| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
4. нанд̣̇агасуд̇д̇аван̣н̣анаа
4. Nandakasuttavaṇṇanā
4. жад̇уд̇т̇з убадтаанасаалааяанд̇и бхож̇анасаалааяам̣. язнубадтаанасаалаад̇и сад̇т̇аа нанд̣̇агад̇т̇зрзна мад̇хурассарзна аарад̣̇д̇хааяа д̇хаммад̣̇зсанааяа сад̣̇д̣̇ам̣ суд̇ваа, ‘‘аананд̣̇а, го зсо убадтаанасаалааяа мад̇хурассарзна д̇хаммам̣ д̣̇зсзд̇ий’’д̇и бужчид̇ваа ‘‘д̇хаммагат̇игананд̣̇агад̇т̇зрасса аж̇ж̇а, бханд̇з, вааро’’д̇и суд̇ваа ‘‘ад̇имад̇хурам̣ гад̇ваа, аананд̣̇а, зсо бхигку д̇хаммам̣ гат̇зд̇и, маяамби г̇анд̇ваа сун̣иссаамаа’’д̇и вад̇ваа язнубадтаанасаалаа д̇знубасан̇гами. б̣ахид̣̇ваарагодтагз адтаасийд̇и чаб̣б̣ан̣н̣арасмияо жийвараг̇аб̣бхз бадижчаад̣̇зд̇ваа ан̃н̃аад̇агавзсзна адтааси. гат̇аабарияосаанам̣ ааг̇амаяамаанод̇и ‘‘ид̣̇амавожаа’’д̇и ид̣̇ам̣ гат̇аавасаанам̣ уд̣̇игкамаано д̇хаммагат̇ам̣ сун̣анд̇о адтаасиязва. ат̇ааяасмаа аананд̣̇о нигканд̇з батамз яаамз сад̇т̇у сан̃н̃ам̣ ад̣̇ааси – ‘‘батамаяаамо ад̇игганд̇о, бханд̇з, т̇огам̣ виссамат̇аа’’д̇и. сад̇т̇аа д̇ад̇т̇зва адтааси. ат̇ааяасмаа аананд̣̇о маж̇жхимаяаамзби нигканд̇з, ‘‘бханд̇з, д̇умхз багад̇ияаа кад̇д̇ияасукумаалаа, буна б̣уд̣̇д̇хасукумаалаад̇и барамасукумаалаа, маж̇жхимаяаамоби ад̇игганд̇о, мухуд̇д̇ам̣ виссамат̇аа’’д̇и ааха. сад̇т̇аа д̇ад̇т̇зва адтааси. д̇ад̇т̇а тид̇агассзвасса арун̣аг̇г̇ам̣ бан̃н̃ааяид̇т̇а. арун̣уг̇г̇аманан̃жа т̇зрасса ‘‘ид̣̇амавожаа’’д̇и баабзд̇ваа гат̇аабарияосаанан̃жа д̣̇асаб̣аласса чаб̣б̣ан̣н̣асарийрасмивиссаж̇ж̇анан̃жа згаббахаарзнзва ахоси. аг̇г̇ал̣ам̣ аагодзсийд̇и аг̇г̇анакзна д̣̇ваарагаваадам̣ аагодзси.
4. Catutthe upaṭṭhānasālāyanti bhojanasālāyaṃ. Yenupaṭṭhānasālāti satthā nandakattherena madhurassarena āraddhāya dhammadesanāya saddaṃ sutvā, ‘‘ānanda, ko eso upaṭṭhānasālāya madhurassarena dhammaṃ desetī’’ti pucchitvā ‘‘dhammakathikanandakattherassa ajja, bhante, vāro’’ti sutvā ‘‘atimadhuraṃ katvā, ānanda, eso bhikkhu dhammaṃ katheti, mayampi gantvā suṇissāmā’’ti vatvā yenupaṭṭhānasālā tenupasaṅkami. Bahidvārakoṭṭhake aṭṭhāsīti chabbaṇṇarasmiyo cīvaragabbhe paṭicchādetvā aññātakavesena aṭṭhāsi. Kathāpariyosānaṃ āgamayamānoti ‘‘idamavocā’’ti idaṃ kathāvasānaṃ udikkhamāno dhammakathaṃ suṇanto aṭṭhāsiyeva. Athāyasmā ānando nikkhante paṭhame yāme satthu saññaṃ adāsi – ‘‘paṭhamayāmo atikkanto, bhante, thokaṃ vissamathā’’ti. Satthā tattheva aṭṭhāsi. Athāyasmā ānando majjhimayāmepi nikkhante, ‘‘bhante, tumhe pakatiyā khattiyasukhumālā, puna buddhasukhumālāti paramasukhumālā, majjhimayāmopi atikkanto, muhuttaṃ vissamathā’’ti āha. Satthā tattheva aṭṭhāsi. Tattha ṭhitakassevassa aruṇaggaṃ paññāyittha. Aruṇuggamanañca therassa ‘‘idamavocā’’ti pāpetvā kathāpariyosānañca dasabalassa chabbaṇṇasarīrasmivissajjanañca ekappahāreneva ahosi. Aggaḷaṃ ākoṭesīti agganakhena dvārakavāṭaṃ ākoṭesi.
саараж̇ж̇амаанаруубод̇и харааяамаано од̇д̇аббамаано. д̣̇оманассасаараж̇ж̇ам̣ банасса над̇т̇и. зд̇д̇агамби но наббадибхаасзяяаад̇и бадисамбхид̣̇ааббад̇д̇асса аббадибхаанам̣ наама над̇т̇и. зд̇д̇агамби на гат̇зяяанд̇и д̣̇ассзд̇и. саад̇ху саад̇хууд̇и т̇зрасса д̇хаммад̣̇зсанам̣ самбахам̣санд̇о ааха. аяан̃хзд̇т̇а ад̇т̇о ‘‘суг̇ахид̇аа жа д̇з д̇хаммад̣̇зсанаа сугат̇ид̇аа жаа’’д̇и. гулабуд̇д̇аананд̇и аажаарагулабуд̇д̇аанан̃жзва ж̇аад̇игулабуд̇д̇аанан̃жа. арияо жа д̇ун̣хибхаавод̇и д̣̇уд̇ияаж̇жхаанасамаабад̇д̇им̣ санд̇хааязвамааха. ад̇хибан̃н̃аад̇хаммавибассанааяаад̇и сан̇каарабариг̇г̇ахавибассанаан̃аан̣асса . жад̇уббаад̣̇агод̇и ассаг̇он̣аг̇ад̣̇рабхаад̣̇иго. ид̣̇ам̣ вад̇ваад̇и имам̣ жад̇уухан̇г̇зхи саманнааг̇ад̇ам̣ д̇хаммам̣ гат̇аяид̇ваа. вихаарам̣ баависийд̇и г̇анд̇хагудим̣ бавидто.
Sārajjamānarūpoti harāyamāno ottappamāno. Domanassasārajjaṃ panassa natthi. Ettakampi no nappaṭibhāseyyāti paṭisambhidāppattassa appaṭibhānaṃ nāma natthi. Ettakampi na katheyyanti dasseti. Sādhu sādhūti therassa dhammadesanaṃ sampahaṃsanto āha. Ayañhettha attho ‘‘sugahitā ca te dhammadesanā sukathitā cā’’ti. Kulaputtānanti ācārakulaputtānañceva jātikulaputtānañca. Ariyo ca tuṇhibhāvoti dutiyajjhānasamāpattiṃ sandhāyevamāha. Adhipaññādhammavipassanāyāti saṅkhārapariggahavipassanāñāṇassa . Catuppādakoti assagoṇagadrabhādiko. Idaṃ vatvāti imaṃ catūhaṅgehi samannāgataṃ dhammaṃ kathayitvā. Vihāraṃ pāvisīti gandhakuṭiṃ paviṭṭho.
гаалзна д̇хаммассаванзд̇и гаалз гаалз д̇хаммассаванасмим̣. д̇хаммасаагажчааяаад̇и бан̃хагат̇ааяа. г̇амбхийрам̣ ад̇т̇абад̣̇анд̇и г̇амбхийрам̣ г̇ул̣хам̣ рахассам̣ ад̇т̇ам̣. бан̃н̃ааяаад̇и сахавибассанааяа маг̇г̇абан̃н̃ааяа. саммасанабадивзд̇хабан̃н̃ааби уг̇г̇ахабарибужчаабан̃н̃ааби ваддад̇иязва. бад̇д̇о ваа баж̇ж̇ад̇и ваад̇и арахад̇д̇ам̣ бад̇д̇о ваа баабун̣иссад̇и ваад̇и звам̣ г̇ун̣асамбхааванааяа самбхаавзд̇и. аббад̇д̇амаанасаад̇и аббад̇д̇аарахад̇д̇аа, арахад̇д̇ам̣ ваа аббад̇д̇ам̣ маанасам̣ зд̇зсанд̇иби аббад̇д̇амаанасаа. д̣̇идтад̇хаммасукавихааранд̇и зд̇т̇а д̣̇идтад̇хаммасукавихааро логияоби ваддад̇и логуд̇д̇ароби.
Kālena dhammassavaneti kāle kāle dhammassavanasmiṃ. Dhammasākacchāyāti pañhakathāya. Gambhīraṃ atthapadanti gambhīraṃ guḷhaṃ rahassaṃ atthaṃ. Paññāyāti sahavipassanāya maggapaññāya. Sammasanapaṭivedhapaññāpi uggahaparipucchāpaññāpi vaṭṭatiyeva. Patto vā pajjati vāti arahattaṃ patto vā pāpuṇissati vāti evaṃ guṇasambhāvanāya sambhāveti. Appattamānasāti appattaarahattā, arahattaṃ vā appattaṃ mānasaṃ etesantipi appattamānasā. Diṭṭhadhammasukhavihāranti ettha diṭṭhadhammasukhavihāro lokiyopi vaṭṭati lokuttaropi.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 4. нанд̣̇агасуд̇д̇ам̣ • 4. Nandakasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 4-5. нанд̣̇агасуд̇д̇аад̣̇иван̣н̣анаа • 4-5. Nandakasuttādivaṇṇanā
