| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๓. นนฺทเตฺถรอปทานํ
3. Nandattheraapadānaṃ
๒๗.
27.
‘‘ปทุมุตฺตรสฺส ภควโต, โลกเชฎฺฐสฺส ตาทิโน;
‘‘Padumuttarassa bhagavato, lokajeṭṭhassa tādino;
วตฺถํ โขมํ มยา ทินฺนํ, สยมฺภุสฺส มเหสิโนฯ
Vatthaṃ khomaṃ mayā dinnaṃ, sayambhussa mahesino.
๒๘.
28.
‘‘ตํ เม พุโทฺธ วิยากาสิ, ชลชุตฺตรนามโก;
‘‘Taṃ me buddho viyākāsi, jalajuttaranāmako;
‘อิมินา วตฺถทาเนน, เหมวโณฺณ ภวิสฺสสิฯ
‘Iminā vatthadānena, hemavaṇṇo bhavissasi.
๒๙.
29.
‘‘‘เทฺว สมฺปตฺตี อนุโภตฺวา, กุสลมูเลหิ โจทิโต;
‘‘‘Dve sampattī anubhotvā, kusalamūlehi codito;
โคตมสฺส ภควโต, กนิโฎฺฐ ตฺวํ ภวิสฺสสิฯ
Gotamassa bhagavato, kaniṭṭho tvaṃ bhavissasi.
๓๐.
30.
‘‘‘ราครโตฺต สุขสีโล, กาเมสุ เคธมายุโต;
‘‘‘Rāgaratto sukhasīlo, kāmesu gedhamāyuto;
๓๑.
31.
‘‘‘ปพฺพชิตฺวาน ตฺวํ ตตฺถ, กุสลมูเลน โจทิโต;
‘‘‘Pabbajitvāna tvaṃ tattha, kusalamūlena codito;
สพฺพาสเว ปริญฺญาย, นิพฺพายิสฺสสินาสโว’ฯ
Sabbāsave pariññāya, nibbāyissasināsavo’.
๓๒.
32.
สฎฺฐิ กปฺปสหสฺสมฺหิ, อุปเจลา จตุชฺชนาฯ
Saṭṭhi kappasahassamhi, upacelā catujjanā.
๓๓.
33.
‘‘ปญฺจ กปฺปสหสฺสมฺหิ, เจฬาว จตุโร ชนา;
‘‘Pañca kappasahassamhi, ceḷāva caturo janā;
สตฺตรตนสมฺปนฺนา, จตุทีปมฺหิ อิสฺสราฯ
Sattaratanasampannā, catudīpamhi issarā.
๓๔.
34.
‘‘ปฎิสมฺภิทา จตโสฺส, วิโมกฺขาปิ จ อฎฺฐิเม;
‘‘Paṭisambhidā catasso, vimokkhāpi ca aṭṭhime;
ฉฬภิญฺญา สจฺฉิกตา, กตํ พุทฺธสฺส สาสนํ’’ฯ
Chaḷabhiññā sacchikatā, kataṃ buddhassa sāsanaṃ’’.
อิตฺถํ สุทํ อายสฺมา นโนฺท เถโร อิมา คาถาโย อภาสิตฺถาติฯ
Itthaṃ sudaṃ āyasmā nando thero imā gāthāyo abhāsitthāti.
นนฺทเตฺถรสฺสาปทานํ ตติยํฯ
Nandattherassāpadānaṃ tatiyaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๓. นนฺทเตฺถรอปทานวณฺณนา • 3. Nandattheraapadānavaṇṇanā
