| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೫. ನನ್ದಕತ್ಥೇರಅಪದಾನಂ
5. Nandakattheraapadānaṃ
೧೪೩.
143.
‘‘ಪದುಮುತ್ತರೋ ನಾಮ ಜಿನೋ, ಸಬ್ಬಧಮ್ಮೇಸು ಚಕ್ಖುಮಾ।
‘‘Padumuttaro nāma jino, sabbadhammesu cakkhumā;
ಇತೋ ಸತಸಹಸ್ಸಮ್ಹಿ, ಕಪ್ಪೇ ಉಪ್ಪಜ್ಜಿ ನಾಯಕೋ॥
Ito satasahassamhi, kappe uppajji nāyako.
೧೪೪.
144.
‘‘ಹಿತಾಯ ಸಬ್ಬಸತ್ತಾನಂ, ಸುಖಾಯ ವದತಂ ವರೋ।
‘‘Hitāya sabbasattānaṃ, sukhāya vadataṃ varo;
ಅತ್ಥಾಯ ಪುರಿಸಾಜಞ್ಞೋ, ಪಟಿಪನ್ನೋ ಸದೇವಕೇ॥
Atthāya purisājañño, paṭipanno sadevake.
೧೪೫.
145.
ಪೂಜಿತೋ ಸಬ್ಬಲೋಕಸ್ಸ, ದಿಸಾ ಸಬ್ಬಾಸು ವಿಸ್ಸುತೋ॥
Pūjito sabbalokassa, disā sabbāsu vissuto.
೧೪೬.
146.
‘‘ಉತ್ತಿಣ್ಣವಿಚಿಕಿಚ್ಛೋ ಸೋ, ವೀತಿವತ್ತಕಥಂಕಥೋ।
‘‘Uttiṇṇavicikiccho so, vītivattakathaṃkatho;
ಪರಿಪುಣ್ಣಮನಸಙ್ಕಪ್ಪೋ, ಪತ್ತೋ ಸಮ್ಬೋಧಿಮುತ್ತಮಂ॥
Paripuṇṇamanasaṅkappo, patto sambodhimuttamaṃ.
೧೪೭.
147.
‘‘ಅನುಪ್ಪನ್ನಸ್ಸ ಮಗ್ಗಸ್ಸ, ಉಪ್ಪಾದೇತಾ ನರುತ್ತಮೋ।
‘‘Anuppannassa maggassa, uppādetā naruttamo;
ಅನಕ್ಖಾತಞ್ಚ ಅಕ್ಖಾಸಿ, ಅಸಞ್ಜಾತಞ್ಚ ಸಞ್ಜನೀ॥
Anakkhātañca akkhāsi, asañjātañca sañjanī.
೧೪೮.
148.
೧೪೯.
149.
‘‘ತದಾ ಮಹಾಕಾರುಣಿಕೋ, ಧಮ್ಮಂ ದೇಸೇಸಿ ನಾಯಕೋ।
‘‘Tadā mahākāruṇiko, dhammaṃ desesi nāyako;
೧೫೦.
150.
‘‘ಭಿಕ್ಖುನೀನಂ ಓವದನೇ, ಸಾವಕಂ ಸೇಟ್ಠಸಮ್ಮತಂ।
‘‘Bhikkhunīnaṃ ovadane, sāvakaṃ seṭṭhasammataṃ;
ವಣ್ಣಯಂ ಏತದಗ್ಗಮ್ಹಿ, ಪಞ್ಞಪೇಸಿ ಮಹಾಮುನಿ॥
Vaṇṇayaṃ etadaggamhi, paññapesi mahāmuni.
೧೫೧.
151.
‘‘ತಂ ಸುತ್ವಾಹಂ ಪಮುದಿತೋ, ನಿಮನ್ತೇತ್ವಾ ತಥಾಗತಂ।
‘‘Taṃ sutvāhaṃ pamudito, nimantetvā tathāgataṃ;
ಭೋಜಯಿತ್ವಾ ಸಸಙ್ಘಂ ತಂ, ಪತ್ಥಯಿಂ ಠಾನಮುತ್ತಮಂ॥
Bhojayitvā sasaṅghaṃ taṃ, patthayiṃ ṭhānamuttamaṃ.
೧೫೨.
152.
‘‘ತದಾ ಪಮುದಿತೋ ನಾಥೋ, ಮಂ ಅವೋಚ ಮಹಾಇಸಿ।
‘‘Tadā pamudito nātho, maṃ avoca mahāisi;
೧೫೩.
153.
‘‘‘ಸತಸಹಸ್ಸಿತೋ ಕಪ್ಪೇ, ಓಕ್ಕಾಕಕುಲಸಮ್ಭವೋ।
‘‘‘Satasahassito kappe, okkākakulasambhavo;
ಗೋತಮೋ ನಾಮ ಗೋತ್ತೇನ, ಸತ್ಥಾ ಲೋಕೇ ಭವಿಸ್ಸತಿ॥
Gotamo nāma gottena, satthā loke bhavissati.
೧೫೪.
154.
‘‘‘ತಸ್ಸ ಧಮ್ಮೇಸು ದಾಯಾದೋ, ಓರಸೋ ಧಮ್ಮನಿಮ್ಮಿತೋ।
‘‘‘Tassa dhammesu dāyādo, oraso dhammanimmito;
ನನ್ದಕೋ ನಾಮ ನಾಮೇನ, ಹೇಸ್ಸತಿ ಸತ್ಥು ಸಾವಕೋ’॥
Nandako nāma nāmena, hessati satthu sāvako’.
೧೫೫.
155.
‘‘ತೇನ ಕಮ್ಮೇನ ಸುಕತೇನ, ಚೇತನಾಪಣಿಧೀಹಿ ಚ।
‘‘Tena kammena sukatena, cetanāpaṇidhīhi ca;
ಜಹಿತ್ವಾ ಮಾನುಸಂ ದೇಹಂ, ತಾವತಿಂಸೂಪಗೋ ಅಹಂ॥
Jahitvā mānusaṃ dehaṃ, tāvatiṃsūpago ahaṃ.
೧೫೬.
156.
‘‘ಪಚ್ಛಿಮೇ ಚ ಭವೇ ದಾನಿ, ಜಾತೋ ಸೇಟ್ಠಿಕುಲೇ ಅಹಂ।
‘‘Pacchime ca bhave dāni, jāto seṭṭhikule ahaṃ;
ಸಾವತ್ಥಿಯಂ ಪುರೇ ವರೇ, ಇದ್ಧೇ ಫೀತೇ ಮಹದ್ಧನೇ॥
Sāvatthiyaṃ pure vare, iddhe phīte mahaddhane.
೧೫೭.
157.
‘‘ಪುರಪ್ಪವೇಸೇ ಸುಗತಂ, ದಿಸ್ವಾ ವಿಮ್ಹಿತಮಾನಸೋ।
‘‘Purappavese sugataṃ, disvā vimhitamānaso;
ಜೇತಾರಾಮಪಟಿಗ್ಗಾಹೇ, ಪಬ್ಬಜಿಂ ಅನಗಾರಿಯಂ॥
Jetārāmapaṭiggāhe, pabbajiṃ anagāriyaṃ.
೧೫೮.
158.
‘‘ನಚಿರೇನೇವ ಕಾಲೇನ, ಅರಹತ್ತಮಪಾಪುಣಿಂ।
‘‘Nacireneva kālena, arahattamapāpuṇiṃ;
ತತೋಹಂ ತಿಣ್ಣಸಂಸಾರೋ, ಸಾಸಿತೋ ಸಬ್ಬದಸ್ಸಿನಾ॥
Tatohaṃ tiṇṇasaṃsāro, sāsito sabbadassinā.
೧೫೯.
159.
‘‘ಭಿಕ್ಖುನೀನಂ ಧಮ್ಮಕಥಂ, ಪಟಿಪುಚ್ಛಾಕರಿಂ ಅಹಂ।
‘‘Bhikkhunīnaṃ dhammakathaṃ, paṭipucchākariṃ ahaṃ;
ಸಾಸಿತಾ ತಾ ಮಯಾ ಸಬ್ಬಾ, ಅಭವಿಂಸು ಅನಾಸವಾ॥
Sāsitā tā mayā sabbā, abhaviṃsu anāsavā.
೧೬೦.
160.
‘‘ಸತಾನಿ ಪಞ್ಚನೂನಾನಿ, ತದಾ ತುಟ್ಠೋ ಮಹಾಹಿತೋ।
‘‘Satāni pañcanūnāni, tadā tuṭṭho mahāhito;
ಭಿಕ್ಖುನೀನಂ ಓವದತಂ, ಅಗ್ಗಟ್ಠಾನೇ ಠಪೇಸಿ ಮಂ॥
Bhikkhunīnaṃ ovadataṃ, aggaṭṭhāne ṭhapesi maṃ.
೧೬೧.
161.
‘‘ಸತಸಹಸ್ಸೇ ಕತಂ ಕಮ್ಮಂ, ಫಲಂ ದಸ್ಸೇಸಿ ಮೇ ಇಧ।
‘‘Satasahasse kataṃ kammaṃ, phalaṃ dassesi me idha;
ಸುಮುತ್ತೋ ಸರವೇಗೋವ, ಕಿಲೇಸೇ ಝಾಪಯಿಂ ಮಮ॥
Sumutto saravegova, kilese jhāpayiṃ mama.
೧೬೨.
162.
‘‘ಕಿಲೇಸಾ ಝಾಪಿತಾ ಮಯ್ಹಂ…ಪೇ॰… ವಿಹರಾಮಿ ಅನಾಸವೋ॥
‘‘Kilesā jhāpitā mayhaṃ…pe… viharāmi anāsavo.
೧೬೩.
163.
‘‘ಸ್ವಾಗತಂ ವತ ಮೇ ಆಸಿ…ಪೇ॰… ಕತಂ ಬುದ್ಧಸ್ಸ ಸಾಸನಂ॥
‘‘Svāgataṃ vata me āsi…pe… kataṃ buddhassa sāsanaṃ.
೧೬೪.
164.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ನನ್ದಕೋ ಥೇರೋ ಇಮಾ ಗಾಥಾಯೋ
Itthaṃ sudaṃ āyasmā nandako thero imā gāthāyo
ಅಭಾಸಿತ್ಥಾತಿ।
Abhāsitthāti.
ನನ್ದಕತ್ಥೇರಸ್ಸಾಪದಾನಂ ಪಞ್ಚಮಂ।
Nandakattherassāpadānaṃ pañcamaṃ.
Footnotes:
