| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
4. нанд̣̇аговаад̣̇асуд̇д̇ам̣
4. Nandakovādasuttaṃ
398. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. ат̇а ко махаабаж̇аабад̇иг̇од̇амий бан̃жамад̇д̇зхи бхигкунисад̇зхи сад̣̇д̇хим̣ язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ адтааси. згаманд̇ам̣ тид̇аа ко махаабаж̇аабад̇иг̇од̇амий бхаг̇аванд̇ам̣ зд̇ад̣̇авожа – ‘‘овад̣̇ад̇у, бханд̇з, бхаг̇аваа бхигкунияо; анусаасад̇у, бханд̇з, бхаг̇аваа бхигкунияо; гарод̇у, бханд̇з, бхаг̇аваа бхигкунийнам̣ д̇хаммим̣ гат̇а’’нд̇и 1.
398. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Atha kho mahāpajāpatigotamī pañcamattehi bhikkhunisatehi saddhiṃ yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ aṭṭhāsi. Ekamantaṃ ṭhitā kho mahāpajāpatigotamī bhagavantaṃ etadavoca – ‘‘ovadatu, bhante, bhagavā bhikkhuniyo; anusāsatu, bhante, bhagavā bhikkhuniyo; karotu, bhante, bhagavā bhikkhunīnaṃ dhammiṃ katha’’nti 2.
д̇зна ко бана самаязна т̇зраа бхигкуу бхигкунияо овад̣̇анд̇и барияааязна. ааяасмаа нанд̣̇аго на ижчад̇и бхигкунияо овад̣̇ид̇ум̣ барияааязна. ат̇а ко бхаг̇аваа ааяасманд̇ам̣ аананд̣̇ам̣ ааманд̇зси – ‘‘гасса ну ко, аананд̣̇а, аж̇ж̇а барияааяо бхигкунияо овад̣̇ид̇ум̣ барияааязнаа’’д̇и? ‘‘саб̣б̣зхзва, бханд̇з, гад̇о 3 барияааяо бхигкунияо овад̣̇ид̇ум̣ барияааязна. аяам̣, бханд̇з, ааяасмаа нанд̣̇аго на ижчад̇и бхигкунияо овад̣̇ид̇ум̣ барияааязнаа’’д̇и.
Tena kho pana samayena therā bhikkhū bhikkhuniyo ovadanti pariyāyena. Āyasmā nandako na icchati bhikkhuniyo ovadituṃ pariyāyena. Atha kho bhagavā āyasmantaṃ ānandaṃ āmantesi – ‘‘kassa nu kho, ānanda, ajja pariyāyo bhikkhuniyo ovadituṃ pariyāyenā’’ti? ‘‘Sabbeheva, bhante, kato 4 pariyāyo bhikkhuniyo ovadituṃ pariyāyena. Ayaṃ, bhante, āyasmā nandako na icchati bhikkhuniyo ovadituṃ pariyāyenā’’ti.
ат̇а ко бхаг̇аваа ааяасманд̇ам̣ нанд̣̇агам̣ ааманд̇зси – ‘‘овад̣̇а, нанд̣̇ага, бхигкунияо; анусааса, нанд̣̇ага, бхигкунияо; гарохи д̇вам̣, б̣раахман̣а, бхигкунийнам̣ д̇хаммим̣ гат̇а’’нд̇и. ‘‘звам̣, бханд̇з’’д̇и ко ааяасмаа нанд̣̇аго бхаг̇авад̇о бадиссуд̇ваа буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа саавад̇т̇им̣ бин̣д̣ааяа баависи. саавад̇т̇ияам̣ бин̣д̣ааяа жарид̇ваа бажчаабхад̇д̇ам̣ бин̣д̣абаад̇абадигганд̇о ад̇д̇ад̣̇уд̇ияо язна рааж̇агаараамо д̇знубасан̇гами. ад̣̇д̣̇асам̣су ко д̇аа бхигкунияо ааяасманд̇ам̣ нанд̣̇агам̣ д̣̇уурад̇ова ааг̇ажчанд̇ам̣. д̣̇исваана аасанам̣ бан̃н̃аабзсум̣, уд̣̇аган̃жа баад̣̇аанам̣ убадтабзсум̣. нисийд̣̇и ко ааяасмаа нанд̣̇аго бан̃н̃ад̇д̇з аасанз. нисаж̇ж̇а баад̣̇з багкаалзси. д̇ааби ко бхигкунияо ааяасманд̇ам̣ нанд̣̇агам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисиннаа ко д̇аа бхигкунияо ааяасмаа нанд̣̇аго зд̇ад̣̇авожа – ‘‘бадибужчагат̇аа ко, бхаг̇инияо, бхависсад̇и. д̇ад̇т̇а ааж̇аананд̇ийхи – ‘ааж̇аанаамаа’ д̇исса важанийяам̣, на ааж̇аананд̇ийхи – ‘на ааж̇аанаамаа’ д̇исса важанийяам̣. яассаа ваа банасса ган̇каа ваа вимад̇и ваа ахамзва д̇ад̇т̇а бадибужчид̇аб̣б̣о – ‘ид̣̇ам̣, бханд̇з, гат̇ам̣; имасса гвад̇т̇о’’’д̇и? ‘‘зд̇д̇агзнаби маяам̣, бханд̇з, аяяасса нанд̣̇агасса ад̇д̇аманаа абхирад̣̇д̇хаа 5 яам̣ но аяяо нанд̣̇аго баваарзд̇ий’’д̇и.
Atha kho bhagavā āyasmantaṃ nandakaṃ āmantesi – ‘‘ovada, nandaka, bhikkhuniyo; anusāsa, nandaka, bhikkhuniyo; karohi tvaṃ, brāhmaṇa, bhikkhunīnaṃ dhammiṃ katha’’nti. ‘‘Evaṃ, bhante’’ti kho āyasmā nandako bhagavato paṭissutvā pubbaṇhasamayaṃ nivāsetvā pattacīvaramādāya sāvatthiṃ piṇḍāya pāvisi. Sāvatthiyaṃ piṇḍāya caritvā pacchābhattaṃ piṇḍapātapaṭikkanto attadutiyo yena rājakārāmo tenupasaṅkami. Addasaṃsu kho tā bhikkhuniyo āyasmantaṃ nandakaṃ dūratova āgacchantaṃ. Disvāna āsanaṃ paññāpesuṃ, udakañca pādānaṃ upaṭṭhapesuṃ. Nisīdi kho āyasmā nandako paññatte āsane. Nisajja pāde pakkhālesi. Tāpi kho bhikkhuniyo āyasmantaṃ nandakaṃ abhivādetvā ekamantaṃ nisīdiṃsu. Ekamantaṃ nisinnā kho tā bhikkhuniyo āyasmā nandako etadavoca – ‘‘paṭipucchakathā kho, bhaginiyo, bhavissati. Tattha ājānantīhi – ‘ājānāmā’ tissa vacanīyaṃ, na ājānantīhi – ‘na ājānāmā’ tissa vacanīyaṃ. Yassā vā panassa kaṅkhā vā vimati vā ahameva tattha paṭipucchitabbo – ‘idaṃ, bhante, kathaṃ; imassa kvattho’’’ti? ‘‘Ettakenapi mayaṃ, bhante, ayyassa nandakassa attamanā abhiraddhā 6 yaṃ no ayyo nandako pavāretī’’ti.
399. ‘‘д̇ам̣ гим̣ ман̃н̃ат̇а, бхаг̇инияо, жагку нижжам̣ ваа анижжам̣ ваа’’д̇и? ‘‘анижжам̣, бханд̇з’’. ‘‘яам̣ банаанижжам̣ д̣̇угкам̣ ваа д̇ам̣ сукам̣ ваа’’д̇и? ‘‘д̣̇угкам̣, бханд̇з’’. ‘‘яам̣ банаанижжам̣ д̣̇угкам̣ вибарин̣аамад̇хаммам̣, галлам̣ ну д̇ам̣ саманубассид̇ум̣ – ‘зд̇ам̣ мама, зсохамасми, зсо мз ад̇д̇аа’’’д̇и? ‘‘но хзд̇ам̣ , бханд̇з’’. ‘‘д̇ам̣ гим̣ ман̃н̃ат̇а, бхаг̇инияо, сод̇ам̣ нижжам̣ ваа анижжам̣ ваа’’д̇и? ‘‘анижжам̣, бханд̇з…бз… гхаанам̣ нижжам̣ ваа анижжам̣ ваа’’д̇и? ‘‘анижжам̣, бханд̇з’’… ‘‘ж̇ивхаа нижжаа ваа анижжаа ваа’’д̇и? ‘‘анижжаа, бханд̇з’’… ‘‘гааяо нижжо ваа анижжо ваа’’д̇и? ‘‘анижжо, бханд̇з’’… ‘‘мано нижжо ваа анижжо ваа’’д̇и? ‘‘анижжо, бханд̇з’’. ‘‘яам̣ банаанижжам̣ д̣̇угкам̣ ваа д̇ам̣ сукам̣ ваа’’д̇и? ‘‘д̣̇угкам̣, бханд̇з’’. ‘‘яам̣ банаанижжам̣ д̣̇угкам̣ вибарин̣аамад̇хаммам̣ , галлам̣ ну д̇ам̣ саманубассид̇ум̣ – ‘зд̇ам̣ мама, зсохамасми, зсо мз ад̇д̇аа’’’д̇и? ‘‘но хзд̇ам̣, бханд̇з’’. ‘‘д̇ам̣ гисса хзд̇у’’? ‘‘буб̣б̣зва но зд̇ам̣, бханд̇з, яат̇аабхууд̇ам̣ саммаббан̃н̃ааяа суд̣̇идтам̣ – ‘ид̇ибимз ча аж̇жхад̇д̇игаа ааяад̇анаа анижжаа’’’д̇и. ‘‘саад̇ху, саад̇ху, бхаг̇инияо! зван̃хзд̇ам̣, бхаг̇инияо, ход̇и арияасаавагасса яат̇аабхууд̇ам̣ саммаббан̃н̃ааяа бассад̇о’’.
399. ‘‘Taṃ kiṃ maññatha, bhaginiyo, cakkhu niccaṃ vā aniccaṃ vā’’ti? ‘‘Aniccaṃ, bhante’’. ‘‘Yaṃ panāniccaṃ dukkhaṃ vā taṃ sukhaṃ vā’’ti? ‘‘Dukkhaṃ, bhante’’. ‘‘Yaṃ panāniccaṃ dukkhaṃ vipariṇāmadhammaṃ, kallaṃ nu taṃ samanupassituṃ – ‘etaṃ mama, esohamasmi, eso me attā’’’ti? ‘‘No hetaṃ , bhante’’. ‘‘Taṃ kiṃ maññatha, bhaginiyo, sotaṃ niccaṃ vā aniccaṃ vā’’ti? ‘‘Aniccaṃ, bhante…pe… ghānaṃ niccaṃ vā aniccaṃ vā’’ti? ‘‘Aniccaṃ, bhante’’… ‘‘jivhā niccā vā aniccā vā’’ti? ‘‘Aniccā, bhante’’… ‘‘kāyo nicco vā anicco vā’’ti? ‘‘Anicco, bhante’’… ‘‘mano nicco vā anicco vā’’ti? ‘‘Anicco, bhante’’. ‘‘Yaṃ panāniccaṃ dukkhaṃ vā taṃ sukhaṃ vā’’ti? ‘‘Dukkhaṃ, bhante’’. ‘‘Yaṃ panāniccaṃ dukkhaṃ vipariṇāmadhammaṃ , kallaṃ nu taṃ samanupassituṃ – ‘etaṃ mama, esohamasmi, eso me attā’’’ti? ‘‘No hetaṃ, bhante’’. ‘‘Taṃ kissa hetu’’? ‘‘Pubbeva no etaṃ, bhante, yathābhūtaṃ sammappaññāya sudiṭṭhaṃ – ‘itipime cha ajjhattikā āyatanā aniccā’’’ti. ‘‘Sādhu, sādhu, bhaginiyo! Evañhetaṃ, bhaginiyo, hoti ariyasāvakassa yathābhūtaṃ sammappaññāya passato’’.
400. ‘‘д̇ам̣ гим̣ ман̃н̃ат̇а, бхаг̇инияо, руубаа нижжаа ваа анижжаа ваа’’д̇и? ‘‘анижжаа, бханд̇з’’. ‘‘яам̣ банаанижжам̣ д̣̇угкам̣ ваа д̇ам̣ сукам̣ ваа’’д̇и? ‘‘д̣̇угкам̣, бханд̇з’’. ‘‘яам̣ банаанижжам̣ д̣̇угкам̣ вибарин̣аамад̇хаммам̣, галлам̣ ну д̇ам̣ саманубассид̇ум̣ – ‘зд̇ам̣ мама, зсохамасми, зсо мз ад̇д̇аа’’’д̇и? ‘‘но хзд̇ам̣, бханд̇з’’. ‘‘д̇ам̣ гим̣ ман̃н̃ат̇а, бхаг̇инияо, сад̣̇д̣̇аа нижжаа ваа анижжаа ваа’’д̇и? ‘‘анижжаа, бханд̇з…бз… г̇анд̇хаа нижжаа ваа анижжаа ваа’’д̇и? ‘‘анижжаа, бханд̇з’’… ‘‘расаа нижжаа ваа анижжаа ваа’’д̇и? ‘‘анижжаа, бханд̇з’’… ‘‘подтаб̣б̣аа нижжаа ваа анижжаа ваа’’д̇и? ‘‘анижжаа , бханд̇з’’… ‘‘д̇хаммаа нижжаа ваа анижжаа ваа’’д̇и? ‘‘анижжаа, бханд̇з’’. ‘‘яам̣ банаанижжам̣ д̣̇угкам̣ ваа д̇ам̣ сукам̣ ваа’’д̇и? ‘‘д̣̇угкам̣, бханд̇з’’. ‘‘яам̣ банаанижжам̣ д̣̇угкам̣ вибарин̣аамад̇хаммам̣, галлам̣ ну д̇ам̣ саманубассид̇ум̣ – ‘зд̇ам̣ мама, зсохамасми, зсо мз ад̇д̇аа’’’д̇и? ‘‘но хзд̇ам̣, бханд̇з’’. ‘‘д̇ам̣ гисса хзд̇у’’? ‘‘буб̣б̣зва но зд̇ам̣, бханд̇з, яат̇аабхууд̇ам̣ саммаббан̃н̃ааяа суд̣̇идтам̣ – ‘ид̇ибимз ча б̣аахираа ааяад̇анаа анижжаа’’’д̇и . ‘‘саад̇ху, саад̇ху, бхаг̇инияо! зван̃хзд̇ам̣, бхаг̇инияо, ход̇и арияасаавагасса яат̇аабхууд̇ам̣ саммаббан̃н̃ааяа бассад̇о’’.
400. ‘‘Taṃ kiṃ maññatha, bhaginiyo, rūpā niccā vā aniccā vā’’ti? ‘‘Aniccā, bhante’’. ‘‘Yaṃ panāniccaṃ dukkhaṃ vā taṃ sukhaṃ vā’’ti? ‘‘Dukkhaṃ, bhante’’. ‘‘Yaṃ panāniccaṃ dukkhaṃ vipariṇāmadhammaṃ, kallaṃ nu taṃ samanupassituṃ – ‘etaṃ mama, esohamasmi, eso me attā’’’ti? ‘‘No hetaṃ, bhante’’. ‘‘Taṃ kiṃ maññatha, bhaginiyo, saddā niccā vā aniccā vā’’ti? ‘‘Aniccā, bhante…pe… gandhā niccā vā aniccā vā’’ti? ‘‘Aniccā, bhante’’… ‘‘rasā niccā vā aniccā vā’’ti? ‘‘Aniccā, bhante’’… ‘‘phoṭṭhabbā niccā vā aniccā vā’’ti? ‘‘Aniccā , bhante’’… ‘‘dhammā niccā vā aniccā vā’’ti? ‘‘Aniccā, bhante’’. ‘‘Yaṃ panāniccaṃ dukkhaṃ vā taṃ sukhaṃ vā’’ti? ‘‘Dukkhaṃ, bhante’’. ‘‘Yaṃ panāniccaṃ dukkhaṃ vipariṇāmadhammaṃ, kallaṃ nu taṃ samanupassituṃ – ‘etaṃ mama, esohamasmi, eso me attā’’’ti? ‘‘No hetaṃ, bhante’’. ‘‘Taṃ kissa hetu’’? ‘‘Pubbeva no etaṃ, bhante, yathābhūtaṃ sammappaññāya sudiṭṭhaṃ – ‘itipime cha bāhirā āyatanā aniccā’’’ti . ‘‘Sādhu, sādhu, bhaginiyo! Evañhetaṃ, bhaginiyo, hoti ariyasāvakassa yathābhūtaṃ sammappaññāya passato’’.
401. ‘‘д̇ам̣ гим̣ ман̃н̃ат̇а, бхаг̇инияо, жагкувин̃н̃аан̣ам̣ нижжам̣ ваа анижжам̣ ваа’’д̇и? ‘‘анижжам̣, бханд̇з’’. ‘‘яам̣ банаанижжам̣ д̣̇угкам̣ ваа д̇ам̣ сукам̣ ваа’’д̇и? ‘‘д̣̇угкам̣, бханд̇з’’. ‘‘яам̣ банаанижжам̣ д̣̇угкам̣ вибарин̣аамад̇хаммам̣, галлам̣ ну д̇ам̣ саманубассид̇ум̣ – ‘зд̇ам̣ мама, зсохамасми, зсо мз ад̇д̇аа’’’д̇и? ‘‘но хзд̇ам̣, бханд̇з’’. ‘‘д̇ам̣ гим̣ ман̃н̃ат̇а, бхаг̇инияо, сод̇авин̃н̃аан̣ам̣ нижжам̣ ваа анижжам̣ ваа’’д̇и? ‘‘анижжам̣, бханд̇з…бз… гхаанавин̃н̃аан̣ам̣ нижжам̣ ваа анижжам̣ ваа’’д̇и? ‘‘анижжам̣, бханд̇з’’… ‘‘ж̇ивхаавин̃н̃аан̣ам̣ нижжам̣ ваа анижжам̣ ваа’’д̇и? ‘‘анижжам̣, бханд̇з’’… ‘‘гааяавин̃н̃аан̣ам̣ нижжам̣ ваа анижжам̣ ваа’’д̇и? ‘‘анижжам̣, бханд̇з’’… ‘‘мановин̃н̃аан̣ам̣ нижжам̣ ваа анижжам̣ ваа’’д̇и? ‘‘анижжам̣, бханд̇з’’. ‘‘яам̣ банаанижжам̣ д̣̇угкам̣ ваа д̇ам̣ сукам̣ ваад̇и’’? ‘‘д̣̇угкам̣, бханд̇з’’. ‘‘яам̣ банаанижжам̣ д̣̇угкам̣ вибарин̣аамад̇хаммам̣, галлам̣ ну д̇ам̣ саманубассид̇ум̣ – ‘зд̇ам̣ мама, зсохамасми, зсо мз ад̇д̇аа’’’д̇и? ‘‘но хзд̇ам̣, бханд̇з’’. ‘‘д̇ам̣ гисса хзд̇у’’? ‘‘буб̣б̣зва но зд̇ам̣, бханд̇з, яат̇аабхууд̇ам̣ саммаббан̃н̃ааяа суд̣̇идтам̣ – ‘ид̇ибимз ча вин̃н̃аан̣агааяаа анижжаа’’’д̇и. ‘‘саад̇ху, саад̇ху, бхаг̇инияо! зван̃хзд̇ам̣, бхаг̇инияо, ход̇и арияасаавагасса яат̇аабхууд̇ам̣ саммаббан̃н̃ааяа бассад̇о’’.
401. ‘‘Taṃ kiṃ maññatha, bhaginiyo, cakkhuviññāṇaṃ niccaṃ vā aniccaṃ vā’’ti? ‘‘Aniccaṃ, bhante’’. ‘‘Yaṃ panāniccaṃ dukkhaṃ vā taṃ sukhaṃ vā’’ti? ‘‘Dukkhaṃ, bhante’’. ‘‘Yaṃ panāniccaṃ dukkhaṃ vipariṇāmadhammaṃ, kallaṃ nu taṃ samanupassituṃ – ‘etaṃ mama, esohamasmi, eso me attā’’’ti? ‘‘No hetaṃ, bhante’’. ‘‘Taṃ kiṃ maññatha, bhaginiyo, sotaviññāṇaṃ niccaṃ vā aniccaṃ vā’’ti? ‘‘Aniccaṃ, bhante…pe… ghānaviññāṇaṃ niccaṃ vā aniccaṃ vā’’ti? ‘‘Aniccaṃ, bhante’’… ‘‘jivhāviññāṇaṃ niccaṃ vā aniccaṃ vā’’ti? ‘‘Aniccaṃ, bhante’’… ‘‘kāyaviññāṇaṃ niccaṃ vā aniccaṃ vā’’ti? ‘‘Aniccaṃ, bhante’’… ‘‘manoviññāṇaṃ niccaṃ vā aniccaṃ vā’’ti? ‘‘Aniccaṃ, bhante’’. ‘‘Yaṃ panāniccaṃ dukkhaṃ vā taṃ sukhaṃ vāti’’? ‘‘Dukkhaṃ, bhante’’. ‘‘Yaṃ panāniccaṃ dukkhaṃ vipariṇāmadhammaṃ, kallaṃ nu taṃ samanupassituṃ – ‘etaṃ mama, esohamasmi, eso me attā’’’ti? ‘‘No hetaṃ, bhante’’. ‘‘Taṃ kissa hetu’’? ‘‘Pubbeva no etaṃ, bhante, yathābhūtaṃ sammappaññāya sudiṭṭhaṃ – ‘itipime cha viññāṇakāyā aniccā’’’ti. ‘‘Sādhu, sādhu, bhaginiyo! Evañhetaṃ, bhaginiyo, hoti ariyasāvakassa yathābhūtaṃ sammappaññāya passato’’.
402. ‘‘сзяяат̇ааби , бхаг̇инияо, д̇злаббад̣̇ийбасса жхааяад̇о д̇зламби анижжам̣ вибарин̣аамад̇хаммам̣, ваддиби анижжаа вибарин̣аамад̇хаммаа, ажжиби анижжаа вибарин̣аамад̇хаммаа, аабхааби анижжаа вибарин̣аамад̇хаммаа. яо ну ко, бхаг̇инияо, звам̣ вад̣̇зяяа – ‘амусса д̇злаббад̣̇ийбасса жхааяад̇о д̇зламби анижжам̣ вибарин̣аамад̇хаммам̣, ваддиби анижжаа вибарин̣аамад̇хаммаа, ажжиби анижжаа вибарин̣аамад̇хаммаа; яаа жа кваасса аабхаа саа нижжаа д̇хуваа сассад̇аа авибарин̣аамад̇хаммаа’д̇и; саммаа ну ко со, бхаг̇инияо, вад̣̇амаано вад̣̇зяяаа’’д̇и? ‘‘но хзд̇ам̣, бханд̇з’’. ‘‘д̇ам̣ гисса хзд̇у’’? ‘‘амусса хи, бханд̇з, д̇злаббад̣̇ийбасса жхааяад̇о д̇зламби анижжам̣ вибарин̣аамад̇хаммам̣, ваддиби анижжаа вибарин̣аамад̇хаммаа, ажжиби анижжаа вибарин̣аамад̇хаммаа; баг̇звасса аабхаа анижжаа вибарин̣аамад̇хаммаа’’д̇и. ‘‘звамзва ко, бхаг̇инияо, яо ну ко звам̣ вад̣̇зяяа – ‘ча комз аж̇жхад̇д̇игаа ааяад̇анаа анижжаа 7; яан̃жа ко ча аж̇жхад̇д̇игз ааяад̇анз бадижжа бадисам̣взд̣̇зд̇и сукам̣ ваа д̣̇угкам̣ ваа ад̣̇угкамасукам̣ ваа д̇ам̣ нижжам̣ д̇хувам̣ сассад̇ам̣ авибарин̣аамад̇хамма’нд̇и; саммаа ну ко со, бхаг̇инияо, вад̣̇амаано вад̣̇зяяаа’’д̇и? ‘‘но хзд̇ам̣, бханд̇з’’. ‘‘д̇ам̣ гисса хзд̇у’’? ‘‘д̇аж̇ж̇ам̣ д̇аж̇ж̇ам̣, бханд̇з, бажжаяам̣ бадижжа д̇аж̇ж̇аа д̇аж̇ж̇аа взд̣̇анаа уббаж̇ж̇анд̇и. д̇аж̇ж̇асса д̇аж̇ж̇асса бажжаяасса нирод̇хаа д̇аж̇ж̇аа д̇аж̇ж̇аа взд̣̇анаа нируж̇жханд̇ий’’д̇и. ‘‘саад̇ху, саад̇ху, бхаг̇инияо! зван̃хзд̇ам̣, бхаг̇инияо, ход̇и арияасаавагасса яат̇аабхууд̇ам̣ саммаббан̃н̃ааяа бассад̇о’’.
402. ‘‘Seyyathāpi , bhaginiyo, telappadīpassa jhāyato telampi aniccaṃ vipariṇāmadhammaṃ, vaṭṭipi aniccā vipariṇāmadhammā, accipi aniccā vipariṇāmadhammā, ābhāpi aniccā vipariṇāmadhammā. Yo nu kho, bhaginiyo, evaṃ vadeyya – ‘amussa telappadīpassa jhāyato telampi aniccaṃ vipariṇāmadhammaṃ, vaṭṭipi aniccā vipariṇāmadhammā, accipi aniccā vipariṇāmadhammā; yā ca khvāssa ābhā sā niccā dhuvā sassatā avipariṇāmadhammā’ti; sammā nu kho so, bhaginiyo, vadamāno vadeyyā’’ti? ‘‘No hetaṃ, bhante’’. ‘‘Taṃ kissa hetu’’? ‘‘Amussa hi, bhante, telappadīpassa jhāyato telampi aniccaṃ vipariṇāmadhammaṃ, vaṭṭipi aniccā vipariṇāmadhammā, accipi aniccā vipariṇāmadhammā; pagevassa ābhā aniccā vipariṇāmadhammā’’ti. ‘‘Evameva kho, bhaginiyo, yo nu kho evaṃ vadeyya – ‘cha khome ajjhattikā āyatanā aniccā 8; yañca kho cha ajjhattike āyatane paṭicca paṭisaṃvedeti sukhaṃ vā dukkhaṃ vā adukkhamasukhaṃ vā taṃ niccaṃ dhuvaṃ sassataṃ avipariṇāmadhamma’nti; sammā nu kho so, bhaginiyo, vadamāno vadeyyā’’ti? ‘‘No hetaṃ, bhante’’. ‘‘Taṃ kissa hetu’’? ‘‘Tajjaṃ tajjaṃ, bhante, paccayaṃ paṭicca tajjā tajjā vedanā uppajjanti. Tajjassa tajjassa paccayassa nirodhā tajjā tajjā vedanā nirujjhantī’’ti. ‘‘Sādhu, sādhu, bhaginiyo! Evañhetaṃ, bhaginiyo, hoti ariyasāvakassa yathābhūtaṃ sammappaññāya passato’’.
403. ‘‘сзяяат̇ааби, бхаг̇инияо, махад̇о ругкасса д̇идтад̇о сааравад̇о мууламби анижжам̣ вибарин̣аамад̇хаммам̣, канд̇хоби анижжо вибарин̣аамад̇хаммо, саакаабалаасамби анижжам̣ вибарин̣аамад̇хаммам̣, чааяааби анижжаа вибарин̣аамад̇хаммаа. яо ну ко, бхаг̇инияо, звам̣ вад̣̇зяяа – ‘амусса махад̇о ругкасса д̇идтад̇о сааравад̇о мууламби анижжам̣ вибарин̣аамад̇хаммам̣, канд̇хоби анижжо вибарин̣аамад̇хаммо, саакаабалаасамби анижжам̣ вибарин̣аамад̇хаммам̣, яаа жа кваасса чааяаа саа нижжаа д̇хуваа сассад̇аа авибарин̣аамад̇хаммаа’д̇и; саммаа ну ко со, бхаг̇инияо, вад̣̇амаано вад̣̇зяяаа’’д̇и? ‘‘но хзд̇ам̣, бханд̇з’’. ‘‘д̇ам̣ гисса хзд̇у’’? ‘‘амусса хи, бханд̇з, махад̇о ругкасса д̇идтад̇о сааравад̇о мууламби анижжам̣ вибарин̣аамад̇хаммам̣, канд̇хоби анижжо вибарин̣аамад̇хаммо, саакаабалаасамби анижжам̣ вибарин̣аамад̇хаммам̣; баг̇звасса чааяаа анижжаа вибарин̣аамад̇хаммаа’’д̇и. ‘‘звамзва ко, бхаг̇инияо, яо ну ко звам̣ вад̣̇зяяа – ‘ча комз б̣аахираа ааяад̇анаа анижжаа 9. яан̃жа ко ча б̣аахирз ааяад̇анз бадижжа бадисам̣взд̣̇зд̇и сукам̣ ваа д̣̇угкам̣ ваа ад̣̇угкамасукам̣ ваа д̇ам̣ нижжам̣ д̇хувам̣ сассад̇ам̣ авибарин̣аамад̇хамма’нд̇и; саммаа ну ко со, бхаг̇инияо, вад̣̇амаано вад̣̇зяяаа’’д̇и? ‘‘но хзд̇ам̣, бханд̇з’’. ‘‘д̇ам̣ гисса хзд̇у’’? ‘‘д̇аж̇ж̇ам̣ д̇аж̇ж̇ам̣, бханд̇з, бажжаяам̣ бадижжа д̇аж̇ж̇аа д̇аж̇ж̇аа взд̣̇анаа уббаж̇ж̇анд̇и. д̇аж̇ж̇асса д̇аж̇ж̇асса бажжаяасса нирод̇хаа д̇аж̇ж̇аа д̇аж̇ж̇аа взд̣̇анаа нируж̇жханд̇ий’’д̇и. ‘‘саад̇ху, саад̇ху, бхаг̇инияо! зван̃хзд̇ам̣, бхаг̇инияо, ход̇и арияасаавагасса яат̇аабхууд̇ам̣ саммаббан̃н̃ааяа бассад̇о’’.
403. ‘‘Seyyathāpi, bhaginiyo, mahato rukkhassa tiṭṭhato sāravato mūlampi aniccaṃ vipariṇāmadhammaṃ, khandhopi anicco vipariṇāmadhammo, sākhāpalāsampi aniccaṃ vipariṇāmadhammaṃ, chāyāpi aniccā vipariṇāmadhammā. Yo nu kho, bhaginiyo, evaṃ vadeyya – ‘amussa mahato rukkhassa tiṭṭhato sāravato mūlampi aniccaṃ vipariṇāmadhammaṃ, khandhopi anicco vipariṇāmadhammo, sākhāpalāsampi aniccaṃ vipariṇāmadhammaṃ, yā ca khvāssa chāyā sā niccā dhuvā sassatā avipariṇāmadhammā’ti; sammā nu kho so, bhaginiyo, vadamāno vadeyyā’’ti? ‘‘No hetaṃ, bhante’’. ‘‘Taṃ kissa hetu’’? ‘‘Amussa hi, bhante, mahato rukkhassa tiṭṭhato sāravato mūlampi aniccaṃ vipariṇāmadhammaṃ, khandhopi anicco vipariṇāmadhammo, sākhāpalāsampi aniccaṃ vipariṇāmadhammaṃ; pagevassa chāyā aniccā vipariṇāmadhammā’’ti. ‘‘Evameva kho, bhaginiyo, yo nu kho evaṃ vadeyya – ‘cha khome bāhirā āyatanā aniccā 10. Yañca kho cha bāhire āyatane paṭicca paṭisaṃvedeti sukhaṃ vā dukkhaṃ vā adukkhamasukhaṃ vā taṃ niccaṃ dhuvaṃ sassataṃ avipariṇāmadhamma’nti; sammā nu kho so, bhaginiyo, vadamāno vadeyyā’’ti? ‘‘No hetaṃ, bhante’’. ‘‘Taṃ kissa hetu’’? ‘‘Tajjaṃ tajjaṃ, bhante, paccayaṃ paṭicca tajjā tajjā vedanā uppajjanti. Tajjassa tajjassa paccayassa nirodhā tajjā tajjā vedanā nirujjhantī’’ti. ‘‘Sādhu, sādhu, bhaginiyo! Evañhetaṃ, bhaginiyo, hoti ariyasāvakassa yathābhūtaṃ sammappaññāya passato’’.
404. ‘‘сзяяат̇ааби, бхаг̇инияо, д̣̇агко г̇огхаад̇аго ваа г̇огхаад̇аганд̇зваасий ваа г̇аавим̣ вад̇хид̇ваа д̇ин̣хзна г̇овиганд̇анзна г̇аавим̣ сан̇ганд̇зяяа анубахажжа анд̇арам̣ мам̣сагааяам̣ анубахажжа б̣аахирам̣ жаммагааяам̣. яам̣ яад̣̇зва д̇ад̇т̇а анд̇араа вилимам̣сам̣ 11 анд̇араа нхаару анд̇араа б̣анд̇ханам̣ д̇ам̣ д̇ад̣̇зва д̇ин̣хзна г̇овиганд̇анзна сан̃чинд̣̇зяяа сан̇ганд̇зяяа самбаганд̇зяяа самбариганд̇зяяа. сан̃чинд̣̇ид̇ваа сан̇ганд̇ид̇ваа самбаганд̇ид̇ваа самбариганд̇ид̇ваа вид̇хунид̇ваа б̣аахирам̣ жаммагааяам̣ д̇знзва жаммзна д̇ам̣ г̇аавим̣ бадижчаад̣̇зд̇ваа звам̣ вад̣̇зяяа – ‘д̇ат̇звааяам̣ г̇аавий сам̣яуд̇д̇аа иминаава жаммзнаа’д̇и; саммаа ну ко со, бхаг̇инияо, вад̣̇амаано вад̣̇зяяаа’’д̇и? ‘‘но хзд̇ам̣, бханд̇з’’. ‘‘д̇ам̣ гисса хзд̇у’’? ‘‘аму хи, бханд̇з, д̣̇агко г̇огхаад̇аго ваа г̇огхаад̇аганд̇зваасий ваа г̇аавим̣ вад̇хид̇ваа д̇ин̣хзна г̇овиганд̇анзна г̇аавим̣ сан̇ганд̇зяяа анубахажжа анд̇арам̣ мам̣сагааяам̣ анубахажжа б̣аахирам̣ жаммагааяам̣. яам̣ яад̣̇зва д̇ад̇т̇а анд̇араа вилимам̣сам̣ анд̇араа нхаару анд̇араа б̣анд̇ханам̣ д̇ам̣ д̇ад̣̇зва д̇ин̣хзна г̇овиганд̇анзна сан̃чинд̣̇зяяа сан̇ганд̇зяяа самбаганд̇зяяа самбариганд̇зяяа. сан̃чинд̣̇ид̇ваа сан̇ганд̇ид̇ваа самбаганд̇ид̇ваа самбариганд̇ид̇ваа вид̇хунид̇ваа б̣аахирам̣ жаммагааяам̣ д̇знзва жаммзна д̇ам̣ г̇аавим̣ бадижчаад̣̇зд̇ваа гин̃жааби со звам̣ вад̣̇зяяа – ‘д̇ат̇звааяам̣ г̇аавий сам̣яуд̇д̇аа иминаава жаммзнаа’д̇и; ат̇а ко саа г̇аавий висам̣яуд̇д̇аа д̇знзва жаммзнаа’’д̇и.
404. ‘‘Seyyathāpi, bhaginiyo, dakkho goghātako vā goghātakantevāsī vā gāviṃ vadhitvā tiṇhena govikantanena gāviṃ saṅkanteyya anupahacca antaraṃ maṃsakāyaṃ anupahacca bāhiraṃ cammakāyaṃ. Yaṃ yadeva tattha antarā vilimaṃsaṃ 12 antarā nhāru antarā bandhanaṃ taṃ tadeva tiṇhena govikantanena sañchindeyya saṅkanteyya sampakanteyya samparikanteyya. Sañchinditvā saṅkantitvā sampakantitvā samparikantitvā vidhunitvā bāhiraṃ cammakāyaṃ teneva cammena taṃ gāviṃ paṭicchādetvā evaṃ vadeyya – ‘tathevāyaṃ gāvī saṃyuttā imināva cammenā’ti; sammā nu kho so, bhaginiyo, vadamāno vadeyyā’’ti? ‘‘No hetaṃ, bhante’’. ‘‘Taṃ kissa hetu’’? ‘‘Amu hi, bhante, dakkho goghātako vā goghātakantevāsī vā gāviṃ vadhitvā tiṇhena govikantanena gāviṃ saṅkanteyya anupahacca antaraṃ maṃsakāyaṃ anupahacca bāhiraṃ cammakāyaṃ. Yaṃ yadeva tattha antarā vilimaṃsaṃ antarā nhāru antarā bandhanaṃ taṃ tadeva tiṇhena govikantanena sañchindeyya saṅkanteyya sampakanteyya samparikanteyya. Sañchinditvā saṅkantitvā sampakantitvā samparikantitvā vidhunitvā bāhiraṃ cammakāyaṃ teneva cammena taṃ gāviṃ paṭicchādetvā kiñcāpi so evaṃ vadeyya – ‘tathevāyaṃ gāvī saṃyuttā imināva cammenā’ti; atha kho sā gāvī visaṃyuttā teneva cammenā’’ti.
‘‘убамаа ко мз аяам̣, бхаг̇инияо, гад̇аа ад̇т̇асса вин̃н̃аабанааяа. аяамзвзд̇т̇а ад̇т̇о; ‘анд̇араа мам̣сагааяо’д̇и ко, бхаг̇инияо, чаннзд̇ам̣ аж̇жхад̇д̇игаанам̣ ааяад̇анаанам̣ ад̇хиважанам̣; ‘б̣аахиро жаммагааяо’д̇и ко бхаг̇инияо, чаннзд̇ам̣ б̣аахираанам̣ ааяад̇анаанам̣ ад̇хиважанам̣; ‘анд̇араа вилимам̣сам̣, анд̇араа нхаару, анд̇араа б̣анд̇хана’нд̇и ко, бхаг̇инияо, нанд̣̇ийрааг̇ассзд̇ам̣ ад̇хиважанам̣; ‘д̇ин̣хам̣ г̇овиганд̇ана’нд̇и ко, бхаг̇инияо, арияааязд̇ам̣ бан̃н̃ааяа ад̇хиважанам̣; яааяам̣ арияаа бан̃н̃аа анд̇араа гилзсам̣ анд̇араа сам̣яож̇анам̣ анд̇араа б̣анд̇ханам̣ сан̃чинд̣̇ад̇и сан̇ганд̇ад̇и самбаганд̇ад̇и самбариганд̇ад̇и.
‘‘Upamā kho me ayaṃ, bhaginiyo, katā atthassa viññāpanāya. Ayamevettha attho; ‘antarā maṃsakāyo’ti kho, bhaginiyo, channetaṃ ajjhattikānaṃ āyatanānaṃ adhivacanaṃ; ‘bāhiro cammakāyo’ti kho bhaginiyo, channetaṃ bāhirānaṃ āyatanānaṃ adhivacanaṃ; ‘antarā vilimaṃsaṃ, antarā nhāru, antarā bandhana’nti kho, bhaginiyo, nandīrāgassetaṃ adhivacanaṃ; ‘tiṇhaṃ govikantana’nti kho, bhaginiyo, ariyāyetaṃ paññāya adhivacanaṃ; yāyaṃ ariyā paññā antarā kilesaṃ antarā saṃyojanaṃ antarā bandhanaṃ sañchindati saṅkantati sampakantati samparikantati.
405. ‘‘сад̇д̇а ко банимз, бхаг̇инияо, б̣ож̇жхан̇г̇аа, язсам̣ бхаавид̇ад̇д̇аа б̣ахулийгад̇ад̇д̇аа бхигку аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарад̇и. гад̇амз сад̇д̇а? ид̇ха, бхаг̇инияо, бхигку сад̇исамб̣ож̇жхан̇г̇ам̣ бхаавзд̇и вивзганиссид̇ам̣ вирааг̇аниссид̇ам̣ нирод̇ханиссид̇ам̣ воссаг̇г̇абарин̣аамим̣, д̇хаммавижаяасамб̣ож̇жхан̇г̇ам̣ бхаавзд̇и…бз… вийрияасамб̣ож̇жхан̇г̇ам̣ бхаавзд̇и… бийд̇исамб̣ож̇жхан̇г̇ам̣ бхаавзд̇и… бассад̣̇д̇хисамб̣ож̇жхан̇г̇ам̣ бхаавзд̇и… самаад̇хисамб̣ож̇жхан̇г̇ам̣ бхаавзд̇и… убзгкаасамб̣ож̇жхан̇г̇ам̣ бхаавзд̇и вивзганиссид̇ам̣ вирааг̇аниссид̇ам̣ нирод̇ханиссид̇ам̣ воссаг̇г̇абарин̣аамим̣. имз ко, бхаг̇инияо, сад̇д̇а б̣ож̇жхан̇г̇аа, язсам̣ бхаавид̇ад̇д̇аа б̣ахулийгад̇ад̇д̇аа бхигку аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарад̇ий’’д̇и.
405. ‘‘Satta kho panime, bhaginiyo, bojjhaṅgā, yesaṃ bhāvitattā bahulīkatattā bhikkhu āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati. Katame satta? Idha, bhaginiyo, bhikkhu satisambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ, dhammavicayasambojjhaṅgaṃ bhāveti…pe… vīriyasambojjhaṅgaṃ bhāveti… pītisambojjhaṅgaṃ bhāveti… passaddhisambojjhaṅgaṃ bhāveti… samādhisambojjhaṅgaṃ bhāveti… upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. Ime kho, bhaginiyo, satta bojjhaṅgā, yesaṃ bhāvitattā bahulīkatattā bhikkhu āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharatī’’ti.
406. ат̇а ко ааяасмаа нанд̣̇аго д̇аа бхигкунияо иминаа оваад̣̇зна овад̣̇ид̇ваа уяяож̇зси – ‘‘г̇ажчат̇а, бхаг̇инияо; гаало’’д̇и. ат̇а ко д̇аа бхигкунияо ааяасмад̇о нанд̣̇агасса бхаасид̇ам̣ абхинанд̣̇ид̇ваа анумод̣̇ид̇ваа удтааяаасанаа ааяасманд̇ам̣ нанд̣̇агам̣ абхиваад̣̇зд̇ваа бад̣̇агкин̣ам̣ гад̇ваа язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ адтам̣су. згаманд̇ам̣ тид̇аа ко д̇аа бхигкунияо бхаг̇аваа зд̇ад̣̇авожа – ‘‘г̇ажчат̇а, бхигкунияо; гаало’’д̇и. ат̇а ко д̇аа бхигкунияо бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа баггамим̣су. ат̇а ко бхаг̇аваа ажирабагганд̇ийсу д̇аасу бхигкунийсу бхигкуу ааманд̇зси – ‘‘сзяяат̇ааби, бхигкавз, д̇ад̣̇ахубосат̇з жаад̇уд̣̇д̣̇асз на ход̇и б̣ахунож̇анасса ган̇каа ваа вимад̇и ваа – ‘ууно ну ко жанд̣̇о, бун̣н̣о ну ко жанд̣̇о’д̇и, ат̇а ко ууно жанд̣̇од̇взва ход̇и. звамзва ко, бхигкавз, д̇аа бхигкунияо нанд̣̇агасса д̇хаммад̣̇зсанааяа ад̇д̇аманаа хонд̇и но жа ко барибун̣н̣асан̇габбаа’’д̇и.
406. Atha kho āyasmā nandako tā bhikkhuniyo iminā ovādena ovaditvā uyyojesi – ‘‘gacchatha, bhaginiyo; kālo’’ti. Atha kho tā bhikkhuniyo āyasmato nandakassa bhāsitaṃ abhinanditvā anumoditvā uṭṭhāyāsanā āyasmantaṃ nandakaṃ abhivādetvā padakkhiṇaṃ katvā yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ aṭṭhaṃsu. Ekamantaṃ ṭhitā kho tā bhikkhuniyo bhagavā etadavoca – ‘‘gacchatha, bhikkhuniyo; kālo’’ti. Atha kho tā bhikkhuniyo bhagavantaṃ abhivādetvā padakkhiṇaṃ katvā pakkamiṃsu. Atha kho bhagavā acirapakkantīsu tāsu bhikkhunīsu bhikkhū āmantesi – ‘‘seyyathāpi, bhikkhave, tadahuposathe cātuddase na hoti bahunojanassa kaṅkhā vā vimati vā – ‘ūno nu kho cando, puṇṇo nu kho cando’ti, atha kho ūno candotveva hoti. Evameva kho, bhikkhave, tā bhikkhuniyo nandakassa dhammadesanāya attamanā honti no ca kho paripuṇṇasaṅkappā’’ti.
407. ат̇а ко бхаг̇аваа ааяасманд̇ам̣ нанд̣̇агам̣ ааманд̇зси – ‘‘д̇зна хи д̇вам̣, нанд̣̇ага, свзби д̇аа бхигкунияо д̇знзвоваад̣̇зна овад̣̇зяяаасий’’д̇и. ‘‘звам̣ , бханд̇з’’д̇и ко ааяасмаа нанд̣̇аго бхаг̇авад̇о бажжассоси. ат̇а ко ааяасмаа нанд̣̇аго д̇ассаа рад̇д̇ияаа ажжаязна буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа саавад̇т̇им̣ бин̣д̣ааяа баависи. саавад̇т̇ияам̣ бин̣д̣ааяа жарид̇ваа бажчаабхад̇д̇ам̣ бин̣д̣абаад̇абадигганд̇о ад̇д̇ад̣̇уд̇ияо язна рааж̇агаараамо д̇знубасан̇гами. ад̣̇д̣̇асам̣су ко д̇аа бхигкунияо ааяасманд̇ам̣ нанд̣̇агам̣ д̣̇уурад̇ова ааг̇ажчанд̇ам̣. д̣̇исваана аасанам̣ бан̃н̃аабзсум̣, уд̣̇аган̃жа баад̣̇аанам̣ убадтабзсум̣. нисийд̣̇и ко ааяасмаа нанд̣̇аго бан̃н̃ад̇д̇з аасанз. нисаж̇ж̇а баад̣̇з багкаалзси. д̇ааби ко бхигкунияо ааяасманд̇ам̣ нанд̣̇агам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисиннаа ко д̇аа бхигкунияо ааяасмаа нанд̣̇аго зд̇ад̣̇авожа – ‘‘бадибужчагат̇аа ко, бхаг̇инияо, бхависсад̇и. д̇ад̇т̇а ааж̇аананд̇ийхи ‘ааж̇аанаамаа’ д̇исса важанийяам̣, на ааж̇аананд̇ийхи ‘на ааж̇аанаамаа’ д̇исса важанийяам̣. яассаа ваа банасса ган̇каа ваа вимад̇и ваа, ахамзва д̇ад̇т̇а бадибужчид̇аб̣б̣о – ‘ид̣̇ам̣, бханд̇з, гат̇ам̣; имасса гвад̇т̇о’’’д̇и. ‘‘зд̇д̇агзнаби маяам̣, бханд̇з, аяяасса нанд̣̇агасса ад̇д̇аманаа абхирад̣̇д̇хаа яам̣ но аяяо нанд̣̇аго баваарзд̇ий’’д̇и.
407. Atha kho bhagavā āyasmantaṃ nandakaṃ āmantesi – ‘‘tena hi tvaṃ, nandaka, svepi tā bhikkhuniyo tenevovādena ovadeyyāsī’’ti. ‘‘Evaṃ , bhante’’ti kho āyasmā nandako bhagavato paccassosi. Atha kho āyasmā nandako tassā rattiyā accayena pubbaṇhasamayaṃ nivāsetvā pattacīvaramādāya sāvatthiṃ piṇḍāya pāvisi. Sāvatthiyaṃ piṇḍāya caritvā pacchābhattaṃ piṇḍapātapaṭikkanto attadutiyo yena rājakārāmo tenupasaṅkami. Addasaṃsu kho tā bhikkhuniyo āyasmantaṃ nandakaṃ dūratova āgacchantaṃ. Disvāna āsanaṃ paññāpesuṃ, udakañca pādānaṃ upaṭṭhapesuṃ. Nisīdi kho āyasmā nandako paññatte āsane. Nisajja pāde pakkhālesi. Tāpi kho bhikkhuniyo āyasmantaṃ nandakaṃ abhivādetvā ekamantaṃ nisīdiṃsu. Ekamantaṃ nisinnā kho tā bhikkhuniyo āyasmā nandako etadavoca – ‘‘paṭipucchakathā kho, bhaginiyo, bhavissati. Tattha ājānantīhi ‘ājānāmā’ tissa vacanīyaṃ, na ājānantīhi ‘na ājānāmā’ tissa vacanīyaṃ. Yassā vā panassa kaṅkhā vā vimati vā, ahameva tattha paṭipucchitabbo – ‘idaṃ, bhante, kathaṃ; imassa kvattho’’’ti. ‘‘Ettakenapi mayaṃ, bhante, ayyassa nandakassa attamanā abhiraddhā yaṃ no ayyo nandako pavāretī’’ti.
408. ‘‘д̇ам̣ гим̣ ман̃н̃ат̇а, бхаг̇инияо, жагку нижжам̣ ваа анижжам̣ ваа’’д̇и? ‘‘анижжам̣, бханд̇з’’. ‘‘яам̣ банаанижжам̣ д̣̇угкам̣ ваа д̇ам̣ сукам̣ ваа’’д̇и? ‘‘д̣̇угкам̣, бханд̇з’’. ‘‘яам̣ банаанижжам̣ д̣̇угкам̣ вибарин̣аамад̇хаммам̣, галлам̣ ну д̇ам̣ саманубассид̇ум̣ – ‘зд̇ам̣ мама, зсохамасми, зсо мз ад̇д̇аа’’’д̇и? ‘‘но хзд̇ам̣ , бханд̇з’’. ‘‘д̇ам̣ гим̣ ман̃н̃ат̇а, бхаг̇инияо, сод̇ам̣ нижжам̣ ваа анижжам̣ ваа’’д̇и? ‘‘анижжам̣, бханд̇з…бз… гхаанам̣ нижжам̣ ваа анижжам̣ ваа’’д̇и? ‘‘анижжам̣, бханд̇з… ж̇ивхаа… гааяо… мано нижжо ваа анижжо ваа’’д̇и? ‘‘анижжо, бханд̇з’’. ‘‘яам̣ банаанижжам̣ д̣̇угкам̣ ваа д̇ам̣ сукам̣ ваа’’д̇и? ‘‘д̣̇угкам̣, бханд̇з’’. ‘‘яам̣ банаанижжам̣ д̣̇угкам̣ вибарин̣аамад̇хаммам̣, галлам̣ ну д̇ам̣ саманубассид̇ум̣ – ‘зд̇ам̣ мама, зсохамасми, зсо мз ад̇д̇аа’’’д̇и? ‘‘но хзд̇ам̣, бханд̇з’’. ‘‘д̇ам̣ гисса хзд̇у’’? ‘‘буб̣б̣зва но зд̇ам̣, бханд̇з, яат̇аабхууд̇ам̣ саммаббан̃н̃ааяа суд̣̇идтам̣ – ‘ид̇ибимз ча аж̇жхад̇д̇игаа ааяад̇анаа анижжаа’’’д̇и. ‘‘саад̇ху саад̇ху, бхаг̇инияо! зван̃хзд̇ам̣, бхаг̇инияо, ход̇и арияасаавагасса яат̇аабхууд̇ам̣ саммаббан̃н̃ааяа бассад̇о’’.
408. ‘‘Taṃ kiṃ maññatha, bhaginiyo, cakkhu niccaṃ vā aniccaṃ vā’’ti? ‘‘Aniccaṃ, bhante’’. ‘‘Yaṃ panāniccaṃ dukkhaṃ vā taṃ sukhaṃ vā’’ti? ‘‘Dukkhaṃ, bhante’’. ‘‘Yaṃ panāniccaṃ dukkhaṃ vipariṇāmadhammaṃ, kallaṃ nu taṃ samanupassituṃ – ‘etaṃ mama, esohamasmi, eso me attā’’’ti? ‘‘No hetaṃ , bhante’’. ‘‘Taṃ kiṃ maññatha, bhaginiyo, sotaṃ niccaṃ vā aniccaṃ vā’’ti? ‘‘Aniccaṃ, bhante…pe… ghānaṃ niccaṃ vā aniccaṃ vā’’ti? ‘‘Aniccaṃ, bhante… jivhā… kāyo… mano nicco vā anicco vā’’ti? ‘‘Anicco, bhante’’. ‘‘Yaṃ panāniccaṃ dukkhaṃ vā taṃ sukhaṃ vā’’ti? ‘‘Dukkhaṃ, bhante’’. ‘‘Yaṃ panāniccaṃ dukkhaṃ vipariṇāmadhammaṃ, kallaṃ nu taṃ samanupassituṃ – ‘etaṃ mama, esohamasmi, eso me attā’’’ti? ‘‘No hetaṃ, bhante’’. ‘‘Taṃ kissa hetu’’? ‘‘Pubbeva no etaṃ, bhante, yathābhūtaṃ sammappaññāya sudiṭṭhaṃ – ‘itipime cha ajjhattikā āyatanā aniccā’’’ti. ‘‘Sādhu sādhu, bhaginiyo! Evañhetaṃ, bhaginiyo, hoti ariyasāvakassa yathābhūtaṃ sammappaññāya passato’’.
409. ‘‘д̇ам̣ гим̣ ман̃н̃ат̇а, бхаг̇инияо, руубаа нижжаа ваа анижжаа ваа’’д̇и? ‘‘анижжаа, бханд̇з’’. ‘‘яам̣ банаанижжам̣ д̣̇угкам̣ ваа д̇ам̣ сукам̣ ваа’’д̇и? ‘‘д̣̇угкам̣, бханд̇з’’. ‘‘яам̣ банаанижжам̣ д̣̇угкам̣ вибарин̣аамад̇хаммам̣, галлам̣ ну д̇ам̣ саманубассид̇ум̣ – ‘зд̇ам̣ мама, зсохамасми, зсо мз ад̇д̇аа’’’д̇и? ‘‘но хзд̇ам̣, бханд̇з’’. ‘‘д̇ам̣ гим̣ ман̃н̃ат̇а, бхаг̇инияо, сад̣̇д̣̇аа нижжаа ваа анижжаа ваа’’д̇и? ‘‘анижжаа, бханд̇з…бз… г̇анд̇хаа нижжаа ваа анижжаа ваа’’д̇и? ‘‘анижжаа, бханд̇з… расаа нижжаа ваа анижжаа ваа’’д̇и? ‘‘анижжаа, бханд̇з… подтаб̣б̣аа нижжаа ваа анижжаа ваа’’д̇и ? ‘‘анижжаа, бханд̇з… д̇хаммаа нижжаа ваа анижжаа ваа’’д̇и? ‘‘анижжаа, бханд̇з’’. ‘‘яам̣ банаанижжам̣ д̣̇угкам̣ ваа д̇ам̣ сукам̣ ваа’’д̇и? ‘‘д̣̇угкам̣, бханд̇з’’. ‘‘яам̣ банаанижжам̣ д̣̇угкам̣ вибарин̣аамад̇хаммам̣, галлам̣ ну д̇ам̣ саманубассид̇ум̣ – ‘зд̇ам̣ мама, зсохамасми, зсо мз ад̇д̇аа’’’д̇и? ‘‘но хзд̇ам̣, бханд̇з’’. ‘‘д̇ам̣ гисса хзд̇у’’? ‘‘буб̣б̣зва но зд̇ам̣, бханд̇з, яат̇аабхууд̇ам̣ саммаббан̃н̃ааяа суд̣̇идтам̣ – ‘ид̇ибимз ча б̣аахираа ааяад̇анаа анижжаа’’’д̇и. ‘‘саад̇ху саад̇ху, бхаг̇инияо! зван̃хзд̇ам̣, бхаг̇инияо, ход̇и арияасаавагасса яат̇аабхууд̇ам̣ саммаббан̃н̃ааяа бассад̇о’’.
409. ‘‘Taṃ kiṃ maññatha, bhaginiyo, rūpā niccā vā aniccā vā’’ti? ‘‘Aniccā, bhante’’. ‘‘Yaṃ panāniccaṃ dukkhaṃ vā taṃ sukhaṃ vā’’ti? ‘‘Dukkhaṃ, bhante’’. ‘‘Yaṃ panāniccaṃ dukkhaṃ vipariṇāmadhammaṃ, kallaṃ nu taṃ samanupassituṃ – ‘etaṃ mama, esohamasmi, eso me attā’’’ti? ‘‘No hetaṃ, bhante’’. ‘‘Taṃ kiṃ maññatha, bhaginiyo, saddā niccā vā aniccā vā’’ti? ‘‘Aniccā, bhante…pe… gandhā niccā vā aniccā vā’’ti? ‘‘Aniccā, bhante… rasā niccā vā aniccā vā’’ti? ‘‘Aniccā, bhante… phoṭṭhabbā niccā vā aniccā vā’’ti ? ‘‘Aniccā, bhante… dhammā niccā vā aniccā vā’’ti? ‘‘Aniccā, bhante’’. ‘‘Yaṃ panāniccaṃ dukkhaṃ vā taṃ sukhaṃ vā’’ti? ‘‘Dukkhaṃ, bhante’’. ‘‘Yaṃ panāniccaṃ dukkhaṃ vipariṇāmadhammaṃ, kallaṃ nu taṃ samanupassituṃ – ‘etaṃ mama, esohamasmi, eso me attā’’’ti? ‘‘No hetaṃ, bhante’’. ‘‘Taṃ kissa hetu’’? ‘‘Pubbeva no etaṃ, bhante, yathābhūtaṃ sammappaññāya sudiṭṭhaṃ – ‘itipime cha bāhirā āyatanā aniccā’’’ti. ‘‘Sādhu sādhu, bhaginiyo! Evañhetaṃ, bhaginiyo, hoti ariyasāvakassa yathābhūtaṃ sammappaññāya passato’’.
410. ‘‘д̇ам̣ гим̣ ман̃н̃ат̇а, бхаг̇инияо, жагкувин̃н̃аан̣ам̣ нижжам̣ ваа анижжам̣ ваа’’д̇и? ‘‘анижжам̣, бханд̇з…бз… сод̇авин̃н̃аан̣ам̣ нижжам̣ ваа анижжам̣ ваа’’д̇и? ‘‘анижжам̣, бханд̇з… гхаанавин̃н̃аан̣ам̣ нижжам̣ ваа анижжам̣ ваа’’д̇и? ‘‘анижжам̣, бханд̇з… ж̇ивхаавин̃н̃аан̣ам̣ нижжам̣ ваа анижжам̣ ваа’’д̇и? ‘‘анижжам̣, бханд̇з… гааяавин̃н̃аан̣ам̣ нижжам̣ ваа анижжам̣ ваа’’д̇и? ‘‘анижжам̣, бханд̇з… мановин̃н̃аан̣ам̣ нижжам̣ ваа анижжам̣ ваа’’д̇и? ‘‘анижжам̣, бханд̇з’’. ‘‘яам̣ банаанижжам̣ д̣̇угкам̣ ваа д̇ам̣ сукам̣ ваа’’д̇и? ‘‘д̣̇угкам̣, бханд̇з’’. ‘‘яам̣ банаанижжам̣ д̣̇угкам̣ вибарин̣аамад̇хаммам̣, галлам̣ ну д̇ам̣ саманубассид̇ум̣ – ‘зд̇ам̣ мама, зсохамасми, зсо мз ад̇д̇аа’’’д̇и? ‘‘но хзд̇ам̣, бханд̇з’’. ‘‘д̇ам̣ гисса хзд̇у’’? ‘‘буб̣б̣зва но зд̇ам̣, бханд̇з, яат̇аабхууд̇ам̣ саммаббан̃н̃ааяа суд̣̇идтам̣ – ‘ид̇ибимз ча вин̃н̃аан̣агааяаа анижжаа’’’д̇и. ‘‘саад̇ху саад̇ху, бхаг̇инияо! зван̃хзд̇ам̣, бхаг̇инияо, ход̇и арияасаавагасса яат̇аабхууд̇ам̣ саммаббан̃н̃ааяа бассад̇о’’.
410. ‘‘Taṃ kiṃ maññatha, bhaginiyo, cakkhuviññāṇaṃ niccaṃ vā aniccaṃ vā’’ti? ‘‘Aniccaṃ, bhante…pe… sotaviññāṇaṃ niccaṃ vā aniccaṃ vā’’ti? ‘‘Aniccaṃ, bhante… ghānaviññāṇaṃ niccaṃ vā aniccaṃ vā’’ti? ‘‘Aniccaṃ, bhante… jivhāviññāṇaṃ niccaṃ vā aniccaṃ vā’’ti? ‘‘Aniccaṃ, bhante… kāyaviññāṇaṃ niccaṃ vā aniccaṃ vā’’ti? ‘‘Aniccaṃ, bhante… manoviññāṇaṃ niccaṃ vā aniccaṃ vā’’ti? ‘‘Aniccaṃ, bhante’’. ‘‘Yaṃ panāniccaṃ dukkhaṃ vā taṃ sukhaṃ vā’’ti? ‘‘Dukkhaṃ, bhante’’. ‘‘Yaṃ panāniccaṃ dukkhaṃ vipariṇāmadhammaṃ, kallaṃ nu taṃ samanupassituṃ – ‘etaṃ mama, esohamasmi, eso me attā’’’ti? ‘‘No hetaṃ, bhante’’. ‘‘Taṃ kissa hetu’’? ‘‘Pubbeva no etaṃ, bhante, yathābhūtaṃ sammappaññāya sudiṭṭhaṃ – ‘itipime cha viññāṇakāyā aniccā’’’ti. ‘‘Sādhu sādhu, bhaginiyo! Evañhetaṃ, bhaginiyo, hoti ariyasāvakassa yathābhūtaṃ sammappaññāya passato’’.
411. ‘‘сзяяат̇ааби, бхаг̇инияо, д̇злаббад̣̇ийбасса жхааяад̇о д̇зламби анижжам̣ вибарин̣аамад̇хаммам̣, ваддиби анижжаа вибарин̣аамад̇хаммаа, ажжиби анижжаа вибарин̣аамад̇хаммаа, аабхааби анижжаа вибарин̣аамад̇хаммаа. яо ну ко, бхаг̇инияо, звам̣ вад̣̇зяяа – ‘амусса д̇злаббад̣̇ийбасса жхааяад̇о д̇зламби анижжам̣ вибарин̣аамад̇хаммам̣, ваддиби анижжаа вибарин̣аамад̇хаммаа, ажжиби анижжаа вибарин̣аамад̇хаммаа; яаа жа кваасса аабхаа саа нижжаа д̇хуваа сассад̇аа авибарин̣аамад̇хаммаа’д̇и; саммаа ну ко со, бхаг̇инияо, вад̣̇амаано вад̣̇зяяаа’’д̇и? ‘‘но хзд̇ам̣, бханд̇з’’. ‘‘д̇ам̣ гисса хзд̇у’’? ‘‘амусса хи, бханд̇з, д̇злаббад̣̇ийбасса жхааяад̇о д̇зламби анижжам̣ вибарин̣аамад̇хаммам̣, ваддиби анижжаа вибарин̣аамад̇хаммаа, ажжиби анижжаа вибарин̣аамад̇хаммаа ; баг̇звасса аабхаа анижжаа вибарин̣аамад̇хаммаа’’д̇и. ‘‘звамзва ко, бхаг̇инияо, яо ну ко звам̣ вад̣̇зяяа – ‘ча комз аж̇жхад̇д̇игаа ааяад̇анаа анижжаа. яан̃жа ко ча аж̇жхад̇д̇игз ааяад̇анз бадижжа бадисам̣взд̣̇зд̇и сукам̣ ваа д̣̇угкам̣ ваа ад̣̇угкамасукам̣ ваа д̇ам̣ нижжам̣ д̇хувам̣ сассад̇ам̣ авибарин̣аамад̇хамма’нд̇и; саммаа ну ко со, бхаг̇инияо, вад̣̇амаано вад̣̇зяяаа’’д̇и? ‘‘но хзд̇ам̣, бханд̇з’’. ‘‘д̇ам̣ гисса хзд̇у’’? ‘‘д̇аж̇ж̇ам̣ д̇аж̇ж̇ам̣, бханд̇з, бажжаяам̣ бадижжа д̇аж̇ж̇аа д̇аж̇ж̇аа взд̣̇анаа уббаж̇ж̇анд̇и. д̇аж̇ж̇асса д̇аж̇ж̇асса бажжаяасса нирод̇хаа д̇аж̇ж̇аа д̇аж̇ж̇аа взд̣̇анаа нируж̇жханд̇ий’’д̇и. ‘‘саад̇ху саад̇ху, бхаг̇инияо! зван̃хзд̇ам̣, бхаг̇инияо, ход̇и арияасаавагасса яат̇аабхууд̇ам̣ саммаббан̃н̃ааяа бассад̇о’’.
411. ‘‘Seyyathāpi, bhaginiyo, telappadīpassa jhāyato telampi aniccaṃ vipariṇāmadhammaṃ, vaṭṭipi aniccā vipariṇāmadhammā, accipi aniccā vipariṇāmadhammā, ābhāpi aniccā vipariṇāmadhammā. Yo nu kho, bhaginiyo, evaṃ vadeyya – ‘amussa telappadīpassa jhāyato telampi aniccaṃ vipariṇāmadhammaṃ, vaṭṭipi aniccā vipariṇāmadhammā, accipi aniccā vipariṇāmadhammā; yā ca khvāssa ābhā sā niccā dhuvā sassatā avipariṇāmadhammā’ti; sammā nu kho so, bhaginiyo, vadamāno vadeyyā’’ti? ‘‘No hetaṃ, bhante’’. ‘‘Taṃ kissa hetu’’? ‘‘Amussa hi, bhante, telappadīpassa jhāyato telampi aniccaṃ vipariṇāmadhammaṃ, vaṭṭipi aniccā vipariṇāmadhammā, accipi aniccā vipariṇāmadhammā ; pagevassa ābhā aniccā vipariṇāmadhammā’’ti. ‘‘Evameva kho, bhaginiyo, yo nu kho evaṃ vadeyya – ‘cha khome ajjhattikā āyatanā aniccā. Yañca kho cha ajjhattike āyatane paṭicca paṭisaṃvedeti sukhaṃ vā dukkhaṃ vā adukkhamasukhaṃ vā taṃ niccaṃ dhuvaṃ sassataṃ avipariṇāmadhamma’nti; sammā nu kho so, bhaginiyo, vadamāno vadeyyā’’ti? ‘‘No hetaṃ, bhante’’. ‘‘Taṃ kissa hetu’’? ‘‘Tajjaṃ tajjaṃ, bhante, paccayaṃ paṭicca tajjā tajjā vedanā uppajjanti. Tajjassa tajjassa paccayassa nirodhā tajjā tajjā vedanā nirujjhantī’’ti. ‘‘Sādhu sādhu, bhaginiyo! Evañhetaṃ, bhaginiyo, hoti ariyasāvakassa yathābhūtaṃ sammappaññāya passato’’.
412. ‘‘сзяяат̇ааби, бхаг̇инияо, махад̇о ругкасса д̇идтад̇о сааравад̇о мууламби анижжам̣ вибарин̣аамад̇хаммам̣, канд̇хоби анижжо вибарин̣аамад̇хаммо, саакаабалаасамби анижжам̣ вибарин̣аамад̇хаммам̣, чааяааби анижжаа вибарин̣аамад̇хаммаа. яо ну ко, бхаг̇инияо, звам̣ вад̣̇зяяа – ‘амусса махад̇о ругкасса д̇идтад̇о сааравад̇о мууламби анижжам̣ вибарин̣аамад̇хаммам̣, канд̇хоби анижжо вибарин̣аамад̇хаммо, саакаабалаасамби анижжам̣ вибарин̣аамад̇хаммам̣; яаа жа кваасса чааяаа саа нижжаа д̇хуваа сассад̇аа авибарин̣аамад̇хаммаа’д̇и; саммаа ну ко со бхаг̇инияо, вад̣̇амаано вад̣̇зяяаа’’д̇и? ‘‘но хзд̇ам̣, бханд̇з’’. ‘‘д̇ам̣ гисса хзд̇у’’? ‘‘амусса хи, бханд̇з, махад̇о ругкасса д̇идтад̇о сааравад̇о мууламби анижжам̣ вибарин̣аамад̇хаммам̣, канд̇хоби анижжо вибарин̣аамад̇хаммо, саакаабалаасамби анижжам̣ вибарин̣аамад̇хаммам̣; баг̇звасса чааяаа анижжаа вибарин̣аамад̇хаммаа’’д̇и. ‘‘звамзва ко, бхаг̇инияо, яо ну ко звам̣ вад̣̇зяяа – ‘ча комз б̣аахираа ааяад̇анаа анижжаа. яан̃жа ко б̣аахирз ааяад̇анз бадижжа бадисам̣взд̣̇зд̇и сукам̣ ваа д̣̇угкам̣ ваа ад̣̇угкамасукам̣ ваа д̇ам̣ нижжам̣ д̇хувам̣ сассад̇ам̣ авибарин̣аамад̇хамма’нд̇и; саммаа ну ко со, бхаг̇инияо, вад̣̇амаано вад̣̇зяяаа’’д̇и? ‘‘но хзд̇ам̣, бханд̇з’’. ‘‘д̇ам̣ гисса хзд̇у’’? ‘‘д̇аж̇ж̇ам̣ д̇аж̇ж̇ам̣, бханд̇з, бажжаяам̣ бадижжа д̇аж̇ж̇аа д̇аж̇ж̇аа взд̣̇анаа уббаж̇ж̇анд̇и. д̇аж̇ж̇асса д̇аж̇ж̇асса бажжаяасса нирод̇хаа д̇аж̇ж̇аа д̇аж̇ж̇аа взд̣̇анаа нируж̇жханд̇ий’’д̇и. ‘‘саад̇ху саад̇ху, бхаг̇инияо! зван̃хзд̇ам̣, бхаг̇инияо, ход̇и арияасаавагасса яат̇аабхууд̇ам̣ саммаббан̃н̃ааяа бассад̇о’’.
412. ‘‘Seyyathāpi, bhaginiyo, mahato rukkhassa tiṭṭhato sāravato mūlampi aniccaṃ vipariṇāmadhammaṃ, khandhopi anicco vipariṇāmadhammo, sākhāpalāsampi aniccaṃ vipariṇāmadhammaṃ, chāyāpi aniccā vipariṇāmadhammā. Yo nu kho, bhaginiyo, evaṃ vadeyya – ‘amussa mahato rukkhassa tiṭṭhato sāravato mūlampi aniccaṃ vipariṇāmadhammaṃ, khandhopi anicco vipariṇāmadhammo, sākhāpalāsampi aniccaṃ vipariṇāmadhammaṃ; yā ca khvāssa chāyā sā niccā dhuvā sassatā avipariṇāmadhammā’ti; sammā nu kho so bhaginiyo, vadamāno vadeyyā’’ti? ‘‘No hetaṃ, bhante’’. ‘‘Taṃ kissa hetu’’? ‘‘Amussa hi, bhante, mahato rukkhassa tiṭṭhato sāravato mūlampi aniccaṃ vipariṇāmadhammaṃ, khandhopi anicco vipariṇāmadhammo, sākhāpalāsampi aniccaṃ vipariṇāmadhammaṃ; pagevassa chāyā aniccā vipariṇāmadhammā’’ti. ‘‘Evameva kho, bhaginiyo, yo nu kho evaṃ vadeyya – ‘cha khome bāhirā āyatanā aniccā. Yañca kho bāhire āyatane paṭicca paṭisaṃvedeti sukhaṃ vā dukkhaṃ vā adukkhamasukhaṃ vā taṃ niccaṃ dhuvaṃ sassataṃ avipariṇāmadhamma’nti; sammā nu kho so, bhaginiyo, vadamāno vadeyyā’’ti? ‘‘No hetaṃ, bhante’’. ‘‘Taṃ kissa hetu’’? ‘‘Tajjaṃ tajjaṃ, bhante, paccayaṃ paṭicca tajjā tajjā vedanā uppajjanti. Tajjassa tajjassa paccayassa nirodhā tajjā tajjā vedanā nirujjhantī’’ti. ‘‘Sādhu sādhu, bhaginiyo! Evañhetaṃ, bhaginiyo, hoti ariyasāvakassa yathābhūtaṃ sammappaññāya passato’’.
413. ‘‘сзяяат̇ааби, бхаг̇инияо, д̣̇агко г̇огхаад̇аго ваа г̇огхаад̇аганд̇зваасий ваа г̇аавим̣ вад̇хид̇ваа д̇ин̣хзна г̇овиганд̇анзна г̇аавим̣ сан̇ганд̇зяяа анубахажжа анд̇арам̣ мам̣сагааяам̣ анубахажжа б̣аахирам̣ жаммагааяам̣. яам̣ яад̣̇зва д̇ад̇т̇а анд̇араа вилимам̣сам̣ анд̇араа нхаару анд̇араа б̣анд̇ханам̣ д̇ам̣ д̇ад̣̇зва д̇ин̣хзна г̇овиганд̇анзна сан̃чинд̣̇зяяа сан̇ганд̇зяяа самбаганд̇зяяа самбариганд̇зяяа. сан̃чинд̣̇ид̇ваа сан̇ганд̇ид̇ваа самбаганд̇ид̇ваа самбариганд̇ид̇ваа вид̇хунид̇ваа б̣аахирам̣ жаммагааяам̣ д̇знзва жаммзна д̇ам̣ г̇аавим̣ бадижчаад̣̇зд̇ваа звам̣ вад̣̇зяяа – ‘д̇ат̇звааяам̣ г̇аавий сам̣яуд̇д̇аа иминаава жаммзнаа’д̇и; саммаа ну ко со, бхаг̇инияо, вад̣̇амаано вад̣̇зяяаа’’д̇и? ‘‘но хзд̇ам̣, бханд̇з’’. ‘‘д̇ам̣ гисса хзд̇у’’? ‘‘аму хи, бханд̇з, д̣̇агко г̇огхаад̇аго ваа г̇огхаад̇аганд̇зваасий ваа г̇аавим̣ вад̇хид̇ваа д̇ин̣хзна г̇овиганд̇анзна г̇аавим̣ сан̇ганд̇зяяа анубахажжа анд̇арам̣ мам̣сагааяам̣ анубахажжа б̣аахирам̣ жаммагааяам̣. яам̣ яад̣̇зва д̇ад̇т̇а анд̇араа вилимам̣сам̣ анд̇араа нхаару анд̇араа б̣анд̇ханам̣ д̇ам̣ д̇ад̣̇зва д̇ин̣хзна г̇овиганд̇анзна сан̃чинд̣̇зяяа сан̇ганд̇зяяа самбаганд̇зяяа самбариганд̇зяяа. сан̃чинд̣̇ид̇ваа сан̇ганд̇ид̇ваа самбаганд̇ид̇ваа самбариганд̇ид̇ваа вид̇хунид̇ваа б̣аахирам̣ жаммагааяам̣ д̇знзва жаммзна д̇ам̣ г̇аавим̣ бадижчаад̣̇зд̇ваа гин̃жааби со звам̣ вад̣̇зяяа – ‘д̇ат̇звааяам̣ г̇аавий сам̣яуд̇д̇аа иминаава жаммзнаа’д̇и; ат̇а ко саа г̇аавий висам̣яуд̇д̇аа д̇знзва жаммзнаа’’д̇и.
413. ‘‘Seyyathāpi, bhaginiyo, dakkho goghātako vā goghātakantevāsī vā gāviṃ vadhitvā tiṇhena govikantanena gāviṃ saṅkanteyya anupahacca antaraṃ maṃsakāyaṃ anupahacca bāhiraṃ cammakāyaṃ. Yaṃ yadeva tattha antarā vilimaṃsaṃ antarā nhāru antarā bandhanaṃ taṃ tadeva tiṇhena govikantanena sañchindeyya saṅkanteyya sampakanteyya samparikanteyya. Sañchinditvā saṅkantitvā sampakantitvā samparikantitvā vidhunitvā bāhiraṃ cammakāyaṃ teneva cammena taṃ gāviṃ paṭicchādetvā evaṃ vadeyya – ‘tathevāyaṃ gāvī saṃyuttā imināva cammenā’ti; sammā nu kho so, bhaginiyo, vadamāno vadeyyā’’ti? ‘‘No hetaṃ, bhante’’. ‘‘Taṃ kissa hetu’’? ‘‘Amu hi, bhante, dakkho goghātako vā goghātakantevāsī vā gāviṃ vadhitvā tiṇhena govikantanena gāviṃ saṅkanteyya anupahacca antaraṃ maṃsakāyaṃ anupahacca bāhiraṃ cammakāyaṃ. Yaṃ yadeva tattha antarā vilimaṃsaṃ antarā nhāru antarā bandhanaṃ taṃ tadeva tiṇhena govikantanena sañchindeyya saṅkanteyya sampakanteyya samparikanteyya. Sañchinditvā saṅkantitvā sampakantitvā samparikantitvā vidhunitvā bāhiraṃ cammakāyaṃ teneva cammena taṃ gāviṃ paṭicchādetvā kiñcāpi so evaṃ vadeyya – ‘tathevāyaṃ gāvī saṃyuttā imināva cammenā’ti; atha kho sā gāvī visaṃyuttā teneva cammenā’’ti.
‘‘убамаа ко мз аяам̣, бхаг̇инияо, гад̇аа ад̇т̇асса вин̃н̃аабанааяа аяамзвзд̇т̇а ад̇т̇о. ‘анд̇араа мам̣сагааяо’д̇и ко, бхаг̇инияо, чаннзд̇ам̣ аж̇жхад̇д̇игаанам̣ ааяад̇анаанам̣ ад̇хиважанам̣; ‘б̣аахиро жаммагааяо’д̇и ко, бхаг̇инияо, чаннзд̇ам̣ б̣аахираанам̣ ааяад̇анаанам̣ ад̇хиважанам̣; ‘анд̇араа вилимам̣сам̣ анд̇араа нхаару анд̇араа б̣анд̇хана’нд̇и ко, бхаг̇инияо, нанд̣̇ийрааг̇ассзд̇ам̣ ад̇хиважанам̣; ‘д̇ин̣хам̣ г̇овиганд̇ана’нд̇и ко, бхаг̇инияо, арияааязд̇ам̣ бан̃н̃ааяа ад̇хиважанам̣; яааяам̣ арияаа бан̃н̃аа анд̇араа гилзсам̣ анд̇араа сам̣яож̇анам̣ анд̇араа б̣анд̇ханам̣ сан̃чинд̣̇ад̇и сан̇ганд̇ад̇и самбаганд̇ад̇и самбариганд̇ад̇и.
‘‘Upamā kho me ayaṃ, bhaginiyo, katā atthassa viññāpanāya ayamevettha attho. ‘Antarā maṃsakāyo’ti kho, bhaginiyo, channetaṃ ajjhattikānaṃ āyatanānaṃ adhivacanaṃ; ‘bāhiro cammakāyo’ti kho, bhaginiyo, channetaṃ bāhirānaṃ āyatanānaṃ adhivacanaṃ; ‘antarā vilimaṃsaṃ antarā nhāru antarā bandhana’nti kho, bhaginiyo, nandīrāgassetaṃ adhivacanaṃ; ‘tiṇhaṃ govikantana’nti kho, bhaginiyo, ariyāyetaṃ paññāya adhivacanaṃ; yāyaṃ ariyā paññā antarā kilesaṃ antarā saṃyojanaṃ antarā bandhanaṃ sañchindati saṅkantati sampakantati samparikantati.
414. ‘‘сад̇д̇а ко банимз, бхаг̇инияо, б̣ож̇жхан̇г̇аа, язсам̣ бхаавид̇ад̇д̇аа б̣ахулийгад̇ад̇д̇аа бхигку аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарад̇и. гад̇амз сад̇д̇а? ид̇ха, бхаг̇инияо, бхигку сад̇исамб̣ож̇жхан̇г̇ам̣ бхаавзд̇и вивзганиссид̇ам̣ вирааг̇аниссид̇ам̣ нирод̇ханиссид̇ам̣ воссаг̇г̇абарин̣аамим̣. д̇хаммавижаяасамб̣ож̇жхан̇г̇ам̣ бхаавзд̇и…бз… вийрияасамб̣ож̇жхан̇г̇ам̣ бхаавзд̇и… бийд̇исамб̣ож̇жхан̇г̇ам̣ бхаавзд̇и… бассад̣̇д̇хисамб̣ож̇жхан̇г̇ам̣ бхаавзд̇и… самаад̇хисамб̣ож̇жхан̇г̇ам̣ бхаавзд̇и… убзгкаасамб̣ож̇жхан̇г̇ам̣ бхаавзд̇и вивзганиссид̇ам̣ вирааг̇аниссид̇ам̣ нирод̇ханиссид̇ам̣ воссаг̇г̇абарин̣аамим̣. имз ко, бхаг̇инияо, сад̇д̇а б̣ож̇жхан̇г̇аа язсам̣ бхаавид̇ад̇д̇аа б̣ахулийгад̇ад̇д̇аа бхигку аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарад̇ий’’д̇и.
414. ‘‘Satta kho panime, bhaginiyo, bojjhaṅgā, yesaṃ bhāvitattā bahulīkatattā bhikkhu āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati. Katame satta? Idha, bhaginiyo, bhikkhu satisambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. Dhammavicayasambojjhaṅgaṃ bhāveti…pe… vīriyasambojjhaṅgaṃ bhāveti… pītisambojjhaṅgaṃ bhāveti… passaddhisambojjhaṅgaṃ bhāveti… samādhisambojjhaṅgaṃ bhāveti… upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. Ime kho, bhaginiyo, satta bojjhaṅgā yesaṃ bhāvitattā bahulīkatattā bhikkhu āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharatī’’ti.
415. ат̇а ко ааяасмаа нанд̣̇аго д̇аа бхигкунияо иминаа оваад̣̇зна овад̣̇ид̇ваа уяяож̇зси – ‘‘г̇ажчат̇а, бхаг̇инияо; гаало’’д̇и. ат̇а ко д̇аа бхигкунияо ааяасмад̇о нанд̣̇агасса бхаасид̇ам̣ абхинанд̣̇ид̇ваа анумод̣̇ид̇ваа удтааяаасанаа ааяасманд̇ам̣ нанд̣̇агам̣ абхиваад̣̇зд̇ваа бад̣̇агкин̣ам̣ гад̇ваа язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ адтам̣су. згаманд̇ам̣ тид̇аа ко д̇аа бхигкунияо бхаг̇аваа зд̇ад̣̇авожа –‘‘г̇ажчат̇а, бхигкунияо; гаало’’д̇и. ат̇а ко д̇аа бхигкунияо бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа баггамим̣су. ат̇а ко бхаг̇аваа ажирабагганд̇ийсу д̇аасу бхигкунийсу бхигкуу ааманд̇зси – ‘‘сзяяат̇ааби, бхигкавз, д̇ад̣̇ахубосат̇з баннарасз на ход̇и б̣ахуно ж̇анасса ган̇каа ваа вимад̇и ваа – ‘ууно ну ко жанд̣̇о, бун̣н̣о ну ко жанд̣̇о’д̇и, ат̇а ко бун̣н̣о жанд̣̇од̇взва ход̇и; звамзва ко, бхигкавз, д̇аа бхигкунияо нанд̣̇агасса д̇хаммад̣̇зсанааяа ад̇д̇аманаа жзва барибун̣н̣асан̇габбаа жа. д̇аасам̣, бхигкавз, бан̃жаннам̣ бхигкунисад̇аанам̣ яаа бажчимид̇аа бхигкуний саа 13 сод̇аабаннаа авинибаад̇ад̇хаммаа нияад̇аа самб̣од̇хибарааяанаа’’д̇и.
415. Atha kho āyasmā nandako tā bhikkhuniyo iminā ovādena ovaditvā uyyojesi – ‘‘gacchatha, bhaginiyo; kālo’’ti. Atha kho tā bhikkhuniyo āyasmato nandakassa bhāsitaṃ abhinanditvā anumoditvā uṭṭhāyāsanā āyasmantaṃ nandakaṃ abhivādetvā padakkhiṇaṃ katvā yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ aṭṭhaṃsu. Ekamantaṃ ṭhitā kho tā bhikkhuniyo bhagavā etadavoca –‘‘gacchatha, bhikkhuniyo; kālo’’ti. Atha kho tā bhikkhuniyo bhagavantaṃ abhivādetvā padakkhiṇaṃ katvā pakkamiṃsu. Atha kho bhagavā acirapakkantīsu tāsu bhikkhunīsu bhikkhū āmantesi – ‘‘seyyathāpi, bhikkhave, tadahuposathe pannarase na hoti bahuno janassa kaṅkhā vā vimati vā – ‘ūno nu kho cando, puṇṇo nu kho cando’ti, atha kho puṇṇo candotveva hoti; evameva kho, bhikkhave, tā bhikkhuniyo nandakassa dhammadesanāya attamanā ceva paripuṇṇasaṅkappā ca. Tāsaṃ, bhikkhave, pañcannaṃ bhikkhunisatānaṃ yā pacchimitā bhikkhunī sā 14 sotāpannā avinipātadhammā niyatā sambodhiparāyanā’’ti.
ид̣̇амавожа бхаг̇аваа. ад̇д̇аманаа д̇з бхигкуу бхаг̇авад̇о бхаасид̇ам̣ абхинанд̣̇унд̇и.
Idamavoca bhagavā. Attamanā te bhikkhū bhagavato bhāsitaṃ abhinandunti.
нанд̣̇аговаад̣̇асуд̇д̇ам̣ нидтид̇ам̣ жад̇уд̇т̇ам̣.
Nandakovādasuttaṃ niṭṭhitaṃ catutthaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 4. нанд̣̇аговаад̣̇асуд̇д̇аван̣н̣анаа • 4. Nandakovādasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 4. нанд̣̇аговаад̣̇асуд̇д̇аван̣н̣анаа • 4. Nandakovādasuttavaṇṇanā
