| Library / Tipiṭaka / తిపిటక • Tipiṭaka / విమానవత్థుపాళి • Vimānavatthupāḷi |
౨. నన్దనవిమానవత్థు
2. Nandanavimānavatthu
౧౧౨౦.
1120.
‘‘యథా వనం నన్దనం 1 పభాసతి, ఉయ్యానసేట్ఠం తిదసానముత్తమం;
‘‘Yathā vanaṃ nandanaṃ 2 pabhāsati, uyyānaseṭṭhaṃ tidasānamuttamaṃ;
తథూపమం తుయ్హమిదం విమానం, ఓభాసయం తిట్ఠతి అన్తలిక్ఖే.
Tathūpamaṃ tuyhamidaṃ vimānaṃ, obhāsayaṃ tiṭṭhati antalikkhe.
౧౧౨౧.
1121.
‘‘దేవిద్ధిపత్తోసి మహానుభావో, మనుస్సభూతో కిమకాసి పుఞ్ఞం;
‘‘Deviddhipattosi mahānubhāvo, manussabhūto kimakāsi puññaṃ;
కేనాసి ఏవం జలితానుభావో, వణ్ణో చ తే సబ్బదిసా పభాసతీ’’తి.
Kenāsi evaṃ jalitānubhāvo, vaṇṇo ca te sabbadisā pabhāsatī’’ti.
౧౧౨౨.
1122.
సో దేవపుత్తో అత్తమనో…పే॰… యస్స కమ్మస్సిదం ఫలం.
So devaputto attamano…pe… yassa kammassidaṃ phalaṃ.
౧౧౨౩.
1123.
‘‘అహం మనుస్సేసు మనుస్సభూతో, దలిద్దో అతాణో కపణో కమ్మకరో అహోసిం;
‘‘Ahaṃ manussesu manussabhūto, daliddo atāṇo kapaṇo kammakaro ahosiṃ;
జిణ్ణే చ మాతాపితరో అభారిం, పియా చ మే సీలవన్తో అహేసుం;
Jiṇṇe ca mātāpitaro abhāriṃ, piyā ca me sīlavanto ahesuṃ;
అన్నఞ్చ పానఞ్చ పసన్నచిత్తో, సక్కచ్చ దానం విపులం అదాసిం.
Annañca pānañca pasannacitto, sakkacca dānaṃ vipulaṃ adāsiṃ.
౧౧౨౪.
1124.
‘‘తేన మేతాదిసో వణ్ణో…పే॰… వణ్ణో చ మే సబ్బదిసా పభాసతీ’’తి.
‘‘Tena metādiso vaṇṇo…pe… vaṇṇo ca me sabbadisā pabhāsatī’’ti.
నన్దనవిమానం దుతియం.
Nandanavimānaṃ dutiyaṃ.
Footnotes:
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / ఖుద్దకనికాయ (అట్ఠకథా) • Khuddakanikāya (aṭṭhakathā) / విమానవత్థు-అట్ఠకథా • Vimānavatthu-aṭṭhakathā / ౨. నన్దనవిమానవణ్ణనా • 2. Nandanavimānavaṇṇanā
