| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৯-১০. নন্দিক্খযসুত্তাদিৰণ্ণনা
9-10. Nandikkhayasuttādivaṇṇanā
৫১-৫২. নৰমদসমেসূতি সুত্তদ্ৰযং সহেৰ উদ্ধটং, দ্ৰীসুপি অত্থৰণ্ণনায সরিক্খভাৰতো। নন্দনট্ঠেন নন্দী, রঞ্জনট্ঠেন রাগো। সতিপি সদ্দত্থতো ভেদে ‘‘ইমেসং অত্থতো নিন্নানাকরণতাযা’’তি ৰত্ৰাপি পহাযকধম্মভেদেন পন লব্ভতেৰ ভেদমত্তাতি দস্সেতুং ‘‘নিব্বিদানুপস্সনায ৰা’’তিআদি ৰুত্তং। ৰিরজ্জন্তো রাগং পজহতীতি সম্বন্ধো। এত্তাৰতাতি ‘‘নন্দিক্খযা রাগক্খযো’’তি এত্তাৰতা। ৰিপস্সনং নিট্ঠপেত্ৰা ৰিপস্সনাকিচ্চস্স পরিযোসানেন। রাগক্খযাতি ৰুট্ঠানগামিনিপরিযোসানায ৰিপস্সনায রাগস্স খেপিতত্তা। অনন্তরং উপ্পন্নেন অরিযমগ্গেন সমুচ্ছেদৰসেন নন্দিক্খযোতি। তেনাহ ‘‘ইধ মগ্গং দস্সেত্ৰা’’তি। অনন্তরং পন উপ্পন্নেন অরিযফলেন পটিপস্সদ্ধিৰসেন নন্দিরাগক্খযা সব্বং সংকিলেসতো চিত্তং ৰিমুচ্চতীতি। তেনাহ ‘‘ফলং দস্সিত’’ন্তি।
51-52.Navamadasamesūti suttadvayaṃ saheva uddhaṭaṃ, dvīsupi atthavaṇṇanāya sarikkhabhāvato. Nandanaṭṭhena nandī, rañjanaṭṭhena rāgo. Satipi saddatthato bhede ‘‘imesaṃ atthato ninnānākaraṇatāyā’’ti vatvāpi pahāyakadhammabhedena pana labbhateva bhedamattāti dassetuṃ ‘‘nibbidānupassanāya vā’’tiādi vuttaṃ. Virajjanto rāgaṃ pajahatīti sambandho. Ettāvatāti ‘‘nandikkhayā rāgakkhayo’’ti ettāvatā. Vipassanaṃ niṭṭhapetvā vipassanākiccassa pariyosānena. Rāgakkhayāti vuṭṭhānagāminipariyosānāya vipassanāya rāgassa khepitattā. Anantaraṃ uppannena ariyamaggena samucchedavasena nandikkhayoti. Tenāha ‘‘idha maggaṃ dassetvā’’ti. Anantaraṃ pana uppannena ariyaphalena paṭipassaddhivasena nandirāgakkhayā sabbaṃ saṃkilesato cittaṃ vimuccatīti. Tenāha ‘‘phalaṃ dassita’’nti.
নন্দিক্খযসুত্তাদিৰণ্ণনা নিট্ঠিতা।
Nandikkhayasuttādivaṇṇanā niṭṭhitā.
অত্তদীপৰগ্গৰণ্ণনা নিট্ঠিতা।
Attadīpavaggavaṇṇanā niṭṭhitā.
মূলপণ্ণাসকো সমত্তো।
Mūlapaṇṇāsako samatto.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya
৯. নন্দিক্খযসুত্তং • 9. Nandikkhayasuttaṃ
১০. দুতিযনন্দিক্খযসুত্তং • 10. Dutiyanandikkhayasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৯-১০. নন্দিক্খযসুত্তাদিৰণ্ণনা • 9-10. Nandikkhayasuttādivaṇṇanā
