| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
7. нанд̣̇агад̇т̇зраг̇аат̇ааван̣н̣анаа
7. Nandakattheragāthāvaṇṇanā
яат̇ааби бхад̣̇д̣̇о ааж̇ан̃н̃од̇и ааяасмад̇о нанд̣̇агад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз бун̃н̃аани гаронд̇о сикисса бхаг̇авад̇о гаалз бажжанд̇ад̣̇зсз уббаж̇ж̇ид̇ваа вин̃н̃уд̇ам̣ бад̇д̇о ванажаариго худ̇ваа вижаранд̇о згад̣̇ивасам̣ сад̇т̇у жан̇гаманадтаанам̣ д̣̇исваа басаннажид̇д̇о ваалугаа огири. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з жамбааяам̣ г̇ахабад̇игулз ниб̣б̣ад̇д̇и, д̇асса нанд̣̇агод̇и наамам̣ агам̣су. ж̇здтагабхаад̇аа банасса бхарад̇о наама. д̇асса буб̣б̣аяог̇о ананд̇аравад̇т̇усмим̣ аавибхависсад̇и. д̇з убхоби вин̃н̃уд̇ам̣ бад̇ваа ааяасманд̇ам̣ сон̣ам̣ гол̣ивисам̣ баб̣б̣аж̇ид̇ам̣ суд̇ваа ‘‘сон̣оби наама д̇ат̇аасукумаало баб̣б̣аж̇и, гиман̇г̇ам̣ бана маяа’’нд̇и баб̣б̣аж̇им̣су. д̇зсу бхарад̇о нажирассзва вибассанам̣ вад̣дхзд̇ваа чал̣абхин̃н̃о ахоси. нанд̣̇аго бана гилзсаанам̣ б̣алавабхаавзна д̇аава вибассанам̣ уссуггаабзд̇ум̣ наасагки, вибассанааяа гаммам̣ гарод̇и зва. ат̇асса бхарад̇ад̇т̇зро аасаяам̣ н̃ад̇ваа авассаяо бхавид̇угаамо д̇ам̣ бажчаасаман̣ам̣ гад̇ваа вихаарад̇о нигкамид̇ваа маг̇г̇асамийбз нисинно вибассанаагат̇ам̣ гат̇зси.
Yathāpibhaddo ājaññoti āyasmato nandakattherassa gāthā. Kā uppatti? Ayampi purimabuddhesu katādhikāro tattha tattha bhave puññāni karonto sikhissa bhagavato kāle paccantadese uppajjitvā viññutaṃ patto vanacāriko hutvā vicaranto ekadivasaṃ satthu caṅkamanaṭṭhānaṃ disvā pasannacitto vālukā okiri. So tena puññakammena devamanussesu saṃsaranto imasmiṃ buddhuppāde campāyaṃ gahapatikule nibbatti, tassa nandakoti nāmaṃ akaṃsu. Jeṭṭhakabhātā panassa bharato nāma. Tassa pubbayogo anantaravatthusmiṃ āvibhavissati. Te ubhopi viññutaṃ patvā āyasmantaṃ soṇaṃ koḷivisaṃ pabbajitaṃ sutvā ‘‘soṇopi nāma tathāsukhumālo pabbaji, kimaṅgaṃ pana maya’’nti pabbajiṃsu. Tesu bharato nacirasseva vipassanaṃ vaḍḍhetvā chaḷabhiñño ahosi. Nandako pana kilesānaṃ balavabhāvena tāva vipassanaṃ ussukkāpetuṃ nāsakkhi, vipassanāya kammaṃ karoti eva. Athassa bharatatthero āsayaṃ ñatvā avassayo bhavitukāmo taṃ pacchāsamaṇaṃ katvā vihārato nikkhamitvā maggasamīpe nisinno vipassanākathaṃ kathesi.
д̇зна жа самаязна сагадасад̇т̇з г̇ажчанд̇з зго сагадз яуд̇д̇о г̇он̣о жигкалладтаанз сагадам̣ уд̣̇д̇харид̇ум̣ асаггонд̇о барибад̇и. д̇ад̇о нам̣ сад̇т̇аваахо сагадаа можзд̇ваа д̇ин̣ан̃жа баанийяан̃жа д̣̇ад̇ваа бариссамам̣ абанзд̇ваа буна д̇хурз яож̇зси. д̇ад̇о г̇он̣о вуубасанд̇абариссамо лад̣̇д̇хаб̣ало д̇ам̣ сагадам̣ жигкалладтаанад̇о уд̣̇д̇харид̇ваа т̇алз бад̇идтаабзси. ат̇а бхарад̇ад̇т̇зро нанд̣̇агасса ‘‘бассаси но д̇вам̣, аавусо нанд̣̇ага, имасса гамма’’нд̇и д̇ам̣ нид̣̇ассзд̇ваа д̇зна ‘‘бассаамий’’д̇и вуд̇д̇з ‘‘имамад̇т̇ам̣ судту убад̇хаарзхий’’д̇и ааха. ид̇аро ‘‘яат̇ааяам̣ г̇он̣о вуубасанд̇абариссамо бан̇гадтаанад̇о бхаарам̣ уб̣б̣ахад̇и, звам̣ маяааби сам̣саарабан̇гад̇о ад̇д̇аа уд̣̇д̇харид̇аб̣б̣о’’д̇и д̇амзваарамман̣ам̣ гад̇ваа вибассанааяа гаммам̣ гаронд̇о нажирассзва арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 2.48.90-95) –
Tena ca samayena sakaṭasatthe gacchante eko sakaṭe yutto goṇo cikkhallaṭṭhāne sakaṭaṃ uddharituṃ asakkonto paripati. Tato naṃ satthavāho sakaṭā mocetvā tiṇañca pānīyañca datvā parissamaṃ apanetvā puna dhure yojesi. Tato goṇo vūpasantaparissamo laddhabalo taṃ sakaṭaṃ cikkhallaṭṭhānato uddharitvā thale patiṭṭhāpesi. Atha bharatatthero nandakassa ‘‘passasi no tvaṃ, āvuso nandaka, imassa kamma’’nti taṃ nidassetvā tena ‘‘passāmī’’ti vutte ‘‘imamatthaṃ suṭṭhu upadhārehī’’ti āha. Itaro ‘‘yathāyaṃ goṇo vūpasantaparissamo paṅkaṭṭhānato bhāraṃ ubbahati, evaṃ mayāpi saṃsārapaṅkato attā uddharitabbo’’ti tamevārammaṇaṃ katvā vipassanāya kammaṃ karonto nacirasseva arahattaṃ pāpuṇi. Tena vuttaṃ apadāne (apa. thera 2.48.90-95) –
‘‘миг̇алуд̣̇д̣̇о бурз аасим̣, аран̃н̃з гаананз ахам̣;
‘‘Migaluddo pure āsiṃ, araññe kānane ahaṃ;
ваад̇амиг̇ам̣ г̇авзсанд̇о, жан̇гамам̣ ад̣̇д̣̇асам̣ ахам̣.
Vātamigaṃ gavesanto, caṅkamaṃ addasaṃ ahaṃ.
‘‘ужчан̇г̇зна булинам̣ г̇аяха, жан̇гамз огирим̣ ахам̣;
‘‘Ucchaṅgena pulinaṃ gayha, caṅkame okiriṃ ahaṃ;
басаннажид̇д̇о сумано, суг̇ад̇асса сириймад̇о.
Pasannacitto sumano, sugatassa sirīmato.
‘‘згад̇им̣сз ид̇о габбз, булинам̣ огирим̣ ахам̣;
‘‘Ekatiṃse ito kappe, pulinaṃ okiriṃ ahaṃ;
д̣̇уг̇г̇ад̇им̣ наабхиж̇аанаами, булинасса ид̣̇ам̣ палам̣.
Duggatiṃ nābhijānāmi, pulinassa idaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа ад̇д̇ано ж̇здтабхаад̇игасса бхарад̇ад̇т̇зрасса санд̇игз ан̃н̃ам̣ б̣яаагаронд̇о –
Arahattaṃ pana patvā attano jeṭṭhabhātikassa bharatattherassa santike aññaṃ byākaronto –
173.
173.
‘‘яат̇ааби бхад̣̇д̣̇о ааж̇ан̃н̃о, калид̇ваа бад̇ид̇идтад̇и;
‘‘Yathāpi bhaddo ājañño, khalitvā patitiṭṭhati;
бхияяо лад̣̇д̇хаана сам̣взг̇ам̣, ад̣̇ийно вахад̇з д̇хурам̣.
Bhiyyo laddhāna saṃvegaṃ, adīno vahate dhuraṃ.
174.
174.
‘‘звам̣ д̣̇ассанасамбаннам̣, саммаасамб̣уд̣̇д̇хасаавагам̣;
‘‘Evaṃ dassanasampannaṃ, sammāsambuddhasāvakaṃ;
ааж̇аанийяам̣ мам̣ д̇хаарзт̇а, буд̇д̇ам̣ б̣уд̣̇д̇хасса ораса’’нд̇и. – г̇аат̇аад̣̇ваяам̣ абхааси;
Ājānīyaṃ maṃ dhāretha, puttaṃ buddhassa orasa’’nti. – gāthādvayaṃ abhāsi;
д̇ад̇т̇а бхияяо лад̣̇д̇хаана сам̣взг̇ам̣, ад̣̇ийно вахад̇з д̇хуранд̇и ‘‘маяхам̣ ж̇аад̇иб̣алавийрияаанам̣ ананужчавигамзд̇ам̣ яад̣̇ид̣̇ам̣ ааг̇ад̇асса бхаарасса авахана’’нд̇и сам̣взг̇ам̣ лабхид̇ваа ад̣̇ийно ад̣̇ийнамаанасо алийнажид̇д̇о. ‘‘алийно’’д̇и ваа баато, со зва ад̇т̇о. бхияяо бунаббунам̣ бхияяосомад̇д̇ааяа ад̇д̇ано д̇хурам̣ бхаарам̣ вахад̇з уб̣б̣ахад̇и. сзсам̣ хздтаа раман̣ийяавихаарид̇т̇зрасса г̇аат̇ааван̣н̣анааяам̣ вуд̇д̇анаяамзва.
Tattha bhiyyo laddhāna saṃvegaṃ, adīno vahate dhuranti ‘‘mayhaṃ jātibalavīriyānaṃ ananucchavikametaṃ yadidaṃ āgatassa bhārassa avahana’’nti saṃvegaṃ labhitvā adīno adīnamānaso alīnacitto. ‘‘Alīno’’ti vā pāṭho, so eva attho. Bhiyyo punappunaṃ bhiyyosomattāya attano dhuraṃ bhāraṃ vahate ubbahati. Sesaṃ heṭṭhā ramaṇīyavihārittherassa gāthāvaṇṇanāyaṃ vuttanayameva.
нанд̣̇агад̇т̇зраг̇аат̇ааван̣н̣анаа нидтид̇аа.
Nandakattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 7. нанд̣̇агад̇т̇зраг̇аат̇аа • 7. Nandakattheragāthā
