| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
9. нанд̣̇асуд̇д̇ам̣
9. Nandasuttaṃ
9. ‘‘‘гулабуд̇д̇о’д̇и, бхигкавз, нанд̣̇ам̣ саммаа вад̣̇амаано вад̣̇зяяа. ‘б̣алаваа’д̇и, бхигкавз, нанд̣̇ам̣ саммаа вад̣̇амаано вад̣̇зяяа. ‘баасаад̣̇иго’д̇и, бхигкавз, нанд̣̇ам̣ саммаа вад̣̇амаано вад̣̇зяяа. ‘д̇иб̣б̣арааг̇о’д̇и, бхигкавз, нанд̣̇ам̣ саммаа вад̣̇амаано вад̣̇зяяа. гиман̃н̃ад̇ра, бхигкавз, нанд̣̇о инд̣̇риязсу г̇уд̇д̇ад̣̇вааро, бхож̇анз мад̇д̇ан̃н̃уу, ж̇ааг̇арияам̣ ануяуд̇д̇о, сад̇исамбаж̇ан̃н̃зна саманнааг̇ад̇о, язхи 1 нанд̣̇о саггод̇и барибун̣н̣ам̣ барисуд̣̇д̇хам̣ б̣рахмажарияам̣ жарид̇ум̣! д̇ад̇рид̣̇ам̣, бхигкавз, нанд̣̇асса инд̣̇риязсу г̇уд̇д̇ад̣̇ваарад̇ааяа ход̇и. сажз , бхигкавз, нанд̣̇асса бурад̇т̇имаа д̣̇исаа аалогзд̇аб̣б̣аа ход̇и, саб̣б̣ам̣ жзд̇асаа саманнаахарид̇ваа нанд̣̇о бурад̇т̇имам̣ д̣̇исам̣ аалогзд̇и – ‘звам̣ мз бурад̇т̇имам̣ д̣̇исам̣ аалогаяад̇о наабхиж̇жхаад̣̇оманассаа баабагаа агусалаа д̇хаммаа анваассависсанд̇ий’д̇и. ид̇иха д̇ад̇т̇а самбаж̇аано ход̇и.
9. ‘‘‘Kulaputto’ti, bhikkhave, nandaṃ sammā vadamāno vadeyya. ‘Balavā’ti, bhikkhave, nandaṃ sammā vadamāno vadeyya. ‘Pāsādiko’ti, bhikkhave, nandaṃ sammā vadamāno vadeyya. ‘Tibbarāgo’ti, bhikkhave, nandaṃ sammā vadamāno vadeyya. Kimaññatra, bhikkhave, nando indriyesu guttadvāro, bhojane mattaññū, jāgariyaṃ anuyutto, satisampajaññena samannāgato, yehi 2 nando sakkoti paripuṇṇaṃ parisuddhaṃ brahmacariyaṃ carituṃ! Tatridaṃ, bhikkhave, nandassa indriyesu guttadvāratāya hoti. Sace , bhikkhave, nandassa puratthimā disā āloketabbā hoti, sabbaṃ cetasā samannāharitvā nando puratthimaṃ disaṃ āloketi – ‘evaṃ me puratthimaṃ disaṃ ālokayato nābhijjhādomanassā pāpakā akusalā dhammā anvāssavissantī’ti. Itiha tattha sampajāno hoti.
‘‘сажз , бхигкавз, нанд̣̇асса бажчимаа д̣̇исаа аалогзд̇аб̣б̣аа ход̇и…бз… уд̇д̇араа д̣̇исаа аалогзд̇аб̣б̣аа ход̇и… д̣̇агкин̣аа д̣̇исаа аалогзд̇аб̣б̣аа ход̇и… уд̣̇д̇хам̣ уллогзд̇аб̣б̣аа ход̇и… ад̇хо ологзд̇аб̣б̣аа ход̇и… ануд̣̇исаа анувилогзд̇аб̣б̣аа ход̇и, саб̣б̣ам̣ жзд̇асаа саманнаахарид̇ваа нанд̣̇о ануд̣̇исам̣ анувилогзд̇и – ‘звам̣ мз ануд̣̇исам̣ анувилогаяад̇о наабхиж̇жхаад̣̇оманассаа баабагаа агусалаа д̇хаммаа анваассависсанд̇ий’д̇и. ид̇иха д̇ад̇т̇а самбаж̇аано ход̇и. ид̣̇ам̣ ко, бхигкавз, нанд̣̇асса инд̣̇риязсу г̇уд̇д̇ад̣̇ваарад̇ааяа ход̇и.
‘‘Sace , bhikkhave, nandassa pacchimā disā āloketabbā hoti…pe… uttarā disā āloketabbā hoti… dakkhiṇā disā āloketabbā hoti… uddhaṃ ulloketabbā hoti… adho oloketabbā hoti… anudisā anuviloketabbā hoti, sabbaṃ cetasā samannāharitvā nando anudisaṃ anuviloketi – ‘evaṃ me anudisaṃ anuvilokayato nābhijjhādomanassā pāpakā akusalā dhammā anvāssavissantī’ti. Itiha tattha sampajāno hoti. Idaṃ kho, bhikkhave, nandassa indriyesu guttadvāratāya hoti.
‘‘д̇ад̇рид̣̇ам̣, бхигкавз, нанд̣̇асса бхож̇анз мад̇д̇ан̃н̃уд̇ааяа ход̇и. ид̇ха, бхигкавз, нанд̣̇о бадисан̇каа яонисо аахаарам̣ аахаарзд̇и – ‘нзва д̣̇авааяа на мад̣̇ааяа на ман̣д̣анааяа на вибхуусанааяа, яаавад̣̇зва имасса гааяасса тид̇ияаа яаабанааяа вихим̣суубарад̇ияаа б̣рахмажарияаануг̇г̇ахааяа ид̇и бураан̣ан̃жа взд̣̇анам̣ бадихан̇каами, наван̃жа взд̣̇анам̣ на уббаад̣̇зссаами, яаад̇раа жа мз бхависсад̇и анаваж̇ж̇ад̇аа жа паасувихааро жаа’д̇и. ид̣̇ам̣ ко, бхигкавз, нанд̣̇асса бхож̇анз мад̇д̇ан̃н̃уд̇ааяа ход̇и.
‘‘Tatridaṃ, bhikkhave, nandassa bhojane mattaññutāya hoti. Idha, bhikkhave, nando paṭisaṅkhā yoniso āhāraṃ āhāreti – ‘neva davāya na madāya na maṇḍanāya na vibhūsanāya, yāvadeva imassa kāyassa ṭhitiyā yāpanāya vihiṃsūparatiyā brahmacariyānuggahāya iti purāṇañca vedanaṃ paṭihaṅkhāmi, navañca vedanaṃ na uppādessāmi, yātrā ca me bhavissati anavajjatā ca phāsuvihāro cā’ti. Idaṃ kho, bhikkhave, nandassa bhojane mattaññutāya hoti.
‘‘д̇ад̇рид̣̇ам̣, бхигкавз, нанд̣̇асса ж̇ааг̇арияаануяог̇асмим̣ ход̇и. ид̇ха , бхигкавз, нанд̣̇о д̣̇ивасам̣ жан̇гамзна нисаж̇ж̇ааяа ааваран̣ийязхи д̇хаммзхи жид̇д̇ам̣ барисод̇хзд̇и; рад̇д̇ияаа батамам̣ яаамам̣ жан̇гамзна нисаж̇ж̇ааяа ааваран̣ийязхи д̇хаммзхи жид̇д̇ам̣ барисод̇хзд̇и ; рад̇д̇ияаа маж̇жхимам̣ яаамам̣ д̣̇агкин̣зна бассзна сийхасзяяам̣ габбзд̇и баад̣̇з баад̣̇ам̣ ажжаад̇хааяа сад̇о самбаж̇аано удтаанасан̃н̃ам̣ манаси гарид̇ваа; рад̇д̇ияаа бажчимам̣ яаамам̣ бажжудтааяа жан̇гамзна нисаж̇ж̇ааяа ааваран̣ийязхи д̇хаммзхи жид̇д̇ам̣ барисод̇хзд̇и. ид̣̇ам̣ ко, бхигкавз, нанд̣̇асса ж̇ааг̇арияаануяог̇асмим̣ ход̇и.
‘‘Tatridaṃ, bhikkhave, nandassa jāgariyānuyogasmiṃ hoti. Idha , bhikkhave, nando divasaṃ caṅkamena nisajjāya āvaraṇīyehi dhammehi cittaṃ parisodheti; rattiyā paṭhamaṃ yāmaṃ caṅkamena nisajjāya āvaraṇīyehi dhammehi cittaṃ parisodheti ; rattiyā majjhimaṃ yāmaṃ dakkhiṇena passena sīhaseyyaṃ kappeti pāde pādaṃ accādhāya sato sampajāno uṭṭhānasaññaṃ manasi karitvā; rattiyā pacchimaṃ yāmaṃ paccuṭṭhāya caṅkamena nisajjāya āvaraṇīyehi dhammehi cittaṃ parisodheti. Idaṃ kho, bhikkhave, nandassa jāgariyānuyogasmiṃ hoti.
‘‘д̇ад̇рид̣̇ам̣, бхигкавз, нанд̣̇асса сад̇исамбаж̇ан̃н̃асмим̣ ход̇и. ид̇ха, бхигкавз, нанд̣̇асса вид̣̇ид̇аа взд̣̇анаа уббаж̇ж̇анд̇и, вид̣̇ид̇аа убадтаханд̇и, вид̣̇ид̇аа аб̣бхад̇т̇ам̣ г̇ажчанд̇и; вид̣̇ид̇аа сан̃н̃аа…бз… вид̣̇ид̇аа вид̇аггаа…бз… аб̣бхад̇т̇ам̣ г̇ажчанд̇и. ид̣̇ам̣ ко, бхигкавз, нанд̣̇асса сад̇исамбаж̇ан̃н̃асмим̣ ход̇и.
‘‘Tatridaṃ, bhikkhave, nandassa satisampajaññasmiṃ hoti. Idha, bhikkhave, nandassa viditā vedanā uppajjanti, viditā upaṭṭhahanti, viditā abbhatthaṃ gacchanti; viditā saññā…pe… viditā vitakkā…pe… abbhatthaṃ gacchanti. Idaṃ kho, bhikkhave, nandassa satisampajaññasmiṃ hoti.
‘‘гиман̃н̃ад̇ра, бхигкавз, нанд̣̇о инд̣̇риязсу г̇уд̇д̇ад̣̇вааро, бхож̇анз мад̇д̇ан̃н̃уу, ж̇ааг̇арияам̣ ануяуд̇д̇о , сад̇исамбаж̇ан̃н̃зна саманнааг̇ад̇о, язхи нанд̣̇о саггод̇и барибун̣н̣ам̣ барисуд̣̇д̇хам̣ б̣рахмажарияам̣ жарид̇у’’нд̇и! навамам̣.
‘‘Kimaññatra, bhikkhave, nando indriyesu guttadvāro, bhojane mattaññū, jāgariyaṃ anuyutto , satisampajaññena samannāgato, yehi nando sakkoti paripuṇṇaṃ parisuddhaṃ brahmacariyaṃ caritu’’nti! Navamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 9. нанд̣̇асуд̇д̇аван̣н̣анаа • 9. Nandasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 9. нанд̣̇асуд̇д̇аван̣н̣анаа • 9. Nandasuttavaṇṇanā
