| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
4-5. நந்த³கஸுத்தாதி³வண்ணனா
4-5. Nandakasuttādivaṇṇanā
4-5. சதுத்தே² ஆக³மயமானோதி ஓலோகயமானோ, பு³த்³தோ⁴ ஸஹஸா அபவிஸித்வா யாவ ஸா கதா² நிட்டா²தி, தாவ அட்டா²ஸீதி அத்தோ². தேனாஹ ‘‘இத³மவோசாதி இத³ங் கதா²வஸானங் உதி³க்க²மானோ’’தி. அனிச்சது³க்கா²தி³வஸேன ஸப்³ப³த⁴ம்மஸந்தீரணங் அதி⁴பஞ்ஞாவிபஸ்ஸனாதி ஆஹ ‘‘ஸங்கா²ரபரிக்³க³ஹவிபஸ்ஸனாஞாணஸ்ஸா’’தி. மானஸந்தி ராகோ³பி சித்தம்பி அரஹத்தம்பி. ‘‘அந்தலிக்க²சரோ பாஸோ, ய்வாயங் சரதி மானஸோ’’தி (ஸங்॰ நி॰ 1.151; மஹாவ॰ 33) எத்த² ராகோ³ மானஸங். ‘‘சித்தங் மனோ மானஸ’’ந்தி (த⁴॰ ஸ॰ 6) எத்த² சித்தங். ‘‘அப்பத்தமானஸோ ஸேகோ², காலங் கயிரா ஜனே ஸுதா’’தி (ஸங்॰ நி॰ 1.159) எத்த² அரஹத்தங். இதா⁴பி அரஹத்தமேவ அதி⁴ப்பேதங். தேனாஹ ‘‘அப்பத்தமானஸாதி அப்பத்தஅரஹத்தா’’தி. அப்பத்தங் மானஸங் அரஹத்தங் ஏதேஹீதி அப்பத்தமானஸா. இதா³னி சித்தபரியாயமேவ மானஸஸத்³த³ங் ஸந்தா⁴யாஹ ‘‘அரஹத்தங் வா’’திஆதி³. பஞ்சமங் ஸுவிஞ்ஞெய்யமேவ.
4-5. Catutthe āgamayamānoti olokayamāno, buddho sahasā apavisitvā yāva sā kathā niṭṭhāti, tāva aṭṭhāsīti attho. Tenāha ‘‘idamavocāti idaṃ kathāvasānaṃ udikkhamāno’’ti. Aniccadukkhādivasena sabbadhammasantīraṇaṃ adhipaññāvipassanāti āha ‘‘saṅkhārapariggahavipassanāñāṇassā’’ti. Mānasanti rāgopi cittampi arahattampi. ‘‘Antalikkhacaro pāso, yvāyaṃ carati mānaso’’ti (saṃ. ni. 1.151; mahāva. 33) ettha rāgo mānasaṃ. ‘‘Cittaṃ mano mānasa’’nti (dha. sa. 6) ettha cittaṃ. ‘‘Appattamānaso sekho, kālaṃ kayirā jane sutā’’ti (saṃ. ni. 1.159) ettha arahattaṃ. Idhāpi arahattameva adhippetaṃ. Tenāha ‘‘appattamānasāti appattaarahattā’’ti. Appattaṃ mānasaṃ arahattaṃ etehīti appattamānasā. Idāni cittapariyāyameva mānasasaddaṃ sandhāyāha ‘‘arahattaṃ vā’’tiādi. Pañcamaṃ suviññeyyameva.
நந்த³கஸுத்தாதி³வண்ணனா நிட்டி²தா.
Nandakasuttādivaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya
4. நந்த³கஸுத்தங் • 4. Nandakasuttaṃ
5. ப³லஸுத்தங் • 5. Balasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā)
4. நந்த³கஸுத்தவண்ணனா • 4. Nandakasuttavaṇṇanā
5. ப³லஸுத்தவண்ணனா • 5. Balasuttavaṇṇanā
