| Library / Tipiṭaka / ਤਿਪਿਟਕ • Tipiṭaka / ਮਜ੍ਝਿਮਨਿਕਾਯ (ਟੀਕਾ) • Majjhimanikāya (ṭīkā) |
੪. ਨਨ੍ਦਕੋવਾਦਸੁਤ੍ਤવਣ੍ਣਨਾ
4. Nandakovādasuttavaṇṇanā
੩੯੮. ਸਙ੍ਘਸ੍ਸ ਭਾਰਂ ਅਕਾਸਿ ਉਪਾਯੇਨ ਨਨ੍ਦਕਤ੍ਥੇਰਸ੍ਸ ਓવਾਦੇਨ વਿਨੇਤਬ੍ਬਾਨਂ ਭਿਕ੍ਖੁਨੀਨਂ વਿਨਯਤ੍ਥਂ। ਤੇਨਾਹ ‘‘ਇਮਂ ਪਨਾ’’ਤਿਆਦਿ। ਪਰਿਯਾਯਤਿ ਪવਤ੍ਤਤੀਤਿ ਪਰਿਯਾਯੋ, ਪਟਿਪਾਟੀਤਿ ਆਹ – ‘‘ਪਰਿਯਾਯੇਨਾਤਿ વਾਰੇਨਾ’’ਤਿ। ਅਸ੍ਸਾਤਿ ਨਨ੍ਦਕਤ੍ਥੇਰਸ੍ਸ। વਦਾਪੇਸਿ ਅਞ੍ਞੇਹਿ ਅਤ੍ਤਨੋ ਅਨੋਕਾਸਭਾવਂ। ਪਰਿਯਾਯੇਨ ਓવਦਨ੍ਤੀਤਿ ਓવਦਿਤੁਂ ਸਮਤ੍ਥਾ ਭਿਕ੍ਖੁਨਿਯੋ વਾਰੇਨ ਓવਦਨ੍ਤਿ। ਇਦਂ ਪਰਿਯਾਯੇਨ ਓવਦਨਂ। ਚਿਤ੍ਤਂ ਏਕਗ੍ਗਂ ਹੋਤਿ ਪਸੀਦਤਿ ਪੁਬ੍ਬਚਰਿਯਸਿਦ੍ਧੇਨ ਗਾਰવਬਹੁਮਾਨੇਨ ਗੇਹਸ੍ਸਿਤਪੇਮવਸੇਨ।
398.Saṅghassabhāraṃ akāsi upāyena nandakattherassa ovādena vinetabbānaṃ bhikkhunīnaṃ vinayatthaṃ. Tenāha ‘‘imaṃ panā’’tiādi. Pariyāyati pavattatīti pariyāyo, paṭipāṭīti āha – ‘‘pariyāyenāti vārenā’’ti. Assāti nandakattherassa. Vadāpesi aññehi attano anokāsabhāvaṃ. Pariyāyena ovadantīti ovadituṃ samatthā bhikkhuniyo vārena ovadanti. Idaṃ pariyāyena ovadanaṃ. Cittaṃ ekaggaṃ hoti pasīdati pubbacariyasiddhena gāravabahumānena gehassitapemavasena.
ਗੋਤਮੀਤਿ ਮਹਾਪਜਾਪਤਿਗੋਤਮੀ। ਸੇਟ੍ਠਿਸ੍ਸਾਤਿ ਬਾਰਾਣਸਿਸੇਟ੍ਠਿਨੋ।
Gotamīti mahāpajāpatigotamī. Seṭṭhissāti bārāṇasiseṭṭhino.
ਤੇਤਿ ਪਚ੍ਚੇਕਬੁਦ੍ਧੇ। ਕਿਂ ਨੁ ਖੋਤਿ ਪੁਚ੍ਛਿ ਚਿਰਤਰਕਾਲਂ ਪੁਞ੍ਞਕਿਰਿਯਾਯ ਪਰਿਭਾવਿਤਸਨ੍ਤਾਨਤਾਯ, ਪਚ੍ਚੇਕਬੁਦ੍ਧੇਸੁ ਚ ਗਾਰવਬਹੁਮਾਨਤਾਯ। ਦੁਗ੍ਗਤੇਹਿਪਿ ਸਕ੍ਕਾ ਕਾਤੁਨ੍ਤਿ ਦੁਗ੍ਗਤੇਹਿਪਿ ਯਥਾવਿਭવਂ ਕਤਾ ਕੁਟਿ ਤੁਮ੍ਹਾਕਂ વਸਿਤੁਂ ਸਕ੍ਕਾਤਿ ਪੁਚ੍ਛਿ।
Teti paccekabuddhe. Kiṃ nu khoti pucchi ciratarakālaṃ puññakiriyāya paribhāvitasantānatāya, paccekabuddhesu ca gāravabahumānatāya. Duggatehipi sakkā kātunti duggatehipi yathāvibhavaṃ katā kuṭi tumhākaṃ vasituṃ sakkāti pucchi.
ਹਤ੍ਥਕਮ੍ਮਂ ਦੇਥਾਤਿ ਹਤ੍ਥਕਮ੍ਮਂ ਕਤ੍વਾ ਦੇਥਾਤਿ ਅਤ੍ਥੋ। ਆਨਿਸਂਸਂ ਆਚਿਕ੍ਖਿਤ੍વਾਤਿ ‘‘ਤਾਦਿਸਾਨਂ ਮਹੇਸੀਨਂ ਕਤਂ વੇਯ੍ਯਾવਚ੍ਚਂ ਅਮ੍ਹਾਕਮ੍ਪਿ ਦੀਘਰਤ੍ਤਂ ਹਿਤਾਯ ਹੋਤਿ। ਆવਾਸਦਾਨਞ੍ਚ ਨਾਮ ਮਹਪ੍ਫਲਂ ਮਹਾਨਿਸਂਸਂ ਨਿਬ੍ਬਤ੍ਤਟ੍ਠਾਨੇ ਮਹਾਸਮ੍ਪਤ੍ਤਿਆવਹਂ ਭવਿਸ੍ਸਤੀ’’ਤਿਆਦਿਨਾ ਆਨਿਸਂਸਂ ਆਚਿਕ੍ਖਿਤ੍વਾ। ਗਾਲ਼੍ਹੇਨ ਓવਾਦੇਨ ਤਜ੍ਜੇਤ੍વਾਤਿ, ‘‘ਇਮੇਸੁ ਨਾਮ ਕਰੋਨ੍ਤੇਸੁ ਤ੍વਂ ਕਸ੍ਮਾ ਨ ਕਰੋਸਿ, ਮਮ ਜੇਟ੍ਠਕਦਾਸਸ੍ਸ ਭਰਿਯਭਾવਂ ਨ ਜਾਨਾਸਿ। ਸਬ੍ਬੇਹਿਪਿ ਕਰਿਯਮਾਨਸ੍ਸ ਹਤ੍ਥਕਮ੍ਮਸ੍ਸ ਅਕਰਣੇ ਤੁਯ੍ਹਂ ਇਦਞ੍ਚਿਦਞ੍ਚ ਦੁਕ੍ਖਂ ਆਗਮਿਸ੍ਸਤੀ’’ਤਿ ਭਯੇਨ ਤਜ੍ਜੇਤ੍વਾ। ਸਤਂ ਸਤਂ ਹੁਤ੍વਾਤਿ ਸਤਂ ਸਤਂ ਦਾਸਪੁਤ੍ਤਾ ਏਕਜ੍ਝਂ ਹੁਤ੍વਾ ਏਕਞ੍ਚ ਏਕਞ੍ਚ ਕੁਟਿਂ ਕਤ੍વਾ ਅਦਾਸਿ। ਚਙ੍ਕਮਨਾਦਿਪਰਿવਾਰਨ੍ਤਿ ਚਙ੍ਕਮਨਰਤ੍ਤਿਟ੍ਠਾਨਦਿવਾਟ੍ਠਾਨਭੋਜਨਾਦਿਪਰਿવਾਰਟ੍ਠਾਨਸਹਿਤਂ। ਜਗ੍ਗਿਤ੍વਾ ਉਪਟ੍ਠਾਪੇਤ੍વਾ। વਿਸ੍ਸਜ੍ਜਾਪੇਸੀਤਿ ਪਰਿਚ੍ਚਜਾਪੇਸਿ। ਪਰਿવਤ੍ਤਾਪੇਤ੍વਾਤਿ ਚੇਤਾਪੇਤ੍વਾ। ਤਿਚੀવਰਾਨੀਤਿ ਸਹਸ੍ਸਗ੍ਘਨਿਕਾਨਿ ਤਿਚੀવਰਾਨਿ ਕਤ੍વਾ ਅਦਾਸਿ। ਕਾਲੇਨ ਕਾਲਨ੍ਤਿ ਕਾਲੇ ਕਾਲੇ, ਕਿਸ੍ਮਿਞ੍ਚਿ ਕਾਲੇਤਿ ਅਤ੍ਥੋ। ਰਜ੍ਜੇ ਠਿਤਸ੍ਸਾਤਿ ਸਬ੍ਬਭੂਤੂਪਕਾਰਰਜ੍ਜੇ ਠਿਤਸ੍ਸ।
Hatthakammaṃ dethāti hatthakammaṃ katvā dethāti attho. Ānisaṃsaṃ ācikkhitvāti ‘‘tādisānaṃ mahesīnaṃ kataṃ veyyāvaccaṃ amhākampi dīgharattaṃ hitāya hoti. Āvāsadānañca nāma mahapphalaṃ mahānisaṃsaṃ nibbattaṭṭhāne mahāsampattiāvahaṃ bhavissatī’’tiādinā ānisaṃsaṃ ācikkhitvā. Gāḷhena ovādena tajjetvāti, ‘‘imesu nāma karontesu tvaṃ kasmā na karosi, mama jeṭṭhakadāsassa bhariyabhāvaṃ na jānāsi. Sabbehipi kariyamānassa hatthakammassa akaraṇe tuyhaṃ idañcidañca dukkhaṃ āgamissatī’’ti bhayena tajjetvā. Sataṃ sataṃ hutvāti sataṃ sataṃ dāsaputtā ekajjhaṃ hutvā ekañca ekañca kuṭiṃ katvā adāsi. Caṅkamanādiparivāranti caṅkamanarattiṭṭhānadivāṭṭhānabhojanādiparivāraṭṭhānasahitaṃ. Jaggitvā upaṭṭhāpetvā. Vissajjāpesīti pariccajāpesi. Parivattāpetvāti cetāpetvā. Ticīvarānīti sahassagghanikāni ticīvarāni katvā adāsi. Kālena kālanti kāle kāle, kismiñci kāleti attho. Rajje ṭhitassāti sabbabhūtūpakārarajje ṭhitassa.
ਨਨ੍ਦਕਤ੍ਥੇਰੋਪੀਤਿ ਤਦਾ ਜੇਟ੍ਠਕਦਾਸੋ ਏਤਰਹਿ ਨਨ੍ਦਕਤ੍ਥੇਰੋ ਪਬ੍ਬਜਿਤ੍વਾ ਅਰਹਤ੍ਤਂ ਪਤ੍ਤੋ। ਜੇਟ੍ਠਕਦਾਸਿਧੀਤਾ …ਪੇ॰… ਅਗ੍ਗਮਹੇਸਿਟ੍ਠਾਨੇ ਠਿਤਾਤਿ ਮਹਾਪਜਾਪਤਿਗੋਤਮਿਂ ਸਨ੍ਧਾਯ વਦਤਿ। ਅਯਮਾਯਸ੍ਮਾ ਨਨ੍ਦਕੋਤਿ ਅਯਮੇવ ਸਮੁਦਾਗਮਤੋ ਆਯਸ੍ਮਾ ਨਨ੍ਦਕਤ੍ਥੇਰੋ। ਏਤਾવ ਤਾ ਭਿਕ੍ਖੁਨਿਯੋਤਿ ਏਤਾવਤਾ ਸਮੁਦਾਗਮਤੋ ਪਞ੍ਚਸਤਾ ਭਿਕ੍ਖੁਨਿਯੋ।
Nandakattheropīti tadā jeṭṭhakadāso etarahi nandakatthero pabbajitvā arahattaṃ patto. Jeṭṭhakadāsidhītā …pe… aggamahesiṭṭhāne ṭhitāti mahāpajāpatigotamiṃ sandhāya vadati. Ayamāyasmā nandakoti ayameva samudāgamato āyasmā nandakatthero. Etāva tā bhikkhuniyoti etāvatā samudāgamato pañcasatā bhikkhuniyo.
੩੯੯. ਹੇਤੁਨਾਤਿ ਞਾਯੇਨ ਅવਿਪਰੀਤਪਟਿਪਤ੍ਤਿਯਾ। ਪੁਬ੍ਬਭਾਗਾ ਹਿ ਪੁਰਿਮਾ ਪੁਰਿਮਾ ਪਟਿਪਦਾ ਪਚ੍ਛਿਮਾਯ ਕਾਰਣਂ। ਯਾਥਾવਸਰਸਤੋ ਦਿਟ੍ਠਨ੍ਤਿ ਯਥਾਭੂਤਸਭਾવਤੋ ਪਚ੍ਚਕ੍ਖਂ વਿਯ।
399.Hetunāti ñāyena aviparītapaṭipattiyā. Pubbabhāgā hi purimā purimā paṭipadā pacchimāya kāraṇaṃ. Yāthāvasarasato diṭṭhanti yathābhūtasabhāvato paccakkhaṃ viya.
੪੦੧. ਤਂ ਸਭਾવਂ ਤਂਸਭਾવਨ੍ਤਿ ਤਸ੍ਸਾ વੇਦਨਾਯ ਪਚ੍ਚਯਭਾવੇਨ ਅਨੁਰੂਪਂ।
401.Taṃ sabhāvaṃ taṃsabhāvanti tassā vedanāya paccayabhāvena anurūpaṃ.
੪੦੩. ਪਠਮਤਰਂਯੇવ ਅਨਿਚ੍ਚਾਤਿ ਤਸ੍ਸਾਪਿ ਛਾਯਾਯ ਅਨਿਚ੍ਚਭਾવੋ ਪਠਮਤਰਂਯੇવ ਸਿਦ੍ਧੋ। ਨ ਹਿ ਕਦਾਚਿ ਅਨਿਚ੍ਚਂ ਨਿਸ੍ਸਾਯ ਪવਤ੍ਤਂ ਕਿਞ੍ਚਿ ਨਿਚ੍ਚਂ ਨਾਮ ਅਤ੍ਥੀਤਿ।
403.Paṭhamataraṃyeva aniccāti tassāpi chāyāya aniccabhāvo paṭhamataraṃyeva siddho. Na hi kadāci aniccaṃ nissāya pavattaṃ kiñci niccaṃ nāma atthīti.
੪੦੪. ਅਨੁਪਹਨਿਤ੍વਾਤਿ ਅવਿਨਾਸੇਤ੍વਾ। ਕਥਂ ਪਨ ਮਂਸਕਾਯਂ ਚਮ੍ਮਕਾਯਞ੍ਚ ਅવਿਨਾਸੇਤ੍વਾ ਇਤਰੇਸਂ ਕਨ੍ਤਨਂ ਹੋਤੀਤਿ ਬ੍ਯਤਿਰੇਕਮੁਖੇਨ ਦਸ੍ਸੇਤੁਂ, ‘‘ਤਤ੍ਥਾ’’ਤਿਆਦਿ વੁਤ੍ਤਂ। ਚਮ੍ਮਂ ਅਲ੍ਲਿਯਾਪੇਨ੍ਤੋਤਿ ਚਮ੍ਮੇ ਲਗ੍ਗਾਪੇਨ੍ਤੋ ਚਮ੍ਮਪਟਿਬਦ੍ਧਂ ਕਰੋਨ੍ਤੋ। ਚਮ੍ਮਂ ਬਦ੍ਧਂ ਕਤ੍વਾਤਿ વਿવਰਕਾਲੇ ਨ ਫਾਲੇਨ੍ਤੋ ਚਮ੍ਮਬਦ੍ਧੇ ਕਤ੍વਾ। ਏવਂ ਅਕਤ੍વਾਤਿ ਏવਂ ਮਂਸਚਮ੍ਮਕਾਯਾਨਂ વਿਨਾਸਨਂ ਅਕਤ੍વਾ, વਿਲਿਮਂਸਾਦਿવਿਕਨ੍ਤਨੇਨ ਅਞ੍ਞਮਞ੍ਞਂ વਿવੇਚੇਤ੍વਾ। ਤਤ੍ਥ વਿਲਿਮਂਸਨ੍ਤਿ ਚਮ੍ਮਨਿਸ੍ਸਿਤਮਂਸਂ, ਪਟਿਚ੍ਛਨ੍ਨਕਿਲੋਮਕਨ੍ਤਿ ਚ વਦਨ੍ਤਿ। ਨ੍ਹਾਰੂਤਿ ਸੁਖੁਮਨ੍ਹਾਰੁ। ਬਨ੍ਧਨਨ੍ਤਿ ਚਮ੍ਮਮਂਸਾਨਂ ਸਮ੍ਬਨ੍ਧਂ। ਤੇਨਾਹ – ‘‘ਸਬ੍ਬਚਮ੍ਮੇ ਲਗ੍ਗવਿਲਿਪਨਮਂਸਮੇવਾ’’ਤਿ। ਅਨ੍ਤਰਕਿਲੇਸਮੇવਾਤਿ ਅਨ੍ਤਰੇ ਚਿਤ੍ਤੇ ਜਾਤਤ੍ਤਾ ਸਤ੍ਤਸਨ੍ਤਾਨਨ੍ਤੋਗਧਤਾਯ ਅਬ੍ਭਨ੍ਤਰਭੂਤਕਿਲੇਸਮੇવ।
404.Anupahanitvāti avināsetvā. Kathaṃ pana maṃsakāyaṃ cammakāyañca avināsetvā itaresaṃ kantanaṃ hotīti byatirekamukhena dassetuṃ, ‘‘tatthā’’tiādi vuttaṃ. Cammaṃ alliyāpentoti camme laggāpento cammapaṭibaddhaṃ karonto. Cammaṃ baddhaṃ katvāti vivarakāle na phālento cammabaddhe katvā. Evaṃ akatvāti evaṃ maṃsacammakāyānaṃ vināsanaṃ akatvā, vilimaṃsādivikantanena aññamaññaṃ vivecetvā. Tattha vilimaṃsanti cammanissitamaṃsaṃ, paṭicchannakilomakanti ca vadanti. Nhārūti sukhumanhāru. Bandhananti cammamaṃsānaṃ sambandhaṃ. Tenāha – ‘‘sabbacamme laggavilipanamaṃsamevā’’ti. Antarakilesamevāti antare citte jātattā sattasantānantogadhatāya abbhantarabhūtakilesameva.
੪੦੫. ਤਜ੍ਜਂ વਾਯਾਮਨ੍ਤਿ ਨਿਦਸ੍ਸਨਮਤ੍ਤਂ ਦਟ੍ਠਬ੍ਬਂ। ਤਥਾ ਹਿ ਪੁਰਿਸੇਨ ਕੁਠਾਰਿਨਾ ਛੇਜ੍ਜਂ ਛਿਨ੍ਦਿਤੇ ਛੇਜ੍ਜਟ੍ਠਾਨਸ੍ਸ ਸਲ੍ਲਕ੍ਖਣਂ ਇਚ੍ਛਿਤਬ੍ਬਂ, ਤਸ੍ਸ ਪਟਿਘਾਤਭਾવੋ ਇਚ੍ਛਿਤਬ੍ਬੋ, ਕਾਯਪਰਿਲ਼ਾਹਾਭਾવੋ ਇਚ੍ਛਿਤਬ੍ਬੋ, ਤਸ੍ਸ ਅવਟ੍ਠਾਨਂ ਇਚ੍ਛਿਤਬ੍ਬਂ, ਕਿਚ੍ਚਨ੍ਤਰੇ ਅਜ੍ਝੁਪੇਕ੍ਖਣਂ ਇਚ੍ਛਿਤਬ੍ਬਂ, ਏવਂ ਪਞ੍ਞਾਯ ਕਿਲੇਸੇ ਛਿਨ੍ਦਨ੍ਤਸ੍ਸ ਯੋਗਿਨੋ વੀਰਿਯਬਲੇਨ ਸਦ੍ਧਿਂ ਸਤਿ-ਪੀਤਿ-ਪਸ੍ਸਦ੍ਧਿ-ਸਮਾਧਿ-ਉਪੇਕ੍ਖਾਸਮ੍ਬੋਜ੍ਝਙ੍ਗਂ ਇਚ੍ਛਿਤਬ੍ਬਨ੍ਤਿ ਆਹ – ‘‘ਏવਂ ਨ વਿਨਾ ਛਹਿ…ਪੇ॰… ਸਕ੍ਕੋਤੀ’’ਤਿ।
405.Tajjaṃ vāyāmanti nidassanamattaṃ daṭṭhabbaṃ. Tathā hi purisena kuṭhārinā chejjaṃ chindite chejjaṭṭhānassa sallakkhaṇaṃ icchitabbaṃ, tassa paṭighātabhāvo icchitabbo, kāyapariḷāhābhāvo icchitabbo, tassa avaṭṭhānaṃ icchitabbaṃ, kiccantare ajjhupekkhaṇaṃ icchitabbaṃ, evaṃ paññāya kilese chindantassa yogino vīriyabalena saddhiṃ sati-pīti-passaddhi-samādhi-upekkhāsambojjhaṅgaṃ icchitabbanti āha – ‘‘evaṃ na vinā chahi…pe… sakkotī’’ti.
੪੦੭. ਤੇਨ ਕਾਰਣੇਨਾਤਿ ਯੇਨ ਤਾਸਂ ਭਿਕ੍ਖੁਨੀਨਂ ਸਾ ਧਮ੍ਮਦੇਸਨਾ ਸਪ੍ਪਾਯਾ, ਆਸੇવਨਮਨ੍ਦਤਾਯ ਪਨ ਅਜ੍ਝਾਸਯੇਨ ਪਰਿਪੁਣ੍ਣਸਙ੍ਕਪ੍ਪਾ ਨ ਜਾਤਾਯੇવ; ਪੁਨ ਤਥਾ ਦੇਸਨਾਯ ਸਤਿ ਆਸੇવਨਬਲવਤਾਯ ਪਰਿਪੁਣ੍ਣਸਙ੍ਕਪ੍ਪਾ ਭવਿਸ੍ਸਨ੍ਤਿ; ਤੇਨ ਕਾਰਣੇਨ ਤ੍વਮ੍ਪਿ ਤਾ ਭਿਕ੍ਖੁਨਿਯੋ ਤੇਨੇવ ਓવਾਦੇਨ ਓવਦੇਯ੍ਯਾਸੀਤਿ।
407.Tena kāraṇenāti yena tāsaṃ bhikkhunīnaṃ sā dhammadesanā sappāyā, āsevanamandatāya pana ajjhāsayena paripuṇṇasaṅkappā na jātāyeva; puna tathā desanāya sati āsevanabalavatāya paripuṇṇasaṅkappā bhavissanti; tena kāraṇena tvampi tā bhikkhuniyo teneva ovādena ovadeyyāsīti.
੪੧੫. ਸਬ੍ਬਪਚ੍ਛਿਮਿਕਾਤਿ ਸਬ੍ਬਾਸਂ ਕਨਿਟ੍ਠਾ ਸੋਤਾਪਨ੍ਨਾ, ਅਨਰਿਯਾ ਤਤ੍ਥ ਕਾਚਿ ਨਤ੍ਥੀਤਿ ਅਤ੍ਥੋ। ਤੇਨਾਹ – ‘‘ਸੇਸਾ ਪਨ…ਪੇ॰… ਖੀਣਾਸવਾ ਚਾ’’ਤਿ। ਯਦਿ ਏવਨ੍ਤਿ ਅਖੀਣਾਸવਾਪਿ ਤਾਦਿਸਾ ਭਿਕ੍ਖੁਨੀ ਅਤ੍ਥਿ। ਏવਂ ਸਤਿ ਸੁਕ੍ਖવਿਪਸ੍ਸਕਭਾવੇਨਪਿ ਸਤਿ ਖੀਣਾਸવਭਾવੇ ਅਰਿਯਸ੍ਸ વਿਨਯੇ ਅਪਰਿਪੁਣ੍ਣਸਙ੍ਕਪ੍ਪਾવਾਤਿ ਅਧਿਪ੍ਪਾਯੇਨ ਚੋਦੇਤਿ, ‘‘ਕਥਂ ਪਰਿਪੁਣ੍ਣਸਙ੍ਕਪ੍ਪਾ’’ਤਿ? ਇਤਰੋ ਅਜ੍ਝਾਸਯਪਾਰਿਪੂਰਿਯਾਤਿ ਕਾਰਣਂ વਤ੍વਾ, ‘‘ਯਸ੍ਸ ਹੀ’’ਤਿਆਦਿਨਾ ਤਮਤ੍ਥਂ વਿવਰਤਿ। ਅਜ੍ਝਾਸਯਪਾਰਿਪੂਰਿਯਾਤਿ ਤਤ੍ਥ ਅਧਿਪ੍ਪਾਯਪਾਰਿਪੂਰਿਯਾ, ਨ ਸਬ੍ਬਸੋ ਗੁਣਪਾਰਿਪੂਰਿਯਾਤਿ ਅਧਿਪ੍ਪਾਯੋ। ਤੇਨਾਹ ‘‘ਕਦਾ ਨੁ ਖੋ’’ਤਿਆਦਿ। ਏਤੇਨ ਪਾਦਕਜ੍ਝਾਨਸਮ੍ਮਸਿਤਜ੍ਝਾਨਾਨਂ વਿਸਦਿਸਤਾਯ ਪੁਗ੍ਗਲਸ੍ਸ વਿਪਸ੍ਸਨਾਕਾਲੇ ਪવਤ੍ਤਅਜ੍ਝਾਸਯવਸੇਨ ਅਰਿਯਮਗ੍ਗੇ ਬੋਜ੍ਝਙ੍ਗਮਗ੍ਗਙ੍ਗਝਾਨਙ੍ਗਾਨਂ વਿਸੇਸਤਾਤਿ ਅਯਮਤ੍ਥੋ ਦੀਪਿਤੋਤਿ વੇਦਿਤਬ੍ਬੋ। ਸੇਸਂ ਸੁવਿਞ੍ਞੇਯ੍ਯਮੇવ।
415.Sabbapacchimikāti sabbāsaṃ kaniṭṭhā sotāpannā, anariyā tattha kāci natthīti attho. Tenāha – ‘‘sesā pana…pe… khīṇāsavā cā’’ti. Yadi evanti akhīṇāsavāpi tādisā bhikkhunī atthi. Evaṃ sati sukkhavipassakabhāvenapi sati khīṇāsavabhāve ariyassa vinaye aparipuṇṇasaṅkappāvāti adhippāyena codeti, ‘‘kathaṃ paripuṇṇasaṅkappā’’ti? Itaro ajjhāsayapāripūriyāti kāraṇaṃ vatvā, ‘‘yassa hī’’tiādinā tamatthaṃ vivarati. Ajjhāsayapāripūriyāti tattha adhippāyapāripūriyā, na sabbaso guṇapāripūriyāti adhippāyo. Tenāha ‘‘kadā nu kho’’tiādi. Etena pādakajjhānasammasitajjhānānaṃ visadisatāya puggalassa vipassanākāle pavattaajjhāsayavasena ariyamagge bojjhaṅgamaggaṅgajhānaṅgānaṃ visesatāti ayamattho dīpitoti veditabbo. Sesaṃ suviññeyyameva.
ਨਨ੍ਦਕੋવਾਦਸੁਤ੍ਤવਣ੍ਣਨਾਯ ਲੀਨਤ੍ਥਪ੍ਪਕਾਸਨਾ ਸਮਤ੍ਤਾ।
Nandakovādasuttavaṇṇanāya līnatthappakāsanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਮਜ੍ਝਿਮਨਿਕਾਯ • Majjhimanikāya / ੪. ਨਨ੍ਦਕੋવਾਦਸੁਤ੍ਤਂ • 4. Nandakovādasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਮਜ੍ਝਿਮਨਿਕਾਯ (ਅਟ੍ਠਕਥਾ) • Majjhimanikāya (aṭṭhakathā) / ੪. ਨਨ੍ਦਕੋવਾਦਸੁਤ੍ਤવਣ੍ਣਨਾ • 4. Nandakovādasuttavaṇṇanā
