| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
8. නන්‌දතිසුත්‌තං
8. Nandatisuttaṃ
144. එවං මෙ සුතං – එකං සමයං භගවා සාවත්‌ථියං විහරති ජෙතවනෙ අනාථපිණ්‌ඩිකස්‌ස ආරාමෙ. අථ ඛො මාරො පාපිමා යෙන භගවා තෙනුපසඞ්‌කමි; උපසඞ්‌කමිත්‌වා භගවතො සන්‌තිකෙ ඉමං ගාථං අභාසි –
144. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Atha kho māro pāpimā yena bhagavā tenupasaṅkami; upasaṅkamitvā bhagavato santike imaṃ gāthaṃ abhāsi –
‘‘නන්‌දති පුත්‌තෙහි පුත්‌තිමා, ගොමා ගොභි තථෙව නන්‌දති;
‘‘Nandati puttehi puttimā, gomā gobhi tatheva nandati;
උපධීහි නරස්‌ස නන්‌දනා, න හි සො නන්‌දති යො නිරූපධී’’ති.
Upadhīhi narassa nandanā, na hi so nandati yo nirūpadhī’’ti.
‘‘සොචති පුත්‌තෙහි පුත්‌තිමා, ගොමා ගොභි තථෙව සොචති;
‘‘Socati puttehi puttimā, gomā gobhi tatheva socati;
උපධීහි නරස්‌ස සොචනා, න හි සො සොචති යො නිරූපධී’’ති.
Upadhīhi narassa socanā, na hi so socati yo nirūpadhī’’ti.
අථ ඛො මාරො පාපිමා ‘‘ජානාති මං භගවා, ජානාති මං සුගතො’’ති දුක්‌ඛී දුම්‌මනො තත්‌ථෙවන්‌තරධායීති.
Atha kho māro pāpimā ‘‘jānāti maṃ bhagavā, jānāti maṃ sugato’’ti dukkhī dummano tatthevantaradhāyīti.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 8. නන්‌දතිසුත්‌තවණ්‌ණනා • 8. Nandatisuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 8. නන්‌දතිසුත්‌තවණ්‌ණනා • 8. Nandatisuttavaṇṇanā
