| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
10. нанд̣̇амаад̇аасуд̇д̇аван̣н̣анаа
10. Nandamātāsuttavaṇṇanā
53. д̣̇асамам̣ ад̇т̇уббад̇д̇ивасзна д̣̇зсид̇ам̣. сад̇т̇аа гира вуд̇т̇авассо баваарзд̇ваа д̣̇вз аг̇г̇асаавагз охааяа ‘‘д̣̇агкин̣ааг̇ирим̣ жааригам̣ г̇амиссаамий’’д̇и нигками, рааж̇аа басзнад̣̇и госало, анаат̇абин̣д̣иго г̇ахабад̇и, висаакаа махааубаасигаа, ан̃н̃з жа б̣ахуж̇анаа д̣̇асаб̣алам̣ нивад̇д̇зд̇ум̣ наасагким̣су. анаат̇абин̣д̣иго г̇ахабад̇и ‘‘сад̇т̇аарам̣ нивад̇д̇зд̇ум̣ наасагки’’нд̇и рахо жинд̇аяамаано нисийд̣̇и. ат̇а нам̣ бун̣н̣аа наама д̣̇аасий д̣̇исваа ‘‘гим̣ ну ко д̇з, саами, на буб̣б̣з вияа инд̣̇рияаани виббасаннааний’’д̇и бужчи. аама, бун̣н̣з, сад̇т̇аа жааригам̣ багганд̇о, д̇амахам̣ нивад̇д̇зд̇ум̣ наасагким̣. на ко бана саггаа ж̇аанид̇ум̣ буна сийгхам̣ ааг̇ажчзяяа ваа на ваа, д̇знаахам̣ жинд̇аяамаано нисиннод̇и. сажаахам̣ д̣̇асаб̣алам̣ нивад̇д̇зяяам̣, гим̣ мз гарзяяаасийд̇и? бхуж̇иссам̣ д̇ам̣ гариссаамийд̇и. саа г̇анд̇ваа сад̇т̇аарам̣ ванд̣̇ид̇ваа ‘‘нивад̇д̇ат̇а, бханд̇з’’д̇и ааха. мама нивад̇д̇анабажжаяаа д̇вам̣ гим̣ гариссасийд̇и? д̇умхз, бханд̇з, мама бараад̇хийнабхаавам̣ ж̇аанаат̇а, ан̃н̃ам̣ гин̃жи гаад̇ум̣ на саггоми, саран̣зсу бана бад̇идтааяа бан̃жа сийлаани рагкиссаамийд̇и. саад̇ху саад̇ху бун̣н̣зд̇и, сад̇т̇аа д̇хаммаг̇ааравзна згабад̣̇асмин̃н̃зва нивад̇д̇и. вуд̇д̇ан̃хзд̇ам̣ – ‘‘д̇хаммаг̇ару, бхигкавз, д̇ат̇ааг̇ад̇о д̇хаммаг̇аараво’’д̇и (а. ни. 5.99).
53. Dasamaṃ atthuppattivasena desitaṃ. Satthā kira vutthavasso pavāretvā dve aggasāvake ohāya ‘‘dakkhiṇāgiriṃ cārikaṃ gamissāmī’’ti nikkhami, rājā pasenadi kosalo, anāthapiṇḍiko gahapati, visākhā mahāupāsikā, aññe ca bahujanā dasabalaṃ nivattetuṃ nāsakkhiṃsu. Anāthapiṇḍiko gahapati ‘‘satthāraṃ nivattetuṃ nāsakkhi’’nti raho cintayamāno nisīdi. Atha naṃ puṇṇā nāma dāsī disvā ‘‘kiṃ nu kho te, sāmi, na pubbe viya indriyāni vippasannānī’’ti pucchi. Āma, puṇṇe, satthā cārikaṃ pakkanto, tamahaṃ nivattetuṃ nāsakkhiṃ. Na kho pana sakkā jānituṃ puna sīghaṃ āgaccheyya vā na vā, tenāhaṃ cintayamāno nisinnoti. Sacāhaṃ dasabalaṃ nivatteyyaṃ, kiṃ me kareyyāsīti? Bhujissaṃ taṃ karissāmīti. Sā gantvā satthāraṃ vanditvā ‘‘nivattatha, bhante’’ti āha. Mama nivattanapaccayā tvaṃ kiṃ karissasīti? Tumhe, bhante, mama parādhīnabhāvaṃ jānātha, aññaṃ kiñci kātuṃ na sakkomi, saraṇesu pana patiṭṭhāya pañca sīlāni rakkhissāmīti. Sādhu sādhu puṇṇeti, satthā dhammagāravena ekapadasmiññeva nivatti. Vuttañhetaṃ – ‘‘dhammagaru, bhikkhave, tathāgato dhammagāravo’’ti (a. ni. 5.99).
сад̇т̇аа нивад̇д̇ид̇ваа ж̇зд̇аванамахаавихаарам̣ баависи. махааж̇ано бун̣н̣ааяа саад̇хугаарасахассаани ад̣̇ааси. сад̇т̇аа д̇асмим̣ самааг̇амз д̇хаммам̣ д̣̇зсзси, жад̇ураасийд̇ибаан̣асахассаани амад̇абаанам̣ бивим̣су. бун̣н̣ааби сздтинаа анун̃н̃аад̇аа бхигкуниубассаяам̣ г̇анд̇ваа баб̣б̣аж̇и. саммаасамб̣уд̣̇д̇хо саарибуд̇д̇амог̇г̇аллаанз ааманд̇зд̇ваа ‘‘ахам̣ яам̣ д̣̇исам̣ жааригааяа нигканд̇о, д̇ад̇т̇а на г̇ажчаами. д̇умхз д̇умхаагам̣ барисааяа сад̣̇д̇хим̣ д̇ам̣ д̣̇исам̣ жааригам̣ г̇ажчат̇аа’’д̇и вад̇ваа уяяож̇зси. имиссам̣ ад̇т̇уббад̇д̇ияам̣ згам̣ самаяам̣ ааяасмаа саарибуд̇д̇од̇иаад̣̇и вуд̇д̇ам̣.
Satthā nivattitvā jetavanamahāvihāraṃ pāvisi. Mahājano puṇṇāya sādhukārasahassāni adāsi. Satthā tasmiṃ samāgame dhammaṃ desesi, caturāsītipāṇasahassāni amatapānaṃ piviṃsu. Puṇṇāpi seṭṭhinā anuññātā bhikkhuniupassayaṃ gantvā pabbaji. Sammāsambuddho sāriputtamoggallāne āmantetvā ‘‘ahaṃ yaṃ disaṃ cārikāya nikkhanto, tattha na gacchāmi. Tumhe tumhākaṃ parisāya saddhiṃ taṃ disaṃ cārikaṃ gacchathā’’ti vatvā uyyojesi. Imissaṃ atthuppattiyaṃ ekaṃ samayaṃ āyasmā sāriputtotiādi vuttaṃ.
д̇ад̇т̇а взл̣уган̣д̣агийд̇и взл̣уган̣даганаг̇араваасиний. д̇асса гира наг̇арасса баагаараг̇уд̇д̇ад̇т̇ааяа баагаарабарияанд̇зна взл̣уу робид̇аа, д̇знасса взл̣уган̣даганд̇зва наамам̣ ж̇аад̇ам̣. баарааяананд̇и ниб̣б̣аанасан̇каад̇абаарам̣ аяанад̇о баарааяананд̇и лад̣̇д̇хавохаарам̣ д̇хаммам̣. сарзна бхаасад̇ийд̇и сад̇д̇абхуумигасса баасаад̣̇асса убаримад̇алз сусам̣вихид̇аарагкадтаанз нисиннаа самаабад̇д̇иб̣алзна рад̇д̇ибхааг̇ам̣ вийд̇инаамзд̇ваа самаабад̇д̇ид̇о вудтааяа ‘‘имам̣ рад̇д̇аавасзсам̣ гад̇арааяа рад̇ияаа вийд̇инаамзссаамий’’д̇и жинд̇зд̇ваа ‘‘д̇хаммарад̇ияаа’’д̇и гад̇асаннидтаанаа д̇ийн̣и палаани бад̇д̇аа арияасаавигаа ад̣дхад̇зяяаг̇аат̇аасад̇абаримаан̣ам̣ баарааяанасуд̇д̇ам̣ мад̇хурзна сарабхан̃н̃зна бхаасад̇и. ассоси код̇и аагаасадтагавимаанаани барихарид̇ваа д̇асса баасаад̣̇асса убарибхааг̇ам̣ г̇ад̇зна маг̇г̇зна наравааханаяаанам̣ ааруяха г̇ажчамаано ассоси. гат̇аабарияосаанам̣ ааг̇амаяамаано адтаасийд̇и ‘‘гим̣ сад̣̇д̣̇о зса бхан̣з’’д̇и бужчид̇ваа ‘‘нанд̣̇амаад̇ааяа убаасигааяа сарабхан̃н̃асад̣̇д̣̇о’’д̇и вуд̇д̇з од̇арид̇ваа ‘‘ид̣̇амавожаа’’д̇и ид̣̇ам̣ д̣̇зсанаабарияосаанам̣ ологзнд̇о авид̣̇уурадтаанз аагаасз адтааси.
Tattha veḷukaṇḍakīti veḷukaṇṭakanagaravāsinī. Tassa kira nagarassa pākāraguttatthāya pākārapariyantena veḷū ropitā, tenassa veḷukaṇṭakanteva nāmaṃ jātaṃ. Pārāyananti nibbānasaṅkhātapāraṃ ayanato pārāyananti laddhavohāraṃ dhammaṃ. Sarena bhāsatīti sattabhūmikassa pāsādassa uparimatale susaṃvihitārakkhaṭṭhāne nisinnā samāpattibalena rattibhāgaṃ vītināmetvā samāpattito vuṭṭhāya ‘‘imaṃ rattāvasesaṃ katarāya ratiyā vītināmessāmī’’ti cintetvā ‘‘dhammaratiyā’’ti katasanniṭṭhānā tīṇi phalāni pattā ariyasāvikā aḍḍhateyyagāthāsataparimāṇaṃ pārāyanasuttaṃ madhurena sarabhaññena bhāsati. Assosi khoti ākāsaṭṭhakavimānāni pariharitvā tassa pāsādassa uparibhāgaṃ gatena maggena naravāhanayānaṃ āruyha gacchamāno assosi. Kathāpariyosānaṃ āgamayamāno aṭṭhāsīti ‘‘kiṃ saddo esa bhaṇe’’ti pucchitvā ‘‘nandamātāya upāsikāya sarabhaññasaddo’’ti vutte otaritvā ‘‘idamavocā’’ti idaṃ desanāpariyosānaṃ olokento avidūraṭṭhāne ākāse aṭṭhāsi.
саад̇ху бхаг̇ини, саад̇ху бхаг̇инийд̇и ‘‘суг̇г̇ахид̇аа д̇з бхаг̇ини д̇хаммад̣̇зсанаа сугат̇ид̇аа, баасаан̣агажзд̇ияз нисийд̣̇ид̇ваа сол̣асаннам̣ баарааяанигаб̣раахман̣аанам̣ саммаасамб̣уд̣̇д̇хзна гат̇ид̇ад̣̇ивасз жа аж̇ж̇а жа на гин̃жи анд̇арам̣ бассаами, маж̇жхз бхиннасуван̣н̣ам̣ вияа д̇з сад̇т̇у гат̇ид̇зна сад̣̇д̇хим̣ сад̣̇исамзва гат̇ид̇а’’нд̇и вад̇ваа саад̇хугаарам̣ д̣̇ад̣̇анд̇о звамааха. го банзсо бхад̣̇рамукаад̇и имасмим̣ сусам̣вихид̇аарагкадтаанз звам̣ маханд̇зна сад̣̇д̣̇зна го наамзса, бхад̣̇рамука, лад̣̇д̇хамука, гим̣ нааг̇о субан̣н̣о д̣̇зво мааро б̣рахмаад̇и суван̣н̣абаддаван̣н̣ам̣ ваад̇абаанам̣ виварид̇ваа виг̇ад̇асаараж̇ж̇аа д̇ийн̣и палаани бад̇д̇аа арияасаавигаа взссаван̣зна сад̣̇д̇хим̣ гат̇аяамаанаа звамааха. ахам̣ д̇з бхаг̇ини бхаад̇аад̇и саяам̣ сод̇аабаннад̇д̇аа анааг̇аамиарияасаавигам̣ ж̇здтигам̣ ман̃н̃амаано ‘‘бхаг̇иний’’д̇и вад̇ваа буна д̇ам̣ батамаваяз тид̇ад̇д̇аа ад̇д̇ано ганидтам̣, ад̇д̇аанам̣ бана навуд̇ивассасад̇асахассааяугад̇д̇аа махаллагад̇арам̣ ман̃н̃амаано ‘‘бхаад̇аа’’д̇и ааха. саад̇ху бхад̣̇рамукаад̇и, бхад̣̇рамука, саад̇ху сунд̣̇арам̣, свааг̇аманам̣ д̇з ааг̇аманам̣, ааг̇анд̇ум̣ яуд̇д̇адтаанамзваси ааг̇ад̇од̇и ад̇т̇о. ид̣̇ам̣ д̇з ход̇у аад̇ит̇зяяанд̇и ид̣̇амзва д̇хаммабхан̣анам̣ д̇ава ад̇ит̇ибан̣н̣аагааро ход̇у, на хи д̇з ан̃н̃ам̣ ид̇о уд̇д̇арид̇арам̣ д̣̇аад̇аб̣б̣ам̣ бассаамийд̇и ад̇хиббааяо . зван̃жзва мз бхависсад̇и аад̇ит̇зяяанд̇и звам̣ ад̇д̇ано бад̇д̇ид̣̇аанам̣ яаажид̇ваа ‘‘аяам̣ д̇з д̇хаммагат̇игасаггааро’’д̇и ад̣дхад̇зл̣асаани годтасад̇аани рад̇д̇асаалийнам̣ буурзд̇ваа ‘‘яаавааяам̣ убаасигаа жарад̇и, д̇аава маа каяам̣ г̇амим̣суу’’д̇и ад̇хидтахид̇ваа баггаами. яаава убаасигаа адтааси, д̇аава годтаанам̣ хздтимад̇алам̣ наама д̣̇адтум̣ наасагким̣су. д̇ад̇о бадтааяа ‘‘нанд̣̇амаад̇ааяа годтааг̇аарам̣ вияаа’’д̇и вохааро уд̣̇абаад̣̇и.
Sādhu bhagini, sādhu bhaginīti ‘‘suggahitā te bhagini dhammadesanā sukathitā, pāsāṇakacetiye nisīditvā soḷasannaṃ pārāyanikabrāhmaṇānaṃ sammāsambuddhena kathitadivase ca ajja ca na kiñci antaraṃ passāmi, majjhe bhinnasuvaṇṇaṃ viya te satthu kathitena saddhiṃ sadisameva kathita’’nti vatvā sādhukāraṃ dadanto evamāha. Ko paneso bhadramukhāti imasmiṃ susaṃvihitārakkhaṭṭhāne evaṃ mahantena saddena ko nāmesa, bhadramukha, laddhamukha, kiṃ nāgo supaṇṇo devo māro brahmāti suvaṇṇapaṭṭavaṇṇaṃ vātapānaṃ vivaritvā vigatasārajjā tīṇi phalāni pattā ariyasāvikā vessavaṇena saddhiṃ kathayamānā evamāha. Ahaṃ te bhagini bhātāti sayaṃ sotāpannattā anāgāmiariyasāvikaṃ jeṭṭhikaṃ maññamāno ‘‘bhaginī’’ti vatvā puna taṃ paṭhamavaye ṭhitattā attano kaniṭṭhaṃ, attānaṃ pana navutivassasatasahassāyukattā mahallakataraṃ maññamāno ‘‘bhātā’’ti āha. Sādhu bhadramukhāti, bhadramukha, sādhu sundaraṃ, svāgamanaṃ te āgamanaṃ, āgantuṃ yuttaṭṭhānamevasi āgatoti attho. Idaṃ te hotu ātitheyyanti idameva dhammabhaṇanaṃ tava atithipaṇṇākāro hotu, na hi te aññaṃ ito uttaritaraṃ dātabbaṃ passāmīti adhippāyo . Evañceva me bhavissati ātitheyyanti evaṃ attano pattidānaṃ yācitvā ‘‘ayaṃ te dhammakathikasakkāro’’ti aḍḍhateḷasāni koṭṭhasatāni rattasālīnaṃ pūretvā ‘‘yāvāyaṃ upāsikā carati, tāva mā khayaṃ gamiṃsū’’ti adhiṭṭhahitvā pakkāmi. Yāva upāsikā aṭṭhāsi, tāva koṭṭhānaṃ heṭṭhimatalaṃ nāma daṭṭhuṃ nāsakkhiṃsu. Tato paṭṭhāya ‘‘nandamātāya koṭṭhāgāraṃ viyā’’ti vohāro udapādi.
агад̇абаад̇араасод̇и абхуд̇д̇абаад̇араасо. бун̃н̃анд̇и буб̣б̣ажзд̇анаа жа мун̃жанажзд̇анаа жа. бун̃н̃амахийд̇и абаражзд̇анаа. сукааяа ход̇ууд̇и сукад̇т̇ааяа хид̇ад̇т̇ааяа ход̇у. звам̣ ад̇д̇ано д̣̇аанз взссаван̣асса бад̇д̇им̣ ад̣̇ааси.
Akatapātarāsoti abhuttapātarāso. Puññanti pubbacetanā ca muñcanacetanā ca. Puññamahīti aparacetanā. Sukhāya hotūti sukhatthāya hitatthāya hotu. Evaṃ attano dāne vessavaṇassa pattiṃ adāsi.
багаран̣зд̇и гааран̣з. оггасса басаяхаад̇и аагад̣дхид̇ваа абхибхавид̇ваа. яагкаяонинд̇и бхуммад̣̇звад̇аабхаавам̣. д̇знзва буримзна ад̇д̇абхаавзна уд̣̇д̣̇ассзд̇ийд̇и буримасарийрасад̣̇исамзва сарийрам̣ маабзд̇ваа алан̇гад̇абадияад̇д̇о сириг̇аб̣бхасаяанад̇алз ад̇д̇аанам̣ д̣̇ассзд̇и. убаасигаа бадид̣̇зсид̇аад̇и убаасигаа аханд̇и звам̣ убаасигаабхаавам̣ д̣̇зсзсим̣. яаавад̣̇зд̇и яаавад̣̇зва. сзсам̣ саб̣б̣ад̇т̇а уд̇д̇аанамзваад̇и.
Pakaraṇeti kāraṇe. Okkassa pasayhāti ākaḍḍhitvā abhibhavitvā. Yakkhayoninti bhummadevatābhāvaṃ. Teneva purimena attabhāvena uddassetīti purimasarīrasadisameva sarīraṃ māpetvā alaṅkatapaṭiyatto sirigabbhasayanatale attānaṃ dasseti. Upāsikā paṭidesitāti upāsikā ahanti evaṃ upāsikābhāvaṃ desesiṃ. Yāvadeti yāvadeva. Sesaṃ sabbattha uttānamevāti.
махааяан̃н̃аваг̇г̇о бан̃жамо.
Mahāyaññavaggo pañcamo.
бан̣н̣аасагам̣ нидтид̇ам̣.
Paṇṇāsakaṃ niṭṭhitaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 10. нанд̣̇амаад̇аасуд̇д̇ам̣ • 10. Nandamātāsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 10. нанд̣̇амаад̇аасуд̇д̇аван̣н̣анаа • 10. Nandamātāsuttavaṇṇanā
