| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
2. නන්‌දනවග්‌ගො
2. Nandanavaggo
1. නන්‌දනසුත්‌තං
1. Nandanasuttaṃ
11. එවං මෙ සුතං – එකං සමයං භගවා සාවත්‌ථියං විහරති ජෙතවනෙ අනාථපිණ්‌ඩිකස්‌ස ආරාමෙ. තත්‍ර ඛො භගවා භික්‌ඛූ ආමන්‌තෙසි – ‘‘භික්‌ඛවො’’ති. ‘‘භදන්‌තෙ’’ති තෙ භික්‌ඛූ භගවතො පච්‌චස්‌සොසුං. භගවා එතදවොච –
11. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tatra kho bhagavā bhikkhū āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca –
‘‘භූතපුබ්‌බං, භික්‌ඛවෙ, අඤ්‌ඤතරා තාවතිංසකායිකා දෙවතා නන්‌දනෙ වනෙ අච්‌ඡරාසඞ්‌ඝපරිවුතා දිබ්‌බෙහි පඤ්‌චහි කාමගුණෙහි සමප්‌පිතා සමඞ්‌ගීභූතා පරිචාරියමානා 1 තායං වෙලායං ඉමං ගාථං අභාසි –
‘‘Bhūtapubbaṃ, bhikkhave, aññatarā tāvatiṃsakāyikā devatā nandane vane accharāsaṅghaparivutā dibbehi pañcahi kāmaguṇehi samappitā samaṅgībhūtā paricāriyamānā 2 tāyaṃ velāyaṃ imaṃ gāthaṃ abhāsi –
‘‘න තෙ සුඛං පජානන්‌ති, යෙ න පස්‌සන්‌ති නන්‌දනං;
‘‘Na te sukhaṃ pajānanti, ye na passanti nandanaṃ;
ආවාසං නරදෙවානං, තිදසානං යසස්‌සින’’න්‌ති.
Āvāsaṃ naradevānaṃ, tidasānaṃ yasassina’’nti.
‘‘එවං වුත්‌තෙ, භික්‌ඛවෙ, අඤ්‌ඤතරා දෙවතා තං දෙවතං ගාථාය පච්‌චභාසි –
‘‘Evaṃ vutte, bhikkhave, aññatarā devatā taṃ devataṃ gāthāya paccabhāsi –
‘‘න ත්‌වං බාලෙ පජානාසි, යථා අරහතං වචො;
‘‘Na tvaṃ bāle pajānāsi, yathā arahataṃ vaco;
උප්‌පජ්‌ජිත්‌වා නිරුජ්‌ඣන්‌ති, තෙසං වූපසමො සුඛො’’ති.
Uppajjitvā nirujjhanti, tesaṃ vūpasamo sukho’’ti.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 1. නන්‌දනසුත්‌තවණ්‌ණනා • 1. Nandanasuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 1. නන්‌දනසුත්‌තවණ්‌ණනා • 1. Nandanasuttavaṇṇanā
