| Library / Tipiṭaka / တိပိဋက • Tipiṭaka / ဝိမာနဝတ္ထုပာဠိ • Vimānavatthupāḷi |
၂. နန္ဒနဝိမာနဝတ္ထု
2. Nandanavimānavatthu
၁၁၂၀.
1120.
‘‘ယထာ ဝနံ နန္ဒနံ 1 ပဘာသတိ၊ ဥယ္ယာနသေဋ္ဌံ တိဒသာနမုတ္တမံ။
‘‘Yathā vanaṃ nandanaṃ 2 pabhāsati, uyyānaseṭṭhaṃ tidasānamuttamaṃ;
တထူပမံ တုယ္ဟမိဒံ ဝိမာနံ၊ ဩဘာသယံ တိဋ္ဌတိ အန္တလိက္ခေ။
Tathūpamaṃ tuyhamidaṃ vimānaṃ, obhāsayaṃ tiṭṭhati antalikkhe.
၁၁၂၁.
1121.
‘‘ဒေဝိဒ္ဓိပတ္တောသိ မဟာနုဘာဝော၊ မနုသ္သဘူတော ကိမကာသိ ပုညံ။
‘‘Deviddhipattosi mahānubhāvo, manussabhūto kimakāsi puññaṃ;
ကေနာသိ ဧဝံ ဇလိတာနုဘာဝော၊ ဝဏ္ဏော စ တေ သဗ္ဗဒိသာ ပဘာသတီ’’တိ။
Kenāsi evaṃ jalitānubhāvo, vaṇṇo ca te sabbadisā pabhāsatī’’ti.
၁၁၂၂.
1122.
သော ဒေဝပုတ္တော အတ္တမနော။ပေ.။ ယသ္သ ကမ္မသ္သိဒံ ဖလံ။
So devaputto attamano…pe… yassa kammassidaṃ phalaṃ.
၁၁၂၃.
1123.
‘‘အဟံ မနုသ္သေသု မနုသ္သဘူတော၊ ဒလိဒ္ဒော အတာဏော ကပဏော ကမ္မကရော အဟောသိံ။
‘‘Ahaṃ manussesu manussabhūto, daliddo atāṇo kapaṇo kammakaro ahosiṃ;
ဇိဏ္ဏေ စ မာတာပိတရော အဘာရိံ၊ ပိယာ စ မေ သီလဝန္တော အဟေသုံ။
Jiṇṇe ca mātāpitaro abhāriṃ, piyā ca me sīlavanto ahesuṃ;
အန္နဉ္စ ပာနဉ္စ ပသန္နစိတ္တော၊ သက္ကစ္စ ဒာနံ ဝိပုလံ အဒာသိံ။
Annañca pānañca pasannacitto, sakkacca dānaṃ vipulaṃ adāsiṃ.
၁၁၂၄.
1124.
‘‘တေန မေတာဒိသော ဝဏ္ဏော။ပေ.။ ဝဏ္ဏော စ မေ သဗ္ဗဒိသာ ပဘာသတီ’’တိ။
‘‘Tena metādiso vaṇṇo…pe… vaṇṇo ca me sabbadisā pabhāsatī’’ti.
နန္ဒနဝိမာနံ ဒုတိယံ။
Nandanavimānaṃ dutiyaṃ.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / ခုဒ္ဒကနိကာယ (အဋ္ဌကထာ) • Khuddakanikāya (aṭṭhakathā) / ဝိမာနဝတ္ထု-အဋ္ဌကထာ • Vimānavatthu-aṭṭhakathā / ၂. နန္ဒနဝိမာနဝဏ္ဏနာ • 2. Nandanavimānavaṇṇanā
