| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
2. нанд̣̇ад̇исуд̇д̇аван̣н̣анаа
2. Nandatisuttavaṇṇanā
12. д̣̇уд̇ияз нанд̣̇ад̇ийд̇и д̇уссад̇и ад̇д̇амано ход̇и. буд̇д̇имаад̇и б̣ахубуд̇д̇о. д̇асса хи згажжз буд̇д̇аа гасигаммам̣ гад̇ваа д̇хан̃н̃асса годтз буурзнд̇и, згажжз ван̣иж̇ж̇ам̣ гад̇ваа хиран̃н̃асуван̣н̣ам̣ аахаранд̇и, згажжз рааж̇аанам̣ убадтахид̇ваа яаанавааханаг̇ааманиг̇амаад̣̇ийни лабханд̇и. ат̇а д̇зсам̣ аанубхаавасан̇каад̇ам̣ сирим̣ анубхавамаанаа маад̇аа ваа бид̇аа ваа нанд̣̇ад̇и. чан̣ад̣̇ивасаад̣̇ийсу ваа ман̣д̣ид̇абасаад̇хид̇з буд̇д̇з самбад̇д̇им̣ анубхавамаанз д̣̇исваа нанд̣̇ад̇ийд̇и, ‘‘нанд̣̇ад̇и буд̇д̇зхи буд̇д̇имаа’’д̇и ааха. г̇охи д̇ат̇зваад̇и яат̇аа буд̇д̇имаа буд̇д̇зхи, д̇ат̇аа г̇осаамигоби самбаннам̣ г̇оман̣д̣алам̣ д̣̇исваа г̇ааво ниссааяа г̇орасасамбад̇д̇им̣ анубхавамаано г̇охи нанд̣̇ад̇и. убад̇хий хи нарасса нанд̣̇анаад̇и, зд̇т̇а убад̇хийд̇и жад̇д̇ааро убад̇хий – гаамуубад̇хи, канд̇хуубад̇хи, гилзсуубад̇хи, абхисан̇кааруубад̇хийд̇и. гаамааби хи ‘‘яам̣ бан̃жа гаамаг̇ун̣з бадижжа уббаж̇ж̇ад̇и сукам̣ соманассам̣, аяам̣ гаамаанам̣ ассаад̣̇о’’д̇и (ма. ни. 1.166) звам̣ вуд̇д̇асса сукасса ад̇хидтаанабхаавад̇о ‘‘убад̇хияад̇и зд̇т̇а сука’’нд̇и иминаа важанад̇т̇зна убад̇хийд̇и вужжад̇и. канд̇хааби канд̇хамуулагасса д̣̇угкасса ад̇хидтаанабхаавад̇о, гилзсааби абааяад̣̇угкасса ад̇хидтаанабхаавад̇о, абхисан̇каарааби бхавад̣̇угкасса ад̇хидтаанабхаавад̇од̇и. ид̇ха бана гаамуубад̇хи ад̇хиббзд̇о. бан̃жа хи гаамаг̇ун̣аа д̇збхуумигаад̣̇ибаасаад̣̇а-ул̣аарасаяана-вад̇т̇аалан̇гаара-наадагабариваараад̣̇ивасзна бажжубадтид̇аа бийд̇исоманассам̣ убасам̣харамаанаа нарам̣ нанд̣̇аяанд̇и. д̇асмаа яат̇аа буд̇д̇аа жа г̇ааво жа, звам̣ имзби убад̇хий хи нарасса нанд̣̇анаад̇и взд̣̇ид̇аб̣б̣аа. на хи со нанд̣̇ад̇и яо нируубад̇хийд̇и яо гаамаг̇ун̣асамбад̇д̇ирахид̇о д̣̇алид̣̇д̣̇о д̣̇уллабхагхаасажчаад̣̇ано , на хи со нанд̣̇ад̇и. зваруубо мануссабзд̇о жа мануссанзраяиго жа гим̣ нанд̣̇иссад̇и бхаг̇аваад̇и ааха.
12. Dutiye nandatīti tussati attamano hoti. Puttimāti bahuputto. Tassa hi ekacce puttā kasikammaṃ katvā dhaññassa koṭṭhe pūrenti, ekacce vaṇijjaṃ katvā hiraññasuvaṇṇaṃ āharanti, ekacce rājānaṃ upaṭṭhahitvā yānavāhanagāmanigamādīni labhanti. Atha tesaṃ ānubhāvasaṅkhātaṃ siriṃ anubhavamānā mātā vā pitā vā nandati. Chaṇadivasādīsu vā maṇḍitapasādhite putte sampattiṃ anubhavamāne disvā nandatīti, ‘‘nandati puttehi puttimā’’ti āha. Gohi tathevāti yathā puttimā puttehi, tathā gosāmikopi sampannaṃ gomaṇḍalaṃ disvā gāvo nissāya gorasasampattiṃ anubhavamāno gohi nandati. Upadhī hi narassa nandanāti, ettha upadhīti cattāro upadhī – kāmūpadhi, khandhūpadhi, kilesūpadhi, abhisaṅkhārūpadhīti. Kāmāpi hi ‘‘yaṃ pañca kāmaguṇe paṭicca uppajjati sukhaṃ somanassaṃ, ayaṃ kāmānaṃ assādo’’ti (ma. ni. 1.166) evaṃ vuttassa sukhassa adhiṭṭhānabhāvato ‘‘upadhiyati ettha sukha’’nti iminā vacanatthena upadhīti vuccati. Khandhāpi khandhamūlakassa dukkhassa adhiṭṭhānabhāvato, kilesāpi apāyadukkhassa adhiṭṭhānabhāvato, abhisaṅkhārāpi bhavadukkhassa adhiṭṭhānabhāvatoti. Idha pana kāmūpadhi adhippeto. Pañca hi kāmaguṇā tebhūmikādipāsāda-uḷārasayana-vatthālaṅkāra-nāṭakaparivārādivasena paccupaṭṭhitā pītisomanassaṃ upasaṃharamānā naraṃ nandayanti. Tasmā yathā puttā ca gāvo ca, evaṃ imepi upadhī hi narassa nandanāti veditabbā. Na hi so nandati yo nirūpadhīti yo kāmaguṇasampattirahito daliddo dullabhaghāsacchādano , na hi so nandati. Evarūpo manussapeto ca manussanerayiko ca kiṃ nandissati bhagavāti āha.
ид̣̇ам̣ суд̇ваа сад̇т̇аа жинд̇зси – ‘‘аяам̣ д̣̇звад̇аа согавад̇т̇умзва нанд̣̇авад̇т̇ум̣ гарод̇и, согавад̇т̇убхаавамассаа д̣̇ийбзссаамий’’д̇и палзна палам̣ баад̇знд̇о вияа д̇ааязва убамааяа д̇ассаа ваад̣̇ам̣ бхинд̣̇анд̇о д̇амзва г̇аат̇ам̣ баривад̇д̇зд̇ваа сожад̇ийд̇и ааха. д̇ад̇т̇а сожад̇и буд̇д̇зхийд̇и вид̣̇зсаг̇аманаад̣̇ивасзна буд̇д̇зсу надтзсуби нассанд̇зсуби ид̣̇аани нассиссанд̇ийд̇и наасасан̇гийби сожад̇и, д̇ат̇аа мад̇зсуби маранд̇зсуби жорзхи рааж̇абурисзхи г̇ахид̇зсу ваа бажжад̇т̇игаанам̣ хад̇т̇ам̣ убаг̇ад̇зсу ваа маран̣асан̇гийби худ̇ваа сожад̇и. ругкабаб̣б̣ад̇аад̣̇ийхи бад̇ид̇ваа хад̇т̇абаад̣̇аад̣̇ийнам̣ бхзд̣̇авасзна бхиннзсуби бхиж̇ж̇анд̇зсуби бхзд̣̇асан̇гийби худ̇ваа сожад̇и. яат̇аа жа буд̇д̇зхи буд̇д̇имаа, г̇осаамигоби д̇ат̇зва навахаагаарзхи г̇охи сожад̇и. убад̇хий хи нарасса сожанаад̇и яат̇аа жа буд̇д̇аг̇ааво, звам̣ бан̃жа гаамаг̇ун̣обад̇хийби –
Idaṃ sutvā satthā cintesi – ‘‘ayaṃ devatā sokavatthumeva nandavatthuṃ karoti, sokavatthubhāvamassā dīpessāmī’’ti phalena phalaṃ pātento viya tāyeva upamāya tassā vādaṃ bhindanto tameva gāthaṃ parivattetvā socatīti āha. Tattha socati puttehīti videsagamanādivasena puttesu naṭṭhesupi nassantesupi idāni nassissantīti nāsasaṅkīpi socati, tathā matesupi marantesupi corehi rājapurisehi gahitesu vā paccatthikānaṃ hatthaṃ upagatesu vā maraṇasaṅkīpi hutvā socati. Rukkhapabbatādīhi patitvā hatthapādādīnaṃ bhedavasena bhinnesupi bhijjantesupi bhedasaṅkīpi hutvā socati. Yathā ca puttehi puttimā, gosāmikopi tatheva navahākārehi gohi socati. Upadhī hi narassa socanāti yathā ca puttagāvo, evaṃ pañca kāmaguṇopadhīpi –
‘‘д̇асса жз гаамаяаанасса, чанд̣̇аж̇аад̇асса ж̇анд̇уно;
‘‘Tassa ce kāmayānassa, chandajātassa jantuno;
д̇з гаамаа барихааяанд̇и, саллавид̣̇д̇хова руббад̇ий’’д̇и. (су. ни. 773) –
Te kāmā parihāyanti, sallaviddhova ruppatī’’ti. (su. ni. 773) –
вуд̇д̇анаязна нарам̣ сожанд̇и. д̇асмаа нарасса сожанаа согавад̇т̇угамзваад̇и взд̣̇ид̇аб̣б̣аа. на хи со сожад̇и, яо нируубад̇хийд̇и яасса бана жад̇уб̣б̣ид̇хаабзд̇з убад̇хияо над̇т̇и, со нирубад̇хи махаакийн̣аасаво гим̣ сожиссад̇и, на сожад̇и д̣̇звад̇зд̇и.
Vuttanayena naraṃ socanti. Tasmā narassa socanā sokavatthukamevāti veditabbā. Na hi so socati, yo nirūpadhīti yassa pana catubbidhāpete upadhiyo natthi, so nirupadhi mahākhīṇāsavo kiṃ socissati, na socati devateti.
нанд̣̇ад̇исуд̇д̇аван̣н̣анаа нидтид̇аа.
Nandatisuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 2. нанд̣̇ад̇исуд̇д̇ам̣ • 2. Nandatisuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2. нанд̣̇ад̇исуд̇д̇аван̣н̣анаа • 2. Nandatisuttavaṇṇanā
