| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
4. нанд̣̇аговаад̣̇асуд̇д̇аван̣н̣анаа
4. Nandakovādasuttavaṇṇanā
398. сан̇гхасса бхаарам̣ агааси убааязна нанд̣̇агад̇т̇зрасса оваад̣̇зна винзд̇аб̣б̣аанам̣ бхигкунийнам̣ винаяад̇т̇ам̣. д̇знааха ‘‘имам̣ банаа’’д̇иаад̣̇и. барияааяад̇и бавад̇д̇ад̇ийд̇и барияааяо, бадибаадийд̇и ааха – ‘‘барияааязнаад̇и ваарзнаа’’д̇и. ассаад̇и нанд̣̇агад̇т̇зрасса. вад̣̇аабзси ан̃н̃зхи ад̇д̇ано аногаасабхаавам̣. барияааязна овад̣̇анд̇ийд̇и овад̣̇ид̇ум̣ самад̇т̇аа бхигкунияо ваарзна овад̣̇анд̇и. ид̣̇ам̣ барияааязна овад̣̇анам̣. жид̇д̇ам̣ згаг̇г̇ам̣ ход̇и басийд̣̇ад̇и буб̣б̣ажарияасид̣̇д̇хзна г̇аараваб̣ахумаанзна г̇зхассид̇абзмавасзна.
398.Saṅghassabhāraṃ akāsi upāyena nandakattherassa ovādena vinetabbānaṃ bhikkhunīnaṃ vinayatthaṃ. Tenāha ‘‘imaṃ panā’’tiādi. Pariyāyati pavattatīti pariyāyo, paṭipāṭīti āha – ‘‘pariyāyenāti vārenā’’ti. Assāti nandakattherassa. Vadāpesi aññehi attano anokāsabhāvaṃ. Pariyāyena ovadantīti ovadituṃ samatthā bhikkhuniyo vārena ovadanti. Idaṃ pariyāyena ovadanaṃ. Cittaṃ ekaggaṃ hoti pasīdati pubbacariyasiddhena gāravabahumānena gehassitapemavasena.
г̇од̇амийд̇и махаабаж̇аабад̇иг̇од̇амий. сздтиссаад̇и б̣аараан̣асисздтино.
Gotamīti mahāpajāpatigotamī. Seṭṭhissāti bārāṇasiseṭṭhino.
д̇зд̇и бажжзгаб̣уд̣̇д̇хз. гим̣ ну код̇и бужчи жирад̇арагаалам̣ бун̃н̃агирияааяа барибхаавид̇асанд̇аанад̇ааяа, бажжзгаб̣уд̣̇д̇хзсу жа г̇аараваб̣ахумаанад̇ааяа. д̣̇уг̇г̇ад̇зхиби саггаа гаад̇унд̇и д̣̇уг̇г̇ад̇зхиби яат̇аавибхавам̣ гад̇аа гуди д̇умхаагам̣ васид̇ум̣ саггаад̇и бужчи.
Teti paccekabuddhe. Kiṃ nu khoti pucchi ciratarakālaṃ puññakiriyāya paribhāvitasantānatāya, paccekabuddhesu ca gāravabahumānatāya. Duggatehipi sakkā kātunti duggatehipi yathāvibhavaṃ katā kuṭi tumhākaṃ vasituṃ sakkāti pucchi.
хад̇т̇агаммам̣ д̣̇зт̇аад̇и хад̇т̇агаммам̣ гад̇ваа д̣̇зт̇аад̇и ад̇т̇о. аанисам̣сам̣ аажигкид̇ваад̇и ‘‘д̇аад̣̇исаанам̣ махзсийнам̣ гад̇ам̣ взяяааважжам̣ амхаагамби д̣̇ийгхарад̇д̇ам̣ хид̇ааяа ход̇и. ааваасад̣̇аанан̃жа наама махабпалам̣ махаанисам̣сам̣ ниб̣б̣ад̇д̇адтаанз махаасамбад̇д̇иаавахам̣ бхависсад̇ий’’д̇иаад̣̇инаа аанисам̣сам̣ аажигкид̇ваа. г̇аал̣хзна оваад̣̇зна д̇аж̇ж̇зд̇ваад̇и, ‘‘имзсу наама гаронд̇зсу д̇вам̣ гасмаа на гароси, мама ж̇здтагад̣̇аасасса бхарияабхаавам̣ на ж̇аанааси. саб̣б̣зхиби гарияамаанасса хад̇т̇агаммасса агаран̣з д̇уяхам̣ ид̣̇ан̃жид̣̇ан̃жа д̣̇угкам̣ ааг̇амиссад̇ий’’д̇и бхаязна д̇аж̇ж̇зд̇ваа. сад̇ам̣ сад̇ам̣ худ̇ваад̇и сад̇ам̣ сад̇ам̣ д̣̇аасабуд̇д̇аа згаж̇жхам̣ худ̇ваа зган̃жа зган̃жа гудим̣ гад̇ваа ад̣̇ааси. жан̇гаманаад̣̇ибаривааранд̇и жан̇гаманарад̇д̇идтаанад̣̇иваадтаанабхож̇анаад̣̇ибариваарадтаанасахид̇ам̣. ж̇аг̇г̇ид̇ваа убадтаабзд̇ваа. виссаж̇ж̇аабзсийд̇и барижжаж̇аабзси. баривад̇д̇аабзд̇ваад̇и жзд̇аабзд̇ваа. д̇ижийвараанийд̇и сахассаг̇гханигаани д̇ижийвараани гад̇ваа ад̣̇ааси. гаалзна гааланд̇и гаалз гаалз, гисмин̃жи гаалзд̇и ад̇т̇о. раж̇ж̇з тид̇ассаад̇и саб̣б̣абхууд̇уубагаарараж̇ж̇з тид̇асса.
Hatthakammaṃ dethāti hatthakammaṃ katvā dethāti attho. Ānisaṃsaṃ ācikkhitvāti ‘‘tādisānaṃ mahesīnaṃ kataṃ veyyāvaccaṃ amhākampi dīgharattaṃ hitāya hoti. Āvāsadānañca nāma mahapphalaṃ mahānisaṃsaṃ nibbattaṭṭhāne mahāsampattiāvahaṃ bhavissatī’’tiādinā ānisaṃsaṃ ācikkhitvā. Gāḷhena ovādena tajjetvāti, ‘‘imesu nāma karontesu tvaṃ kasmā na karosi, mama jeṭṭhakadāsassa bhariyabhāvaṃ na jānāsi. Sabbehipi kariyamānassa hatthakammassa akaraṇe tuyhaṃ idañcidañca dukkhaṃ āgamissatī’’ti bhayena tajjetvā. Sataṃ sataṃ hutvāti sataṃ sataṃ dāsaputtā ekajjhaṃ hutvā ekañca ekañca kuṭiṃ katvā adāsi. Caṅkamanādiparivāranti caṅkamanarattiṭṭhānadivāṭṭhānabhojanādiparivāraṭṭhānasahitaṃ. Jaggitvā upaṭṭhāpetvā. Vissajjāpesīti pariccajāpesi. Parivattāpetvāti cetāpetvā. Ticīvarānīti sahassagghanikāni ticīvarāni katvā adāsi. Kālena kālanti kāle kāle, kismiñci kāleti attho. Rajje ṭhitassāti sabbabhūtūpakārarajje ṭhitassa.
нанд̣̇агад̇т̇зробийд̇и д̇ад̣̇аа ж̇здтагад̣̇аасо зд̇арахи нанд̣̇агад̇т̇зро баб̣б̣аж̇ид̇ваа арахад̇д̇ам̣ бад̇д̇о. ж̇здтагад̣̇аасид̇хийд̇аа …бз… аг̇г̇амахзсидтаанз тид̇аад̇и махаабаж̇аабад̇иг̇од̇амим̣ санд̇хааяа вад̣̇ад̇и. аяамааяасмаа нанд̣̇агод̇и аяамзва самуд̣̇ааг̇амад̇о ааяасмаа нанд̣̇агад̇т̇зро. зд̇аава д̇аа бхигкунияод̇и зд̇аавад̇аа самуд̣̇ааг̇амад̇о бан̃жасад̇аа бхигкунияо.
Nandakattheropīti tadā jeṭṭhakadāso etarahi nandakatthero pabbajitvā arahattaṃ patto. Jeṭṭhakadāsidhītā …pe… aggamahesiṭṭhāne ṭhitāti mahāpajāpatigotamiṃ sandhāya vadati. Ayamāyasmā nandakoti ayameva samudāgamato āyasmā nandakatthero. Etāva tā bhikkhuniyoti etāvatā samudāgamato pañcasatā bhikkhuniyo.
399. хзд̇унаад̇и н̃ааязна авибарийд̇абадибад̇д̇ияаа. буб̣б̣абхааг̇аа хи буримаа буримаа бадибад̣̇аа бажчимааяа гааран̣ам̣. яаат̇аавасарасад̇о д̣̇идтанд̇и яат̇аабхууд̇асабхаавад̇о бажжагкам̣ вияа.
399.Hetunāti ñāyena aviparītapaṭipattiyā. Pubbabhāgā hi purimā purimā paṭipadā pacchimāya kāraṇaṃ. Yāthāvasarasato diṭṭhanti yathābhūtasabhāvato paccakkhaṃ viya.
401. д̇ам̣ сабхаавам̣ д̇ам̣сабхааванд̇и д̇ассаа взд̣̇анааяа бажжаяабхаавзна ануруубам̣.
401.Taṃ sabhāvaṃ taṃsabhāvanti tassā vedanāya paccayabhāvena anurūpaṃ.
403. батамад̇арам̣язва анижжаад̇и д̇ассааби чааяааяа анижжабхааво батамад̇арам̣язва сид̣̇д̇хо. на хи гад̣̇аажи анижжам̣ ниссааяа бавад̇д̇ам̣ гин̃жи нижжам̣ наама ад̇т̇ийд̇и.
403.Paṭhamataraṃyeva aniccāti tassāpi chāyāya aniccabhāvo paṭhamataraṃyeva siddho. Na hi kadāci aniccaṃ nissāya pavattaṃ kiñci niccaṃ nāma atthīti.
404. анубаханид̇ваад̇и авинаасзд̇ваа. гат̇ам̣ бана мам̣сагааяам̣ жаммагааяан̃жа авинаасзд̇ваа ид̇арзсам̣ ганд̇анам̣ ход̇ийд̇и б̣яад̇ирзгамукзна д̣̇ассзд̇ум̣, ‘‘д̇ад̇т̇аа’’д̇иаад̣̇и вуд̇д̇ам̣. жаммам̣ аллияаабзнд̇од̇и жаммз лаг̇г̇аабзнд̇о жаммабадиб̣ад̣̇д̇хам̣ гаронд̇о. жаммам̣ б̣ад̣̇д̇хам̣ гад̇ваад̇и виварагаалз на паалзнд̇о жаммаб̣ад̣̇д̇хз гад̇ваа. звам̣ агад̇ваад̇и звам̣ мам̣сажаммагааяаанам̣ винаасанам̣ агад̇ваа, вилимам̣саад̣̇ивиганд̇анзна ан̃н̃аман̃н̃ам̣ вивзжзд̇ваа. д̇ад̇т̇а вилимам̣санд̇и жамманиссид̇амам̣сам̣, бадижчаннагиломаганд̇и жа вад̣̇анд̇и. нхаарууд̇и сукуманхаару. б̣анд̇хананд̇и жаммамам̣саанам̣ самб̣анд̇хам̣. д̇знааха – ‘‘саб̣б̣ажаммз лаг̇г̇авилибанамам̣самзваа’’д̇и. анд̇арагилзсамзваад̇и анд̇арз жид̇д̇з ж̇аад̇ад̇д̇аа сад̇д̇асанд̇аананд̇ог̇ад̇хад̇ааяа аб̣бханд̇арабхууд̇агилзсамзва.
404.Anupahanitvāti avināsetvā. Kathaṃ pana maṃsakāyaṃ cammakāyañca avināsetvā itaresaṃ kantanaṃ hotīti byatirekamukhena dassetuṃ, ‘‘tatthā’’tiādi vuttaṃ. Cammaṃ alliyāpentoti camme laggāpento cammapaṭibaddhaṃ karonto. Cammaṃ baddhaṃ katvāti vivarakāle na phālento cammabaddhe katvā. Evaṃ akatvāti evaṃ maṃsacammakāyānaṃ vināsanaṃ akatvā, vilimaṃsādivikantanena aññamaññaṃ vivecetvā. Tattha vilimaṃsanti cammanissitamaṃsaṃ, paṭicchannakilomakanti ca vadanti. Nhārūti sukhumanhāru. Bandhananti cammamaṃsānaṃ sambandhaṃ. Tenāha – ‘‘sabbacamme laggavilipanamaṃsamevā’’ti. Antarakilesamevāti antare citte jātattā sattasantānantogadhatāya abbhantarabhūtakilesameva.
405. д̇аж̇ж̇ам̣ вааяааманд̇и нид̣̇ассанамад̇д̇ам̣ д̣̇адтаб̣б̣ам̣. д̇ат̇аа хи бурисзна гутааринаа чзж̇ж̇ам̣ чинд̣̇ид̇з чзж̇ж̇адтаанасса саллагкан̣ам̣ ижчид̇аб̣б̣ам̣, д̇асса бадигхаад̇абхааво ижчид̇аб̣б̣о, гааяабарил̣аахаабхааво ижчид̇аб̣б̣о, д̇асса авадтаанам̣ ижчид̇аб̣б̣ам̣, гижжанд̇арз аж̇жхубзгкан̣ам̣ ижчид̇аб̣б̣ам̣, звам̣ бан̃н̃ааяа гилзсз чинд̣̇анд̇асса яог̇ино вийрияаб̣алзна сад̣̇д̇хим̣ сад̇и-бийд̇и-бассад̣̇д̇хи-самаад̇хи-убзгкаасамб̣ож̇жхан̇г̇ам̣ ижчид̇аб̣б̣анд̇и ааха – ‘‘звам̣ на винаа чахи…бз… саггод̇ий’’д̇и.
405.Tajjaṃ vāyāmanti nidassanamattaṃ daṭṭhabbaṃ. Tathā hi purisena kuṭhārinā chejjaṃ chindite chejjaṭṭhānassa sallakkhaṇaṃ icchitabbaṃ, tassa paṭighātabhāvo icchitabbo, kāyapariḷāhābhāvo icchitabbo, tassa avaṭṭhānaṃ icchitabbaṃ, kiccantare ajjhupekkhaṇaṃ icchitabbaṃ, evaṃ paññāya kilese chindantassa yogino vīriyabalena saddhiṃ sati-pīti-passaddhi-samādhi-upekkhāsambojjhaṅgaṃ icchitabbanti āha – ‘‘evaṃ na vinā chahi…pe… sakkotī’’ti.
407. д̇зна гааран̣знаад̇и язна д̇аасам̣ бхигкунийнам̣ саа д̇хаммад̣̇зсанаа саббааяаа, аасзванаманд̣̇ад̇ааяа бана аж̇жхаасаязна барибун̣н̣асан̇габбаа на ж̇аад̇ааязва; буна д̇ат̇аа д̣̇зсанааяа сад̇и аасзванаб̣алавад̇ааяа барибун̣н̣асан̇габбаа бхависсанд̇и; д̇зна гааран̣зна д̇вамби д̇аа бхигкунияо д̇знзва оваад̣̇зна овад̣̇зяяаасийд̇и.
407.Tena kāraṇenāti yena tāsaṃ bhikkhunīnaṃ sā dhammadesanā sappāyā, āsevanamandatāya pana ajjhāsayena paripuṇṇasaṅkappā na jātāyeva; puna tathā desanāya sati āsevanabalavatāya paripuṇṇasaṅkappā bhavissanti; tena kāraṇena tvampi tā bhikkhuniyo teneva ovādena ovadeyyāsīti.
415. саб̣б̣абажчимигаад̇и саб̣б̣аасам̣ ганидтаа сод̇аабаннаа, анарияаа д̇ад̇т̇а гаажи над̇т̇ийд̇и ад̇т̇о. д̇знааха – ‘‘сзсаа бана…бз… кийн̣аасаваа жаа’’д̇и. яад̣̇и званд̇и акийн̣аасавааби д̇аад̣̇исаа бхигкуний ад̇т̇и. звам̣ сад̇и сугкавибассагабхаавзнаби сад̇и кийн̣аасавабхаавз арияасса винаяз абарибун̣н̣асан̇габбааваад̇и ад̇хиббааязна жод̣̇зд̇и, ‘‘гат̇ам̣ барибун̣н̣асан̇габбаа’’д̇и? ид̇аро аж̇жхаасаяабаарибуурияаад̇и гааран̣ам̣ вад̇ваа, ‘‘яасса хий’’д̇иаад̣̇инаа д̇амад̇т̇ам̣ виварад̇и. аж̇жхаасаяабаарибуурияаад̇и д̇ад̇т̇а ад̇хиббааяабаарибуурияаа, на саб̣б̣асо г̇ун̣абаарибуурияаад̇и ад̇хиббааяо. д̇знааха ‘‘гад̣̇аа ну ко’’д̇иаад̣̇и. зд̇зна баад̣̇агаж̇жхаанасаммасид̇аж̇жхаанаанам̣ висад̣̇исад̇ааяа буг̇г̇аласса вибассанаагаалз бавад̇д̇ааж̇жхаасаяавасзна арияамаг̇г̇з б̣ож̇жхан̇г̇амаг̇г̇ан̇г̇ажхаанан̇г̇аанам̣ висзсад̇аад̇и аяамад̇т̇о д̣̇ийбид̇од̇и взд̣̇ид̇аб̣б̣о. сзсам̣ сувин̃н̃зяяамзва.
415.Sabbapacchimikāti sabbāsaṃ kaniṭṭhā sotāpannā, anariyā tattha kāci natthīti attho. Tenāha – ‘‘sesā pana…pe… khīṇāsavā cā’’ti. Yadi evanti akhīṇāsavāpi tādisā bhikkhunī atthi. Evaṃ sati sukkhavipassakabhāvenapi sati khīṇāsavabhāve ariyassa vinaye aparipuṇṇasaṅkappāvāti adhippāyena codeti, ‘‘kathaṃ paripuṇṇasaṅkappā’’ti? Itaro ajjhāsayapāripūriyāti kāraṇaṃ vatvā, ‘‘yassa hī’’tiādinā tamatthaṃ vivarati. Ajjhāsayapāripūriyāti tattha adhippāyapāripūriyā, na sabbaso guṇapāripūriyāti adhippāyo. Tenāha ‘‘kadā nu kho’’tiādi. Etena pādakajjhānasammasitajjhānānaṃ visadisatāya puggalassa vipassanākāle pavattaajjhāsayavasena ariyamagge bojjhaṅgamaggaṅgajhānaṅgānaṃ visesatāti ayamattho dīpitoti veditabbo. Sesaṃ suviññeyyameva.
нанд̣̇аговаад̣̇асуд̇д̇аван̣н̣анааяа лийнад̇т̇аббагаасанаа самад̇д̇аа.
Nandakovādasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 4. нанд̣̇аговаад̣̇асуд̇д̇ам̣ • 4. Nandakovādasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 4. нанд̣̇аговаад̣̇асуд̇д̇аван̣н̣анаа • 4. Nandakovādasuttavaṇṇanā
