāti paṭivedhapariyosānabhūtena arahattamaggañāṇena. Tadadhigamena hi sampattasakalasabbaññuguṇo bhagavā anantapaṭibhāno anupamāya buddhalīḷāya dhammaṃ desetuṃ samattho ahosi. ‘‘Paṭiladdhassāpī’’ti iminā sabbathā labhāpakassa paṭivedhānurūpatā desanāñāṇassa asakkuṇeyyāti dīpeti, tena ca paṭivedhanamattenettha atthasiddhīti dasseti. Tenāha ‘‘desanāñāṇassā’’tiādi.
хаанабхааг̇ияад̇хамманд̇и ваа хаанабхааг̇ияабхаавасса гааран̣ам̣. гаамасахаг̇ад̇асан̃н̃аад̣̇ид̇хамманд̇и гаамаг̇ун̣аарамман̣ам̣ сан̃н̃ааманасигаараад̣̇им̣. буб̣б̣зва гад̇аабхисан̇каараад̣̇инд̇и ‘‘жанд̣̇з ваа суурияз ваа зд̇д̇агам̣ г̇ад̇з вудтахиссаамий’’д̇иаад̣̇инаа самаабаж̇ж̇анад̇о буб̣б̣з бавад̇д̇ажид̇д̇аабхисан̇каарабаригаммаад̣̇им̣.
Hānabhāgiyadhammanti vā hānabhāgiyabhāvassa kāraṇaṃ. Kāmasahagatasaññādidhammanti kāmaguṇārammaṇaṃ saññāmanasikārādiṃ. Pubbeva katābhisaṅkhārādinti ‘‘cande vā sūriye vā ettakaṃ gate vuṭṭhahissāmī’’tiādinā samāpajjanato pubbe pavattacittābhisaṅkhāraparikammādiṃ.
д̇ад̣̇абхааваг̇г̇ахан̣знаад̇и гилзсааваран̣аабхааваг̇г̇ахан̣зна. тид̇инд̇и ад̇т̇ибхаавам̣. д̇аб̣б̣ибарийд̇ааяаад̇и ‘‘над̇т̇и д̣̇инна’’нд̇иаад̣̇игааяа мижчаад̣̇идтияаа. таанаабхааванд̇и аббавад̇д̇им̣, над̇т̇ибхаавам̣ ваа. убарийд̇и имиссаа б̣алаанам̣ ануггамагат̇ааяа убари ананд̇арамзва. вибаагааваран̣аабхаавад̣̇ассанаад̣̇игассаад̇и аад̣̇и-сад̣̇д̣̇зна гаммааваран̣аабхаавад̣̇ассанам̣ сан̇г̇ан̣хаад̇и. ид̇аранд̇и ад̇хиг̇амасса адтаанад̣̇ассанам̣. д̇ам̣сахид̇аанам̣ д̇хаад̇уунанд̇и рааг̇аад̣̇исахид̇аанам̣ сабхааваанам̣. взмад̇д̇ад̇аа жа д̇зсам̣ бажжаяависзсасид̣̇д̇хзна авад̇т̇аад̣̇ивисзсзна взд̣̇ид̇аб̣б̣аа. жарияаахзд̇уунанд̇и рааг̇аад̣̇ижарияаагааран̣абхууд̇аанам̣ д̇хаммаанам̣.
Tadabhāvaggahaṇenāti kilesāvaraṇābhāvaggahaṇena. Ṭhitinti atthibhāvaṃ. Tabbiparītāyāti ‘‘natthi dinna’’ntiādikāya micchādiṭṭhiyā. Ṭhānābhāvanti appavattiṃ, natthibhāvaṃ vā. Uparīti imissā balānaṃ anukkamakathāya upari anantarameva. Vipākāvaraṇābhāvadassanādikassāti ādi-saddena kammāvaraṇābhāvadassanaṃ saṅgaṇhāti. Itaranti adhigamassa aṭṭhānadassanaṃ. Taṃsahitānaṃ dhātūnanti rāgādisahitānaṃ sabhāvānaṃ. Vemattatā ca tesaṃ paccayavisesasiddhena avatthādivisesena veditabbā. Cariyāhetūnanti rāgādicariyākāraṇabhūtānaṃ dhammānaṃ.
1. згаганид̣̇д̣̇зсаван̣н̣анаа
1. Ekakaniddesavaṇṇanā
761. аяам̣ висзсод̇и самаанзби наяад̣̇ваяасса д̇зсам̣ ахзд̇убхааваад̣̇ид̣̇ийбанз згасса хзд̇убхааваад̣̇ибадисзд̇хад̇аа, ид̇арасса раасанд̇араасан̇г̇аход̇и ид̣̇ам̣ наанаагаран̣ам̣. згааяа ж̇аад̇ияаад̇и аад̣̇аананигкзбабарижчиннасса згасса бхавасса. д̇ад̣̇анд̇ог̇ад̇хад̇ааяаад̇и г̇ад̇ианд̇ог̇ад̇хад̇ааяа. д̇ад̇т̇а д̇ад̇т̇аад̇и д̇ам̣д̇ам̣г̇ад̇ижуд̇ибхавзсу.
761. Ayaṃ visesoti samānepi nayadvayassa tesaṃ ahetubhāvādidīpane ekassa hetubhāvādipaṭisedhatā, itarassa rāsantarāsaṅgahoti idaṃ nānākaraṇaṃ. Ekāya jātiyāti ādānanikkhepaparicchinnassa ekassa bhavassa. Tadantogadhatāyāti gatiantogadhatāya. Tattha tatthāti taṃtaṃgaticutibhavesu.
762. д̇ат̇аад̇и ан̃н̃ад̣̇ваараарамман̣ад̇ааяа. кийраад̣̇ийнам̣…бз… вилагкан̣ад̇аад̇и яат̇аа кийрасса д̣̇ад̇хибхаавзна, д̣̇ад̇хино д̇аггабхаавзна вилагкан̣ад̇аабад̇д̇и, на звам̣ бан̃жавин̃н̃аан̣аанам̣ нахзд̇убхааваад̣̇ид̇о ан̃н̃асса сабхааваабад̇д̇и ад̇т̇ийд̇и ад̇т̇о.
762. Tathāti aññadvārārammaṇatāya. Khīrādīnaṃ…pe… vilakkhaṇatāti yathā khīrassa dadhibhāvena, dadhino takkabhāvena vilakkhaṇatāpatti, na evaṃ pañcaviññāṇānaṃ nahetubhāvādito aññassa sabhāvāpatti atthīti attho.
763. махад̇д̇збийд̇и бут̇уд̇д̇зби. б̣ахубхаававаажаго хи аяам̣ махаа-сад̣̇д̣̇о ‘‘махааж̇ано’’д̇иаад̣̇ийсу вияа руубасан̇гхаадасса ад̇хиббзд̇ад̇д̇аа. ан̃н̃ат̇аа сабхаавад̇хаммасса гаа маханд̇ад̇аа, сукумад̇аа ваа. жагкувин̃н̃аан̣асса важанам̣ гад̇ваа вуд̇д̇ад̇д̇аа ааха ‘‘жагкубасаад̣̇з мама вад̇т̇умхий’’д̇и. иссарияадтаананд̇и иссарияабавад̇д̇анадтаанам̣. д̇ат̇аа хи нам̣ ан̃н̃ад̇т̇а бхаавид̇ам̣ вибхаавзнд̇амзва д̇идтад̇и, ан̃н̃авин̃н̃аан̣аани жа д̇зна д̣̇иннанаяаанзва д̇ад̇т̇а бавад̇д̇анд̇и, аби д̣̇иб̣б̣ажагкун̃аан̣ам̣, яад̇о д̇ам̣ анд̇хасса на нибпаж̇ж̇ад̇и.
763. Mahattepīti puthuttepi. Bahubhāvavācako hi ayaṃ mahā-saddo ‘‘mahājano’’tiādīsu viya rūpasaṅghāṭassa adhippetattā. Aññathā sabhāvadhammassa kā mahantatā, sukhumatā vā. Cakkhuviññāṇassa vacanaṃ katvā vuttattā āha ‘‘cakkhupasāde mama vatthumhī’’ti. Issariyaṭṭhānanti issariyapavattanaṭṭhānaṃ. Tathā hi naṃ aññattha bhāvitaṃ vibhāventameva tiṭṭhati, aññaviññāṇāni ca tena dinnanayāneva tattha pavattanti, api dibbacakkhuñāṇaṃ, yato taṃ andhassa na nipphajjati.
764. вавад̇т̇ид̇аанамбийд̇и ан̃н̃аман̃н̃ам̣ асам̣гин̣н̣аанамби. бадибаадинияамо нияад̇аанубуб̣б̣игад̇аа. д̇знаад̇и ‘‘аб̣б̣огин̣н̣аа’’д̇и важанзна.
764. Vavatthitānampīti aññamaññaṃ asaṃkiṇṇānampi. Paṭipāṭiniyamo niyatānupubbikatā. Tenāti ‘‘abbokiṇṇā’’ti vacanena.
766. аавадданабхааво ааваж̇ж̇анагижжад̇аа.
766. Āvaṭṭanabhāvo āvajjanakiccatā.
д̇зсанд̇и руубаад̣̇ийнам̣. зд̇зсан̃хи руубаад̣̇ийнам̣ бан̃жахи вин̃н̃аан̣зхи самааг̇амо. абхинибад̇ид̇аб̣б̣аани ааламб̣ид̇аб̣б̣аани, виж̇аанид̇аб̣б̣аанийд̇и ад̇т̇о. д̇знааха ‘‘аарамман̣агаран̣зна бадивиж̇аанид̇аб̣б̣ааний’’д̇и. гусалаагусалажзд̇анааяа, д̇ам̣самбаяуд̇д̇аанан̃жа яат̇аавуд̇д̇аанам̣ ‘‘манобуб̣б̣ан̇г̇амаа…бз… агусалам̣ ваа’’д̇и (вибха. адта. 766) звам̣ вуд̇д̇аанам̣ бадивиж̇аанид̇аб̣б̣аанам̣ бадивиж̇аанананд̇и самб̣анд̇хо. гаммад̇т̇з хи зд̇ам̣ саамиважанам̣. сахаж̇абуб̣б̣ан̇г̇амад̇хаммзнаад̇и д̣̇ассанаад̣̇ийхи сахаж̇аад̇апассаад̣̇инаа буб̣б̣ан̇г̇амзна ааваж̇ж̇анаад̣̇инаа. гижжанд̇аранд̇и д̣̇ассанаад̣̇игижжад̇о ан̃н̃ам̣ самбадижчанаад̣̇игижжам̣.
Tesanti rūpādīnaṃ. Etesañhi rūpādīnaṃ pañcahi viññāṇehi samāgamo. Abhinipatitabbāni ālambitabbāni, vijānitabbānīti attho. Tenāha ‘‘ārammaṇakaraṇena paṭivijānitabbānī’’ti. Kusalākusalacetanāya, taṃsampayuttānañca yathāvuttānaṃ ‘‘manopubbaṅgamā…pe… akusalaṃ vā’’ti (vibha. aṭṭha. 766) evaṃ vuttānaṃ paṭivijānitabbānaṃ paṭivijānananti sambandho. Kammatthe hi etaṃ sāmivacanaṃ. Sahajapubbaṅgamadhammenāti dassanādīhi sahajātaphassādinā pubbaṅgamena āvajjanādinā. Kiccantaranti dassanādikiccato aññaṃ sampaṭicchanādikiccaṃ.
авибаагабхаавзна гааран̣зна, д̇зна ваа сад̣̇д̇хим̣. ан̃н̃анд̇и руубабхааваад̣̇им̣. бхаасанагаран̣агараад̇и вин̃н̃ад̇д̇исамудтаабанавасзна бавад̇д̇агусалаагусалажид̇д̇уббаад̣̇ад̇хаммаа. д̇з зва гааяан̇г̇аваажан̇г̇ам̣ ажобзд̇ваа бавад̇д̇аа д̇ам̣сад̣̇исаа. буб̣б̣ан̇г̇амабадивиж̇аанананд̇и буб̣б̣ан̇г̇амабхаавзна виж̇аананам̣ манод̣̇вааригаж̇аванаанам̣ бурзжарабхаавзна г̇ахан̣ам̣. д̇ад̇т̇аад̇и бан̃жад̣̇ваарз. ‘‘на бадисид̣̇д̇ха’’нд̇и вад̇ваа свааяамаббадисзд̇хо саамад̇т̇ияалад̣̇д̇ход̇и д̣̇ассзд̇ум̣ ‘‘на гааяагаммам̣…бз… анун̃н̃аад̇ад̇д̇аа’’д̇и вуд̇д̇ам̣. ‘‘д̇ат̇аа’’д̇и ид̣̇ам̣ яат̇аа гааяаважийгаммабадтабанам̣, звам̣ гусалаад̣̇ид̇хаммасамаад̣̇аанамби над̇т̇ийд̇и убасам̣харан̣ад̇т̇ам̣ взд̣̇ид̇аб̣б̣ам̣. яад̣̇и на бхавад̇о жавад̇и, гат̇ам̣ бан̃жад̣̇ваарз жуд̇и вуд̇д̇аад̇и ааха ‘‘на бан̃жад̣̇ваарига…бз… ад̇ам̣д̣̇вааригад̇д̇аа’’д̇и. д̇ассаа баал̣ияаа. аабаат̇амад̇д̇анд̇и аабаат̇аг̇аманамад̇д̇ам̣ аарамман̣абажжаяабхаавамад̇д̇ам̣. ан̃н̃анд̇и ‘‘руубам̣ нийла’’нд̇и звамаад̣̇ид̇хаммависзсам̣. д̇знааха ‘‘д̇хаммасабхаава’’нд̇и. руубанд̇и жа на г̇ан̣хаад̇ийд̇и руубаарамман̣амби самаанам̣ ‘‘руубам̣ наамзд̇а’’нд̇и на г̇ан̣хаад̇и. д̇ат̇аа жааху згз ‘‘жагкувин̃н̃аан̣асаман̇г̇ий нийлам̣ виж̇аанаад̇и, но д̇у нийла’’нд̇и. руубанийлаад̣̇иаагааро руубаарамман̣аруубаад̣̇аанаагаарабан̃н̃ад̇д̇и. д̇аж̇ж̇аабан̃н̃ад̇д̇и хзсаа яат̇аа анижжад̇аад̣̇и. саад̇исаяам̣ савид̇аггасавижаарад̇д̇аа. д̇ад̇о ан̃н̃анд̇и сад̣̇д̣̇аарамман̣ад̇о ан̃н̃ам̣ наамабан̃н̃ад̇д̇иаарамман̣ам̣, ан̃н̃ат̇аа сахуббад̇д̇ибадисзд̇хо на самбхавзяяаад̇и ад̇хиббааяо.
Avipākabhāvena kāraṇena, tena vā saddhiṃ. Aññanti rūpabhāvādiṃ. Bhāsanakaraṇakarāti viññattisamuṭṭhāpanavasena pavattakusalākusalacittuppādadhammā. Te eva kāyaṅgavācaṅgaṃ acopetvā pavattā taṃsadisā. Pubbaṅgamapaṭivijānananti pubbaṅgamabhāvena vijānanaṃ manodvārikajavanānaṃ purecarabhāvena gahaṇaṃ. Tatthāti pañcadvāre. ‘‘Na paṭisiddha’’nti vatvā svāyamappaṭisedho sāmatthiyaladdhoti dassetuṃ ‘‘na kāyakammaṃ…pe… anuññātattā’’ti vuttaṃ. ‘‘Tathā’’ti idaṃ yathā kāyavacīkammapaṭṭhapanaṃ, evaṃ kusalādidhammasamādānampi natthīti upasaṃharaṇatthaṃ veditabbaṃ. Yadi na bhavato cavati, kathaṃ pañcadvāre cuti vuttāti āha ‘‘na pañcadvārika…pe… ataṃdvārikattā’’ti. Tassā pāḷiyā. Āpāthamattanti āpāthagamanamattaṃ ārammaṇapaccayabhāvamattaṃ. Aññanti ‘‘rūpaṃ nīla’’nti evamādidhammavisesaṃ. Tenāha ‘‘dhammasabhāva’’nti. Rūpanti ca na gaṇhātīti rūpārammaṇampi samānaṃ ‘‘rūpaṃ nāmeta’’nti na gaṇhāti. Tathā cāhu eke ‘‘cakkhuviññāṇasamaṅgī nīlaṃ vijānāti, no tu nīla’’nti. Rūpanīlādiākāro rūpārammaṇarūpādānākārapaññatti. Tajjāpaññatti hesā yathā aniccatādi. Sātisayaṃ savitakkasavicārattā. Tato aññanti saddārammaṇato aññaṃ nāmapaññattiārammaṇaṃ, aññathā sahuppattipaṭisedho na sambhaveyyāti adhippāyo.
манод̣̇ваарзбийд̇и на бан̃жад̣̇ваарзязва д̣̇уд̇ияз могхаваарз, ат̇а ко манод̣̇ваарзби. ааваж̇ж̇анам̣ д̣̇вад̇д̇игкад̇д̇ум̣…бз… д̣̇адтаб̣б̣ам̣ згажид̇д̇агкан̣игасса ааваж̇ж̇анасса уббад̇д̇ияам̣ д̇ат̇аа асамбхавад̇о.
Manodvārepīti na pañcadvāreyeva dutiye moghavāre, atha kho manodvārepi. Āvajjanaṃ dvattikkhattuṃ…pe… daṭṭhabbaṃ ekacittakkhaṇikassa āvajjanassa uppattiyaṃ tathā asambhavato.
д̇ассаад̇и яаат̇аавагавад̇т̇увибхааванааяа бан̃н̃ааяа.
Tassāti yāthāvakavatthuvibhāvanāya paññāya.
згаганид̣̇д̣̇зсаван̣н̣анаа нидтид̇аа.
Ekakaniddesavaṇṇanā niṭṭhitā.
2. д̣̇уганид̣̇д̣̇зсаван̣н̣анаа
2. Dukaniddesavaṇṇanā
767. ад̇хигаран̣зсууд̇и бад̣̇ад̇т̇зсу. ан̃н̃ад̇ра сабхаавам̣ г̇ахзд̇ваад̇и ад̇т̇асад̣̇д̣̇асса д̇ад̇т̇а бавад̇д̇анаагаарад̣̇ассанам̣, д̇зна ад̇т̇асад̣̇д̣̇асса сабхаавад̇т̇ад̇ам̣ д̣̇ассзд̇и. ад̇хигаран̣авасзна лин̇г̇абаривад̇д̇им̣ г̇ажчад̇и. ‘‘абхид̇хзяяаануруубам̣ лин̇г̇аважанааний’’д̇и хи сад̣̇д̣̇авид̣̇уу вад̣̇анд̇и.
767. Adhikaraṇesūti padatthesu. Aññatra sabhāvaṃ gahetvāti atthasaddassa tattha pavattanākāradassanaṃ, tena atthasaddassa sabhāvatthataṃ dasseti. Adhikaraṇavasena liṅgaparivattiṃ gacchati. ‘‘Abhidheyyānurūpaṃ liṅgavacanānī’’ti hi saddavidū vadanti.
д̣̇уганид̣̇д̣̇зсаван̣н̣анаа нидтид̇аа.
Dukaniddesavaṇṇanā niṭṭhitā.
3. д̇иганид̣̇д̣̇зсаван̣н̣анаа
3. Tikaniddesavaṇṇanā
768. барибаажид̇зсууд̇и саад̇хид̇зсу. ‘‘вихид̇зсуу’’д̇и зд̇т̇а д̣̇уд̣̇д̇хаад̣̇ийсу вияа бхууд̇агаалад̇аа наад̇хиббзд̇аад̇и ааха ‘‘висаяависзсанамад̇д̇амзваа’’д̇и. ‘‘гаммам̣, сибба’’нд̇и бан̃н̃аа гааран̣уубажаарзна вуд̇д̇аад̇и ааха ‘‘бан̃н̃аа зва ваа…бз… взд̣̇ид̇аб̣б̣аа’’д̇и.
768. Paripācitesūti sādhitesu. ‘‘Vihitesū’’ti ettha duddhādīsu viya bhūtakālatā nādhippetāti āha ‘‘visayavisesanamattamevā’’ti. ‘‘Kammaṃ, sippa’’nti paññā kāraṇūpacārena vuttāti āha ‘‘paññā eva vā…pe… veditabbā’’ti.
гусалам̣ гаммам̣ сагам̣ зганд̇ам̣ хид̇асукаавахад̇д̇аа. д̇аббадибагкад̇д̇аа ид̇арам̣ агусалам̣ гаммам̣ носагам̣. сажжабадивзд̇хаануломанам̣ сажжаануломанам̣ вуд̇д̇анд̇и ааха ‘‘д̇аббадивзд̇хабажжаяабхаавзнаа’’д̇и. маг̇г̇асажжасса ануломанад̇о ваа сажжаануломигад̇аа, д̇ат̇аа барамад̇т̇асажжасса ануломанад̇о. д̇знааха адтагат̇ааяам̣ ‘‘маг̇г̇асажжассаа’’д̇иаад̣̇и. бан̃н̃аа вуд̇д̇аа бан̃н̃аависаяз бан̃н̃аагижжасса д̣̇ассид̇ад̇д̇аа. ‘‘яог̇авихид̇зсуу’’д̇иаад̣̇инаа вуд̇д̇абхууминид̣̇д̣̇зсо, ‘‘гаммассагад̇ам̣ сажжаануломига’’нд̇и вуд̇д̇асаруубанид̣̇д̣̇зсо, ‘‘руубам̣ анижжа’’нд̇иаад̣̇инаа вуд̇д̇аббагааранид̣̇д̣̇зсо жа яат̇аавуд̇д̇аа…бз… нид̣̇д̣̇зсаа. ‘‘яог̇авихид̇зсу гаммааяад̇анзсу канд̇им̣, гаммассагад̇ам̣ канд̇им̣, ‘руубам̣ анижжа’нд̇и канд̇и’’нд̇иаад̣̇инаа канд̇иаад̣̇ибад̣̇зхи яож̇зд̇аб̣б̣аа. ологанам̣ бажжагкагаран̣ам̣. д̇хаммаа ологанам̣ каманд̇ийд̇и бан̃н̃ааяа д̇ад̣̇ологанасамад̇т̇ад̇амааха.
Kusalaṃkammaṃ sakaṃ ekantaṃ hitasukhāvahattā. Tappaṭipakkhattā itaraṃ akusalaṃ kammaṃ nosakaṃ. Saccapaṭivedhānulomanaṃ saccānulomanaṃ vuttanti āha ‘‘tappaṭivedhapaccayabhāvenā’’ti. Maggasaccassa anulomanato vā saccānulomikatā, tathā paramatthasaccassa anulomanato. Tenāha aṭṭhakathāyaṃ ‘‘maggasaccassā’’tiādi. Paññā vuttā paññāvisaye paññākiccassa dassitattā. ‘‘Yogavihitesū’’tiādinā vuttabhūminiddeso, ‘‘kammassakataṃ saccānulomika’’nti vuttasarūpaniddeso, ‘‘rūpaṃ anicca’’ntiādinā vuttappakāraniddeso ca yathāvuttā…pe… niddesā. ‘‘Yogavihitesu kammāyatanesu khantiṃ, kammassakataṃ khantiṃ, ‘rūpaṃ anicca’nti khanti’’ntiādinā khantiādipadehi yojetabbā. Olokanaṃ paccakkhakaraṇaṃ. Dhammā olokanaṃ khamantīti paññāya tadolokanasamatthatamāha.
769. мун̃жад̇ийд̇и баж̇ахад̇и. аараб̣бха-гирияааяа ад̇хидтаанам̣ саман̇г̇ибхааво, ад̇хигаран̣ам̣ бадтабананд̇и ааха ‘‘мун̃жа…бз… вад̇д̇ум̣ яуд̇д̇а’’нд̇и.
769. Muñcatīti pajahati. Ārabbha-kiriyāya adhiṭṭhānaṃ samaṅgibhāvo, adhikaraṇaṃ paṭṭhapananti āha ‘‘muñca…pe… vattuṃ yutta’’nti.
770. бан̃жасийлад̣̇асасийлаани гаммаваддзгад̣̇зсабхууд̇аани санд̇хааяа д̇зсам̣ д̇хаммадтид̇ияам̣ самаварод̇хо вуд̇д̇о. сад̇иби саванзд̇и ‘‘ид̇ха, бхигкавз, арияасааваго баан̣аад̇ибаад̇аа бадивирад̇о’’д̇иаад̣̇инаа (а. ни. 8.39; гад̇аа. 480) д̇ат̇ааг̇ад̇ад̇о саванз сад̇иби. бхигкуаад̣̇ийнамби д̇ам̣ вуд̇д̇ам̣ ад̇хисийлабан̃н̃аабанам̣ вияа на б̣уд̣̇д̇хаавзн̣иганд̇и.
770. Pañcasīladasasīlāni kammavaṭṭekadesabhūtāni sandhāya tesaṃ dhammaṭṭhitiyaṃ samavarodho vutto. Satipi savaneti ‘‘idha, bhikkhave, ariyasāvako pāṇātipātā paṭivirato’’tiādinā (a. ni. 8.39; katā. 480) tathāgatato savane satipi. Bhikkhuādīnampi taṃ vuttaṃ adhisīlapaññāpanaṃ viya na buddhāveṇikanti.
ад̇хибан̃н̃ааниб̣б̣ад̇д̇зсууд̇и табзд̇ваа ад̇хибан̃н̃ам̣ д̇ад̣̇ан̃н̃зсу маг̇г̇апалад̇хаммзсу. д̇ад̣̇ад̇хидтаанзсууд̇и д̇ассаа ад̇хибан̃н̃ааяа ад̇хидтаанзсу вибассанаад̇хаммзсу.
Adhipaññānibbattesūti ṭhapetvā adhipaññaṃ tadaññesu maggaphaladhammesu. Tadadhiṭṭhānesūti tassā adhipaññāya adhiṭṭhānesu vipassanādhammesu.
771. абааяуббаад̣̇анам̣ авад̣дхиниб̣б̣ад̇д̇анам̣. д̇асмим̣язва таанзд̇и д̇асмим̣язва кан̣з.
771. Apāyuppādanaṃ avaḍḍhinibbattanaṃ. Tasmiṃyeva ṭhāneti tasmiṃyeva khaṇe.
д̇иганид̣̇д̣̇зсаван̣н̣анаа нидтид̇аа.
Tikaniddesavaṇṇanā niṭṭhitā.
4. жад̇угганид̣̇д̣̇зсаван̣н̣анаа
4. Catukkaniddesavaṇṇanā
793. барид̇ассанам̣ барид̇д̇аасо, жид̇д̇уд̇раасо жаад̇и ‘‘на барид̇ассад̇ий’’д̇и бад̣̇асса ‘‘на бад̇т̇зд̇и на уд̇д̇асад̇ий’’д̇и ад̇т̇амааха.
793. Paritassanaṃ parittāso, cittutrāso cāti ‘‘na paritassatī’’ti padassa ‘‘na pattheti na uttasatī’’ti atthamāha.
796. арияасажжзсу д̇хаммасад̣̇д̣̇о ‘‘д̣̇идтад̇хаммо’’д̇иаад̣̇ийсу вияа. арияамаг̇г̇о, д̇асса жа палам̣ д̇хаммо яат̇аанусидтам̣ бадибаннз абааязсу абад̇амаанз д̇хаарзд̇ийд̇и. д̇ад̇т̇а бан̃н̃аад̇и д̇асмим̣ арияамаг̇г̇апалз ниссаяабхууд̇з бан̃н̃аа. д̇знааха ‘‘д̇ам̣сахаг̇ад̇аа’’д̇и. авид̣̇ид̇ам̣ вид̣̇ид̇ам̣ вияа нзд̇и н̃аабзд̇ийд̇и наяо, анумаанам̣, д̇асса наяанам̣ бавад̇д̇анам̣, д̇ам̣ бана висум̣язвзгам̣ н̃аан̣уббаад̣̇ананд̇и аасан̇гааяа нивад̇д̇анад̇т̇амааха ‘‘на ан̃н̃а…бз… висзсо’’д̇и. ад̇д̇ано хи ад̇хиг̇амаанусаарзна бараад̇хиг̇ад̇аанам̣ гаалад̇д̇аяз маг̇г̇аад̣̇ийнам̣ бавад̇д̇иаагаараанумаанам̣ наяанаяанам̣. ануминанаагаарамзва хисса санд̇хааяа вуд̇д̇ам̣ ‘‘н̃аан̣ассзва бавад̇д̇ивисзсо’’д̇и. гааран̣ан̃жа наяанаяанасса сажжзсу бажжагкабавад̇д̇анад̇о. ‘‘д̇ат̇аа’’д̇и иминаа яат̇аа маг̇г̇ан̃аан̣ад̇о ан̃н̃ааби ‘‘иминаа д̇хаммзнаа’’д̇и вад̇д̇ум̣ яуд̇д̇ам̣, д̇ат̇аа багааранд̇арзнаби ‘‘иминаа д̇хаммзна н̃аан̣знаа’’д̇и зд̇т̇а ад̇т̇о яуж̇ж̇ад̇ийд̇и имамад̇т̇ам̣ убасам̣харад̇и. д̇знаад̇и д̇асмаа н̃аан̣зна н̃аад̇ад̇о самбаяог̇зхи наяанаяанад̇о. н̃аан̣ависаяабхаавзнаад̇и бадивзд̇хан̃аан̣асса висаяабхаавзна. н̃аад̇зна бадивид̣̇д̇хзна жад̇усажжад̇хаммзна, н̃аан̣асамбаяог̇зна ваа н̃аад̇зна ж̇аанид̇ваа тид̇зна маг̇г̇апалад̇хаммзна.
796. Ariyasaccesudhammasaddo ‘‘diṭṭhadhammo’’tiādīsu viya. Ariyamaggo, tassa ca phalaṃ dhammo yathānusiṭṭhaṃ paṭipanne apāyesu apatamāne dhāretīti. Tattha paññāti tasmiṃ ariyamaggaphale nissayabhūte paññā. Tenāha ‘‘taṃsahagatā’’ti. Aviditaṃ viditaṃ viya neti ñāpetīti nayo, anumānaṃ, tassa nayanaṃ pavattanaṃ, taṃ pana visuṃyevekaṃ ñāṇuppādananti āsaṅkāya nivattanatthamāha ‘‘na añña…pe… viseso’’ti. Attano hi adhigamānusārena parādhigatānaṃ kālattaye maggādīnaṃ pavattiākārānumānaṃ nayanayanaṃ. Anuminanākārameva hissa sandhāya vuttaṃ ‘‘ñāṇasseva pavattiviseso’’ti. Kāraṇañca nayanayanassa saccesu paccakkhapavattanato. ‘‘Tathā’’ti iminā yathā maggañāṇato aññāpi ‘‘iminā dhammenā’’ti vattuṃ yuttaṃ, tathā pakārantarenapi ‘‘iminā dhammena ñāṇenā’’ti ettha attho yujjatīti imamatthaṃ upasaṃharati. Tenāti tasmā ñāṇena ñātato sampayogehi nayanayanato. Ñāṇavisayabhāvenāti paṭivedhañāṇassa visayabhāvena. Ñātena paṭividdhena catusaccadhammena, ñāṇasampayogena vā ñātena jānitvā ṭhitena maggaphaladhammena.
саб̣б̣зна саб̣б̣анд̇и саб̣б̣аббагаарзна саб̣б̣ам̣, анавасзсанд̇и ад̇т̇о. ад̣̇д̇хад̇д̇аяабарияаабаннан̃хи саб̣б̣ам̣ д̇збхуумагасан̇каараг̇ад̇ам̣ саммасийяад̇и. наяанад̇од̇и наяаг̇г̇аахад̇о. ануруубад̇т̇аваажаго ваа гааран̣асад̣̇д̣̇о ‘‘гааран̣ам̣ вад̣̇ад̇ий’’д̇иаад̣̇ийсу вияа.
Sabbena sabbanti sabbappakārena sabbaṃ, anavasesanti attho. Addhattayapariyāpannañhi sabbaṃ tebhūmakasaṅkhāragataṃ sammasīyati. Nayanatoti nayaggāhato. Anurūpatthavācako vā kāraṇasaddo ‘‘kāraṇaṃ vadatī’’tiādīsu viya.
анваяан̃аан̣ассаби барияог̇аахзд̇ваа бавад̇д̇анад̇о сависзсо висаяааваб̣од̇ход̇и вуд̇д̇ам̣ ‘‘д̇хаммз н̃аан̣а…бз… абхааваа’’д̇и. висаяобхаасанамад̇д̇аж̇аананасааман̃н̃знаад̇и асад̇иби абхисамзжжа г̇ахан̣з висаяавибхааванасан̇каад̇ааваб̣од̇хасааман̃н̃амад̇д̇зна. ‘‘н̃аан̣а’’нд̇и саммад̇зсууд̇и ‘‘н̃аан̣а’’нд̇и вохарид̇зсу лад̣̇д̇хан̃аан̣авохаарзсу. саммуд̇ивасзнаад̇и д̇хамман̃аан̣аад̣̇и вияа самукзна висаяз аббавад̇д̇ид̇ваа бан̃н̃ад̇д̇имукзна бавад̇д̇ам̣. авасзсанд̇и саммуд̇ин̃аан̣амзвааха. ид̇аран̃аан̣ад̇д̇аяависабхааг̇анд̇и д̇хамман̃аан̣аад̣̇ин̃аан̣ад̇д̇аяавид̇хурам̣.
Anvayañāṇassapi pariyogāhetvā pavattanato saviseso visayāvabodhoti vuttaṃ ‘‘dhamme ñāṇa…pe… abhāvā’’ti. Visayobhāsanamattajānanasāmaññenāti asatipi abhisamecca gahaṇe visayavibhāvanasaṅkhātaavabodhasāmaññamattena. ‘‘Ñāṇa’’nti sammatesūti ‘‘ñāṇa’’nti voharitesu laddhañāṇavohāresu. Sammutivasenāti dhammañāṇādi viya samukhena visaye appavattitvā paññattimukhena pavattaṃ. Avasesanti sammutiñāṇamevāha. Itarañāṇattayavisabhāganti dhammañāṇādiñāṇattayavidhuraṃ.
797. гаамабхавад̇хаммзд̇и гаамабхавасан̇каад̇з д̇хаммз.
797. Kāmabhavadhammeti kāmabhavasaṅkhāte dhamme.
798. саад̇и батамаж̇жхаанабан̃н̃аа. вийд̇арааг̇абхааванаавад̇т̇ассаад̇и ‘‘вийд̇арааг̇о ход̇ий’’д̇и звам̣ вуд̇д̇асса. д̇анд̇и чадтаабхин̃н̃ам̣. маг̇г̇ан̃аан̣ан̃хи гижжад̇о маг̇г̇асажжамби бадивиж̇жхад̇и. ид̇араад̇и хздтимамаг̇г̇абан̃н̃аа. д̇ад̣̇убаниссаяад̇д̇аад̇и д̇ассаа чадтаабхин̃н̃ааяа, д̇асса ваа бадивиж̇жханасса убаниссаяад̇д̇аа бадивиж̇жхад̇и наама. яат̇аануруубанд̇и д̣̇идтаасаваад̣̇ийнам̣ яат̇аануруубам̣. аасавагкаязд̇и аасавагкаяабарияааяз гааран̣уубажаарзна. д̇ам̣ниб̣б̣ад̇д̇анад̇од̇и д̇асса аасавагкаяасан̇каад̇асса паласса ниб̣б̣ад̇д̇анад̇о. ид̣̇ан̃жа ‘‘аасаваанам̣ каяз н̃аан̣ам̣ чадтаабхин̃н̃аа’’д̇и суд̇д̇з ааг̇ад̇ад̇д̇аа вуд̇д̇ам̣.
798. Sāti paṭhamajjhānapaññā. Vītarāgabhāvanāvatthassāti ‘‘vītarāgo hotī’’ti evaṃ vuttassa. Tanti chaṭṭhābhiññaṃ. Maggañāṇañhi kiccato maggasaccampi paṭivijjhati. Itarāti heṭṭhimamaggapaññā. Tadupanissayattāti tassā chaṭṭhābhiññāya, tassa vā paṭivijjhanassa upanissayattā paṭivijjhati nāma. Yathānurūpanti diṭṭhāsavādīnaṃ yathānurūpaṃ. Āsavakkhayeti āsavakkhayapariyāye kāraṇūpacārena. Taṃnibbattanatoti tassa āsavakkhayasaṅkhātassa phalassa nibbattanato. Idañca ‘‘āsavānaṃ khaye ñāṇaṃ chaṭṭhābhiññā’’ti sutte āgatattā vuttaṃ.
801. абхивисидтзна ваа н̃аан̣зна баагадам̣ гаронд̇ассаад̇и ад̇хиг̇амавасзна багаасам̣ вибхууд̇ам̣ гаронд̇асса.
801. Abhivisiṭṭhena vā ñāṇena pākaṭaṃ karontassāti adhigamavasena pakāsaṃ vibhūtaṃ karontassa.
802. васид̇аабан̃жагарахид̇ам̣ васибхаавам̣ абаабид̇ам̣ бадилад̣̇д̇хамад̇д̇ам̣. бадибад̣̇аарамман̣асахаг̇ад̇аа бан̃н̃аа бадибад̣̇аарамман̣асамб̣анд̇хинийд̇и ааха ‘‘бан̃н̃ааяа бадибад̣̇аарамман̣уд̣̇д̣̇зсзнаа’’д̇и.
802. Vasitāpañcakarahitaṃ vasibhāvaṃ apāpitaṃ paṭiladdhamattaṃ. Paṭipadārammaṇasahagatā paññā paṭipadārammaṇasambandhinīti āha ‘‘paññāya paṭipadārammaṇuddesenā’’ti.
жад̇угганид̣̇д̣̇зсаван̣н̣анаа нидтид̇аа.
Catukkaniddesavaṇṇanā niṭṭhitā.
5. бан̃жаганид̣̇д̣̇зсаван̣н̣анаа
5. Pañcakaniddesavaṇṇanā
804. д̇амзва бан̃н̃ам̣ ‘‘д̣̇вийсу жхаанзсу бан̃н̃аа бийд̇ипаран̣знаа’’д̇иаад̣̇инаа вибхаж̇ад̇и. абхисанд̣̇анабарисанд̣̇анабарибууран̣ааниби барибпаран̣ам̣ вияа паран̣аабийд̇ияаа, д̇ам̣сахаг̇ад̇асукасса жа гижжависзсабхууд̇аани ад̇хиббзд̇аанийд̇и ааха ‘‘абхисанд̣̇зд̇ийд̇и…бз… взд̣̇ид̇аб̣б̣а’’нд̇и. аад̣̇инаа наязнаад̇и ‘‘абхисанд̣̇зд̇ий’’д̇иаад̣̇инаа (д̣̇ий. ни. 1.226; ма. ни. 1.427) суд̇д̇з ааг̇ад̇анаязна. паран̣ан̃жзд̇т̇а бийд̇исукасамудтид̇абан̣ийд̇аруубзхи гааяасса абхиб̣яаабанам̣ д̣̇адтаб̣б̣ам̣. аарамман̣зд̇и бийд̇ипаран̣ад̇аасукапаран̣ад̇аасийсзна вуд̇д̇аанам̣ д̇игад̣̇угажхаанаанам̣ аарамман̣з. д̇аад̇и бийд̇ипаран̣ад̇аасукапаран̣ад̇аа.
804. Tameva paññaṃ ‘‘dvīsu jhānesu paññā pītipharaṇenā’’tiādinā vibhajati. Abhisandanaparisandanaparipūraṇānipi parippharaṇaṃ viya pharaṇāpītiyā, taṃsahagatasukhassa ca kiccavisesabhūtāni adhippetānīti āha ‘‘abhisandetīti…pe… veditabba’’nti. Ādinā nayenāti ‘‘abhisandetī’’tiādinā (dī. ni. 1.226; ma. ni. 1.427) sutte āgatanayena. Pharaṇañcettha pītisukhasamuṭṭhitapaṇītarūpehi kāyassa abhibyāpanaṃ daṭṭhabbaṃ. Ārammaṇeti pītipharaṇatāsukhapharaṇatāsīsena vuttānaṃ tikadukajhānānaṃ ārammaṇe. Tāti pītipharaṇatāsukhapharaṇatā.
самаад̇химукзнаад̇и самаад̇хим̣ мукам̣ бамукам̣ гад̇ваа, самаад̇хисийсзнаад̇и ад̇т̇о, самаад̇хибамукзна ваа уд̣̇д̣̇зсанид̣̇д̣̇зсзна. ан̃н̃з гилзсаа д̣̇идтимаанаад̣̇аяо . аббаяог̇знаад̇и жхаанавимогкаад̣̇ийнам̣ вияа уббаад̣̇анийяабаригаммабаяог̇зна винаа. ааваж̇ж̇анаасад̣̇исо хи паласамаабад̇д̇иад̇т̇о саммасанажааро. табид̇ад̇д̇аад̇и бавад̇д̇ид̇ад̇д̇аа. сад̇иб̣ахулад̇ааяаад̇и сад̇ияаа абхин̣хуббад̇д̇ияаа. барижчинд̣̇анасад̇ияаа гааласса сад̇од̇и д̣̇ассзд̇ийд̇и яож̇анаа.
Samādhimukhenāti samādhiṃ mukhaṃ pamukhaṃ katvā, samādhisīsenāti attho, samādhipamukhena vā uddesaniddesena. Aññe kilesā diṭṭhimānādayo . Appayogenāti jhānavimokkhādīnaṃ viya uppādanīyaparikammapayogena vinā. Āvajjanāsadiso hi phalasamāpattiattho sammasanacāro. Ṭhapitattāti pavattitattā. Satibahulatāyāti satiyā abhiṇhuppattiyā. Paricchindanasatiyā kālassa satoti dassetīti yojanā.
бан̃жаганид̣̇д̣̇зсаван̣н̣анаа нидтид̇аа.
Pañcakaniddesavaṇṇanā niṭṭhitā.
6. чагганид̣̇д̣̇зсаван̣н̣анаа
6. Chakkaniddesavaṇṇanā
805. висуд̣̇д̇хибхааванд̇и висуд̣̇д̇хияаа саб̣бхаавам̣. ‘‘д̣̇иб̣б̣ажагкун̃аан̣згад̣̇зсад̇д̇аа’’д̇и ид̣̇ам̣ д̇асса барибхан̣д̣ан̃аан̣ад̇д̇аа вуд̇д̇ам̣. д̇ат̇аа хи баал̣ияам̣ ‘‘сад̇д̇аанам̣ жуд̇уубабаад̇ан̃аан̣ааяа жид̇д̇ам̣ абхинийхарад̇и абхининнаамзд̇ий’’д̇и (д̣̇ий. ни. 1.247) аарабхид̇ваа ‘‘со д̣̇иб̣б̣зна жагкунаа висуд̣̇д̇хзнаа’’д̇иаад̣̇и (д̣̇ий. ни. 1.246) вуд̇д̇ам̣. д̣̇иб̣б̣асса д̇ирохид̇авиббагадтаад̣̇ибхзд̣̇асса, ид̇арасса жа руубааяад̇анасса д̣̇ассанасамад̇т̇ассааби д̣̇иб̣б̣ажагкун̃аан̣асса сикаабад̇д̇и жавамаанобабаж̇ж̇амаанасад̇д̇ад̣̇ассананд̇и ааха ‘‘муд̣̇д̇хаббад̇д̇зна жаа’’д̇иаад̣̇и.
805. Visuddhibhāvanti visuddhiyā sabbhāvaṃ. ‘‘Dibbacakkhuñāṇekadesattā’’ti idaṃ tassa paribhaṇḍañāṇattā vuttaṃ. Tathā hi pāḷiyaṃ ‘‘sattānaṃ cutūpapātañāṇāya cittaṃ abhinīharati abhininnāmetī’’ti (dī. ni. 1.247) ārabhitvā ‘‘so dibbena cakkhunā visuddhenā’’tiādi (dī. ni. 1.246) vuttaṃ. Dibbassa tirohitavippakaṭṭhādibhedassa, itarassa ca rūpāyatanassa dassanasamatthassāpi dibbacakkhuñāṇassa sikhāpatti cavamānopapajjamānasattadassananti āha ‘‘muddhappattena cā’’tiādi.
чагганид̣̇д̣̇зсаван̣н̣анаа нидтид̇аа.
Chakkaniddesavaṇṇanā niṭṭhitā.
7. сад̇д̇аганид̣̇д̣̇зсаван̣н̣анаа
7. Sattakaniddesavaṇṇanā
806. чаб̣б̣ид̇хамби бажжавзгкан̣ан̃аан̣анд̇и ‘‘ж̇аад̇ибажжаяаа ж̇араамаран̣анд̇и н̃аан̣а’’нд̇иаад̣̇инаа (вибха. 806) вуд̇д̇ам̣ бадижжасамуббаад̣̇ан̇г̇аанам̣ бажжавзгкан̣авасзна бавад̇д̇ан̃аан̣ам̣. саха г̇ахзд̇ваад̇и згаж̇жхам̣ г̇ахзд̇ваа вибассанаарамман̣абхаавасааман̃н̃зна згад̇д̇зна г̇ахзд̇ваа. сан̇кибид̇ваа вуд̇д̇знаад̇и буб̣б̣з чад̇хаа вуд̇д̇ам̣ вияа д̣̇ассид̇ам̣ д̇хаммадтид̇ин̃аан̣анд̇и звам̣ сан̇кибид̇ваа вуд̇д̇зна. ‘‘каяад̇хамма’’нд̇иаад̣̇инаа багаарзна д̣̇ассананд̇и самб̣анд̇хо. бавад̇д̇ан̃аан̣ассаад̇и ‘‘ж̇аад̇ибажжаяаа ж̇араамаран̣а’’нд̇иаад̣̇инаа бавад̇д̇асса н̃аан̣асса, бавад̇д̇з ваа сам̣саараваддз н̃аан̣асса. н̃аан̣аарамман̣аа вибассанаа н̃аан̣авибассанаа. вибассанаад̇и жа ‘‘ж̇аад̇ибажжаяаа ж̇араамаран̣а’’нд̇иаад̣̇инаа бажжаяабажжаяуббаннад̇хаммз вибхааг̇зна д̣̇ассанад̇о д̇хаммадтид̇ин̃аан̣ам̣ ид̇хаад̇хиббзд̇ам̣. д̇асса каяад̇хаммад̇аад̣̇иж̇аананам̣ бадивибассанаа. д̇знааха ‘‘вибассанаабадивибассанаад̣̇ассанамад̇д̇а’’нд̇и.
806. Chabbidhampi paccavekkhaṇañāṇanti ‘‘jātipaccayā jarāmaraṇanti ñāṇa’’ntiādinā (vibha. 806) vuttaṃ paṭiccasamuppādaṅgānaṃ paccavekkhaṇavasena pavattañāṇaṃ. Saha gahetvāti ekajjhaṃ gahetvā vipassanārammaṇabhāvasāmaññena ekattena gahetvā. Saṅkhipitvā vuttenāti pubbe chadhā vuttaṃ viya dassitaṃ dhammaṭṭhitiñāṇanti evaṃ saṅkhipitvā vuttena. ‘‘Khayadhamma’’ntiādinā pakārena dassananti sambandho. Pavattañāṇassāti ‘‘jātipaccayā jarāmaraṇa’’ntiādinā pavattassa ñāṇassa, pavatte vā saṃsāravaṭṭe ñāṇassa. Ñāṇārammaṇā vipassanā ñāṇavipassanā. Vipassanāti ca ‘‘jātipaccayā jarāmaraṇa’’ntiādinā paccayapaccayuppannadhamme vibhāgena dassanato dhammaṭṭhitiñāṇaṃ idhādhippetaṃ. Tassa khayadhammatādijānanaṃ paṭivipassanā. Tenāha ‘‘vipassanāpaṭivipassanādassanamatta’’nti.
звамзд̇т̇а адтагат̇аад̇хиббааяавасзна баал̣ияаа ад̇т̇ам̣ д̣̇ассзд̇ваа ид̣̇аани ад̇д̇ано ад̇хиббааяавасзна д̣̇ассзд̇ум̣ ‘‘баал̣ияам̣ банаа’’д̇иаад̣̇имааха. саб̣б̣ад̇т̇аад̇и ад̣̇д̇хад̇д̇аяз бажжаяависзсзна бажжаяуббаннависзсанид̣̇д̇хааран̣з. н̃аан̣аважанзнаад̇и ‘‘ж̇аад̇ибажжаяаа ж̇араамаран̣а’’нд̇иаад̣̇инаа н̃аан̣асса г̇ахан̣зна. ан̇г̇аананд̇и сад̇д̇асад̇д̇ад̇ияаа ан̇г̇аанам̣. ид̇исад̣̇д̣̇знаад̇и ‘‘нирод̇хад̇хамма’’нд̇и зд̇т̇а вуд̇д̇аид̇исад̣̇д̣̇зна. багаасзд̇ваад̇и н̃аан̣асса бавад̇д̇иаагаарам̣ ж̇од̇зд̇ваа. д̇зна д̇хаммадтид̇ин̃аан̣ад̇о ан̃н̃ам̣язва барияосаанз вуд̇д̇ам̣ н̃аан̣анд̇и д̣̇ассзд̇и. д̇знааха ‘‘вибассанаан̃аан̣ам̣ сад̇д̇амам̣ н̃аан̣а’’нд̇и. аяамзва жзд̇т̇а ад̇т̇о яуд̇д̇од̇и д̣̇ассзнд̇о ‘‘на хий’’д̇иаад̣̇имааха. д̇ад̇т̇а ‘‘д̇амби н̃аан̣анд̇и самб̣анд̇хо на ход̇ий’’д̇и звам̣ самб̣анд̇хо на яуд̇д̇о ан̇г̇анд̇арабхаавасса авибхааванад̇од̇и ад̇т̇о. д̇зна вуд̇д̇ам̣ ‘‘д̇ам̣н̃аан̣а…бз… анад̇хиббзд̇ад̇д̇аа’’д̇и. на хи висум̣ висум̣ вуд̇д̇амзва згаж̇жхам̣ важанамад̇д̇зна ад̇т̇анд̇арам̣ ход̇ийд̇и. ‘‘каяад̇хаммам̣…бз… жаа’’д̇и иминаа буримасмим̣ багкз убажаязна д̣̇осамааха.
Evamettha aṭṭhakathādhippāyavasena pāḷiyā atthaṃ dassetvā idāni attano adhippāyavasena dassetuṃ ‘‘pāḷiyaṃ panā’’tiādimāha. Sabbatthāti addhattaye paccayavisesena paccayuppannavisesaniddhāraṇe. Ñāṇavacanenāti ‘‘jātipaccayā jarāmaraṇa’’ntiādinā ñāṇassa gahaṇena. Aṅgānanti sattasattatiyā aṅgānaṃ. Itisaddenāti ‘‘nirodhadhamma’’nti ettha vuttaitisaddena. Pakāsetvāti ñāṇassa pavattiākāraṃ jotetvā. Tena dhammaṭṭhitiñāṇato aññaṃyeva pariyosāne vuttaṃ ñāṇanti dasseti. Tenāha ‘‘vipassanāñāṇaṃ sattamaṃ ñāṇa’’nti. Ayameva cettha attho yuttoti dassento ‘‘na hī’’tiādimāha. Tattha ‘‘tampi ñāṇanti sambandho na hotī’’ti evaṃ sambandho na yutto aṅgantarabhāvassa avibhāvanatoti attho. Tena vuttaṃ ‘‘taṃñāṇa…pe… anadhippetattā’’ti. Na hi visuṃ visuṃ vuttameva ekajjhaṃ vacanamattena atthantaraṃ hotīti. ‘‘Khayadhammaṃ…pe… cā’’ti iminā purimasmiṃ pakkhe upacayena dosamāha.
сад̇д̇аганид̣̇д̣̇зсаван̣н̣анаа нидтид̇аа.
Sattakaniddesavaṇṇanā niṭṭhitā.
8. адтаганид̣̇д̣̇зсаван̣н̣анаа
8. Aṭṭhakaniddesavaṇṇanā
808. бажжанийгад̇хаммзд̇и нийваран̣аад̣̇ибажжанийгад̇хаммз. д̣̇угканд̇и самаабаж̇ж̇анз асад̇и уббаж̇ж̇анагад̣̇угкам̣.
808. Paccanīkadhammeti nīvaraṇādipaccanīkadhamme. Dukkhanti samāpajjane asati uppajjanakadukkhaṃ.
адтаганид̣̇д̣̇зсаван̣н̣анаа нидтид̇аа.
Aṭṭhakaniddesavaṇṇanā niṭṭhitā.
10. д̣̇асаганид̣̇д̣̇зсо
10. Dasakaniddeso
батамаб̣аланид̣̇д̣̇зсаван̣н̣анаа
Paṭhamabalaniddesavaṇṇanā
809. на таананд̇и адтаанам̣, анубалаб̣бханад̇т̇о аяамагаарод̇и ааха ‘‘авиж̇ж̇амаанам̣ таанам̣ адтаана’’нд̇и. абхаавад̇т̇о ваа, на ан̃н̃абадибагкаад̣̇иад̇т̇од̇и ааха ‘‘над̇т̇и таананд̇и ваа адтаана’’нд̇и. го банзд̇асса ад̇т̇ад̣̇ваяасса висзсод̇и? батамо хзд̇убажжаязхи анубалаб̣бхамаанад̇ам̣ вад̣̇ад̇и, д̣̇уд̇ияо саб̣б̣зна саб̣б̣ам̣ абхааванд̇и аяамзд̇зсам̣ висзсо. д̇ан̣хубаад̣̇аанаад̣̇ийнамби сукад̇о убаг̇аманасса хзд̇убхаавз д̣̇идтивибаллаасасса со саад̇исаяо асукзби д̣̇ал̣хам̣ бавад̇д̇аабанад̇од̇и ааха ‘‘д̣̇идтивибаллаасова…бз… ад̇хиббзд̇а’’нд̇и. ‘‘ад̇д̇ад̣̇идтивасзнаа’’д̇и гасмаа висзсзд̇ваа вуд̇д̇ам̣, нану арияасаавагасса саб̣б̣ааби д̣̇идтияо над̇т̇ийд̇и? сажжам̣ над̇т̇и, ад̇д̇ад̣̇идтисанниссаяаа бана саб̣б̣ад̣̇идтияод̇и д̣̇ассзд̇ум̣ ‘‘ад̇д̇ад̣̇идтивасзнаад̇и бад̇хаанад̣̇идтимаахаа’’д̇и вуд̇д̇ам̣. бхзд̣̇аануруубасса вад̇т̇уно. бхзд̣̇аануруубзна ‘‘ад̇хаммз д̇хаммо’’д̇иаад̣̇инаяаббавад̇д̇зна.
809. Na ṭhānanti aṭṭhānaṃ, anupalabbhanattho ayamakāroti āha ‘‘avijjamānaṃ ṭhānaṃ aṭṭhāna’’nti. Abhāvattho vā, na aññapaṭipakkhādiatthoti āha ‘‘natthi ṭhānanti vā aṭṭhāna’’nti. Ko panetassa atthadvayassa visesoti? Paṭhamo hetupaccayehi anupalabbhamānataṃ vadati, dutiyo sabbena sabbaṃ abhāvanti ayametesaṃ viseso. Taṇhupādānādīnampi sukhato upagamanassa hetubhāve diṭṭhivipallāsassa so sātisayo asukhepi daḷhaṃ pavattāpanatoti āha ‘‘diṭṭhivipallāsova…pe… adhippeta’’nti. ‘‘Attadiṭṭhivasenā’’ti kasmā visesetvā vuttaṃ, nanu ariyasāvakassa sabbāpi diṭṭhiyo natthīti? Saccaṃ natthi, attadiṭṭhisannissayā pana sabbadiṭṭhiyoti dassetuṃ ‘‘attadiṭṭhivasenāti padhānadiṭṭhimāhā’’ti vuttaṃ. Bhedānurūpassa vatthuno. Bhedānurūpena ‘‘adhamme dhammo’’tiādinayappavattena.
со зваад̇и яо лин̇г̇з абаривад̇д̇з д̇асмим̣ ад̇д̇абхаавз бхаван̇г̇аж̇ийвид̇инд̣̇рияаббаб̣анд̇хо, со зва. д̇ан̃хи убаад̣̇ааяа згаж̇аад̇исаман̃н̃аа, на жзд̇т̇а бхаавагалаабаж̇ийвид̇инд̣̇рияасса васзна жод̣̇анаа гаад̇аб̣б̣аа д̇ад̣̇ан̃н̃ассзва ад̇хиббзд̇ад̇д̇аа. д̇ан̃хи д̇ад̇т̇а авижчзд̣̇авуд̇д̇ияаа баб̣анд̇хавохаарам̣ лабхад̇и, ид̇арамби ваа бхааваанубааланад̇аасааман̃н̃знаад̇и аногаасаава жод̣̇анаа.
So evāti yo liṅge aparivatte tasmiṃ attabhāve bhavaṅgajīvitindriyappabandho, so eva. Tañhi upādāya ekajātisamaññā, na cettha bhāvakalāpajīvitindriyassa vasena codanā kātabbā tadaññasseva adhippetattā. Tañhi tattha avicchedavuttiyā pabandhavohāraṃ labhati, itarampi vā bhāvānupālanatāsāmaññenāti anokāsāva codanā.
сабад̇д̇авасзна яож̇зд̇аб̣б̣анд̇и ‘‘сабад̇д̇ам̣ маарзмийд̇и абхисанд̇хинаа сабад̇д̇зна нибаннадтаанз нибаннам̣ мануссабхууд̇о мануссабхууд̇ам̣ маад̇арам̣ бид̇арам̣ ваа маарзнд̇о’’д̇иаад̣̇инаа яож̇зд̇аб̣б̣ам̣. саб̣б̣ад̇т̇аад̇и жад̇уусуби вигаббзсу. буримам̣ абхисанд̇хижид̇д̇анд̇и буб̣б̣абхааг̇ияо маран̣аад̇хиббааяо. аббамаан̣ам̣ д̇зна ад̇т̇асид̣̇д̇хияаа абхаавад̇о. бут̇уж̇ж̇анассзва д̇ам̣ д̣̇иннам̣ ход̇ийд̇и зд̇т̇а яат̇аа арахад̇д̇ам̣ бад̇ваа барибхуд̇д̇амби бут̇уж̇ж̇анагаалз д̣̇иннам̣ бут̇уж̇ж̇анад̣̇аанамзва ход̇и, звам̣ маран̣аад̇хиббааязна бут̇уж̇ж̇анагаалз бахаарз д̣̇иннз арахад̇д̇ам̣ бад̇ваа д̇знзва бахаарзна мад̇з гасмаа араханд̇агхаад̇оязва ход̇и, на бут̇уж̇ж̇анагхаад̇од̇и? висзсасамбхавад̇о. яат̇аа хи д̣̇аанам̣ д̣̇зяяад̇хаммасса барижжааг̇амад̇д̇зна ход̇и, на звам̣ вад̇хо. со хи баан̣о, баан̣асан̃н̃ид̇аа, вад̇хагажзд̇анаа, убаггамо, д̇зна маран̣анд̇и имзсам̣ бан̃жаннам̣ ан̇г̇аанам̣ баарибуурияаава ход̇и, на абаарибуурияаа. д̇асмаа арахад̇д̇ам̣ бад̇д̇ассзва маран̣анд̇и араханд̇агхаад̇оязва ход̇и , на бут̇уж̇ж̇анагхаад̇о. яасмаа бана ‘‘имам̣ маарзмий’’д̇и яам̣ санд̇аанам̣ аараб̣бха мааран̣ижчаа, д̇асса бут̇уж̇ж̇анакийн̣аасавабхаавзна баяог̇амаран̣агкан̣аанам̣ васзна сад̇иби санд̇аанабхзд̣̇з абхзд̣̇оязва. яад̣̇аа жа ад̇т̇асид̣̇д̇хи, д̇ад̣̇аа кийн̣аасавабхааво. д̇асмаа араханд̇агхаад̇ова ход̇ийд̇и нижчид̇ам̣. гат̇ам̣ банзд̇т̇а вад̇хагажзд̇анаа вад̇д̇амаанависаяаа сияаад̇и ааха ‘‘вад̇хагажид̇д̇ам̣ бажжуббаннаарамман̣амби…бз… бавад̇д̇ад̇ий’’д̇и. д̇ад̇т̇а баб̣анд̇хавижчзд̣̇авасзнаад̇и язна баб̣анд̇хо вижчиж̇ж̇ад̇и, д̇аад̣̇исам̣ баяог̇ам̣ ниб̣б̣ад̇д̇зд̇ийд̇и ад̇т̇о. д̇зна яад̣̇аа баб̣анд̇хавижчзд̣̇о, д̇ад̣̇аа арахаад̇и яат̇аавуд̇д̇ам̣ араханд̇агхаад̇ам̣ бад̇идтаабзд̇и. на званд̇и яат̇аа гааланд̇араабзгкагижжасид̣̇д̇хам̣ вад̇хагажид̇д̇ам̣, на звам̣ жааг̇ажзд̇анаа. ‘‘саа хий’’д̇иаад̣̇инаа жааг̇ажзд̇анааяа гааланд̇араанабзгкагижжасид̣̇д̇хид̇ам̣язва вибхаавзд̇и. ан̃н̃асагагаран̣анд̇и ад̇д̇ад̇о виниможзд̇ваа ан̃н̃асса д̣̇агкин̣зяяасса санд̇агабхаавагаран̣ам̣. д̇ассаад̇и жаж̇ид̇аб̣б̣асса вад̇т̇уно. яассаад̇и яасса бут̇уж̇ж̇анасса. д̇ассзва д̇ам̣ д̣̇иннам̣ ход̇и, сажзби арахад̇д̇ам̣ бад̇ваа д̇зна барибхуд̇д̇анд̇и ад̇т̇о.
Sapattavasena yojetabbanti ‘‘sapattaṃ māremīti abhisandhinā sapattena nipannaṭṭhāne nipannaṃ manussabhūto manussabhūtaṃ mātaraṃ pitaraṃ vā mārento’’tiādinā yojetabbaṃ. Sabbatthāti catūsupi vikappesu. Purimaṃ abhisandhicittanti pubbabhāgiyo maraṇādhippāyo. Appamāṇaṃ tena atthasiddhiyā abhāvato. Puthujjanasseva taṃ dinnaṃ hotīti ettha yathā arahattaṃ patvā paribhuttampi puthujjanakāle dinnaṃ puthujjanadānameva hoti, evaṃ maraṇādhippāyena puthujjanakāle pahāre dinne arahattaṃ patvā teneva pahārena mate kasmā arahantaghātoyeva hoti, na puthujjanaghātoti? Visesasambhavato. Yathā hi dānaṃ deyyadhammassa pariccāgamattena hoti, na evaṃ vadho. So hi pāṇo, pāṇasaññitā, vadhakacetanā, upakkamo, tena maraṇanti imesaṃ pañcannaṃ aṅgānaṃ pāripūriyāva hoti, na apāripūriyā. Tasmā arahattaṃ pattasseva maraṇanti arahantaghātoyeva hoti , na puthujjanaghāto. Yasmā pana ‘‘imaṃ māremī’’ti yaṃ santānaṃ ārabbha māraṇicchā, tassa puthujjanakhīṇāsavabhāvena payogamaraṇakkhaṇānaṃ vasena satipi santānabhede abhedoyeva. Yadā ca atthasiddhi, tadā khīṇāsavabhāvo. Tasmā arahantaghātova hotīti nicchitaṃ. Kathaṃ panettha vadhakacetanā vattamānavisayā siyāti āha ‘‘vadhakacittaṃ paccuppannārammaṇampi…pe… pavattatī’’ti. Tattha pabandhavicchedavasenāti yena pabandho vicchijjati, tādisaṃ payogaṃ nibbattetīti attho. Tena yadā pabandhavicchedo, tadā arahāti yathāvuttaṃ arahantaghātaṃ patiṭṭhāpeti. Na evanti yathā kālantarāpekkhakiccasiddhaṃ vadhakacittaṃ, na evaṃ cāgacetanā. ‘‘Sā hī’’tiādinā cāgacetanāya kālantarānapekkhakiccasiddhitaṃyeva vibhāveti. Aññasakakaraṇanti attato vinimocetvā aññassa dakkhiṇeyyassa santakabhāvakaraṇaṃ. Tassāti cajitabbassa vatthuno. Yassāti yassa puthujjanassa. Tasseva taṃ dinnaṃ hoti, sacepi arahattaṃ patvā tena paribhuttanti attho.
‘‘габбавинаасз’’д̇и ид̣̇ам̣ ‘‘сан̣таханд̇з габбз’’д̇и вуд̇д̇ад̇д̇аа махаагаббавинаасам̣ санд̇хааяа вуд̇д̇анд̇и ааха ‘‘габбадтагат̇ааяа на самзд̇ий’’д̇и зд̇т̇а ааяугаббасса ад̇хиббзд̇ад̇д̇аа. ааяугаббо жзд̇т̇а авийжияам̣ ниб̣б̣ад̇д̇асад̇д̇аанам̣ анд̇арагаббабаримаан̣ам̣ барамааяу взд̣̇ид̇аб̣б̣ам̣. д̇ан̃хи санд̇хааяа ‘‘згам̣ габбам̣ асийд̇ибхааг̇з гад̇ваа д̇ад̇о згабхааг̇амад̇д̇ам̣ гаала’’нд̇и (гат̇аа. адта. 654-657) вуд̇д̇ам̣. д̇аяид̣̇ам̣ ‘‘згам̣ габба’’нд̇и яад̣̇и згам̣ махаагаббанд̇и ад̇т̇о, д̇ат̇аа сад̇и вийсад̇ианд̇арагаббабаримаан̣о зго асан̇кязяяагаббод̇и вуд̇д̇ам̣ ход̇и. ат̇а згам̣ асан̇кязяяагаббанд̇и ад̇т̇о, саб̣б̣ат̇ааби ‘‘жад̇усадти анд̇арагаббаа’’д̇и важанзна вируж̇жхад̇ийд̇и виймам̣сид̇аб̣б̣ам̣. яат̇аа бана габбадтагат̇ааяа аяам̣ адтагат̇аа самзд̇и, д̇ам̣ д̣̇ассзд̇ум̣ ‘‘габбавинаасзязваад̇и банаа’’д̇иаад̣̇имааха.
‘‘Kappavināse’’ti idaṃ ‘‘saṇṭhahante kappe’’ti vuttattā mahākappavināsaṃ sandhāya vuttanti āha ‘‘kappaṭṭhakathāya na sametī’’ti ettha āyukappassa adhippetattā. Āyukappo cettha avīciyaṃ nibbattasattānaṃ antarakappaparimāṇaṃ paramāyu veditabbaṃ. Tañhi sandhāya ‘‘ekaṃ kappaṃ asītibhāge katvā tato ekabhāgamattaṃ kāla’’nti (kathā. aṭṭha. 654-657) vuttaṃ. Tayidaṃ ‘‘ekaṃ kappa’’nti yadi ekaṃ mahākappanti attho, tathā sati vīsatiantarakappaparimāṇo eko asaṅkhyeyyakappoti vuttaṃ hoti. Atha ekaṃ asaṅkhyeyyakappanti attho, sabbathāpi ‘‘catusaṭṭhi antarakappā’’ti vacanena virujjhatīti vīmaṃsitabbaṃ. Yathā pana kappaṭṭhakathāya ayaṃ aṭṭhakathā sameti, taṃ dassetuṃ ‘‘kappavināseyevāti panā’’tiādimāha.
багад̇ад̇д̇о ваа абаарааж̇иго. самаанасам̣ваасаго гаммалад̣̇д̇хийнам̣ васзна анаанаасам̣ваасагод̇и звамзд̇т̇а ад̇т̇о взд̣̇ид̇аб̣б̣о.
Pakatatto vā apārājiko. Samānasaṃvāsako kammaladdhīnaṃ vasena anānāsaṃvāsakoti evamettha attho veditabbo.
нияад̇асса буг̇г̇аласса виж̇ж̇амаанад̇ам̣ бадисзд̇хзд̇ваад̇и яож̇анаа. д̇ад̇т̇а бадисзд̇хзд̇ваад̇и ‘‘буг̇г̇ало бана нияад̇о наама над̇т̇ий’’д̇и звам̣ бадисзд̇хзд̇ваа. д̇ад̇т̇а гааран̣амааха ‘‘мижчад̇д̇асаммад̇д̇анияад̇ад̇хаммаанам̣ вияа сабхаавад̇о’’д̇и. бан̃н̃ад̇д̇имад̇д̇ан̃хзд̇ам̣ мижчад̇д̇асаммад̇д̇анияад̇ад̇хамманиссаяам̣, яад̣̇ид̣̇ам̣ нияад̇о буг̇г̇алод̇и . яат̇аабужчид̇анд̇и ‘‘гим̣ буб̣б̣ахзд̇у нияамзд̇ий’’д̇иаад̣̇инаа бужчид̇аббагаарам̣ нияаамагахзд̇ум̣. язнаад̇и язна убаримаг̇г̇ад̇д̇аяавибассанаан̃аан̣зна. нияад̇аанияад̇абхзд̣̇анд̇и сод̇аабаннаад̣̇инияад̇абхзд̣̇ам̣, сад̇д̇агкад̇д̇убарамаад̣̇ианияад̇абхзд̣̇ан̃жа. сод̇аабанно зва хи зго сад̇д̇агкад̇д̇убарамо наама ход̇и, зго голам̣голо наама, зго згаб̣ийж̇ий наамаад̇и сод̇аабаннасса нияад̇абхааво вуд̇д̇од̇и ааха ‘‘сод̇аабанно жа нияад̇о’’д̇и. б̣яад̇ирзгад̇т̇о хи аяам̣ жа-сад̣̇д̣̇о. д̇ад̇о буб̣б̣зд̇и сод̇аабад̇д̇имаг̇г̇ад̇о буб̣б̣з. ‘‘буб̣б̣ахзд̇угижжам̣ над̇т̇ий’’д̇и ид̣̇ам̣ сод̇аабаннасса нияад̇ад̇ааяа вуд̇д̇ад̇д̇аа вагкамаанан̃жа д̣̇осам̣ хад̣̇аяз табзд̇ваа вуд̇д̇ам̣. убаримаг̇г̇аанам̣ саубаниссаяад̇д̇з батамамаг̇г̇ассааби саубаниссаяад̇аа сид̣̇д̇хаа зваад̇и жод̣̇анам̣ санд̇хааяааха ‘‘яад̣̇и хий’’д̇иаад̣̇и. д̇ан̃жа нияад̇ад̇д̇ам̣. ассаад̇и сод̇аабад̇д̇имаг̇г̇асса.
Niyatassa puggalassa vijjamānataṃ paṭisedhetvāti yojanā. Tattha paṭisedhetvāti ‘‘puggalo pana niyato nāma natthī’’ti evaṃ paṭisedhetvā. Tattha kāraṇamāha ‘‘micchattasammattaniyatadhammānaṃ viya sabhāvato’’ti. Paññattimattañhetaṃ micchattasammattaniyatadhammanissayaṃ, yadidaṃ niyato puggaloti . Yathāpucchitanti ‘‘kiṃ pubbahetu niyametī’’tiādinā pucchitappakāraṃ niyāmakahetuṃ. Yenāti yena uparimaggattayavipassanāñāṇena. Niyatāniyatabhedanti sotāpannādiniyatabhedaṃ, sattakkhattuparamādianiyatabhedañca. Sotāpanno eva hi eko sattakkhattuparamo nāma hoti, eko kolaṃkolo nāma, eko ekabījī nāmāti sotāpannassa niyatabhāvo vuttoti āha ‘‘sotāpanno ca niyato’’ti. Byatirekattho hi ayaṃ ca-saddo. Tato pubbeti sotāpattimaggato pubbe. ‘‘Pubbahetukiccaṃ natthī’’ti idaṃ sotāpannassa niyatatāya vuttattā vakkhamānañca dosaṃ hadaye ṭhapetvā vuttaṃ. Uparimaggānaṃ saupanissayatte paṭhamamaggassāpi saupanissayatā siddhā evāti codanaṃ sandhāyāha ‘‘yadi hī’’tiādi. Tañca niyatattaṃ. Assāti sotāpattimaggassa.
д̇знзва кийн̣аад̇и сод̇аабад̇д̇имаг̇г̇знзва кийн̣аа. гааран̣убажчзд̣̇зна хи палубажчзд̣̇о сияаа. д̇ад̇од̇и сад̇д̇агкад̇д̇убарамаад̣̇ид̇о. саад̇и сад̇д̇агкад̇д̇убарамаад̣̇ид̇аа. бавад̇д̇ид̇од̇и вибаагаббаб̣анд̇хад̇о. д̇знаад̇и сод̇аабад̇д̇имаг̇г̇зна. вудтаанзд̇и вудтаанз сад̇и. гааран̣зна винаа палам̣ над̇т̇ийд̇и ааха ‘‘саггааяа…бз… бхавид̇аб̣б̣а’’нд̇и. ‘‘наамагаран̣анимид̇д̇ад̇о’’д̇и иминаа наамагаран̣ахзд̇уд̇ааяа нияаамагад̇ам̣ вибхаавзд̇и згаб̣ийж̇иаад̣̇исаман̃н̃аанам̣ анвад̇т̇асан̃н̃аабхаавад̇о. д̇знааха ‘‘вибассанаа…бз… санд̇хааяа вуд̇д̇а’’нд̇и.
Teneva khīṇāti sotāpattimaggeneva khīṇā. Kāraṇupacchedena hi phalupacchedo siyā. Tatoti sattakkhattuparamādito. Sāti sattakkhattuparamāditā. Pavattitoti vipākappabandhato. Tenāti sotāpattimaggena. Vuṭṭhāneti vuṭṭhāne sati. Kāraṇena vinā phalaṃ natthīti āha ‘‘sakkāya…pe… bhavitabba’’nti. ‘‘Nāmakaraṇanimittato’’ti iminā nāmakaraṇahetutāya niyāmakataṃ vibhāveti ekabījiādisamaññānaṃ anvatthasaññābhāvato. Tenāha ‘‘vipassanā…pe… sandhāya vutta’’nti.
аад̣̇и-сад̣̇д̣̇зна ‘‘згомхи саммаасамб̣уд̣̇д̇хо, сийд̇ийбхууд̇осми ниб̣б̣уд̇о’’д̇иаад̣̇ийни (махаава. 11; гат̇аа. 405; ма. ни. 1.285) сан̇г̇аяханд̇и. зд̇т̇а жа ‘‘сад̣̇исо мз на виж̇ж̇ад̇и, згомхи саммаасамб̣уд̣̇д̇хо (махаава. 11; гат̇аа. 405; ма. ни. 1.285). ‘ад̇т̇зд̇арахи ан̃н̃з саман̣аа ваа б̣раахман̣аа ваа бхаг̇авад̇аа самасамаа самб̣од̇хияа’нд̇и звам̣ будто ахам̣, бханд̇з, ‘но’д̇и вад̣̇зяяа’’нд̇иаад̣̇и (д̣̇ий. ни. 3.161) важанзхи имиссаа логад̇хаад̇уяаа вияа ан̃н̃асса б̣уд̣̇д̇хасса ан̃н̃иссаа логад̇хаад̇уяаа уббаад̣̇о ниваарид̇од̇и д̣̇адтаб̣б̣ам̣. на хи виж̇ж̇амаанз ‘‘сад̣̇исо мз на виж̇ж̇ад̇ий’’д̇иаад̣̇и саггаа вад̇д̇ум̣. яам̣ бана вад̣̇анд̇и ‘‘логад̇хаад̇увисзсаабзгкааяа вуд̇д̇а’’нд̇и, д̇амби над̇т̇и д̇ат̇аа висзсанасса абхаавад̇о, б̣уд̣̇д̇хаанубхаавасса жа асамад̇т̇абхаававибхааванад̇о. аан̣аакзд̇д̇агид̇д̇анан̃жзд̇т̇а д̇хаммад̇аад̣̇ассанад̇т̇ам̣. саггод̇и хи бхаг̇аваа яад̇т̇а яад̇т̇а ижчад̇и, д̇ад̇т̇а д̇ад̇т̇а аан̣ам̣ вад̇д̇зд̇ум̣. ‘‘згиссаа логад̇хаад̇уяаа’’д̇и жа ид̣̇ам̣ б̣уд̣̇д̇хакзд̇д̇абхууд̇ааяа логад̇хаад̇уяаа д̣̇ассанад̇т̇ам̣ вуд̇д̇ам̣. д̇ад̇т̇ааяамад̇т̇о – б̣уд̣̇д̇хакзд̇д̇абхууд̇аа згаавааяам̣ логад̇хаад̇у. д̇ад̇т̇а згасмим̣ гаалз зго зва саммаасамб̣уд̣̇д̇хо уббаж̇ж̇ад̇ийд̇и. д̇знааха ‘‘б̣уд̣̇д̇хакзд̇д̇а…бз… ад̇хиббааяо’’д̇и.
Ādi-saddena ‘‘ekomhi sammāsambuddho, sītībhūtosmi nibbuto’’tiādīni (mahāva. 11; kathā. 405; ma. ni. 1.285) saṅgayhanti. Ettha ca ‘‘sadiso me na vijjati, ekomhi sammāsambuddho (mahāva. 11; kathā. 405; ma. ni. 1.285). ‘Atthetarahi aññe samaṇā vā brāhmaṇā vā bhagavatā samasamā sambodhiya’nti evaṃ puṭṭho ahaṃ, bhante, ‘no’ti vadeyya’’ntiādi (dī. ni. 3.161) vacanehi imissā lokadhātuyā viya aññassa buddhassa aññissā lokadhātuyā uppādo nivāritoti daṭṭhabbaṃ. Na hi vijjamāne ‘‘sadiso me na vijjatī’’tiādi sakkā vattuṃ. Yaṃ pana vadanti ‘‘lokadhātuvisesāpekkhāya vutta’’nti, tampi natthi tathā visesanassa abhāvato, buddhānubhāvassa ca asamatthabhāvavibhāvanato. Āṇākhettakittanañcettha dhammatādassanatthaṃ. Sakkoti hi bhagavā yattha yattha icchati, tattha tattha āṇaṃ vattetuṃ. ‘‘Ekissā lokadhātuyā’’ti ca idaṃ buddhakhettabhūtāya lokadhātuyā dassanatthaṃ vuttaṃ. Tatthāyamattho – buddhakhettabhūtā ekāvāyaṃ lokadhātu. Tattha ekasmiṃ kāle eko eva sammāsambuddho uppajjatīti. Tenāha ‘‘buddhakhetta…pe… adhippāyo’’ti.
д̇асмаад̇и яасмаа убасамбад̣̇аад̇хийнам̣ баад̇имогкам̣, убасамбад̣̇аа жа баб̣б̣аж̇ж̇аад̇хийнаа, д̇асмаа. баад̇имогкз сид̣̇д̇хз, сид̣̇д̇хаасу д̇аасу баб̣б̣аж̇ж̇уубасамбад̣̇аасу. д̇ад̇о барам̣ винадтам̣ наама ход̇ийд̇и бажчимабадивзд̇хад̇о барам̣ бадивзд̇хасаасанам̣, бажчимасийлабхзд̣̇ад̇о жа барам̣ бадибад̇д̇исаасанам̣ винадтам̣ наама ход̇ийд̇и саасанабхаавасааман̃н̃зна бана убхаяам̣ згаж̇жхам̣ гад̇ваа д̣̇ассзнд̇о ‘‘бажчима…бз… згад̇о гад̇ваа’’д̇и ааха.
Tasmāti yasmā upasampadādhīnaṃ pātimokkhaṃ, upasampadā ca pabbajjādhīnā, tasmā. Pātimokkhe siddhe, siddhāsu tāsu pabbajjūpasampadāsu. Tato paraṃ vinaṭṭhaṃ nāma hotīti pacchimapaṭivedhato paraṃ paṭivedhasāsanaṃ, pacchimasīlabhedato ca paraṃ paṭipattisāsanaṃ vinaṭṭhaṃ nāma hotīti sāsanabhāvasāmaññena pana ubhayaṃ ekajjhaṃ katvā dassento ‘‘pacchima…pe… ekato katvā’’ti āha.
барид̣̇званагаарун̃н̃анд̇и барид̣̇званзна гарун̣ааяид̇аб̣б̣ад̇аа гарун̣ааяанаа.
Paridevanakāruññanti paridevanena karuṇāyitabbatā karuṇāyanā.
д̇хаммаанам̣ сабхаавависзсо на саггаа д̇хаарзд̇ум̣, яад̇о баарамийбавижаяаад̣̇ийсу уд̣̇агабарияанд̇ам̣ гад̇ваа махаабат̇авийгамбо ахоси, абхисамб̣од̇хид̣̇ивасз жа табзд̇ваа буб̣б̣уд̇д̇арад̣̇исаабхааг̇з б̣од̇хиругкамуулз бхуумибхааг̇о махаабурисам̣ д̇хаарзд̇ум̣ наасагки, ан̃н̃ад̣̇ад̇т̇у згабассз багкид̇д̇аад̇ибхаарабхарид̇анааваа вияа жаггаваал̣аг̇аб̣бхо вибаривад̇д̇о. ‘‘самуббаад̣̇игаа’’д̇и вад̇д̇аб̣б̣з са-гаарз а-гаарасса аа-гааро, згасса жа ба-гаарасса лобо гад̇од̇и д̣̇ассзнд̇о ааха ‘‘самам̣ уд̣̇д̇хам̣ баж̇ж̇ад̇ийд̇и саамубаад̣̇игаа’’д̇и. самам̣ убаад̣̇ияад̇ийд̇и ваа самубаад̣̇аа, самубаад̣̇аа зва саамубаад̣̇игаа, самубаахинийд̇и ад̇т̇о.
Dhammānaṃ sabhāvaviseso na sakkā dhāretuṃ, yato pāramīpavicayādīsu udakapariyantaṃ katvā mahāpathavīkampo ahosi, abhisambodhidivase ca ṭhapetvā pubbuttaradisābhāge bodhirukkhamūle bhūmibhāgo mahāpurisaṃ dhāretuṃ nāsakkhi, aññadatthu ekapasse pakkhittaatibhārabharitanāvā viya cakkavāḷagabbho viparivatto. ‘‘Samuppādikā’’ti vattabbe sa-kāre a-kārassa ā-kāro, ekassa ca pa-kārassa lopo katoti dassento āha ‘‘samaṃ uddhaṃ pajjatīti sāmupādikā’’ti. Samaṃ upādiyatīti vā samupādā, samupādā eva sāmupādikā, samupāhinīti attho.
санд̇ад̇икан̣авасзнаад̇и санд̇ад̇ивасзна ааяууханасаман̇г̇ид̇аа, сабуб̣б̣абажчаабхааг̇асса г̇ахан̣авасзна жзд̇анаагкан̣авасзна жзд̇анаасаман̇г̇ид̇аад̇и яож̇зд̇аб̣б̣аа. згасмим̣ убадтид̇з бажжаяавасзна д̇ад̣̇ан̃н̃асса убадтаанам̣ баривад̇д̇анам̣.
Santatikhaṇavasenāti santativasena āyūhanasamaṅgitā, sapubbapacchābhāgassa gahaṇavasena cetanākkhaṇavasena cetanāsamaṅgitāti yojetabbā. Ekasmiṃ upaṭṭhite paccayavasena tadaññassa upaṭṭhānaṃ parivattanaṃ.
батамаб̣аланид̣̇д̣̇зсаван̣н̣анаа нидтид̇аа.
Paṭhamabalaniddesavaṇṇanā niṭṭhitā.
д̣̇уд̇ияаб̣аланид̣̇д̣̇зсаван̣н̣анаа
Dutiyabalaniddesavaṇṇanā
810. бхог̇з бхун̃ж̇ид̇ум̣ на ж̇аанаад̇и, винаасзд̇ийд̇и яож̇анаа.
810. Bhoge bhuñjituṃ na jānāti, vināsetīti yojanā.
лахубаривад̇д̇ид̇ааяа ж̇ийвид̇ассаад̇и ад̇хиббааяо.
Lahuparivattitāya jīvitassāti adhippāyo.
на ад̣̇ааси баяуд̇д̇аваажааяа уббаннанд̇и ад̇хиббааязна.
Naadāsi payuttavācāya uppannanti adhippāyena.
саммаабаяог̇знаад̇и саммаабадибад̇д̇ияаа.
Sammāpayogenāti sammāpaṭipattiyā.
д̣̇уд̇ияаб̣аланид̣̇д̣̇зсаван̣н̣анаа нидтид̇аа.
Dutiyabalaniddesavaṇṇanā niṭṭhitā.
бан̃жамаб̣аланид̣̇д̣̇зсаван̣н̣анаа
Pañcamabalaniddesavaṇṇanā
813. д̇хаад̇усабхаавод̇и бхууд̇аад̣̇исан̇каад̇ад̇хаад̇уунам̣ сабхааво. сабхааг̇авасзна палабхууд̇зна. аж̇жхаасаяад̇хаад̇убарижчинд̣̇анад̇од̇и аж̇жхаасаяасабхаавасса ‘‘хийнам̣, бан̣ийд̇а’’нд̇и ваа барижчиж̇ж̇а ж̇аананад̇о, вудтинимид̇д̇зна вияа махогхзна убаримзгхавудтияаа.
813. Dhātusabhāvoti bhūtādisaṅkhātadhātūnaṃ sabhāvo. Sabhāgavasena phalabhūtena. Ajjhāsayadhātuparicchindanatoti ajjhāsayasabhāvassa ‘‘hīnaṃ, paṇīta’’nti vā paricchijja jānanato, vuṭṭhinimittena viya mahoghena uparimeghavuṭṭhiyā.
бан̃жамаб̣аланид̣̇д̣̇зсаван̣н̣анаа нидтид̇аа.
Pañcamabalaniddesavaṇṇanā niṭṭhitā.
чадтаб̣аланид̣̇д̣̇зсаван̣н̣анаа
Chaṭṭhabalaniddesavaṇṇanā
сад̣̇д̣̇ад̇т̇о самбхавад̇и самаасанд̇знзва д̇ат̇аа сад̣̇д̣̇асид̣̇д̇хид̇о. д̇зсанд̇и баробараанам̣ висад̣̇аависад̣̇аанам̣ сад̣̇д̇хаад̣̇иинд̣̇рияаанам̣. зван̃жа гад̇ваад̇и аасаяаад̣̇ид̇о инд̣̇рияабаробарияад̇д̇асса, инд̣̇рияабаробарияад̇д̇ад̇о жа ад̇химуд̇д̇ибхзд̣̇асса висидтасабхаавад̇д̇аа зва.
Saddattho sambhavati samāsanteneva tathā saddasiddhito. Tesanti paroparānaṃ visadāvisadānaṃ saddhādiindriyānaṃ. Evañca katvāti āsayādito indriyaparopariyattassa, indriyaparopariyattato ca adhimuttibhedassa visiṭṭhasabhāvattā eva.
815. ‘‘гз бана д̇з арияааваасаа’’д̇и бужчид̇ваа д̇з суд̇д̇знзва д̣̇ассзнд̇о ‘‘ид̇ха, бхигкавз’’д̇иаад̣̇ибаал̣им̣ аахарид̇ваа ‘‘звам̣ вуд̇д̇аа’’д̇и ниг̇амзд̇ваа буна маг̇г̇аад̇хиг̇амзнзва д̇зсам̣ ад̇хиг̇амам̣ д̣̇ассзнд̇о ‘‘зд̇зсуу’’д̇иаад̣̇имааха. д̇ад̇т̇а ид̇арзд̇и чал̣ан̇г̇асаманнааг̇амазгаарагкаасан̇кааяабадисзванаад̣̇аяо.
815. ‘‘Ke pana te ariyāvāsā’’ti pucchitvā te sutteneva dassento ‘‘idha, bhikkhave’’tiādipāḷiṃ āharitvā ‘‘evaṃ vuttā’’ti nigametvā puna maggādhigameneva tesaṃ adhigamaṃ dassento ‘‘etesū’’tiādimāha. Tattha itareti chaḷaṅgasamannāgamaekārakkhāsaṅkhāyapaṭisevanādayo.
816. аарамман̣асанд̇аанаанусаяанзсууд̇и аарамман̣аанусаяанам̣, санд̇аанаанусаяананд̇и д̣̇вийсу анусаяанзсу. яат̇аа хи маг̇г̇зна асамужчинно рааг̇о гааран̣алаабхз уббаж̇ж̇анаарахо т̇аамаг̇ад̇адтзна санд̇аанз анусзд̇ийд̇и вужжад̇и, звам̣ идтаарамман̣збийд̇и д̇асса аарамман̣аанусаяанам̣ д̣̇адтаб̣б̣ам̣. д̇ам̣ банасса анусаяанам̣ уббад̇д̇ияаа баагадам̣ ход̇ийд̇и д̣̇ассзд̇ум̣ адтагат̇ааяам̣ ‘‘яат̇аа наамаа’’д̇иаад̣̇и (вибха. адта. 816) вуд̇д̇ам̣. ‘‘аажин̣н̣асамаажин̣н̣аа’’д̇и зд̇зна идтаарамман̣з рааг̇асса жирабарибхааванам̣ вибхаавзд̇и. яасмаа бана звам̣ жирабарибхаавид̇ам̣ баривзтзд̇ваа вияа тид̇ам̣ ход̇и, д̇асмаа ‘‘саманд̇ад̇о взтзд̇ваа вияа тид̇абхаавзна анусаяид̇ад̇ам̣ д̣̇ассзд̇ий’’д̇и вуд̇д̇ам̣. д̇ат̇аа хи уд̣̇агз нимуг̇г̇асад̣̇исо уд̣̇аахадо. ‘‘саб̣б̣зби д̇збхуумагаа д̇хаммаа гааманийяадтзна гаамаа’’д̇иаад̣̇ибаал̣ивасзна бхаварааг̇ассааби вад̇т̇угаамад̇аа взд̣̇ид̇аб̣б̣аа. рааг̇авасзнаад̇и аарамман̣араж̇ж̇анавасзна.
816. Ārammaṇasantānānusayanesūti ārammaṇānusayanaṃ, santānānusayananti dvīsu anusayanesu. Yathā hi maggena asamucchinno rāgo kāraṇalābhe uppajjanāraho thāmagataṭṭhena santāne anusetīti vuccati, evaṃ iṭṭhārammaṇepīti tassa ārammaṇānusayanaṃ daṭṭhabbaṃ. Taṃ panassa anusayanaṃ uppattiyā pākaṭaṃ hotīti dassetuṃ aṭṭhakathāyaṃ ‘‘yathā nāmā’’tiādi (vibha. aṭṭha. 816) vuttaṃ. ‘‘Āciṇṇasamāciṇṇā’’ti etena iṭṭhārammaṇe rāgassa ciraparibhāvanaṃ vibhāveti. Yasmā pana evaṃ ciraparibhāvitaṃ pariveṭhetvā viya ṭhitaṃ hoti, tasmā ‘‘samantato veṭhetvā viya ṭhitabhāvena anusayitataṃ dassetī’’ti vuttaṃ. Tathā hi udake nimuggasadiso udāhaṭo. ‘‘Sabbepi tebhūmakā dhammā kāmanīyaṭṭhena kāmā’’tiādipāḷivasena bhavarāgassāpi vatthukāmatā veditabbā. Rāgavasenāti ārammaṇarajjanavasena.
818. инд̣̇рияависзсо винзяяаанам̣ инд̣̇рияабаробарияад̇д̇ам̣.
818. Indriyaviseso vineyyānaṃ indriyaparopariyattaṃ.
819. бахаад̇аб̣б̣зна убад̣̇д̣̇уд̇анирод̇ханад̇т̇ам̣ бахааяагам̣ бариязсад̇ийд̇и батамам̣ бахаад̇аб̣б̣ам̣, бажчаа бахааяаганд̇и аяам̣ бахаад̇аб̣б̣абаж̇аханаггамо бахаанаггамабад̣̇зна вуд̇д̇о. яассаад̇и бахаад̇аб̣б̣асса. д̇анд̇и бахаад̇аб̣б̣ам̣. батамам̣ вужжад̇ийд̇и бахаанавижааран̣аанам̣ батамам̣ вужжад̇и. д̇ад̇о бажчаа аббахаад̇аб̣б̣ам̣ яат̇аа д̇ам̣ д̣̇ассанад̇д̇игаад̣̇ийсу.
819. Pahātabbena upaddutanirodhanatthaṃ pahāyakaṃ pariyesatīti paṭhamaṃ pahātabbaṃ, pacchā pahāyakanti ayaṃ pahātabbapajahanakkamo pahānakkamapadena vutto. Yassāti pahātabbassa. Tanti pahātabbaṃ. Paṭhamaṃ vuccatīti pahānavicāraṇānaṃ paṭhamaṃ vuccati. Tato pacchā appahātabbaṃ yathā taṃ dassanattikādīsu.
826. д̇анд̇и бхаван̇г̇ам̣. д̇ассаад̇и логуд̇д̇арасса. баад̣̇аганд̇и анд̇имабхавигасса бхаван̇г̇ам̣ санд̇хааяааха.
826. Tanti bhavaṅgaṃ. Tassāti lokuttarassa. Pādakanti antimabhavikassa bhavaṅgaṃ sandhāyāha.
чадтаб̣аланид̣̇д̣̇зсаван̣н̣анаа нидтид̇аа.
Chaṭṭhabalaniddesavaṇṇanā niṭṭhitā.
сад̇д̇амаб̣аланид̣̇д̣̇зсаван̣н̣анаа
Sattamabalaniddesavaṇṇanā
828. самаабанномхийд̇и ман̃н̃ад̇ийд̇и ад̇т̇о.
828. Samāpannomhīti maññatīti attho.
самаад̇хи ваа д̇асса аарамман̣абхууд̇ам̣ гаммадтаанам̣ ваа жид̇д̇аман̃ж̇уусаад̇и яож̇анаа. табзд̇унд̇и яат̇аабарижчиннам̣ гаалам̣ самаабад̇д̇ижид̇д̇ам̣ бавад̇д̇зд̇ум̣.
Samādhi vā tassa ārammaṇabhūtaṃ kammaṭṭhānaṃ vā cittamañjūsāti yojanā. Ṭhapetunti yathāparicchinnaṃ kālaṃ samāpatticittaṃ pavattetuṃ.
д̇зхийд̇и сан̃н̃ааманасигаарзхи. д̇ам̣сабхаавад̇аад̇и гаамаад̣̇ид̣̇уд̇ияаж̇жхаанаад̣̇ианубагканд̣̇анасабхаавад̇аа. баг̇ун̣авод̣̇аанам̣ баг̇ун̣абхаавасид̣̇д̇хаа жхаанасса бадибагкад̇о висуд̣̇д̇хи.
Tehīti saññāmanasikārehi. Taṃsabhāvatāti kāmādidutiyajjhānādianupakkhandanasabhāvatā. Paguṇavodānaṃ paguṇabhāvasiddhā jhānassa paṭipakkhato visuddhi.
сад̇д̇амаб̣аланид̣̇д̣̇зсаван̣н̣анаа нидтид̇аа.
Sattamabalaniddesavaṇṇanā niṭṭhitā.
д̣̇асамаб̣аланид̣̇д̣̇зсаван̣н̣анаа
Dasamabalaniddesavaṇṇanā
831. бан̃н̃аава вимуд̇д̇ийд̇и рааг̇аад̣̇ийхи вимуд̇д̇ибхууд̇аа бан̃н̃аава вимуд̇д̇ийд̇и яож̇анаа. гамманд̇арасса вибааганд̇арамзваад̇и ад̇т̇о вибааганд̇араж̇аананассзва д̣̇уд̇ияаб̣алагижжад̇д̇аа, гамманд̇араж̇аананасса жа д̇ад̇ияаб̣алагижжад̇д̇аа. б̣аласад̣̇исад̇анд̇и згажжаб̣аласад̣̇исад̇ам̣. гасмаа банзд̇т̇а б̣алан̃аан̣агижжз вужжамаанз жхаанаад̣̇иаб̣алан̃аан̣ам̣ уд̣̇аахаданд̇и жод̣̇анам̣ санд̇хааяааха ‘‘яад̣̇ибий’’д̇иаад̣̇и. д̇ад̣̇анд̇ог̇ад̇ханд̇и д̇асмим̣ жхаанаад̣̇ибажжавзгкан̣аасабхаавз сад̇д̇амаб̣алан̃аан̣з анд̇ог̇ад̇хам̣. званд̇и жхаанаад̣̇ин̃аан̣ам̣ вияа. аббзд̇ум̣, вигуб̣б̣ид̇ун̃жаад̇и ад̇д̇анаа вуд̇д̇аагаарам̣ санд̇хааяааха. самуд̣̇аяаббахаанаад̣̇изгажжан̃аан̣агижжамби агаронд̇ам̣ саб̣б̣ан̃н̃уд̇ан̃н̃аан̣ам̣ гат̇амаббанаад̣̇игам̣ жхаанаад̣̇игижжам̣ гарзяяа, б̣алан̃аан̣зхи бана ж̇аанид̇аб̣б̣ам̣, д̇ад̇о уд̇д̇арин̃жа ж̇аананд̇амби яасмаа згажжаб̣алагижжам̣ на гарод̇и, д̇асмаа ан̃н̃аанзва б̣алан̃аан̣аани, ан̃н̃ам̣ саб̣б̣ан̃н̃уд̇ан̃н̃аан̣анд̇и д̣̇ассанад̇т̇ам̣ ‘‘зд̇зсам̣ бана гижжам̣ на саб̣б̣ам̣ гарод̇ий’’д̇иаад̣̇и (вибха. адта. 831) адтагат̇ааяам̣ вуд̇д̇ам̣. д̇ад̇т̇а яат̇аа саб̣б̣ан̃н̃уд̇ан̃н̃аан̣ам̣ аб̣алагижжам̣ згажжам̣ на гарод̇и, звам̣ б̣алагижжамбийд̇и уд̣̇аахаран̣ад̣̇ассанавасзна ‘‘д̇ан̃хи жхаанам̣ худ̇ваа аббзд̇у’’нд̇иаад̣̇и вуд̇д̇анд̇и д̣̇ассзд̇ум̣ ‘‘ат̇а ваа…бз… д̣̇адтаб̣б̣а’’нд̇и вуд̇д̇ам̣.
831. Paññāva vimuttīti rāgādīhi vimuttibhūtā paññāva vimuttīti yojanā. Kammantarassa vipākantaramevāti attho vipākantarajānanasseva dutiyabalakiccattā, kammantarajānanassa ca tatiyabalakiccattā. Balasadisatanti ekaccabalasadisataṃ. Kasmā panettha balañāṇakicce vuccamāne jhānādiabalañāṇaṃ udāhaṭanti codanaṃ sandhāyāha ‘‘yadipī’’tiādi. Tadantogadhanti tasmiṃ jhānādipaccavekkhaṇāsabhāve sattamabalañāṇe antogadhaṃ. Evanti jhānādiñāṇaṃ viya. Appetuṃ, vikubbituñcāti attanā vuttākāraṃ sandhāyāha. Samudayappahānādiekaccañāṇakiccampi akarontaṃ sabbaññutaññāṇaṃ kathamappanādikaṃ jhānādikiccaṃ kareyya, balañāṇehi pana jānitabbaṃ, tato uttariñca jānantampi yasmā ekaccabalakiccaṃ na karoti, tasmā aññāneva balañāṇāni, aññaṃ sabbaññutaññāṇanti dassanatthaṃ ‘‘etesaṃ pana kiccaṃ na sabbaṃ karotī’’tiādi (vibha. aṭṭha. 831) aṭṭhakathāyaṃ vuttaṃ. Tattha yathā sabbaññutaññāṇaṃ abalakiccaṃ ekaccaṃ na karoti, evaṃ balakiccampīti udāharaṇadassanavasena ‘‘tañhi jhānaṃ hutvā appetu’’ntiādi vuttanti dassetuṃ ‘‘atha vā…pe… daṭṭhabba’’nti vuttaṃ.
д̣̇асамаб̣аланид̣̇д̣̇зсаван̣н̣анаа нидтид̇аа.
Dasamabalaniddesavaṇṇanā niṭṭhitā.
н̃аан̣авибхан̇г̇аван̣н̣анаа нидтид̇аа.
Ñāṇavibhaṅgavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / вибхан̇г̇абаал̣и • Vibhaṅgapāḷi / 16. н̃аан̣авибхан̇г̇о • 16. Ñāṇavibhaṅgo
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / саммохавинод̣̇аний-адтагат̇аа • Sammohavinodanī-aṭṭhakathā
1. згагамаад̇игаад̣̇иван̣н̣анаа • 1. Ekakamātikādivaṇṇanā
10. д̣̇асагамаад̇игааван̣н̣анаа • 10. Dasakamātikāvaṇṇanā
(1.) згаганид̣̇д̣̇зсаван̣н̣анаа • (1.) Ekakaniddesavaṇṇanā
(2.) д̣̇уганид̣̇д̣̇зсаван̣н̣анаа • (2.) Dukaniddesavaṇṇanā
(3.) д̇иганид̣̇д̣̇зсаван̣н̣анаа • (3.) Tikaniddesavaṇṇanā
(4.) жад̇угганид̣̇д̣̇зсаван̣н̣анаа • (4.) Catukkaniddesavaṇṇanā
(5.) бан̃жаганид̣̇д̣̇зсаван̣н̣анаа • (5.) Pañcakaniddesavaṇṇanā
(6.) чагганид̣̇д̣̇зсаван̣н̣анаа • (6.) Chakkaniddesavaṇṇanā
(7.) сад̇д̇аганид̣̇д̣̇зсаад̣̇иван̣н̣анаа • (7.) Sattakaniddesādivaṇṇanā
(10.) д̣̇асаганид̣̇д̣̇зсаван̣н̣анаа • (10.) Dasakaniddesavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-мууладийгаа • Vibhaṅga-mūlaṭīkā / 16. н̃аан̣авибхан̇г̇о • 16. Ñāṇavibhaṅgo
