| Library / Tipiṭaka / তিপিটক • Tipiṭaka / অঙ্গুত্তরনিকায (টীকা) • Aṅguttaranikāya (ṭīkā) |
৪-৫. নন্দকসুত্তাদিৰণ্ণনা
4-5. Nandakasuttādivaṇṇanā
৪-৫. চতুত্থে আগমযমানোতি ওলোকযমানো, বুদ্ধো সহসা অপৰিসিত্ৰা যাৰ সা কথা নিট্ঠাতি, তাৰ অট্ঠাসীতি অত্থো। তেনাহ ‘‘ইদমৰোচাতি ইদং কথাৰসানং উদিক্খমানো’’তি। অনিচ্চদুক্খাদিৰসেন সব্বধম্মসন্তীরণং অধিপঞ্ঞাৰিপস্সনাতি আহ ‘‘সঙ্খারপরিগ্গহৰিপস্সনাঞাণস্সা’’তি। মানসন্তি রাগোপি চিত্তম্পি অরহত্তম্পি। ‘‘অন্তলিক্খচরো পাসো, য্ৰাযং চরতি মানসো’’তি (সং॰ নি॰ ১.১৫১; মহাৰ॰ ৩৩) এত্থ রাগো মানসং। ‘‘চিত্তং মনো মানস’’ন্তি (ধ॰ স॰ ৬) এত্থ চিত্তং। ‘‘অপ্পত্তমানসো সেখো, কালং কযিরা জনে সুতা’’তি (সং॰ নি॰ ১.১৫৯) এত্থ অরহত্তং। ইধাপি অরহত্তমেৰ অধিপ্পেতং। তেনাহ ‘‘অপ্পত্তমানসাতি অপ্পত্তঅরহত্তা’’তি। অপ্পত্তং মানসং অরহত্তং এতেহীতি অপ্পত্তমানসা। ইদানি চিত্তপরিযাযমেৰ মানসসদ্দং সন্ধাযাহ ‘‘অরহত্তং ৰা’’তিআদি। পঞ্চমং সুৰিঞ্ঞেয্যমেৰ।
4-5. Catutthe āgamayamānoti olokayamāno, buddho sahasā apavisitvā yāva sā kathā niṭṭhāti, tāva aṭṭhāsīti attho. Tenāha ‘‘idamavocāti idaṃ kathāvasānaṃ udikkhamāno’’ti. Aniccadukkhādivasena sabbadhammasantīraṇaṃ adhipaññāvipassanāti āha ‘‘saṅkhārapariggahavipassanāñāṇassā’’ti. Mānasanti rāgopi cittampi arahattampi. ‘‘Antalikkhacaro pāso, yvāyaṃ carati mānaso’’ti (saṃ. ni. 1.151; mahāva. 33) ettha rāgo mānasaṃ. ‘‘Cittaṃ mano mānasa’’nti (dha. sa. 6) ettha cittaṃ. ‘‘Appattamānaso sekho, kālaṃ kayirā jane sutā’’ti (saṃ. ni. 1.159) ettha arahattaṃ. Idhāpi arahattameva adhippetaṃ. Tenāha ‘‘appattamānasāti appattaarahattā’’ti. Appattaṃ mānasaṃ arahattaṃ etehīti appattamānasā. Idāni cittapariyāyameva mānasasaddaṃ sandhāyāha ‘‘arahattaṃ vā’’tiādi. Pañcamaṃ suviññeyyameva.
নন্দকসুত্তাদিৰণ্ণনা নিট্ঠিতা।
Nandakasuttādivaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya
৪. নন্দকসুত্তং • 4. Nandakasuttaṃ
৫. বলসুত্তং • 5. Balasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā)
৪. নন্দকসুত্তৰণ্ণনা • 4. Nandakasuttavaṇṇanā
৫. বলসুত্তৰণ্ণনা • 5. Balasuttavaṇṇanā
