| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੮. ਨਨ੍ਦਸੁਤ੍ਤਂ
8. Nandasuttaṃ
੨੪੨. ਸਾવਤ੍ਥਿਯਂ વਿਹਰਤਿ। ਅਥ ਖੋ ਆਯਸ੍ਮਾ ਨਨ੍ਦੋ ਭਗવਤੋ ਮਾਤੁਚ੍ਛਾਪੁਤ੍ਤੋ ਆਕੋਟਿਤਪਚ੍ਚਾਕੋਟਿਤਾਨਿ ਚੀવਰਾਨਿ ਪਾਰੁਪਿਤ੍વਾ ਅਕ੍ਖੀਨਿ ਅਞ੍ਜੇਤ੍વਾ ਅਚ੍ਛਂ ਪਤ੍ਤਂ ਗਹੇਤ੍વਾ ਯੇਨ ਭਗવਾ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਭਗવਨ੍ਤਂ ਅਭਿવਾਦੇਤ੍વਾ ਏਕਮਨ੍ਤਂ ਨਿਸੀਦਿ। ਏਕਮਨ੍ਤਂ ਨਿਸਿਨ੍ਨਂ ਖੋ ਆਯਸ੍ਮਨ੍ਤਂ ਨਨ੍ਦਂ ਭਗવਾ ਏਤਦવੋਚ – ‘‘ਨ ਖੋ ਤੇ ਤਂ, ਨਨ੍ਦ, ਪਤਿਰੂਪਂ ਕੁਲਪੁਤ੍ਤਸ੍ਸ ਸਦ੍ਧਾ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜਿਤਸ੍ਸ, ਯਂ ਤ੍વਂ ਆਕੋਟਿਤਪਚ੍ਚਾਕੋਟਿਤਾਨਿ ਚੀવਰਾਨਿ ਪਾਰੁਪੇਯ੍ਯਾਸਿ, ਅਕ੍ਖੀਨਿ ਚ ਅਞ੍ਜੇਯ੍ਯਾਸਿ, ਅਚ੍ਛਞ੍ਚ ਪਤ੍ਤਂ ਧਾਰੇਯ੍ਯਾਸਿ। ਏਤਂ ਖੋ ਤੇ, ਨਨ੍ਦ, ਪਤਿਰੂਪਂ ਕੁਲਪੁਤ੍ਤਸ੍ਸ ਸਦ੍ਧਾ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜਿਤਸ੍ਸ, ਯਂ ਤ੍વਂ ਆਰਞ੍ਞਿਕੋ ਚ ਅਸ੍ਸਸਿ, ਪਿਣ੍ਡਪਾਤਿਕੋ ਚ ਪਂਸੁਕੁਲਿਕੋ ਚ ਕਾਮੇਸੁ ਚ ਅਨਪੇਕ੍ਖੋ વਿਹਰੇਯ੍ਯਾਸੀ’’ਤਿ। ਇਦਮવੋਚ ਭਗવਾ…ਪੇ॰… ਸਤ੍ਥਾ –
242. Sāvatthiyaṃ viharati. Atha kho āyasmā nando bhagavato mātucchāputto ākoṭitapaccākoṭitāni cīvarāni pārupitvā akkhīni añjetvā acchaṃ pattaṃ gahetvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho āyasmantaṃ nandaṃ bhagavā etadavoca – ‘‘na kho te taṃ, nanda, patirūpaṃ kulaputtassa saddhā agārasmā anagāriyaṃ pabbajitassa, yaṃ tvaṃ ākoṭitapaccākoṭitāni cīvarāni pārupeyyāsi, akkhīni ca añjeyyāsi, acchañca pattaṃ dhāreyyāsi. Etaṃ kho te, nanda, patirūpaṃ kulaputtassa saddhā agārasmā anagāriyaṃ pabbajitassa, yaṃ tvaṃ āraññiko ca assasi, piṇḍapātiko ca paṃsukuliko ca kāmesu ca anapekkho vihareyyāsī’’ti. Idamavoca bhagavā…pe… satthā –
‘‘ਕਦਾਹਂ ਨਨ੍ਦਂ ਪਸ੍ਸੇਯ੍ਯਂ, ਆਰਞ੍ਞਂ ਪਂਸੁਕੂਲਿਕਂ।
‘‘Kadāhaṃ nandaṃ passeyyaṃ, āraññaṃ paṃsukūlikaṃ;
ਅਞ੍ਞਾਤੁਞ੍ਛੇਨ ਯਾਪੇਨ੍ਤਂ, ਕਾਮੇਸੁ ਅਨਪੇਕ੍ਖਿਨ’’ਨ੍ਤਿ॥
Aññātuñchena yāpentaṃ, kāmesu anapekkhina’’nti.
ਅਥ ਖੋ ਆਯਸ੍ਮਾ ਨਨ੍ਦੋ ਅਪਰੇਨ ਸਮਯੇਨ ਆਰਞ੍ਞਿਕੋ ਚ ਪਿਣ੍ਡਪਾਤਿਕੋ ਚ ਪਂਸੁਕੂਲਿਕੋ ਚ ਕਾਮੇਸੁ ਚ ਅਨਪੇਕ੍ਖੋ વਿਹਾਸੀਤਿ। ਅਟ੍ਠਮਂ।
Atha kho āyasmā nando aparena samayena āraññiko ca piṇḍapātiko ca paṃsukūliko ca kāmesu ca anapekkho vihāsīti. Aṭṭhamaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੮. ਨਨ੍ਦਸੁਤ੍ਤવਣ੍ਣਨਾ • 8. Nandasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੮. ਨਨ੍ਦਸੁਤ੍ਤવਣ੍ਣ੍ਣਨਾ • 8. Nandasuttavaṇṇṇanā
