| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
9. нанд̣̇ад̇т̇зраг̇аат̇ааван̣н̣анаа
9. Nandattheragāthāvaṇṇanā
аяонисо манасигаараад̇и ааяасмад̇о нанд̣̇ад̇т̇зрасса г̇аат̇аа. гаа уббад̇д̇и? аяам̣ гира бад̣̇умуд̇д̇арасса бхаг̇авад̇о гаалз хам̣савад̇ийнаг̇арз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о бхаг̇авад̇о санд̇игз д̇хаммам̣ сун̣анд̇о сад̇т̇аарам̣ згам̣ бхигкум̣ инд̣̇риязсу г̇уд̇д̇ад̣̇ваараанам̣ аг̇г̇адтаанз табзнд̇ам̣ д̣̇исваа саяамби д̇ам̣ таананд̇арам̣ бад̇т̇знд̇о бхаг̇авад̇о бхигкусан̇гхасса жа бууж̇аасаггаараб̣ахулам̣ махаад̣̇аанам̣ бавад̇д̇зд̇ваа, ‘‘ахамби анааг̇ад̇з д̇умхаад̣̇исасса б̣уд̣̇д̇хасса зваруубо сааваго бхавзяяа’’нд̇и бан̣ид̇хаанам̣ гад̇ваа д̇ад̇о бадтааяа д̣̇звамануссзсу сам̣саранд̇о ад̇т̇ад̣̇ассисса бхаг̇авад̇о гаалз винад̇ааяа наама над̣̇ияаа маханд̇о гажчабо худ̇ваа ниб̣б̣ад̇д̇о згад̣̇ивасам̣ сад̇т̇аарам̣ над̣̇ияаа баарам̣ г̇анд̇ум̣ д̇ийрз тид̇ам̣ д̣̇исваа саяам̣ бхаг̇аванд̇ам̣ д̇аарзд̇угаамо сад̇т̇у баад̣̇амуулз нибаж̇ж̇и . сад̇т̇аа д̇асса аж̇жхаасаяам̣ ологзд̇ваа бидтим̣ абхирухи. со хадтад̇удто взг̇зна сод̇ам̣ чинд̣̇анд̇о сийгхад̇арам̣ барад̇ийрамзва баабзси. бхаг̇аваа д̇асса анумод̣̇анам̣ вад̣̇анд̇о бхаавиним̣ самбад̇д̇им̣ гат̇зд̇ваа баггаами.
Ayoniso manasikārāti āyasmato nandattherassa gāthā. Kā uppatti? Ayaṃ kira padumuttarassa bhagavato kāle haṃsavatīnagare kulagehe nibbattitvā viññutaṃ patto bhagavato santike dhammaṃ suṇanto satthāraṃ ekaṃ bhikkhuṃ indriyesu guttadvārānaṃ aggaṭṭhāne ṭhapentaṃ disvā sayampi taṃ ṭhānantaraṃ patthento bhagavato bhikkhusaṅghassa ca pūjāsakkārabahulaṃ mahādānaṃ pavattetvā, ‘‘ahampi anāgate tumhādisassa buddhassa evarūpo sāvako bhaveyya’’nti paṇidhānaṃ katvā tato paṭṭhāya devamanussesu saṃsaranto atthadassissa bhagavato kāle vinatāya nāma nadiyā mahanto kacchapo hutvā nibbatto ekadivasaṃ satthāraṃ nadiyā pāraṃ gantuṃ tīre ṭhitaṃ disvā sayaṃ bhagavantaṃ tāretukāmo satthu pādamūle nipajji . Satthā tassa ajjhāsayaṃ oloketvā piṭṭhiṃ abhiruhi. So haṭṭhatuṭṭho vegena sotaṃ chindanto sīghataraṃ paratīrameva pāpesi. Bhagavā tassa anumodanaṃ vadanto bhāviniṃ sampattiṃ kathetvā pakkāmi.
со д̇зна бун̃н̃агаммзна суг̇ад̇ийсуязва сам̣саранд̇о имасмим̣ б̣уд̣̇д̇хуббаад̣̇з габилавад̇т̇усмим̣ суд̣̇д̇ход̣̇анамахаарааж̇асса буд̇д̇о худ̇ваа махаабаж̇аабад̇ияаа г̇од̇амияаа гужчимхи ниб̣б̣ад̇д̇и. д̇асса наамаг̇г̇ахан̣ад̣̇ивасз н̃аад̇исан̇гхам̣ нанд̣̇знд̇о ж̇аад̇од̇и нанд̣̇од̇взва наамам̣ агам̣су. д̇асса ваяаббад̇д̇агаалз сад̇т̇аа бавад̇д̇аварад̇хаммажагго логаануг̇г̇ахам̣ гаронд̇о габилавад̇т̇ум̣ г̇анд̇ваа н̃аад̇исамааг̇амз богкаравассам̣ адтуббад̇д̇им̣ гад̇ваа взссанд̇араж̇аад̇агам̣ (ж̇аа. 2.22.1655 аад̣̇аяо) гат̇зд̇ваа д̣̇уд̇ияад̣̇ивасз бин̣д̣ааяа бавидто ‘‘уд̇д̇идтз наббамаж̇ж̇зяяаа’’д̇и (д̇ха. ба. 168) г̇аат̇ааяа бид̇арам̣ сод̇аабад̇д̇ипалз бад̇идтаабзд̇ваа нивзсанам̣ г̇анд̇ваа ‘‘д̇хаммам̣ жарз сужарид̇а’’нд̇и (д̇ха. ба. 169) г̇аат̇ааяа махаабаж̇аабад̇им̣ сод̇аабад̇д̇ипалз рааж̇аанам̣ сагад̣̇ааг̇аамипалз бад̇идтаабзд̇ваа д̇ад̇ияз д̣̇ивасз нанд̣̇агумаарасса абхисзганивзсанаббавзсанавиваахаман̇г̇алзсу вад̇д̇амаанзсу бин̣д̣ааяа бависид̇ваа нанд̣̇агумаарасса хад̇т̇з бад̇д̇ам̣ д̣̇ад̇ваа ман̇г̇алам̣ вад̇ваа д̇асса хад̇т̇ад̇о бад̇д̇ам̣ аг̇ахзд̇ваава вихаарам̣ г̇ад̇о д̇ам̣ бад̇д̇ахад̇т̇ам̣ вихаарам̣ ааг̇ад̇ам̣ анижчамаанам̣язва баб̣б̣ааж̇зд̇ваа д̇ат̇аа баб̣б̣аж̇ид̇ад̇д̇ааязва анабхирад̇ияаа бийл̣ид̇ам̣ н̃ад̇ваа убааязна д̇асса д̇ам̣ анабхирад̇им̣ винод̣̇зси. со яонисо бадисан̇кааяа вибассанам̣ бадтабзд̇ваа нажирассзва арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 2.49.148-163) –
So tena puññakammena sugatīsuyeva saṃsaranto imasmiṃ buddhuppāde kapilavatthusmiṃ suddhodanamahārājassa putto hutvā mahāpajāpatiyā gotamiyā kucchimhi nibbatti. Tassa nāmaggahaṇadivase ñātisaṅghaṃ nandento jātoti nandotveva nāmaṃ akaṃsu. Tassa vayappattakāle satthā pavattavaradhammacakko lokānuggahaṃ karonto kapilavatthuṃ gantvā ñātisamāgame pokkharavassaṃ aṭṭhuppattiṃ katvā vessantarajātakaṃ (jā. 2.22.1655 ādayo) kathetvā dutiyadivase piṇḍāya paviṭṭho ‘‘uttiṭṭhe nappamajjeyyā’’ti (dha. pa. 168) gāthāya pitaraṃ sotāpattiphale patiṭṭhāpetvā nivesanaṃ gantvā ‘‘dhammaṃ care sucarita’’nti (dha. pa. 169) gāthāya mahāpajāpatiṃ sotāpattiphale rājānaṃ sakadāgāmiphale patiṭṭhāpetvā tatiye divase nandakumārassa abhisekanivesanappavesanavivāhamaṅgalesu vattamānesu piṇḍāya pavisitvā nandakumārassa hatthe pattaṃ datvā maṅgalaṃ vatvā tassa hatthato pattaṃ agahetvāva vihāraṃ gato taṃ pattahatthaṃ vihāraṃ āgataṃ anicchamānaṃyeva pabbājetvā tathā pabbajitattāyeva anabhiratiyā pīḷitaṃ ñatvā upāyena tassa taṃ anabhiratiṃ vinodesi. So yoniso paṭisaṅkhāya vipassanaṃ paṭṭhapetvā nacirasseva arahattaṃ pāpuṇi. Tena vuttaṃ apadāne (apa. thera 2.49.148-163) –
‘‘ад̇т̇ад̣̇ассий д̇у бхаг̇аваа, саяамбхуу логанааяаго;
‘‘Atthadassī tu bhagavā, sayambhū lokanāyako;
винад̇аанад̣̇ияаа д̇ийрам̣, убааг̇ажчи д̇ат̇ааг̇ад̇о.
Vinatānadiyā tīraṃ, upāgacchi tathāgato.
‘‘уд̣̇агаа абхинигкамма, гажчабо ваариг̇ожаро;
‘‘Udakā abhinikkhamma, kacchapo vārigocaro;
б̣уд̣̇д̇хам̣ д̇аарзд̇угаамохам̣, убзсим̣ логанааяагам̣.
Buddhaṃ tāretukāmohaṃ, upesiṃ lokanāyakaṃ.
‘‘абхируухад̇у мам̣ б̣уд̣̇д̇хо, ад̇т̇ад̣̇ассий махаамуни;
‘‘Abhirūhatu maṃ buddho, atthadassī mahāmuni;
ахам̣ д̇ам̣ д̇аараяиссаами, д̣̇угкассанд̇агаро д̇увам̣.
Ahaṃ taṃ tārayissāmi, dukkhassantakaro tuvaṃ.
‘‘мама сан̇габбаман̃н̃ааяа, ад̇т̇ад̣̇ассий махааяасо;
‘‘Mama saṅkappamaññāya, atthadassī mahāyaso;
абхируухид̇ваа мз бидтим̣, адтааси логанааяаго.
Abhirūhitvā me piṭṭhiṃ, aṭṭhāsi lokanāyako.
‘‘яад̇о сараами ад̇д̇аанам̣, яад̇о бад̇д̇осми вин̃н̃уд̇ам̣;
‘‘Yato sarāmi attānaṃ, yato pattosmi viññutaṃ;
сукам̣ мз д̇аад̣̇исам̣ над̇т̇и, пудтз баад̣̇ад̇алз яат̇аа.
Sukhaṃ me tādisaṃ natthi, phuṭṭhe pādatale yathā.
‘‘уд̇д̇арид̇ваана самб̣уд̣̇д̇хо, ад̇т̇ад̣̇ассий махааяасо;
‘‘Uttaritvāna sambuddho, atthadassī mahāyaso;
над̣̇ид̇ийрамхи тад̇ваана, имаа г̇аат̇аа абхаасат̇а.
Naditīramhi ṭhatvāna, imā gāthā abhāsatha.
‘‘яаавад̇аа вад̇д̇ад̇з жид̇д̇ам̣, г̇ан̇г̇аасод̇ам̣ д̇араамахам̣;
‘‘Yāvatā vattate cittaṃ, gaṅgāsotaṃ tarāmahaṃ;
аяан̃жа гажчабо рааж̇аа, д̇аарзси мама бан̃н̃аваа.
Ayañca kacchapo rājā, tāresi mama paññavā.
‘‘иминаа б̣уд̣̇д̇хад̇аран̣зна, мзд̇д̇ажид̇д̇авад̇ааяа жа;
‘‘Iminā buddhataraṇena, mettacittavatāya ca;
адтаарасз габбасад̇з, д̣̇звалогз рамиссад̇и.
Aṭṭhārase kappasate, devaloke ramissati.
‘‘д̣̇звалогаа ид̇хааг̇анд̇ваа, суггамуулзна жод̣̇ид̇о;
‘‘Devalokā idhāgantvā, sukkamūlena codito;
згаасанз нисийд̣̇ид̇ваа, ган̇каасод̇ам̣ д̇ариссад̇и.
Ekāsane nisīditvā, kaṅkhāsotaṃ tarissati.
‘‘яат̇ааби бхад̣̇д̣̇агз кзд̇д̇з, б̣ийж̇ам̣ аббамби робид̇ам̣;
‘‘Yathāpi bhaddake khette, bījaṃ appampi ropitaṃ;
саммаад̇хаарам̣ бавзжчанд̇з, палам̣ д̇осзд̇и гассагам̣.
Sammādhāraṃ pavecchante, phalaṃ toseti kassakaṃ.
‘‘д̇ат̇звид̣̇ам̣ б̣уд̣̇д̇хакзд̇д̇ам̣, саммаасамб̣уд̣̇д̇хад̣̇зсид̇ам̣;
‘‘Tathevidaṃ buddhakhettaṃ, sammāsambuddhadesitaṃ;
саммаад̇хаарам̣ бавзжчанд̇з, палам̣ мам̣ д̇осаяиссад̇и.
Sammādhāraṃ pavecchante, phalaṃ maṃ tosayissati.
‘‘бад̇хаанабахид̇ад̇д̇омхи, убасанд̇о нируубад̇хи;
‘‘Padhānapahitattomhi, upasanto nirūpadhi;
саб̣б̣аасавз барин̃н̃ааяа, вихараами анаасаво.
Sabbāsave pariññāya, viharāmi anāsavo.
‘‘адтаарасз габбасад̇з, яам̣ гаммамагарим̣ д̇ад̣̇аа;
‘‘Aṭṭhārase kappasate, yaṃ kammamakariṃ tadā;
д̣̇уг̇г̇ад̇им̣ наабхиж̇аанаами, д̇аран̣ааяа ид̣̇ам̣ палам̣.
Duggatiṃ nābhijānāmi, taraṇāya idaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа вимуд̇д̇исукам̣ анубхаванд̇о ‘‘ахо сад̇т̇у убааяагосаллам̣, язнаахам̣ бхавабан̇гад̇о уд̣̇д̇харид̇ваа ниб̣б̣аанат̇алз бад̇идтаабид̇о’’д̇и ад̇д̇ано бахийнасам̣гилзсам̣ бадилад̣̇д̇хан̃жа сукам̣ бажжавзгкид̇ваа сан̃ж̇аад̇асоманассо уд̣̇аанавасзна –
Arahattaṃ pana patvā vimuttisukhaṃ anubhavanto ‘‘aho satthu upāyakosallaṃ, yenāhaṃ bhavapaṅkato uddharitvā nibbānathale patiṭṭhāpito’’ti attano pahīnasaṃkilesaṃ paṭiladdhañca sukhaṃ paccavekkhitvā sañjātasomanasso udānavasena –
157.
157.
‘‘аяонисо манасигаараа, ман̣д̣анам̣ ануяун̃ж̇исам̣;
‘‘Ayoniso manasikārā, maṇḍanaṃ anuyuñjisaṃ;
уд̣̇д̇хад̇о жабало жаасим̣, гаамарааг̇зна аддид̇о.
Uddhato capalo cāsiṃ, kāmarāgena aṭṭito.
158.
158.
‘‘убааяагусалзнаахам̣, б̣уд̣̇д̇хзнаад̣̇ижжаб̣анд̇хунаа;
‘‘Upāyakusalenāhaṃ, buddhenādiccabandhunā;
яонисо бадибаж̇ж̇ид̇ваа, бхавз жид̇д̇ам̣ уд̣̇аб̣б̣ахи’’нд̇и. – г̇аат̇аад̣̇ваяам̣ абхааси;
Yoniso paṭipajjitvā, bhave cittaṃ udabbahi’’nti. – gāthādvayaṃ abhāsi;
д̇ад̇т̇а аяонисо манасигаараад̇и анубааяаманасигаарад̇о асубхам̣ гааяам̣ субхад̇о манаси гарид̇ваа субхад̇о манасигаарахзд̇у, асубхам̣ гааяам̣ субхасан̃н̃ааяаад̇и ад̇т̇о. ман̣д̣ананд̇и хад̇т̇уубаг̇аад̣̇иаабхаран̣зхи жзва маалааг̇анд̇хаад̣̇ийхи жа ад̇д̇абхаавасса алан̇гаран̣ам̣. ануяун̃ж̇исанд̇и ануяун̃ж̇им̣, сарийрасса вибхуусанаббасуд̇о ахосинд̇и ад̇т̇о. уд̣̇д̇хад̇од̇и ж̇аад̇иг̇од̇д̇аруубаяоб̣б̣анамад̣̇аад̣̇ийхи уд̣̇д̇хад̇о авуубасанд̇ажид̇д̇о. жабалод̇и ванамаггадо вияа анавадтид̇ажид̇д̇ад̇ааяа лоло, гааяаман̣д̣анавад̇т̇аман̣д̣анаад̣̇ижаабаляз яуд̇д̇ад̇ааяа ваа жабало жа. аасинд̇и ахосим̣. гаамарааг̇знаад̇и вад̇т̇угаамзсу чанд̣̇арааг̇зна аддид̇о бийл̣ид̇о виб̣аад̇хид̇о аасинд̇и яож̇анаа.
Tattha ayoniso manasikārāti anupāyamanasikārato asubhaṃ kāyaṃ subhato manasi karitvā subhato manasikārahetu, asubhaṃ kāyaṃ subhasaññāyāti attho. Maṇḍananti hatthūpagādiābharaṇehi ceva mālāgandhādīhi ca attabhāvassa alaṅkaraṇaṃ. Anuyuñjisanti anuyuñjiṃ, sarīrassa vibhūsanappasuto ahosinti attho. Uddhatoti jātigottarūpayobbanamadādīhi uddhato avūpasantacitto. Capaloti vanamakkaṭo viya anavaṭṭhitacittatāya lolo, kāyamaṇḍanavatthamaṇḍanādicāpalye yuttatāya vā capalo ca. Āsinti ahosiṃ. Kāmarāgenāti vatthukāmesu chandarāgena aṭṭito pīḷito vibādhito āsinti yojanā.
убааяагусалзнаад̇и винзяяаанам̣ д̣̇амануубааяажчзгзна говид̣̇зна б̣уд̣̇д̇хзна бхаг̇авад̇аа хзд̇убхууд̇зна. хзд̇уад̇т̇з хи зд̇ам̣ гаран̣аважанам̣. балудтамаггадийд̣̇зважчараад̣̇ассанзна хи убаггид̇аваад̣̇ажод̣̇анааяа ад̇д̇ано гаамарааг̇аабанаяанам̣ санд̇хааяа вад̣̇ад̇и. бхаг̇аваа хи ааяасманд̇ам̣ нанд̣̇ад̇т̇зрам̣ батамам̣ ж̇анабад̣̇агаляаан̣им̣ убаад̣̇ааяа ‘‘яат̇ааяам̣ маггадий, звам̣ гагудабаад̣̇инияо убаад̣̇ааяа ж̇анабад̣̇агаляаан̣ий’’д̇и махад̇ияаа аан̣ияаа куд̣̇д̣̇агам̣ аан̣им̣ нийхаранд̇о чад̣д̣аго вияа, синзхабаанзна сарийрам̣ гилзд̣̇зд̇ваа ваманавирзжанзхи д̣̇осам̣ нийхаранд̇о бхисагго вияа жа гагудабаад̣̇инид̣̇ассанзна ж̇анабад̣̇агаляаан̣ияам̣ вирад̇д̇ажид̇д̇ам̣ гаарзд̇ваа буна убаггид̇аваад̣̇зна гагудабаад̣̇инийсуби жид̇д̇ам̣ вирааж̇зд̇ваа саммад̣̇зва самат̇авибассанаануяог̇зна арияамаг̇г̇з бад̇идтаабзси. д̇зна вуд̇д̇ам̣ ‘‘яонисо бадибаж̇ж̇ид̇ваа, бхавз жид̇д̇ам̣ уд̣̇аб̣б̣ахи’’нд̇и. убааязна н̃ааязна саммад̣̇зва самат̇авибассанааяа висуд̣̇д̇хибадибад̣̇ам̣ бадибаж̇ж̇ид̇ваа бхавз сам̣саарабан̇гз нимуг̇г̇ан̃жа мз жид̇д̇ам̣ арияамаг̇г̇зна хад̇т̇зна уд̇д̇аарим̣, ниб̣б̣аанат̇алз бад̇идтаабзсинд̇и ад̇т̇о.
Upāyakusalenāti vineyyānaṃ damanūpāyacchekena kovidena buddhena bhagavatā hetubhūtena. Hetuatthe hi etaṃ karaṇavacanaṃ. Paluṭṭhamakkaṭīdevaccharādassanena hi upakkitavādacodanāya attano kāmarāgāpanayanaṃ sandhāya vadati. Bhagavā hi āyasmantaṃ nandattheraṃ paṭhamaṃ janapadakalyāṇiṃ upādāya ‘‘yathāyaṃ makkaṭī, evaṃ kakuṭapādiniyo upādāya janapadakalyāṇī’’ti mahatiyā āṇiyā khuddakaṃ āṇiṃ nīharanto chaḍḍako viya, sinehapānena sarīraṃ kiledetvā vamanavirecanehi dosaṃ nīharanto bhisakko viya ca kakuṭapādinidassanena janapadakalyāṇiyaṃ virattacittaṃ kāretvā puna upakkitavādena kakuṭapādinīsupi cittaṃ virājetvā sammadeva samathavipassanānuyogena ariyamagge patiṭṭhāpesi. Tena vuttaṃ ‘‘yoniso paṭipajjitvā, bhave cittaṃ udabbahi’’nti. Upāyena ñāyena sammadeva samathavipassanāya visuddhipaṭipadaṃ paṭipajjitvā bhave saṃsārapaṅke nimuggañca me cittaṃ ariyamaggena hatthena uttāriṃ, nibbānathale patiṭṭhāpesinti attho.
имам̣ уд̣̇аанам̣ уд̣̇аанзд̇ваа т̇зро бунад̣̇ивасз бхаг̇аванд̇ам̣ убасан̇гамид̇ваа звамааха – ‘‘яам̣ мз, бханд̇з, бхаг̇аваа баадибхог̇о бан̃жаннам̣ ажчараасад̇аанам̣ бадилаабхааяа гагудабаад̣̇аанам̣, мун̃жаамахам̣, бханд̇з, бхаг̇аванд̇ам̣ зд̇асмаа бадиссаваа’’д̇и (уд̣̇аа. 22). бхаг̇авааби, ‘‘яад̣̇зва ко д̇з, нанд̣̇а, анубаад̣̇ааяа аасавзхи жид̇д̇ам̣ вимуд̇д̇ам̣, ат̇аахам̣ муд̇д̇о зд̇асмаа бадиссаваа’’д̇и (уд̣̇аа. 22) ааха. ат̇асса бхаг̇аваа сависзсам̣ инд̣̇риязсу г̇уд̇д̇ад̣̇ваарад̇ам̣ н̃ад̇ваа д̇ам̣ г̇ун̣ам̣ вибхаавзнд̇о, ‘‘зд̇ад̣̇аг̇г̇ам̣, бхигкавз, мама саавагаанам̣ бхигкуунам̣ инд̣̇риязсу г̇уд̇д̇ад̣̇ваараанам̣ яад̣̇ид̣̇ам̣ нанд̣̇о’’д̇и (а. ни. 1.219, 230) инд̣̇риязсу г̇уд̇д̇ад̣̇ваарабхаавзна аг̇г̇адтаанз табзси. т̇зро хи ‘‘яамзваахам̣ инд̣̇рияаанам̣ асам̣варам̣ ниссааяа имам̣ виббагаарам̣ бад̇д̇о, д̇амзваахам̣ судту ниг̇г̇ахзссаамий’’д̇и уссаахаж̇аад̇о б̣алавахирод̇д̇аббо д̇ад̇т̇а жа гад̇аад̇хигаарад̇д̇аа инд̣̇рияасам̣варз уггам̣сабаарамим̣ аг̇амаасийд̇и.
Imaṃ udānaṃ udānetvā thero punadivase bhagavantaṃ upasaṅkamitvā evamāha – ‘‘yaṃ me, bhante, bhagavā pāṭibhogo pañcannaṃ accharāsatānaṃ paṭilābhāya kakuṭapādānaṃ, muñcāmahaṃ, bhante, bhagavantaṃ etasmā paṭissavā’’ti (udā. 22). Bhagavāpi, ‘‘yadeva kho te, nanda, anupādāya āsavehi cittaṃ vimuttaṃ, athāhaṃ mutto etasmā paṭissavā’’ti (udā. 22) āha. Athassa bhagavā savisesaṃ indriyesu guttadvārataṃ ñatvā taṃ guṇaṃ vibhāvento, ‘‘etadaggaṃ, bhikkhave, mama sāvakānaṃ bhikkhūnaṃ indriyesu guttadvārānaṃ yadidaṃ nando’’ti (a. ni. 1.219, 230) indriyesu guttadvārabhāvena aggaṭṭhāne ṭhapesi. Thero hi ‘‘yamevāhaṃ indriyānaṃ asaṃvaraṃ nissāya imaṃ vippakāraṃ patto, tamevāhaṃ suṭṭhu niggahessāmī’’ti ussāhajāto balavahirottappo tattha ca katādhikārattā indriyasaṃvare ukkaṃsapāramiṃ agamāsīti.
нанд̣̇ад̇т̇зраг̇аат̇ааван̣н̣анаа нидтид̇аа.
Nandattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 9. нанд̣̇ад̇т̇зраг̇аат̇аа • 9. Nandattheragāthā
