| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੮. ਨਨ੍ਦਸੁਤ੍ਤવਣ੍ਣਨਾ
8. Nandasuttavaṇṇanā
੨੪੨. ਅਟ੍ਠਮੇ ਆਕੋਟਿਤਪਚ੍ਚਾਕੋਟਿਤਾਨੀਤਿ ਏਕਸ੍ਮਿਂ ਪਸ੍ਸੇ ਪਾਣਿਨਾ વਾ ਮੁਗ੍ਗਰੇਨ વਾ ਆਕੋਟਨੇਨ ਆਕੋਟਿਤਾਨਿ, ਪਰਿવਤ੍ਤੇਤ੍વਾ ਆਕੋਟਨੇਨ ਪਚ੍ਚਾਕੋਟਿਤਾਨਿ। ਅਞ੍ਜੇਤ੍વਾਤਿ ਅਞ੍ਜਨੇਨ ਪੂਰੇਤ੍વਾ। ਅਚ੍ਛਂ ਪਤ੍ਤਨ੍ਤਿ વਿਪ੍ਪਸਨ੍ਨવਣ੍ਣਂ ਮਤ੍ਤਿਕਾਪਤ੍ਤਂ। ਕਸ੍ਮਾ ਪਨ ਥੇਰੋ ਏવਮਕਾਸੀਤਿ? ਸਤ੍ਥੁ ਅਜ੍ਝਾਸਯਜਾਨਨਤ੍ਥਂ। ਏવਂ ਕਿਰਸ੍ਸ ਅਹੋਸਿ ‘‘ਸਚੇ ਸਤ੍ਥਾ ‘ਸੋਭਤਿ વਤ ਮੇ ਅਯਂ ਕਨਿਟ੍ਠਭਾਤਿਕੋ’ਤਿ વਕ੍ਖਤਿ, ਯਾવਜੀવਂ ਇਮਿਨਾ વਾਕਾਰੇਨ ਚਰਿਸ੍ਸਾਮਿ। ਸਚੇ ਏਤ੍ਥ ਦੋਸਂ ਦਸ੍ਸਤਿ, ਇਮਂ ਆਕਾਰਂ ਪਹਾਯ ਸਙ੍ਕਾਰਚੋਲ਼ਂ ਗਹੇਤ੍વਾ ਚੀવਰਂ ਕਤ੍વਾ ਧਾਰੇਨ੍ਤੋ ਪਰਿਯਨ੍ਤਸੇਨਾਸਨੇ વਸਨ੍ਤੋ ਚਰਿਸ੍ਸਾਮੀ’’ਤਿ। ਅਸ੍ਸਸੀਤਿ ਭવਿਸ੍ਸਸਿ।
242. Aṭṭhame ākoṭitapaccākoṭitānīti ekasmiṃ passe pāṇinā vā muggarena vā ākoṭanena ākoṭitāni, parivattetvā ākoṭanena paccākoṭitāni. Añjetvāti añjanena pūretvā. Acchaṃ pattanti vippasannavaṇṇaṃ mattikāpattaṃ. Kasmā pana thero evamakāsīti? Satthu ajjhāsayajānanatthaṃ. Evaṃ kirassa ahosi ‘‘sace satthā ‘sobhati vata me ayaṃ kaniṭṭhabhātiko’ti vakkhati, yāvajīvaṃ iminā vākārena carissāmi. Sace ettha dosaṃ dassati, imaṃ ākāraṃ pahāya saṅkāracoḷaṃ gahetvā cīvaraṃ katvā dhārento pariyantasenāsane vasanto carissāmī’’ti. Assasīti bhavissasi.
ਅਞ੍ਞਾਤੁਞ੍ਛੇਨਾਤਿ ਅਭਿਲਕ੍ਖਿਤੇਸੁ ਇਸ੍ਸਰਜਨਗੇਹੇਸੁ ਕਟੁਕਭਣ੍ਡਸਮ੍ਭਾਰਂ ਸੁਗਨ੍ਧਂ ਭੋਜਨਂ ਪਰਿਯੇਸਨ੍ਤਸ੍ਸ ਉਞ੍ਛੋ ਞਾਤੁਞ੍ਛੋ ਨਾਮ। ਘਰਪਟਿਪਾਟਿਯਾ ਪਨ ਦ੍વਾਰੇ ਠਿਤੇਨ ਲਦ੍ਧਂ ਮਿਸ੍ਸਕਭੋਜਨਂ ਅਞ੍ਞਾਤੁਞ੍ਛੋ ਨਾਮ। ਅਯਮਿਧ ਅਧਿਪ੍ਪੇਤੋ। ਕਾਮੇਸੁ ਅਨਪੇਕ੍ਖਿਨਨ੍ਤਿ વਤ੍ਥੁਕਾਮਕਿਲੇਸਕਾਮੇਸੁ ਨਿਰਪੇਕ੍ਖਂ। ਆਰਞ੍ਞਿਕੋ ਚਾਤਿਆਦਿ ਸਬ੍ਬਂ ਸਮਾਦਾਨવਸੇਨੇવ વੁਤ੍ਤਂ। ਕਾਮੇਸੁ ਚ ਅਨਪੇਕ੍ਖੋਤਿ ਇਦਂ ਸੁਤ੍ਤਂ ਦੇવਲੋਕੇ ਅਚ੍ਛਰਾਯੋ ਦਸ੍ਸੇਤ੍વਾ ਆਗਤੇਨ ਅਪਰਭਾਗੇ ਕਥਿਤਂ। ਇਮਸ੍ਸ ਕਥਿਤਦਿવਸਤੋ ਪਟ੍ਠਾਯ ਥੇਰੋ ਘਟੇਨ੍ਤੋ વਾਯਮਨ੍ਤੋ ਕਤਿਪਾਹੇਨੇવ ਅਰਹਤ੍ਤੇ ਪਤਿਟ੍ਠਾਯ ਸਦੇવਕੇ ਲੋਕੇ ਅਗ੍ਗਦਕ੍ਖਿਣੇਯ੍ਯੋ ਜਾਤੋ। ਅਟ੍ਠਮਂ।
Aññātuñchenāti abhilakkhitesu issarajanagehesu kaṭukabhaṇḍasambhāraṃ sugandhaṃ bhojanaṃ pariyesantassa uñcho ñātuñcho nāma. Gharapaṭipāṭiyā pana dvāre ṭhitena laddhaṃ missakabhojanaṃ aññātuñcho nāma. Ayamidha adhippeto. Kāmesu anapekkhinanti vatthukāmakilesakāmesu nirapekkhaṃ. Āraññiko cātiādi sabbaṃ samādānavaseneva vuttaṃ. Kāmesu ca anapekkhoti idaṃ suttaṃ devaloke accharāyo dassetvā āgatena aparabhāge kathitaṃ. Imassa kathitadivasato paṭṭhāya thero ghaṭento vāyamanto katipāheneva arahatte patiṭṭhāya sadevake loke aggadakkhiṇeyyo jāto. Aṭṭhamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੮. ਨਨ੍ਦਸੁਤ੍ਤਂ • 8. Nandasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੮. ਨਨ੍ਦਸੁਤ੍ਤવਣ੍ਣ੍ਣਨਾ • 8. Nandasuttavaṇṇṇanā
