| Library / Tipiṭaka / ติปิฎก • Tipiṭaka / วิมานวตฺถุ-อฎฺฐกถา • Vimānavatthu-aṭṭhakathā |
๒. นนฺทนวิมานวณฺณนา
2. Nandanavimānavaṇṇanā
ยถา วนํ นนฺทนํ ปภาสตีติ นนฺทนวิมานํฯ ตสฺส กา อุปฺปตฺติ? ภควา สาวตฺถิยํ วิหรติ เชตวเนฯ เตน สมเยน สาวตฺถิยํ อญฺญตโร อุปาสโกติอาทิ สพฺพํ อนนฺตรวิมานสทิสํฯ อยํ ปน ทารปริคฺคหํ กตฺวา มาตาปิตโร โปเสสีติ อยเมว วิเสโสฯ
Yathāvanaṃ nandanaṃ pabhāsatīti nandanavimānaṃ. Tassa kā uppatti? Bhagavā sāvatthiyaṃ viharati jetavane. Tena samayena sāvatthiyaṃ aññataro upāsakotiādi sabbaṃ anantaravimānasadisaṃ. Ayaṃ pana dārapariggahaṃ katvā mātāpitaro posesīti ayameva viseso.
๑๑๒๐.
1120.
ยถา วนํ นนฺทนํ ปภาสติ, อุยฺยานเสฎฺฐํ ติทสานมุตฺตมํ;
Yathā vanaṃ nandanaṃ pabhāsati, uyyānaseṭṭhaṃ tidasānamuttamaṃ;
ตถูปมํ ตุยฺหมิทํ วิมานํ, โอภาสยํ ติฎฺฐติ อนฺตลิเกฺขฯ
Tathūpamaṃ tuyhamidaṃ vimānaṃ, obhāsayaṃ tiṭṭhati antalikkhe.
๑๑๒๑.
1121.
‘‘เทวิทฺธิปโตฺตสิ มหานุภาโว…เป.…วโณฺณ จ เต สพฺพทิสา ปภาสตีติฯ
‘‘Deviddhipattosi mahānubhāvo…pe…vaṇṇo ca te sabbadisā pabhāsatīti.
๑๑๒๒.
1122.
‘‘โส เทวปุโตฺต อตฺตมโน…เป.… ยสฺส กมฺมสฺสิทํ ผลํ’’ฯ
‘‘So devaputto attamano…pe… yassa kammassidaṃ phalaṃ’’.
๑๑๒๓.
1123.
‘‘อหํ มนุเสฺสสุ มนุสฺสภูโต, ทลิโทฺท อตาโณ กปโณ กมฺมกโร อโหสิํ;
‘‘Ahaṃ manussesu manussabhūto, daliddo atāṇo kapaṇo kammakaro ahosiṃ;
ชิเณฺณ จ มาตาปิตโร อภาริํ, ปิยา จ เม สีลวโนฺต อเหสุํ;
Jiṇṇe ca mātāpitaro abhāriṃ, piyā ca me sīlavanto ahesuṃ;
อนฺนญฺจ ปานญฺจ ปสนฺนจิโตฺต, สกฺกจฺจ ทานํ วิปุลํ อทาสิํฯ
Annañca pānañca pasannacitto, sakkacca dānaṃ vipulaṃ adāsiṃ.
๑๑๒๔.
1124.
‘‘เตน เมตาทิโส วโณฺณ…เป.…วโณฺณ จ เม สพฺพทิสา ปภาสตี’’ติฯ –
‘‘Tena metādiso vaṇṇo…pe…vaṇṇo ca me sabbadisā pabhāsatī’’ti. –
คาถาหิ พฺยากาสิฯ ตตฺถ คาถาสุปิ อปุพฺพํ นตฺถิฯ
Gāthāhi byākāsi. Tattha gāthāsupi apubbaṃ natthi.
นนฺทนวิมานวณฺณนา นิฎฺฐิตาฯ
Nandanavimānavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / ขุทฺทกนิกาย • Khuddakanikāya / วิมานวตฺถุปาฬิ • Vimānavatthupāḷi / ๒. นนฺทนวิมานวตฺถุ • 2. Nandanavimānavatthu
