| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
2. нанд̣̇анаваг̇г̇о
2. Nandanavaggo
1. нанд̣̇анасуд̇д̇аван̣н̣анаа
1. Nandanasuttavaṇṇanā
11. нанд̣̇анаваг̇г̇асса батамз д̇ад̇раад̇и д̇асмим̣ аараамз. код̇и б̣яан̃ж̇анасилидтад̇аавасзна нибаад̇амад̇д̇ам̣. бхигкуу ааманд̇зсийд̇и барисаж̇здтагз бхигкуу ж̇аанаабзси. бхигкавод̇и д̇зсам̣ ааманд̇анаагаарад̣̇ийбанам̣. бхад̣̇анд̇зд̇и бад̇иважанад̣̇аанам̣. д̇з бхигкууд̇и яз д̇ад̇т̇а саммукийбхууд̇аа д̇хаммабадиг̇г̇аахагаа бхигкуу. бхаг̇авад̇о бажжассосунд̇и бхаг̇авад̇о важанам̣ бад̇иассосум̣, абхимукаа худ̇ваа сун̣им̣су самбадижчим̣сууд̇и ад̇т̇о. зд̇ад̣̇авожаад̇и зд̇ам̣ ид̣̇аани вад̇д̇аб̣б̣ам̣ ‘‘бхууд̇абуб̣б̣а’’нд̇иаад̣̇иважанам̣ авожа. д̇ад̇т̇а д̇аавад̇им̣сагааяигаад̇и д̇аавад̇им̣сагааяз ниб̣б̣ад̇д̇аа. д̇аавад̇им̣сагааяо наама д̣̇уд̇ияад̣̇звалого вужжад̇и. магхзна маан̣авзна сад̣̇д̇хим̣ мажалаг̇аамз гаалам̣ гад̇ваа д̇ад̇т̇а уббаннз д̇зд̇д̇им̣са д̣̇звабуд̇д̇з убаад̣̇ааяа гира д̇асса д̣̇звалогасса аяам̣ бан̣н̣ад̇д̇и ж̇аад̇аад̇и вад̣̇анд̇и. яасмаа бана сзсажаггаваал̣зсуби ча гаамааважарад̣̇звалогаа ад̇т̇и. вуд̇д̇амби жзд̇ам̣ ‘‘сахассам̣ жаад̇умахаарааж̇игаанам̣ сахассам̣ д̇аавад̇им̣саана’’нд̇и (а. ни. 10.29), д̇асмаа наамабан̣н̣ад̇д̇иязвзсаа д̇асса д̣̇звалогассаад̇и взд̣̇ид̇аб̣б̣аа. зван̃хи нид̣̇д̣̇осам̣ бад̣̇ам̣ ход̇и.
11. Nandanavaggassa paṭhame tatrāti tasmiṃ ārāme. Khoti byañjanasiliṭṭhatāvasena nipātamattaṃ. Bhikkhū āmantesīti parisajeṭṭhake bhikkhū jānāpesi. Bhikkhavoti tesaṃ āmantanākāradīpanaṃ. Bhadanteti pativacanadānaṃ. Te bhikkhūti ye tattha sammukhībhūtā dhammapaṭiggāhakā bhikkhū. Bhagavato paccassosunti bhagavato vacanaṃ patiassosuṃ, abhimukhā hutvā suṇiṃsu sampaṭicchiṃsūti attho. Etadavocāti etaṃ idāni vattabbaṃ ‘‘bhūtapubba’’ntiādivacanaṃ avoca. Tattha tāvatiṃsakāyikāti tāvatiṃsakāye nibbattā. Tāvatiṃsakāyo nāma dutiyadevaloko vuccati. Maghena māṇavena saddhiṃ macalagāme kālaṃ katvā tattha uppanne tettiṃsa devaputte upādāya kira tassa devalokassa ayaṃ paṇṇatti jātāti vadanti. Yasmā pana sesacakkavāḷesupi cha kāmāvacaradevalokā atthi. Vuttampi cetaṃ ‘‘sahassaṃ cātumahārājikānaṃ sahassaṃ tāvatiṃsāna’’nti (a. ni. 10.29), tasmā nāmapaṇṇattiyevesā tassa devalokassāti veditabbā. Evañhi niddosaṃ padaṃ hoti.
нанд̣̇анз ванзд̇и зд̇т̇а д̇ам̣ ванам̣ бавидтз бавидтз нанд̣̇аяад̇и д̇осзд̇ийд̇и нанд̣̇анам̣. бан̃жасу хи маран̣анимид̇д̇зсу уббаннзсу ‘‘самбад̇д̇им̣ бахааяа жависсаамаа’’д̇и барид̣̇звамаанаа д̣̇звад̇аа сагго д̣̇зваанаминд̣̇о ‘‘маа барид̣̇звид̇т̇а, абхиж̇ж̇анад̇хаммаа наама сан̇каараа над̇т̇ий’’д̇и овад̣̇ид̇ваа д̇ад̇т̇а бавзсаабзд̇и. д̇аасам̣ ан̃н̃аахи д̣̇звад̇аахи б̣аахаасу г̇ахзд̇ваа бавзсид̇аанамби д̇асса самбад̇д̇им̣ д̣̇исваава маран̣асого вуубасаммад̇и, бийд̇ибаамож̇ж̇амзва уббаж̇ж̇ад̇и. ат̇а д̇асмим̣ гийл̣амаанаа зва ун̣хасанд̇ад̇д̇о химабин̣д̣о вияа вилийяанд̇и, ваад̇аабахад̇ад̣̇ийбасикаа вияа виж̇жхааяанд̇ийд̇и звам̣ яам̣гин̃жи анд̇о бавидтам̣ нанд̣̇аяад̇и д̇осзд̇иязваад̇и нанд̣̇анам̣, д̇асмим̣ нанд̣̇анз. ажчараасан̇гхабаривуд̇аад̇и ажчараад̇и д̣̇звад̇хийд̇аанам̣ наамам̣, д̇аасам̣ самуухзна баривуд̇аа.
Nandane vaneti ettha taṃ vanaṃ paviṭṭhe paviṭṭhe nandayati tosetīti nandanaṃ. Pañcasu hi maraṇanimittesu uppannesu ‘‘sampattiṃ pahāya cavissāmā’’ti paridevamānā devatā sakko devānamindo ‘‘mā paridevittha, abhijjanadhammā nāma saṅkhārā natthī’’ti ovaditvā tattha pavesāpeti. Tāsaṃ aññāhi devatāhi bāhāsu gahetvā pavesitānampi tassa sampattiṃ disvāva maraṇasoko vūpasammati, pītipāmojjameva uppajjati. Atha tasmiṃ kīḷamānā eva uṇhasantatto himapiṇḍo viya vilīyanti, vātāpahatadīpasikhā viya vijjhāyantīti evaṃ yaṃkiñci anto paviṭṭhaṃ nandayati tosetiyevāti nandanaṃ, tasmiṃ nandane. Accharāsaṅghaparivutāti accharāti devadhītānaṃ nāmaṃ, tāsaṃ samūhena parivutā.
д̣̇иб̣б̣зхийд̇и д̣̇звалогз ниб̣б̣ад̇д̇зхи. бан̃жахи гаамаг̇ун̣зхийд̇и манаабияаруубасад̣̇д̣̇аг̇анд̇харасаподтаб̣б̣асан̇каад̇зхи бан̃жахи гаамаб̣анд̇ханзхи гаамагодтаасзхи ваа . самаббид̇аад̇и убзд̇аа. ид̇арам̣ д̇ассзва взважанам̣. барижаараяамаанаад̇и рамамаанаа, д̇зсу д̇зсу ваа руубаад̣̇ийсу инд̣̇рияаани сан̃жаараяамаанаа. д̇ааяам̣ взлааяанд̇и д̇асмим̣ барижааран̣агаалз. со банасса д̣̇звабуд̇д̇асса ад̇хунаа абхиниб̣б̣ад̇д̇агаало взд̣̇ид̇аб̣б̣о. д̇асса хи бадисанд̇хигкан̣зязва рад̇д̇асуван̣н̣агканд̇хо вияа вирожаяамаано д̇иг̇аавуд̇аббамаан̣о ад̇д̇абхааво ниб̣б̣ад̇д̇и. со д̣̇иб̣б̣авад̇т̇анивад̇т̇о д̣̇иб̣б̣аалан̇гаарабадиман̣д̣ид̇о д̣̇иб̣б̣амаалаавилзбанад̇харо д̣̇иб̣б̣зхи жанд̣̇анажун̣н̣зхи самам̣ вигирияамаано д̣̇иб̣б̣зхи бан̃жахи гаамаг̇ун̣зхи овуд̇о нивуд̇о барияонад̣̇д̇хо лобхаабхибхууд̇о худ̇ваа лобханиссаран̣ам̣ ниб̣б̣аанам̣ абассанд̇о аасабхим̣ ваажам̣ бхаасанд̇о вияа махаасад̣̇д̣̇зна ‘‘на д̇з сукам̣ баж̇аананд̇ий’’д̇и имам̣ г̇аат̇ам̣ г̇ааяамаано нанд̣̇анаванз вижари. д̇зна вуд̇д̇ам̣ – ‘‘д̇ааяам̣ взлааяам̣ имам̣ г̇аат̇ам̣ абхаасий’’д̇и.
Dibbehīti devaloke nibbattehi. Pañcahi kāmaguṇehīti manāpiyarūpasaddagandharasaphoṭṭhabbasaṅkhātehi pañcahi kāmabandhanehi kāmakoṭṭhāsehi vā . Samappitāti upetā. Itaraṃ tasseva vevacanaṃ. Paricārayamānāti ramamānā, tesu tesu vā rūpādīsu indriyāni sañcārayamānā. Tāyaṃ velāyanti tasmiṃ paricāraṇakāle. So panassa devaputtassa adhunā abhinibbattakālo veditabbo. Tassa hi paṭisandhikkhaṇeyeva rattasuvaṇṇakkhandho viya virocayamāno tigāvutappamāṇo attabhāvo nibbatti. So dibbavatthanivattho dibbālaṅkārapaṭimaṇḍito dibbamālāvilepanadharo dibbehi candanacuṇṇehi samaṃ vikiriyamāno dibbehi pañcahi kāmaguṇehi ovuto nivuto pariyonaddho lobhābhibhūto hutvā lobhanissaraṇaṃ nibbānaṃ apassanto āsabhiṃ vācaṃ bhāsanto viya mahāsaddena ‘‘na te sukhaṃ pajānantī’’ti imaṃ gāthaṃ gāyamāno nandanavane vicari. Tena vuttaṃ – ‘‘tāyaṃ velāyaṃ imaṃ gāthaṃ abhāsī’’ti.
яз на бассанд̇и нанд̣̇ананд̇и яз д̇ад̇ра бан̃жагаамаг̇ун̣аанубхаванавасзна нанд̣̇анаванам̣ на бассанд̇и. нарад̣̇зваананд̇и д̣̇званараанам̣, д̣̇звабурисаананд̇и ад̇т̇о. д̇ид̣̇асаананд̇и д̇игкад̇д̇ум̣ д̣̇асаннам̣. яасассинанд̇и бариваарасан̇каад̇зна яасзна самбаннаанам̣.
Ye na passanti nandananti ye tatra pañcakāmaguṇānubhavanavasena nandanavanaṃ na passanti. Naradevānanti devanarānaṃ, devapurisānanti attho. Tidasānanti tikkhattuṃ dasannaṃ. Yasassinanti parivārasaṅkhātena yasena sampannānaṃ.
ан̃н̃ад̇араа д̣̇звад̇аад̇и згаа арияасаавигаа д̣̇звад̇аа. бажжабхаасийд̇и ‘‘аяам̣ б̣аалад̣̇звад̇аа имам̣ самбад̇д̇им̣ нижжам̣ ажалам̣ ман̃н̃ад̇и, наассаа чзд̣̇анабхзд̣̇анавид̣̇д̇хам̣санад̇хаммад̇ам̣ ж̇аанаад̇ий’’д̇и ад̇хиббааяам̣ виваддзд̇ваа д̣̇ассзнд̇ий ‘‘на д̇вам̣ б̣аалз’’д̇и имааяа г̇аат̇ааяа бад̇иабхааси. яат̇аа арахад̇ам̣ важод̇и яат̇аа араханд̇аанам̣ важанам̣, д̇ат̇аа д̇вам̣ на ж̇аанаасийд̇и. звам̣ д̇ассаа ад̇хиббааяам̣ бадигкибид̇ваа ид̣̇аани араханд̇аанам̣ важанам̣ д̣̇ассзнд̇ий анижжаад̇иаад̣̇имааха. д̇ад̇т̇а анижжаа вад̇а сан̇каараад̇и саб̣б̣з д̇збхуумагасан̇каараа худ̇ваа абхаавад̇т̇зна анижжаа. уббаад̣̇аваяад̇хамминод̇и уббаад̣̇аваяасабхааваа. уббаж̇ж̇ид̇ваа нируж̇жханд̇ийд̇и ид̣̇ам̣ буримассзва взважанам̣. яасмаа ваа уббаж̇ж̇ид̇ваа нируж̇жханд̇и, д̇асмаа уббаад̣̇аваяад̇хамминод̇и. уббаад̣̇аваяаг̇г̇ахан̣зна жзд̇т̇а д̇ад̣̇ананд̇араа взмаж̇жхадтаанам̣ г̇ахид̇амзва ход̇и. д̇зсам̣ вуубасамо сукод̇и д̇зсам̣ сан̇каараанам̣ вуубасамасан̇каад̇ам̣ ниб̣б̣аанамзва сукам̣. ид̣̇ам̣ арахад̇ам̣ важод̇и.
Aññatarā devatāti ekā ariyasāvikā devatā. Paccabhāsīti ‘‘ayaṃ bāladevatā imaṃ sampattiṃ niccaṃ acalaṃ maññati, nāssā chedanabhedanaviddhaṃsanadhammataṃ jānātī’’ti adhippāyaṃ vivaṭṭetvā dassentī ‘‘na tvaṃ bāle’’ti imāya gāthāya patiabhāsi. Yathā arahataṃ vacoti yathā arahantānaṃ vacanaṃ, tathā tvaṃ na jānāsīti. Evaṃ tassā adhippāyaṃ paṭikkhipitvā idāni arahantānaṃ vacanaṃ dassentī aniccātiādimāha. Tattha aniccā vata saṅkhārāti sabbe tebhūmakasaṅkhārā hutvā abhāvatthena aniccā. Uppādavayadhamminoti uppādavayasabhāvā. Uppajjitvā nirujjhantīti idaṃ purimasseva vevacanaṃ. Yasmā vā uppajjitvā nirujjhanti, tasmā uppādavayadhamminoti. Uppādavayaggahaṇena cettha tadanantarā vemajjhaṭṭhānaṃ gahitameva hoti. Tesaṃ vūpasamo sukhoti tesaṃ saṅkhārānaṃ vūpasamasaṅkhātaṃ nibbānameva sukhaṃ. Idaṃ arahataṃ vacoti.
нанд̣̇анасуд̇д̇аван̣н̣анаа нидтид̇аа.
Nandanasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. нанд̣̇анасуд̇д̇ам̣ • 1. Nandanasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. нанд̣̇анасуд̇д̇аван̣н̣анаа • 1. Nandanasuttavaṇṇanā
