| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
2. нанд̣̇анаваг̇г̇о
2. Nandanavaggo
1. нанд̣̇анасуд̇д̇аван̣н̣анаа
1. Nandanasuttavaṇṇanā
11. ‘‘д̇ад̇ра бхаг̇аваа’’д̇и вуд̇д̇з на д̇ат̇аа б̣яан̃ж̇анаанам̣ силидтад̇аа, яат̇аа ‘‘д̇ад̇ра ко бхаг̇аваа’’д̇и вуд̇д̇зд̇и ааха ‘‘б̣яан̃ж̇анасилидтад̇аавасзнаа’’д̇и. барисаж̇здтагзд̇и барисааяа ж̇здтагз, яз д̇ассаа д̣̇зсанааяа висзсад̇о бхааж̇анабхууд̇аа. барисаж̇здтагз бхигкууд̇и жад̇убарисаж̇здтагз бхигкуу. жад̇уннам̣ хи барисаанам̣ ж̇здтаа бхигкубарисаа батамуббаннад̇д̇аа. ааманд̇зсийд̇и самб̣од̇хзси, самб̣од̇ханан̃жа ж̇аанаабананд̇и ааха ‘‘ж̇аанаабзсий’’д̇и. бхад̣̇анд̇зд̇и г̇аруг̇ааравасаббад̇иссававажанамзд̇ам̣, ад̇т̇ад̇о бана бхад̣̇анд̇зд̇и бхад̣̇д̣̇ам̣ д̇ава ход̇у ад̇д̇ано нидтаанабарияосаанад̇д̇аа барзсан̃жа санд̇ад̇аавахад̇д̇аа. бхаг̇авад̇о бажжассосунд̇и зд̇т̇а бхаг̇авад̇од̇и саамиважанам̣ ааманд̇анамзва самб̣анд̇хиад̇т̇абад̣̇ам̣ абзгкад̇ийд̇и ад̇хиббааязнааха ‘‘бхаг̇авад̇о важанам̣ бад̇иассосу’’нд̇и. бхаг̇авад̇од̇и бана ид̣̇ам̣ бад̇иссаванасамб̣анд̇хзна самбад̣̇аанаважанам̣ яат̇аа ‘‘д̣̇звад̣̇ад̇д̇асса бадиссун̣аад̇ий’’д̇и. яам̣ банзд̇т̇а вад̇д̇аб̣б̣ам̣, д̇ам̣ нид̣̇аанаваг̇г̇асса аад̣̇исуд̇д̇аван̣н̣анааяам̣ ааг̇амиссад̇и.
11. ‘‘Tatra bhagavā’’ti vutte na tathā byañjanānaṃ siliṭṭhatā, yathā ‘‘tatra kho bhagavā’’ti vutteti āha ‘‘byañjanasiliṭṭhatāvasenā’’ti. Parisajeṭṭhaketi parisāya jeṭṭhake, ye tassā desanāya visesato bhājanabhūtā. Parisajeṭṭhake bhikkhūti catuparisajeṭṭhake bhikkhū. Catunnaṃ hi parisānaṃ jeṭṭhā bhikkhuparisā paṭhamuppannattā. Āmantesīti sambodhesi, sambodhanañca jānāpananti āha ‘‘jānāpesī’’ti. Bhadanteti garugāravasappatissavavacanametaṃ, atthato pana bhadanteti bhaddaṃ tava hotu attano niṭṭhānapariyosānattā paresañca santatāvahattā. Bhagavato paccassosunti ettha bhagavatoti sāmivacanaṃ āmantanameva sambandhiatthapadaṃ apekkhatīti adhippāyenāha ‘‘bhagavato vacanaṃ patiassosu’’nti. Bhagavatoti pana idaṃ patissavanasambandhena sampadānavacanaṃ yathā ‘‘devadattassa paṭissuṇātī’’ti. Yaṃ panettha vattabbaṃ, taṃ nidānavaggassa ādisuttavaṇṇanāyaṃ āgamissati.
д̇аавад̇им̣сагааяод̇и д̇аавад̇им̣сасан̃н̃ид̇о д̣̇званигааяо. д̣̇уд̇ияад̣̇звалогод̇и часу гаамалогзсу д̣̇уд̇ияо д̣̇звалого. д̇зд̇д̇им̣са ж̇анаа сахабун̃н̃агаарино д̇ад̇т̇а уббаннаа, д̇ам̣сахажарид̇адтаанам̣ д̇аавад̇им̣сам̣ , д̇анниваасиноби д̇аавад̇им̣санаамагаа сахажаран̣ан̃ааязнаад̇и ааха ‘‘магхзна маан̣авзнаа’’д̇иаад̣̇и. аяам̣ бана гзживаад̣̇о б̣яаабанно ход̇ийд̇и д̇ам̣ арожзнд̇зна ‘‘вад̣̇анд̇ий’’д̇и вуд̇д̇ам̣. б̣яаабаннад̇ам̣ д̣̇ассзнд̇о ‘‘яасмаа банаа’’д̇иаад̣̇имааха. д̇ат̇аа хи вагкад̇и ‘‘звам̣ хи нид̣̇д̣̇осам̣ бад̣̇ам̣ ход̇ий’’д̇и. наамабан̣н̣ад̇д̇иязваад̇и ад̇т̇анирабзгкад̇д̇аа нирул̣хасаман̃н̃аа зва.
Tāvatiṃsakāyoti tāvatiṃsasaññito devanikāyo. Dutiyadevalokoti chasu kāmalokesu dutiyo devaloko. Tettiṃsa janā sahapuññakārino tattha uppannā, taṃsahacaritaṭṭhānaṃ tāvatiṃsaṃ, tannivāsinopi tāvatiṃsanāmakā sahacaraṇañāyenāti āha ‘‘maghena māṇavenā’’tiādi. Ayaṃ pana kecivādo byāpanno hotīti taṃ arocentena ‘‘vadantī’’ti vuttaṃ. Byāpannataṃ dassento ‘‘yasmā panā’’tiādimāha. Tathā hi vakkhati ‘‘evaṃ hi niddosaṃ padaṃ hotī’’ti. Nāmapaṇṇattiyevāti atthanirapekkhattā niruḷhasamaññā eva.
д̇ам̣ вананд̇и д̇ам̣ убаванам̣. бавидтз бавидтз д̣̇угкаббад̇д̇зби ад̇д̇ано самбад̇д̇ияаа нанд̣̇аяад̇и, баг̇зва ад̣̇угкаббад̇д̇зд̇и д̣̇ассзд̇ум̣ ‘‘бан̃жасу хий’’д̇иаад̣̇и вуд̇д̇ам̣. бавзсид̇аананд̇и багодтаваарзна бавзсид̇аанамбийд̇и ад̇хиббааяо. жаванагаалзязва т̇огам̣ д̣̇иссамаанавигаараа худ̇ваа жаванд̇и, д̇з санд̇хааяа ‘‘химабин̣д̣о вияа вилийяанд̇ий’’д̇и вуд̇д̇ам̣. яз бана ад̣̇иссамаанавигаараа сахасаа анд̇арад̇хааяанд̇и, д̇з санд̇хааяа ‘‘д̣̇ийбасикаа вияа виж̇жхааяанд̇ий’’д̇и вуд̇д̇анд̇и вад̣̇анд̇и. нанд̣̇аяад̇и багад̇ияаа соманассид̇ам̣ д̣̇оманассид̇ан̃жа. нанд̣̇анзд̇и звам̣анвад̇т̇анаамагз уяяаанз. баривуд̇аад̇и ‘‘д̣̇звад̇аа’’д̇и важанам̣ убаад̣̇ааяа ид̇т̇илин̇г̇авасзна вуд̇д̇ам̣. д̣̇звабуд̇д̇о хи со.
Taṃ vananti taṃ upavanaṃ. Paviṭṭhe paviṭṭhe dukkhappattepi attano sampattiyā nandayati, pageva adukkhappatteti dassetuṃ ‘‘pañcasu hī’’tiādi vuttaṃ. Pavesitānanti pakoṭṭhavārena pavesitānampīti adhippāyo. Cavanakāleyeva thokaṃ dissamānavikārā hutvā cavanti, te sandhāya ‘‘himapiṇḍo viya vilīyantī’’ti vuttaṃ. Ye pana adissamānavikārā sahasā antaradhāyanti, te sandhāya ‘‘dīpasikhā viya vijjhāyantī’’ti vuttanti vadanti. Nandayati pakatiyā somanassitaṃ domanassitañca. Nandaneti evaṃanvatthanāmake uyyāne. Parivutāti ‘‘devatā’’ti vacanaṃ upādāya itthiliṅgavasena vuttaṃ. Devaputto hi so.
д̣̇иви бхавад̇д̇аа д̣̇иб̣б̣аад̇и ааха ‘‘д̣̇звалогз ниб̣б̣ад̇д̇зхий’’д̇и. гаамзд̇аб̣б̣ад̇ааяа гаамаб̣анд̇ханзхи, д̇ат̇аа ан̃н̃аман̃н̃ам̣ асам̣гин̣н̣асабхаавад̇ааяа гаамагодтаасзхи. убзд̇аад̇и убаг̇ад̇аа саманнааг̇ад̇аа. барижаараяамаанаад̇и барирамамаанаа. ид̣̇ан̃хи бад̣̇ам̣ абзгкид̇ваа ‘‘гаамаг̇ун̣зхий’’д̇и гад̇д̇ари гаран̣аважанам̣, буримаани абзгкид̇ваа сахаяог̇з. рамамаанаа жаранд̇ийд̇и гад̇ваа вуд̇д̇ам̣ ‘‘рамамаанаа’’д̇и. барижаараяамаанаад̇и ваа барид̇о саманд̇ад̇о жаараяамаанаад̇и ад̇т̇од̇и ааха ‘‘инд̣̇рияаани сан̃жаараяамаанаа’’д̇и. батаманаяз хи анубхаванад̇т̇о барижаран̣асад̣̇д̣̇о, д̣̇уд̇ияанаяз баривад̇д̇анад̇т̇о. со банаад̇и ‘‘д̇ааяам̣ взлааяа’’нд̇и вуд̇д̇агаало. ад̇хунаад̇и самбад̇и. со вижарийд̇и самб̣анд̇хо. гаамаг̇ун̣зхийд̇и хзд̇умхи гаран̣аважанам̣. овуд̇од̇и яат̇аа д̇ам̣ на н̃ааяад̇и, звам̣ бихид̇ажид̇д̇о. нивуд̇о барияонад̣̇д̇ход̇и д̇ассзва взважанам̣. д̇знааха ‘‘логаабхибхууд̇о’’д̇и. аасабхинд̇и сздтам̣ ‘‘аг̇г̇охамасми логассаа’’д̇иаад̣̇инаа (д̣̇ий. ни. 2.31; ма. ни. 3.207) бхаасанд̇о б̣од̇хисад̇д̇о вияа.
Divi bhavattā dibbāti āha ‘‘devaloke nibbattehī’’ti. Kāmetabbatāya kāmabandhanehi, tathā aññamaññaṃ asaṃkiṇṇasabhāvatāya kāmakoṭṭhāsehi. Upetāti upagatā samannāgatā. Paricārayamānāti pariramamānā. Idañhi padaṃ apekkhitvā ‘‘kāmaguṇehī’’ti kattari karaṇavacanaṃ, purimāni apekkhitvā sahayoge. Ramamānā carantīti katvā vuttaṃ ‘‘ramamānā’’ti. Paricārayamānāti vā parito samantato cārayamānāti atthoti āha ‘‘indriyāni sañcārayamānā’’ti. Paṭhamanaye hi anubhavanattho paricaraṇasaddo, dutiyanaye parivattanattho. So panāti ‘‘tāyaṃ velāya’’nti vuttakālo. Adhunāti sampati. So vicarīti sambandho. Kāmaguṇehīti hetumhi karaṇavacanaṃ. Ovutoti yathā taṃ na ñāyati, evaṃ pihitacitto. Nivuto pariyonaddhoti tasseva vevacanaṃ. Tenāha ‘‘lokābhibhūto’’ti. Āsabhinti seṭṭhaṃ ‘‘aggohamasmi lokassā’’tiādinā (dī. ni. 2.31; ma. ni. 3.207) bhāsanto bodhisatto viya.
гзвалам̣ д̣̇ассанам̣ гимад̇т̇ияанд̇и ааха – ‘‘яз…бз… васзнаа’’д̇и, д̇асмим̣ нанд̣̇анаванз авадтид̇агаамабхааг̇аанубхаванавасзнаад̇и ад̇т̇о. нарад̣̇зваананд̇и бурисабхууд̇ад̣̇звад̇аанам̣. д̇знааха ‘‘д̣̇звабурисаана’’нд̇и. аббагам̣ ад̇хигам̣ уунам̣ ваа г̇ан̣ануубаг̇ам̣ наама на ход̇ийд̇и ‘‘д̇игкад̇д̇ум̣ д̣̇асанна’’нд̇и вуд̇д̇ам̣. ‘‘д̇зд̇д̇им̣саана’’нд̇и хи вад̇д̇аб̣б̣з аяам̣ рул̣хий. бариваарасан̇каад̇зна, на гид̇д̇исан̇каад̇знаад̇и ад̇хиббааяо. сийлаажаараад̣̇иг̇ун̣анзмид̇д̇игаа хи гид̇д̇и. ‘‘д̇аавад̇им̣саа д̣̇зваа д̣̇ийгхааяугаа ван̣н̣аванд̇о сукаб̣ахулаа’’д̇и звамаад̣̇иважанзна яасз ижчид̇з ависзсзд̇ваава ‘‘яасзна самбаннаана’’нд̇и саггаа вад̇д̇ум̣.
Kevalaṃ dassanaṃ kimatthiyanti āha – ‘‘ye…pe… vasenā’’ti, tasmiṃ nandanavane avaṭṭhitakāmabhāgānubhavanavasenāti attho. Naradevānanti purisabhūtadevatānaṃ. Tenāha ‘‘devapurisāna’’nti. Appakaṃ adhikaṃ ūnaṃ vā gaṇanūpagaṃ nāma na hotīti ‘‘tikkhattuṃ dasanna’’nti vuttaṃ. ‘‘Tettiṃsāna’’nti hi vattabbe ayaṃ ruḷhī. Parivārasaṅkhātena, na kittisaṅkhātenāti adhippāyo. Sīlācārādiguṇanemittikā hi kitti. ‘‘Tāvatiṃsā devā dīghāyukā vaṇṇavanto sukhabahulā’’ti evamādivacanena yase icchite avisesetvāva ‘‘yasena sampannāna’’nti sakkā vattuṃ.
арияасаавигаад̇и сод̇аабаннаа. ‘‘сагад̣̇ааг̇ааминий’’д̇и гзжи. ад̇хиббааяам̣ виваддзд̇ваад̇и яат̇аа д̇вам̣ анд̇хаб̣аалз ман̃н̃аси, д̇хаммасабхааво звам̣ на ход̇ийд̇и д̇ассаа д̣̇звад̇ааяа ад̇хиббааяам̣ вибаривад̇д̇зд̇ваа. зганд̇ад̇о сукам̣ наама ниб̣б̣аанамзва. гаамаа хи д̣̇угкаа вибарин̣аамад̇хаммаад̇и иминаа ад̇хиббааязна д̇ассаа ад̇хиббааяам̣ бадигкибид̇ваа. гаамам̣ жад̇уд̇т̇абхуумагааби сан̇каараа анижжаа зва, д̇з бана саммасануубаг̇аа на хонд̇ийд̇и д̇збхуумагаг̇г̇ахан̣ам̣ саммасанаяог̇г̇зна. худ̇ваад̇и буб̣б̣з авиж̇ж̇амаанаа бажжаяасамавааязна бхавид̇ваа уббаж̇ж̇ид̇ваа. зд̇зна нзсам̣ бхаавабхааг̇о д̣̇ассид̇о. абхаавад̇т̇знаад̇и сарасанирод̇хабхууд̇зна вид̣̇д̇хам̣санабхаавзна.
Ariyasāvikāti sotāpannā. ‘‘Sakadāgāminī’’ti keci. Adhippāyaṃ vivaṭṭetvāti yathā tvaṃ andhabāle maññasi, dhammasabhāvo evaṃ na hotīti tassā devatāya adhippāyaṃ viparivattetvā. Ekantato sukhaṃ nāma nibbānameva. Kāmā hi dukkhā vipariṇāmadhammāti iminā adhippāyena tassā adhippāyaṃ paṭikkhipitvā. Kāmaṃ catutthabhūmakāpi saṅkhārā aniccā eva, te pana sammasanūpagā na hontīti tebhūmakaggahaṇaṃ sammasanayoggena. Hutvāti pubbe avijjamānā paccayasamavāyena bhavitvā uppajjitvā. Etena nesaṃ bhāvabhāgo dassito. Abhāvatthenāti sarasanirodhabhūtena viddhaṃsanabhāvena.
анижжаа ад̣̇д̇хуваа, д̇ад̇о зва ‘‘маяхам̣ имз сукаа’’д̇и ваа на ижжаад̇и анижжаа. уббаад̣̇аваяасабхааваад̇и кан̣з кан̣з уббаж̇ж̇ананируж̇жханасабхааваа. д̇знааха ‘‘убба…бз… взважана’’нд̇и. буримасса ваа бажчимам̣ гааран̣авзважананд̇и ааха ‘‘яасмаа ваа’’д̇иаад̣̇и. д̇ад̣̇ананд̇араад̇и д̇зсам̣ уббаад̣̇аваяаанам̣ анд̇арз. взмаж̇жхадтаананд̇и тид̇игкан̣ам̣ вад̣̇ад̇и. яз бана ‘‘сан̇каараанам̣ тид̇и над̇т̇ий’’д̇и вад̣̇анд̇и, д̇зсам̣ д̇ам̣ мижчаа. яат̇аа хи д̇ассзва д̇хаммасса уббаад̣̇аавад̇т̇ааяа бхиннаа бхан̇г̇аавад̇т̇аа ижчид̇аа, ан̃н̃ат̇аа ан̃н̃ам̣ уббаж̇ж̇ад̇и, ан̃н̃ам̣ нируж̇жхад̇ийд̇и аабаж̇ж̇ад̇и, звам̣ уббаннасса бхан̇г̇аабхимукаавад̇т̇аа ижчид̇аб̣б̣аа, саава тид̇игкан̣о. на хи уббаж̇ж̇амаано бхиж̇ж̇ад̇ийд̇и саггаа вин̃н̃аад̇унд̇и. вуубасамасан̇каад̇анд̇и ажжанд̇ам̣ вуубасамасан̇каад̇ам̣ ниб̣б̣аанамзва сукам̣, на д̇аяаа ад̇хиббзд̇аа гаамаад̇и ад̇хиббааяо.
Aniccā addhuvā, tato eva ‘‘mayhaṃ ime sukhā’’ti vā na iccāti aniccā. Uppādavayasabhāvāti khaṇe khaṇe uppajjananirujjhanasabhāvā. Tenāha ‘‘uppa…pe… vevacana’’nti. Purimassa vā pacchimaṃ kāraṇavevacananti āha ‘‘yasmā vā’’tiādi. Tadanantarāti tesaṃ uppādavayānaṃ antare. Vemajjhaṭṭhānanti ṭhitikkhaṇaṃ vadati. Ye pana ‘‘saṅkhārānaṃ ṭhiti natthī’’ti vadanti, tesaṃ taṃ micchā. Yathā hi tasseva dhammassa uppādāvatthāya bhinnā bhaṅgāvatthā icchitā, aññathā aññaṃ uppajjati, aññaṃ nirujjhatīti āpajjati, evaṃ uppannassa bhaṅgābhimukhāvatthā icchitabbā, sāva ṭhitikkhaṇo. Na hi uppajjamāno bhijjatīti sakkā viññātunti. Vūpasamasaṅkhātanti accantaṃ vūpasamasaṅkhātaṃ nibbānameva sukhaṃ, na tayā adhippetā kāmāti adhippāyo.
нанд̣̇анасуд̇д̇аван̣н̣анаа нидтид̇аа.
Nandanasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. нанд̣̇анасуд̇д̇ам̣ • 1. Nandanasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. нанд̣̇анасуд̇д̇аван̣н̣анаа • 1. Nandanasuttavaṇṇanā
