| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
2. нанд̣̇ад̇исуд̇д̇аван̣н̣анаа
2. Nandatisuttavaṇṇanā
12. нанд̣̇ад̇ийд̇и зд̇т̇а нанд̣̇анам̣ саббийд̇игагаамад̇ан̣хаагижжанд̇и ааха – ‘‘д̇уссад̇ий’’д̇и, д̇асмаа гаамабарид̇осзна хадтад̇удто ход̇ийд̇и ад̇т̇о. буд̇д̇имаад̇и буд̇д̇аваа. бахууд̇з жааяам̣ маа-сад̣̇д̣̇од̇и ааха ‘‘б̣ахубуд̇д̇о’’д̇и. б̣ахубуд̇д̇ад̇ааг̇ахан̣зна ид̣̇ам̣ баяож̇ананд̇и д̣̇ассзнд̇о ‘‘д̇асса хий’’д̇иаад̣̇имааха. буурзнд̇ийд̇и бад̣̇ам̣ абзгкид̇ваа д̇хан̃н̃ассаад̇и саамиважанам̣. ид̇и аахаад̇и имамад̇т̇ам̣ санд̇хааяааха, звам̣ад̇хиббааяо худ̇ваад̇и ад̇т̇о. г̇осаамигод̇и г̇омаа. ид̇хааби бахууд̇з маа-сад̣̇д̣̇о. г̇орасасамбад̇д̇инд̇и г̇орасзхи нибпаж̇ж̇анасамбад̇д̇им̣. убад̇хийд̇и бажжад̇д̇аб̣ахуважанам̣. хийд̇и хзд̇уад̇т̇з нибаад̇о. нанд̣̇аяанд̇и бийд̇исоманассам̣ ж̇анаяанд̇ийд̇и нанд̣̇анаа. гаамам̣ д̣̇угкасса ад̇хидтаанабхаавад̇о ниббарияааяад̇о гаамаа ‘‘убад̇хий’’д̇и вад̇д̇аб̣б̣ад̇ам̣ араханд̇и, д̇ассаа бана д̣̇звад̇ааяа ад̇хиббааяавасзнааха ‘‘сукасса ад̇хидтаанабхаавад̇о’’д̇и. гилзсавад̇т̇ухзд̇угад̇д̇аа сзсабад̣̇ад̣̇ваяасса гин̃жааби саб̣б̣ам̣ сам̣саарад̣̇угкам̣ гилзсахзд̇угам̣, висзсад̇о бана баабад̇хаммаа абааяуубабад̇д̇им̣ ниб̣б̣ад̇д̇знд̇ийд̇и ааха – ‘‘гилзсааби абааяад̣̇угкасса ад̇хидтаанабхаавад̇о’’д̇и. убасам̣харамаанаад̇и убанзнд̇аа уббаад̣̇знд̇аа. мануссаж̇аад̇игоби д̣̇уллабхагхаасажчаад̣̇анад̇ааяа д̣̇угкаб̣ахуло бзд̇о вияаад̇и мануссабзд̇о. мануссаж̇аад̇игоби вуд̇д̇аруубо анад̇т̇абаад̇ид̇о барзхи хим̣сид̇о самаано нзраяиго вияаад̇и мануссанзраяиго.
12.Nandatīti ettha nandanaṃ sappītikakāmataṇhākiccanti āha – ‘‘tussatī’’ti, tasmā kāmaparitosena haṭṭhatuṭṭho hotīti attho. Puttimāti puttavā. Pahūte cāyaṃ mā-saddoti āha ‘‘bahuputto’’ti. Bahuputtatāgahaṇena idaṃ payojananti dassento ‘‘tassa hī’’tiādimāha. Pūrentīti padaṃ apekkhitvā dhaññassāti sāmivacanaṃ. Iti āhāti imamatthaṃ sandhāyāha, evaṃadhippāyo hutvāti attho. Gosāmikoti gomā. Idhāpi pahūte mā-saddo. Gorasasampattinti gorasehi nipphajjanasampattiṃ. Upadhīti paccattabahuvacanaṃ. Hīti hetuatthe nipāto. Nandayanti pītisomanassaṃ janayantīti nandanā. Kāmaṃ dukkhassa adhiṭṭhānabhāvato nippariyāyato kāmā ‘‘upadhī’’ti vattabbataṃ arahanti, tassā pana devatāya adhippāyavasenāha ‘‘sukhassa adhiṭṭhānabhāvato’’ti. Kilesavatthuhetukattā sesapadadvayassa kiñcāpi sabbaṃ saṃsāradukkhaṃ kilesahetukaṃ, visesato pana pāpadhammā apāyūpapattiṃ nibbattentīti āha – ‘‘kilesāpi apāyadukkhassa adhiṭṭhānabhāvato’’ti. Upasaṃharamānāti upanentā uppādentā. Manussajātikopi dullabhaghāsacchādanatāya dukkhabahulo peto viyāti manussapeto. Manussajātikopi vuttarūpo anatthapātito parehi hiṃsito samāno nerayiko viyāti manussanerayiko.
палзна ругкад̇о палам̣ баад̇знд̇о вияа. д̇ат̇зва навахаагаарзхийд̇и яат̇аа д̇ийсу гаалзсу наасамаран̣абхзд̣̇анавасзна буд̇д̇имаа буд̇д̇анимид̇д̇ам̣, д̇ат̇зва г̇омаа г̇онимид̇д̇ам̣ сожад̇и наваббагаарзхи. бан̃жа гаамаг̇ун̣обад̇хийби нарам̣ сожзнд̇ийд̇и яож̇анаа. д̇ассаад̇и яо уд̇д̇ари ануг̇иж̇жхад̇и д̇асса. гаамаяаанассаад̇и ж̇аад̇агаамажчанд̣̇асса. ж̇анд̇унод̇и сад̇д̇асса. барихааяанд̇и жз винассанд̇и жз. саллавид̣̇д̇ховаад̇и саллзна вид̣̇д̇хо вияа. руббад̇ийд̇и вигаарам̣ аабаж̇ж̇ад̇и, сожад̇ийд̇и ад̇т̇о. нарасса сожанаа согагхадданабажжаяо. убад̇хаяо над̇т̇ийд̇и гаамам̣ гилзсаабхисан̇кааруубад̇хаяо д̇аава кийн̣аасавасса над̇т̇зва маг̇г̇аад̇хиг̇амзна нирод̇хид̇ад̇д̇аа, канд̇хуубад̇хаяо бана гат̇анд̇и? д̇зби д̇асса саубаад̣̇исзсагаалзби адтуббад̇д̇ихзд̇убхууд̇аа на санд̇зва, аяан̃жа анубаад̣̇исзсагаалз. д̇знааха ‘‘со нирубад̇хи махаакийн̣аасаво’’д̇и.
Phalena rukkhato phalaṃ pātento viya. Tatheva navahākārehīti yathā tīsu kālesu nāsamaraṇabhedanavasena puttimā puttanimittaṃ, tatheva gomā gonimittaṃ socati navappakārehi. Pañca kāmaguṇopadhīpi naraṃ socentīti yojanā. Tassāti yo uttari anugijjhati tassa. Kāmayānassāti jātakāmacchandassa. Jantunoti sattassa. Parihāyanti ce vinassanti ce. Sallaviddhovāti sallena viddho viya. Ruppatīti vikāraṃ āpajjati, socatīti attho. Narassa socanā sokaghaṭṭanapaccayo. Upadhayo natthīti kāmaṃ kilesābhisaṅkhārūpadhayo tāva khīṇāsavassa nattheva maggādhigamena nirodhitattā, khandhūpadhayo pana kathanti? Tepi tassa saupādisesakālepi aṭṭhuppattihetubhūtā na santeva, ayañca anupādisesakāle. Tenāha ‘‘so nirupadhi mahākhīṇāsavo’’ti.
нанд̣̇ад̇исуд̇д̇аван̣н̣анаа нидтид̇аа.
Nandatisuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 2. нанд̣̇ад̇исуд̇д̇ам̣ • 2. Nandatisuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. нанд̣̇ад̇исуд̇д̇аван̣н̣анаа • 2. Nandatisuttavaṇṇanā
