| Library / Tipiṭaka / д̇ибидага • Tipiṭaka / жуул̣анид̣̇д̣̇зса-адтагат̇аа • Cūḷaniddesa-aṭṭhakathā |
7. нанд̣̇амаан̣авасуд̇д̇анид̣̇д̣̇зсаван̣н̣анаа
7. Nandamāṇavasuttaniddesavaṇṇanā
46. сад̇д̇амз нанд̣̇асуд̇д̇з – батамаг̇аат̇ааяад̇т̇о – логз кад̇д̇ияаад̣̇аяож̇анаа ааж̇ийваганиг̇ан̣таад̣̇игз санд̇хааяа ‘‘санд̇и логз мунаяо’’д̇и вад̣̇анд̇и. д̇аяид̣̇ам̣ гат̇ам̣сууд̇и гим̣ ну ко д̇з самаабад̇д̇ин̃аан̣аад̣̇инаа н̃аан̣зна убабаннад̇д̇аа н̃аан̣уубабаннам̣ муни но вад̣̇анд̇и, звам̣вид̇хам̣ ну вад̣̇анд̇и, уд̣̇ааху вз наанаббагаарагзна луукаж̇ийвид̇асан̇каад̇зна ж̇ийвид̇знуубабаннанд̇и.
46. Sattame nandasutte – paṭhamagāthāyattho – loke khattiyādayojanā ājīvakanigaṇṭhādike sandhāya ‘‘santi loke munayo’’ti vadanti. Tayidaṃ kathaṃsūti kiṃ nu kho te samāpattiñāṇādinā ñāṇena upapannattā ñāṇūpapannaṃ muni no vadanti, evaṃvidhaṃ nu vadanti, udāhu ve nānappakārakena lūkhajīvitasaṅkhātena jīvitenūpapannanti.
нид̣̇д̣̇зсз адтасамаабад̇д̇ин̃аан̣зна ваад̇и батамаж̇жхаанаад̣̇иадтасамаабад̇д̇исамбаяуд̇д̇ан̃аан̣зна ваа. бан̃жаабхин̃н̃аан̃аан̣зна ваад̇и буб̣б̣зниваасаад̣̇иж̇аананан̃аан̣зна ваа.
Niddese aṭṭhasamāpattiñāṇena vāti paṭhamajjhānādiaṭṭhasamāpattisampayuttañāṇena vā. Pañcābhiññāñāṇena vāti pubbenivāsādijānanañāṇena vā.
47. ат̇асса бхаг̇аваа д̇ад̣̇убхаяамби бадигкибид̇ваа муним̣ д̣̇ассзнд̇о ‘‘на д̣̇идтияаа’’д̇и г̇аат̇амааха.
47. Athassa bhagavā tadubhayampi paṭikkhipitvā muniṃ dassento ‘‘na diṭṭhiyā’’ti gāthamāha.
48. ид̣̇аани ‘‘д̣̇идтаад̣̇ийхи суд̣̇д̇хий’’д̇и вад̣̇анд̇аанам̣ ваад̣̇з ган̇каабахаанад̇т̇ам̣ ‘‘яз гзжимз’’д̇и бужчад̇и. д̇ад̇т̇а анзгаруубзнаад̇и год̇уухаламан̇г̇алаад̣̇инааби. д̇ад̇т̇а яад̇аа жаранд̇аад̇и д̇ад̇т̇а саггааяад̣̇идтияаа г̇уд̇д̇аа вихаранд̇аа.
48. Idāni ‘‘diṭṭhādīhi suddhī’’ti vadantānaṃ vāde kaṅkhāpahānatthaṃ ‘‘ye kecime’’ti pucchati. Tattha anekarūpenāti kotūhalamaṅgalādināpi. Tattha yatā carantāti tattha sakkāyadiṭṭhiyā guttā viharantā.
49. ат̇асса д̇ат̇аа суд̣̇д̇хиабхаавам̣ д̣̇ийбзнд̇о бхаг̇аваа жад̇уд̇т̇ам̣ г̇аат̇амааха.
49. Athassa tathā suddhiabhāvaṃ dīpento bhagavā catutthaṃ gāthamāha.
50. звам̣ ‘‘наад̇арим̣суу’’д̇и суд̇ваа ид̣̇аани яо ад̇ари, д̇ам̣ сод̇угаамо ‘‘яз гзжимз’’д̇и бужчад̇и. ат̇асса бхаг̇аваа огхад̇ин̣н̣амукзна ж̇аад̇иж̇араад̇ин̣н̣з д̣̇ассзнд̇о чадтам̣ г̇аат̇амааха.
50. Evaṃ ‘‘nātariṃsū’’ti sutvā idāni yo atari, taṃ sotukāmo ‘‘ye kecime’’ti pucchati. Athassa bhagavā oghatiṇṇamukhena jātijarātiṇṇe dassento chaṭṭhaṃ gāthamāha.
51. д̇ад̇т̇а нивуд̇аад̇и овудаа барияонад̣̇д̇хаа. яз сийд̇хаад̇и яз су ид̇ха, зд̇т̇а жа су-ид̇и нибаад̇амад̇д̇ам̣. д̇ан̣хам̣ барин̃н̃ааяаад̇и д̇ийхи барин̃н̃аахи д̇ан̣хам̣ бариж̇аанид̇ваа. сзсам̣ саб̣б̣ад̇т̇а буб̣б̣з вуд̇д̇анаяад̇д̇аа баагадамзва.
51. Tattha nivutāti ovuṭā pariyonaddhā. Ye sīdhāti ye su idha, ettha ca su-iti nipātamattaṃ. Taṇhaṃ pariññāyāti tīhi pariññāhi taṇhaṃ parijānitvā. Sesaṃ sabbattha pubbe vuttanayattā pākaṭameva.
52. звам̣ бхаг̇аваа арахад̇д̇анигуудзнзва д̣̇зсанам̣ нидтаабзси, д̣̇зсанаабарияосаанз бана нанд̣̇о бхаг̇авад̇о бхаасид̇ам̣ абхинанд̣̇амаано зд̇аабхинанд̣̇аамийд̇и г̇аат̇амааха. ид̇хааби жа буб̣б̣з вуд̇д̇асад̣̇исо зва д̇хаммаабхисамаяо ахосийд̇и.
52. Evaṃ bhagavā arahattanikūṭeneva desanaṃ niṭṭhāpesi, desanāpariyosāne pana nando bhagavato bhāsitaṃ abhinandamāno etābhinandāmīti gāthamāha. Idhāpi ca pubbe vuttasadiso eva dhammābhisamayo ahosīti.
сад̣̇д̇хаммаббаж̇ж̇од̇игааяа жуул̣анид̣̇д̣̇зса-адтагат̇ааяа
Saddhammappajjotikāya cūḷaniddesa-aṭṭhakathāya
нанд̣̇амаан̣авасуд̇д̇анид̣̇д̣̇зсаван̣н̣анаа нидтид̇аа.
Nandamāṇavasuttaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / жуул̣анид̣̇д̣̇зсабаал̣и • Cūḷaniddesapāḷi
7. нанд̣̇амаан̣авабужчаа • 7. Nandamāṇavapucchā
7. нанд̣̇амаан̣авабужчаанид̣̇д̣̇зсо • 7. Nandamāṇavapucchāniddeso
