| Library / Tipiṭaka / ਤਿਪਿਟਕ • Tipiṭaka / ਸੁਤ੍ਤਨਿਪਾਤਪਾਲ਼ਿ • Suttanipātapāḷi |
੭. ਨਨ੍ਦਮਾਣવਪੁਚ੍ਛਾ
7. Nandamāṇavapucchā
੧੦੮੩.
1083.
‘‘ਸਨ੍ਤਿ ਲੋਕੇ ਮੁਨਯੋ, (ਇਚ੍ਚਾਯਸ੍ਮਾ ਨਨ੍ਦੋ)
‘‘Santi loke munayo, (iccāyasmā nando)
ਜਨਾ વਦਨ੍ਤਿ ਤਯਿਦਂ ਕਥਂਸੁ।
Janā vadanti tayidaṃ kathaṃsu;
ਞਾਣੂਪਪਨ੍ਨਂ ਨੋ ਮੁਨਿਂ 1 વਦਨ੍ਤਿ, ਉਦਾਹੁ વੇ ਜੀવਿਤੇਨੂਪਪਨ੍ਨਂ’’॥
Ñāṇūpapannaṃ no muniṃ 2 vadanti, udāhu ve jīvitenūpapannaṃ’’.
੧੦੮੪.
1084.
‘‘ਨ ਦਿਟ੍ਠਿਯਾ ਨ ਸੁਤਿਯਾ ਨ ਞਾਣੇਨ, (ਨ ਸੀਲਬ੍ਬਤੇਨ) 3
‘‘Na diṭṭhiyā na sutiyā na ñāṇena, (na sīlabbatena) 4
ਮੁਨੀਧ ਨਨ੍ਦ ਕੁਸਲਾ વਦਨ੍ਤਿ।
Munīdha nanda kusalā vadanti;
વਿਸੇਨਿਕਤ੍વਾ ਅਨੀਘਾ ਨਿਰਾਸਾ, ਚਰਨ੍ਤਿ ਯੇ ਤੇ ਮੁਨਯੋਤਿ ਬ੍ਰੂਮਿ’’॥
Visenikatvā anīghā nirāsā, caranti ye te munayoti brūmi’’.
੧੦੮੫.
1085.
‘‘ਯੇ ਕੇਚਿਮੇ ਸਮਣਬ੍ਰਾਹ੍ਮਣਾਸੇ, (ਇਚ੍ਚਾਯਸ੍ਮਾ ਨਨ੍ਦੋ)
‘‘Ye kecime samaṇabrāhmaṇāse, (iccāyasmā nando)
ਸੀਲਬ੍ਬਤੇਨਾਪਿ વਦਨ੍ਤਿ ਸੁਦ੍ਧਿਂ, ਅਨੇਕਰੂਪੇਨ વਦਨ੍ਤਿ ਸੁਦ੍ਧਿਂ।
Sīlabbatenāpi vadanti suddhiṃ, anekarūpena vadanti suddhiṃ;
ਕਚ੍ਚਿਸ੍ਸੁ ਤੇ ਭਗવਾ ਤਤ੍ਥ ਯਤਾ ਚਰਨ੍ਤਾ, ਅਤਾਰੁ ਜਾਤਿਞ੍ਚ ਜਰਞ੍ਚ ਮਾਰਿਸ।
Kaccissu te bhagavā tattha yatā carantā, atāru jātiñca jarañca mārisa;
ਪੁਚ੍ਛਾਮਿ ਤਂ ਭਗવਾ ਬ੍ਰੂਹਿ ਮੇ ਤਂ’’॥
Pucchāmi taṃ bhagavā brūhi me taṃ’’.
੧੦੮੬.
1086.
‘‘ਯੇ ਕੇਚਿਮੇ ਸਮਣਬ੍ਰਾਹ੍ਮਣਾਸੇ, (ਨਨ੍ਦਾਤਿ ਭਗવਾ)
‘‘Ye kecime samaṇabrāhmaṇāse, (nandāti bhagavā)
ਦਿਟ੍ਠਸ੍ਸੁਤੇਨਾਪਿ વਦਨ੍ਤਿ ਸੁਦ੍ਧਿਂ।
Diṭṭhassutenāpi vadanti suddhiṃ;
ਸੀਲਬ੍ਬਤੇਨਾਪਿ વਦਨ੍ਤਿ ਸੁਦ੍ਧਿਂ, ਅਨੇਕਰੂਪੇਨ વਦਨ੍ਤਿ ਸੁਦ੍ਧਿਂ।
Sīlabbatenāpi vadanti suddhiṃ, anekarūpena vadanti suddhiṃ;
ਕਿਞ੍ਚਾਪਿ ਤੇ ਤਤ੍ਥ ਯਤਾ ਚਰਨ੍ਤਿ, ਨਾਰਿਂਸੁ ਜਾਤਿਜਰਨ੍ਤਿ ਬ੍ਰੂਮਿ’’॥
Kiñcāpi te tattha yatā caranti, nāriṃsu jātijaranti brūmi’’.
੧੦੮੭.
1087.
‘‘ਯੇ ਕੇਚਿਮੇ ਸਮਣਬ੍ਰਾਹ੍ਮਣਾਸੇ, (ਇਚ੍ਚਾਯਸ੍ਮਾ ਨਨ੍ਦੋ)
‘‘Ye kecime samaṇabrāhmaṇāse, (iccāyasmā nando)
ਦਿਟ੍ਠਸ੍ਸੁਤੇਨਾਪਿ વਦਨ੍ਤਿ ਸੁਦ੍ਧਿਂ।
Diṭṭhassutenāpi vadanti suddhiṃ;
ਸੀਲਬ੍ਬਤੇਨਾਪਿ વਦਨ੍ਤਿ ਸੁਦ੍ਧਿਂ, ਅਨੇਕਰੂਪੇਨ વਦਨ੍ਤਿ ਸੁਦ੍ਧਿਂ।
Sīlabbatenāpi vadanti suddhiṃ, anekarūpena vadanti suddhiṃ;
ਤੇ ਚੇ ਮੁਨਿ 7 ਬ੍ਰੂਸਿ ਅਨੋਘਤਿਣ੍ਣੇ, ਅਥ ਕੋ ਚਰਹਿ ਦੇવਮਨੁਸ੍ਸਲੋਕੇ।
Te ce muni 8 brūsi anoghatiṇṇe, atha ko carahi devamanussaloke;
ਅਤਾਰਿ ਜਾਤਿਞ੍ਚ ਜਰਞ੍ਚ ਮਾਰਿਸ, ਪੁਚ੍ਛਾਮਿ ਤਂ ਭਗવਾ ਬ੍ਰੂਹਿ ਮੇ ਤਂ’’॥
Atāri jātiñca jarañca mārisa, pucchāmi taṃ bhagavā brūhi me taṃ’’.
੧੦੮੮.
1088.
‘‘ਨਾਹਂ ਸਬ੍ਬੇ ਸਮਣਬ੍ਰਾਹ੍ਮਣਾਸੇ, (ਨਨ੍ਦਾਤਿ ਭਗવਾ)
‘‘Nāhaṃ sabbe samaṇabrāhmaṇāse, (nandāti bhagavā)
ਜਾਤਿਜਰਾਯ ਨਿવੁਤਾਤਿ ਬ੍ਰੂਮਿ।
Jātijarāya nivutāti brūmi;
ਯੇ ਸੀਧ ਦਿਟ੍ਠਂવ ਸੁਤਂ ਮੁਤਂ વਾ, ਸੀਲਬ੍ਬਤਂ વਾਪਿ ਪਹਾਯ ਸਬ੍ਬਂ।
Ye sīdha diṭṭhaṃva sutaṃ mutaṃ vā, sīlabbataṃ vāpi pahāya sabbaṃ;
ਅਨੇਕਰੂਪਮ੍ਪਿ ਪਹਾਯ ਸਬ੍ਬਂ, ਤਣ੍ਹਂ ਪਰਿਞ੍ਞਾਯ ਅਨਾਸવਾਸੇ।
Anekarūpampi pahāya sabbaṃ, taṇhaṃ pariññāya anāsavāse;
ਤੇ વੇ ਨਰਾ ਓਘਤਿਣ੍ਣਾਤਿ ਬ੍ਰੂਮਿ’’॥
Te ve narā oghatiṇṇāti brūmi’’.
੧੦੮੯.
1089.
‘‘ਏਤਾਭਿਨਨ੍ਦਾਮਿ વਚੋ ਮਹੇਸਿਨੋ, ਸੁਕਿਤ੍ਤਿਤਂ ਗੋਤਮਨੂਪਧੀਕਂ।
‘‘Etābhinandāmi vaco mahesino, sukittitaṃ gotamanūpadhīkaṃ;
ਯੇ ਸੀਧ ਦਿਟ੍ਠਂ વ ਸੁਤਂ ਮੁਤਂ વਾ, ਸੀਲਬ੍ਬਤਂ વਾਪਿ ਪਹਾਯ ਸਬ੍ਬਂ।
Ye sīdha diṭṭhaṃ va sutaṃ mutaṃ vā, sīlabbataṃ vāpi pahāya sabbaṃ;
ਅਨੇਕਰੂਪਮ੍ਪਿ ਪਹਾਯ ਸਬ੍ਬਂ, ਤਣ੍ਹਂ ਪਰਿਞ੍ਞਾਯ ਅਨਾਸવਾਸੇ।
Anekarūpampi pahāya sabbaṃ, taṇhaṃ pariññāya anāsavāse;
ਅਹਮ੍ਪਿ ਤੇ ਓਘਤਿਣ੍ਣਾਤਿ ਬ੍ਰੂਮੀ’’ਤਿ॥
Ahampi te oghatiṇṇāti brūmī’’ti.
ਨਨ੍ਦਮਾਣવਪੁਚ੍ਛਾ ਸਤ੍ਤਮਾ ਨਿਟ੍ਠਿਤਾ।
Nandamāṇavapucchā sattamā niṭṭhitā.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਸੁਤ੍ਤਨਿਪਾਤ-ਅਟ੍ਠਕਥਾ • Suttanipāta-aṭṭhakathā / ੭. ਨਨ੍ਦਸੁਤ੍ਤવਣ੍ਣਨਾ • 7. Nandasuttavaṇṇanā
