| Library / Tipiṭaka / д̇ибидага • Tipiṭaka / бзд̇авад̇т̇у-адтагат̇аа • Petavatthu-aṭṭhakathā |
4. нанд̣̇аабзд̇ивад̇т̇уван̣н̣анаа
4. Nandāpetivatthuvaṇṇanā
гаал̣ий д̣̇уб̣б̣ан̣н̣аруубаасийд̇и ид̣̇ам̣ сад̇т̇ари ж̇зд̇аванз вихаранд̇з нанд̣̇ам̣ наама бзд̇им̣ аараб̣бха вуд̇д̇ам̣. саавад̇т̇ияаа гира авид̣̇уурз ан̃н̃ад̇арасмим̣ г̇аамагз нанд̣̇исзно наама убаасаго ахоси сад̣̇д̇хо басанно. бхарияаа банасса нанд̣̇аа наама ассад̣̇д̇хаа аббасаннаа мажчариний жан̣д̣ий парусаважанаа саамигз аг̇аараваа аг̇г̇ад̇иссаа сассум̣ жориваад̣̇зна аггосад̇и барибхаасад̇и. саа абарзна самаязна гаалам̣ гад̇ваа бзд̇аяонияам̣ ниб̣б̣ад̇д̇ид̇ваа д̇ассзва г̇аамасса авид̣̇уурз вижаранд̇ий згад̣̇ивасам̣ нанд̣̇исзнасса убаасагасса г̇аамад̇о нигкаманд̇асса авид̣̇уурз ад̇д̇аанам̣ д̣̇ассзси. со д̇ам̣ д̣̇исваа –
Kāḷī dubbaṇṇarūpāsīti idaṃ satthari jetavane viharante nandaṃ nāma petiṃ ārabbha vuttaṃ. Sāvatthiyā kira avidūre aññatarasmiṃ gāmake nandiseno nāma upāsako ahosi saddho pasanno. Bhariyā panassa nandā nāma assaddhā appasannā maccharinī caṇḍī pharusavacanā sāmike agāravā aggatissā sassuṃ corivādena akkosati paribhāsati. Sā aparena samayena kālaṃ katvā petayoniyaṃ nibbattitvā tasseva gāmassa avidūre vicarantī ekadivasaṃ nandisenassa upāsakassa gāmato nikkhamantassa avidūre attānaṃ dassesi. So taṃ disvā –
168.
168.
‘‘гаал̣ий д̣̇уб̣б̣ан̣н̣аруубааси, парусаа бхийруд̣̇ассанаа;
‘‘Kāḷī dubbaṇṇarūpāsi, pharusā bhīrudassanā;
бин̇г̇алааси гал̣аарааси, на д̇ам̣ ман̃н̃аами маануси’’нд̇и. –
Piṅgalāsi kaḷārāsi, na taṃ maññāmi mānusi’’nti. –
г̇аат̇ааяа аж̇жхабхааси. д̇ад̇т̇а гаал̣ийд̇и гаал̣аван̣н̣аа, жхааман̇г̇аарасад̣̇исо хиссаа ван̣н̣о ахоси. парусаад̇и караг̇ад̇д̇аа. бхийруд̣̇ассанаад̇и бхаяаанагад̣̇ассанаа саббадибхаяаагаараа. ‘‘бхааруд̣̇ассанаа’’д̇и ваа баато, бхаарияад̣̇ассанаа, д̣̇уб̣б̣ан̣н̣ад̇аад̣̇инаа д̣̇уд̣̇д̣̇асигаад̇и ад̇т̇о. бин̇г̇алаад̇и бин̇г̇алаложанаа. гал̣аараад̇и гал̣аарад̣̇анд̇аа. на д̇ам̣ ман̃н̃аами маанусинд̇и ахам̣ д̇ам̣ маанусинд̇и на ман̃н̃аами, бзд̇имзва жа д̇ам̣ ман̃н̃аамийд̇и ад̇хиббааяо. д̇ам̣ суд̇ваа бзд̇ий ад̇д̇аанам̣ багаасзнд̇ий –
Gāthāya ajjhabhāsi. Tattha kāḷīti kāḷavaṇṇā, jhāmaṅgārasadiso hissā vaṇṇo ahosi. Pharusāti kharagattā. Bhīrudassanāti bhayānakadassanā sappaṭibhayākārā. ‘‘Bhārudassanā’’ti vā pāṭho, bhāriyadassanā, dubbaṇṇatādinā duddasikāti attho. Piṅgalāti piṅgalalocanā. Kaḷārāti kaḷāradantā. Na taṃ maññāmi mānusinti ahaṃ taṃ mānusinti na maññāmi, petimeva ca taṃ maññāmīti adhippāyo. Taṃ sutvā petī attānaṃ pakāsentī –
169.
169.
‘‘ахам̣ нанд̣̇аа нанд̣̇исзна, бхарияаа д̇з бурз ахум̣;
‘‘Ahaṃ nandā nandisena, bhariyā te pure ahuṃ;
баабагаммам̣ гарид̇ваана, бзд̇алогам̣ ид̇о г̇ад̇аа’’д̇и. –
Pāpakammaṃ karitvāna, petalokaṃ ito gatā’’ti. –
г̇аат̇амааха . д̇ад̇т̇а ахам̣ нанд̣̇аа нанд̣̇исзнаад̇и саами нанд̣̇исзна ахам̣ нанд̣̇аа наама. бхарияаа д̇з бурз ахунд̇и буримаж̇аад̇ияам̣ д̇уяхам̣ бхарияаа ахосим̣. ид̇о барам̣ –
Gāthamāha . Tattha ahaṃ nandā nandisenāti sāmi nandisena ahaṃ nandā nāma. Bhariyā te pure ahunti purimajātiyaṃ tuyhaṃ bhariyā ahosiṃ. Ito paraṃ –
170.
170.
‘‘гим̣ ну гааязна ваажааяа, манасаа д̣̇уггадам̣ гад̇ам̣;
‘‘Kiṃ nu kāyena vācāya, manasā dukkaṭaṃ kataṃ;
гисса гаммавибаагзна, бзд̇алогам̣ ид̇о г̇ад̇аа’’д̇и. –
Kissa kammavipākena, petalokaṃ ito gatā’’ti. –
д̇асса убаасагасса бужчаа. ат̇асса саа –
Tassa upāsakassa pucchā. Athassa sā –
171.
171.
‘‘жан̣д̣ий жа парусаа жаасим̣, д̇аяи жааби аг̇аараваа;
‘‘Caṇḍī ca pharusā cāsiṃ, tayi cāpi agāravā;
д̇аахам̣ д̣̇уруд̇д̇ам̣ вад̇ваана, бзд̇алогам̣ ид̇о г̇ад̇аа’’д̇и. –
Tāhaṃ duruttaṃ vatvāna, petalokaṃ ito gatā’’ti. –
виссаж̇ж̇зси. буна со –
Vissajjesi. Puna so –
172.
172.
‘‘ханд̣̇уд̇д̇арийяам̣ д̣̇ад̣̇аами д̇з, имам̣ д̣̇уссам̣ ниваасаяа;
‘‘Handuttarīyaṃ dadāmi te, imaṃ dussaṃ nivāsaya;
имам̣ д̣̇уссам̣ ниваасзд̇ваа, зхи нзссаами д̇ам̣ гхарам̣.
Imaṃ dussaṃ nivāsetvā, ehi nessāmi taṃ gharaṃ.
173.
173.
‘‘вад̇т̇ан̃жа аннабаанан̃жа, лажчаси д̇вам̣ гхарам̣ г̇ад̇аа;
‘‘Vatthañca annapānañca, lacchasi tvaṃ gharaṃ gatā;
буд̇д̇з жа д̇з бассиссаси, сун̣исааяо жа д̣̇агкасий’’д̇и. – ат̇асса саа –
Putte ca te passissasi, suṇisāyo ca dakkhasī’’ti. – athassa sā –
174.
174.
‘‘хад̇т̇зна хад̇т̇з д̇з д̣̇иннам̣, на маяхам̣ убагаббад̇и;
‘‘Hatthena hatthe te dinnaṃ, na mayhaṃ upakappati;
бхигкуу жа сийласамбаннз, вийд̇арааг̇з б̣ахуссуд̇з.
Bhikkhū ca sīlasampanne, vītarāge bahussute.
175.
175.
‘‘д̇аббзхи аннабаанзна, мама д̣̇агкин̣амаад̣̇иса;
‘‘Tappehi annapānena, mama dakkhiṇamādisa;
д̇ад̣̇аахам̣ сукид̇аа хзссам̣, саб̣б̣агаамасамид̣̇д̇хиний’’д̇и. –
Tadāhaṃ sukhitā hessaṃ, sabbakāmasamiddhinī’’ti. –
д̣̇вз г̇аат̇аа абхааси. д̇ад̇о –
Dve gāthā abhāsi. Tato –
176.
176.
‘‘саад̇хууд̇и со бадиссуд̇ваа, д̣̇аанам̣ вибуламаагири;
‘‘Sādhūti so paṭissutvā, dānaṃ vipulamākiri;
аннам̣ баанам̣ каад̣̇анийяам̣, вад̇т̇асзнаасанаани жа;
Annaṃ pānaṃ khādanīyaṃ, vatthasenāsanāni ca;
чад̇д̇ам̣ г̇анд̇хан̃жа маалан̃жа, вивид̇хаа жа убааханаа.
Chattaṃ gandhañca mālañca, vividhā ca upāhanā.
177.
177.
‘‘бхигкуу жа сийласамбаннз, вийд̇арааг̇з б̣ахуссуд̇з;
‘‘Bhikkhū ca sīlasampanne, vītarāge bahussute;
д̇аббзд̇ваа аннабаанзна, д̇ассаа д̣̇агкин̣амаад̣̇исий.
Tappetvā annapānena, tassā dakkhiṇamādisī.
178.
178.
‘‘самананд̇араануд̣̇д̣̇идтз , вибааго уд̣̇абаж̇ж̇ат̇а;
‘‘Samanantarānuddiṭṭhe , vipāko udapajjatha;
бхож̇анажчаад̣̇анабаанийяам̣, д̣̇агкин̣ааяа ид̣̇ам̣ палам̣.
Bhojanacchādanapānīyaṃ, dakkhiṇāya idaṃ phalaṃ.
179.
179.
‘‘д̇ад̇о суд̣̇д̇хаа суживасанаа, гаасигуд̇д̇амад̇хаариний;
‘‘Tato suddhā sucivasanā, kāsikuttamadhārinī;
вижид̇д̇авад̇т̇аабхаран̣аа, саамигам̣ убасан̇гамий’’д̇и. –
Vicittavatthābharaṇā, sāmikaṃ upasaṅkamī’’ti. –
жад̇ассо г̇аат̇аа сан̇г̇ийд̇игаарзхи вуд̇д̇аа. д̇ад̇о барам̣ –
Catasso gāthā saṅgītikārehi vuttā. Tato paraṃ –
180.
180.
‘‘абхигганд̇зна ван̣н̣зна, яаа д̇вам̣ д̇идтаси д̣̇звад̇з;
‘‘Abhikkantena vaṇṇena, yā tvaṃ tiṭṭhasi devate;
обхаасзнд̇ий д̣̇исаа саб̣б̣аа, осад̇хий вияа д̇аарагаа.
Obhāsentī disā sabbā, osadhī viya tārakā.
181.
181.
‘‘гзна д̇зд̇аад̣̇исо ван̣н̣о, гзна д̇з ид̇ха миж̇жхад̇и;
‘‘Kena tetādiso vaṇṇo, kena te idha mijjhati;
уббаж̇ж̇анд̇и жа д̇з бхог̇аа, яз гзжи манасо бияаа.
Uppajjanti ca te bhogā, ye keci manaso piyā.
182.
182.
‘‘бужчаами д̇ам̣ д̣̇зви махаанубхаавз, мануссабхууд̇аа гимагааси бун̃н̃ам̣;
‘‘Pucchāmi taṃ devi mahānubhāve, manussabhūtā kimakāsi puññaṃ;
гзнааси звам̣ ж̇алид̇аанубхааваа, ван̣н̣о жа д̇з саб̣б̣ад̣̇исаа бабхаасад̇ий’’д̇и.
Kenāsi evaṃ jalitānubhāvā, vaṇṇo ca te sabbadisā pabhāsatī’’ti.
183.
183.
‘‘ахам̣ нанд̣̇аа нанд̣̇исзна, бхарияаа д̇з бурз ахум̣;
‘‘Ahaṃ nandā nandisena, bhariyā te pure ahuṃ;
баабагаммам̣ гарид̇ваана, бзд̇алогам̣ ид̇о г̇ад̇аа.
Pāpakammaṃ karitvāna, petalokaṃ ito gatā.
184.
184.
‘‘д̇ава д̣̇иннзна д̣̇аанзна, мод̣̇аами агуд̇обхаяаа;
‘‘Tava dinnena dānena, modāmi akutobhayā;
жирам̣ ж̇ийва г̇ахабад̇и, саха саб̣б̣зхи н̃аад̇ибхи;
Ciraṃ jīva gahapati, saha sabbehi ñātibhi;
асогам̣ вираж̇ам̣ кзмам̣, ааваасам̣ васавад̇д̇инам̣.
Asokaṃ virajaṃ khemaṃ, āvāsaṃ vasavattinaṃ.
185.
185.
‘‘ид̇ха д̇хаммам̣ жарид̇ваана, д̣̇аанам̣ д̣̇ад̇ваа г̇ахабад̇и;
‘‘Idha dhammaṃ caritvāna, dānaṃ datvā gahapati;
винзяяа мажчзрамалам̣ самуулам̣, анинд̣̇ид̇о саг̇г̇амубзхи таана’’нд̇и. –
Vineyya maccheramalaṃ samūlaṃ, anindito saggamupehi ṭhāna’’nti. –
убаасагасса жа бзд̇ияаа жа важанабадиважанаг̇аат̇аа.
Upāsakassa ca petiyā ca vacanapaṭivacanagāthā.
176. д̇ад̇т̇а д̣̇аанам̣ вибуламаагирийд̇и угкин̣зяяакзд̇д̇з д̣̇зяяад̇хаммаб̣ийж̇ам̣ виббагиранд̇о вияа махаад̣̇аанам̣ бавад̇д̇зси. сзсам̣ ананд̇аравад̇т̇усад̣̇исамзва.
176. Tattha dānaṃ vipulamākirīti ukkhiṇeyyakhette deyyadhammabījaṃ vippakiranto viya mahādānaṃ pavattesi. Sesaṃ anantaravatthusadisameva.
звам̣ саа ад̇д̇ано д̣̇иб̣б̣асамбад̇д̇им̣ д̇ассаа жа гааран̣ам̣ нанд̣̇исзнасса вибхаавзд̇ваа ад̇д̇ано васанадтаанамзва г̇ад̇аа. убаасаго д̇ам̣ бавад̇д̇им̣ бхигкуунам̣ аарожзси , бхигкуу бхаг̇авад̇о аарожзсум̣. бхаг̇аваа д̇амад̇т̇ам̣ адтуббад̇д̇им̣ гад̇ваа самбад̇д̇абарисааяа д̇хаммам̣ д̣̇зсзси. саа д̣̇зсанаа махааж̇анасса саад̇т̇игаа ахосийд̇и.
Evaṃ sā attano dibbasampattiṃ tassā ca kāraṇaṃ nandisenassa vibhāvetvā attano vasanaṭṭhānameva gatā. Upāsako taṃ pavattiṃ bhikkhūnaṃ ārocesi , bhikkhū bhagavato ārocesuṃ. Bhagavā tamatthaṃ aṭṭhuppattiṃ katvā sampattaparisāya dhammaṃ desesi. Sā desanā mahājanassa sātthikā ahosīti.
нанд̣̇аабзд̇ивад̇т̇уван̣н̣анаа нидтид̇аа.
Nandāpetivatthuvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бзд̇авад̇т̇убаал̣и • Petavatthupāḷi / 4. нанд̣̇аабзд̇ивад̇т̇у • 4. Nandāpetivatthu
